23
May
আন্তঃৰাষ্ট্ৰীয় জৈৱ বৈচিত্ৰ্য দিৱস উপলক্ষে মহানগৰীৰ আগশাৰীৰ শিক্ষানুষ্ঠান চাই বিকাশ বিদ্যা নিকেতনৰ উদ্যোগত এক বিশেষ কাৰ্যসূচী অনুস্থিত হয়।ব্যতিক্ৰমী ৰূপেৰে দীপৰ বিলৰ পাৰত অনুষ্ঠিত এই কাৰ্যসূচীত মূকাভিনয়ৰে জৈৱ বৈচিত্ৰৰ প্ৰয়োজনীয়তা সম্পৰ্কে উপস্থাপন কৰা হয়। জৈৱ বৈচিত্ৰত জলাশয়ৰ প্ৰয়োজনীয়তাৰ প্ৰতি লক্ষ্য ৰাখি শিক্ষানুষ্ঠানখনৰ ছাত্ৰ ছাত্ৰী সকলে দীপৰ বিলত এই বিশেষ মূকাভিনয় প্ৰদৰ্শন কৰে। এই অনুষ্ঠানত বিশিষ্ট সমাজ কৰ্মী প্ৰমোদ কলিতাৰ লগতে ৰেঞ্জাৰ ধনেশ্বৰ দলৈ সমল ব্যক্তি হিচাপে উপস্থিত থকাৰ লগতে শিক্ষানুষ্ঠান খনৰ পৰিচালন সঞ্চালক শ্রী নিবাস ৰেদ্দী আৰু একাডেমিক ডীন ড৹ মনোজ কুমাৰ চৌধুৰী উপস্থিত থাকে। দীপৰ বিলক লৈ ৰচিত এই মূকাভিনয়ৰ ৰচনা আৰু পৰিচালনা যুৱ শিল্পী প্ৰতিভা বঁটা প্ৰাপক মিনাংক ডেকাৰ।
