tarali

অৰুণাচল প্ৰদেশৰ মীনপালন খণ্ডক শক্তিশালী কৰাৰ দিশত এক বৃহৎ পদক্ষেপ গ্ৰহণ কৰিছে। মীনপালন বিভাগে শ্বি-ইয়মি জিলাৰ মেচুকাৰ প্ৰিমিয়াম ৰেইনব’ ট্ৰাউট বজাৰলৈ নিবৰ বাবে এটা ৰেফ্ৰিজাৰেটেড পৰিবহণ সেৱা আৰম্ভ কৰিছে। মীনপালন মন্ত্ৰী গেব্ৰিয়েল ডি. ৱাংছুৱে প্ৰায় ৩০০ কেজি অৰ্থাৎ ৩ কুইণ্টল ৰেইনব’ ট্ৰাউট লৈ যোৱা প্ৰথমখন ৰেফ্ৰিজাৰেটেড বাহনক আালো, পাছিঘাট আৰু ইটানগৰৰ বজাৰৰ বাবে ফ্লেগ অফ কৰে। এই অনুষ্ঠানত শিক্ষা মন্ত্ৰী পি.ডি. সোণা, জ্যেষ্ঠ চৰকাৰী বিষয়া, ৰাজহুৱা প্ৰতিনিধি আৰু স্থানীয় মাছ খেতিয়কসকলো উপস্থিত আছিল। এই আঁচনিৰ উদ্দেশ্য হৈছে ক’ল্ড-চেইন লজিষ্টিক্স উন্নত কৰা, উৎপাদনৰ পিছত হোৱা লোকচান কমোৱা আৰু দুৰ্গম হিমালয় অঞ্চলৰ উচ্চমানৰ ট্ৰাউট গ্ৰাহকৰ হাতলৈ সতেজ অৱস্থাত পাই দিয়া। চৰকাৰে বিশ্বাস…

ধাৰাবাহিক চোৰাংচোৱা তথ্যভিত্তিক অভিযান চলাই অসম ৰাইফেলছৰ জোৱানে মণিপুৰত নিষিদ্ধ ঘোষিত বিদ্ৰোহী সংগঠনৰ সাতজন কেডাৰক আটক কৰে।ভাৰত-ম্যানমাৰ সীমান্তৰ লগতে চান্দেল, টেংনৌপাল আৰু কাকচিং জিলাত চলোৱা এই অভিযানত এটা এ কে-৪৭ ৰাইফল, দুটা ম'ল'টভ ককটেইল আৰু পাঁচ জাই .২২ এমুনিচনৰ জীৱন্ত গুলি উদ্ধাৰ কৰা হয়। আটক কৰা আটাইকেইজন কেডাৰ আৰু উদ্ধাৰ হোৱা সামগ্ৰীসমূহ পৰৱৰ্তী আইনী প্ৰক্ৰিয়াৰ বাবে সংশ্লিষ্ট আৰক্ষী থানাত হস্তান্তৰ কৰা হয়। এই সফল অভিযানে মণিপুৰত নিৰাপত্তা আৰু শান্তি বজায় ৰখাৰ ক্ষেত্ৰত অসম ৰাইফেলছৰ প্ৰতিশ্ৰুতিক পুনৰ প্ৰমাণ কৰিলে।আন এক অভিযানত আবকাৰী আৰু মাদক দ্ৰব্য নিয়ন্ত্ৰণ বিভাগৰ সৈতে যুটীয়াভাৱে চলোৱা অভিযানত অসম ৰাইফেলছৰ জোৱানে দেওবাৰে মিজোৰামৰ ছিয়াহা জিলাৰ ছিয়াছি গাঁৱৰ পৰা…

ভাৰতীয় প্ৰযুক্তি প্ৰতিষ্ঠান, আই আই টি গুৱাহাটীৰ তৃতীয় বৰ্ষৰ এজন বি-টেক ছাত্ৰ মৃতদেহ দেওবাৰে আবেলি প্ৰতিষ্ঠানটোৰ একাডেমিক কমপ্লেক্সৰ ভিতৰত উদ্ধাৰ কৰা হৈছে। এই ঘটনাটো আত্মহত্যা বুলি সন্দেহ কৰা হৈছে। আৰক্ষীয়ে তদন্ত আৰম্ভ কৰিছে, আৰু মৃত্যুৰ প্ৰকৃত কাৰণ মৰণোত্তৰ পৰীক্ষাৰ পাছতহে নিশ্চিত হ'ব। আনুমানিক আবেলি ২.৩০ বজাত এই ঘটনাটো সংঘটিত হয়, যেতিয়া ছাত্ৰজনে প্ৰতিষ্ঠানটোৰ একাডেমিক ভৱনৰ পঞ্চম মহলাৰ পৰা পৰি যায় বুলি অভিযোগ উঠিছে। নিহত ছাত্ৰজনক কম্পিউটাৰ ছায়েন্স এণ্ড ইঞ্জিনিয়াৰিং বিভাগৰ তৃতীয় বৰ্ষৰ বি-টেক ছাত্ৰ ৰিতেশ ৰাজ সিং বুলি চিনাক্ত কৰা হৈছে। তেওঁ ব্ৰহ্মপুত্ৰ হোষ্টেলৰ আবাসিক আছিল। সূত্ৰৰ মতে, সিং এজন অত্যন্ত মেধাৱী ছাত্ৰ আছিল আৰু তেওঁৰ শিক্ষাগত ফলাফল অতি ভাল…

শনিবাৰে আবেলি চিক্কিমৰ ৰাৱাংলা মহকুমাৰ অধীনস্থ বৰ্মেলি দলঙৰ ওচৰত হঠাতে হোৱা ভূমিস্খলনত দুজন লোকৰ মৃত্যু হয় আৰু চাৰিজন আহত হয়। নিহত দুজনক ফামটাম জিপিইউৰ লাল বীৰ ৰাই বৰং আৰু বৰ্মেলি ৱাৰ্ডৰ মান বাহাদুৰ গুৰুং বুলি চিনাক্ত কৰা হৈছে। চৰকাৰী তথ্য অনুসৰি, সদা গাঁও আৰু ফামটাম গাঁও সংযোগী পথটো ভূমিস্খলনত বন্ধ হৈ পৰাৰ পাছত সেই পথ পৰিষ্কাৰ কৰাত নিয়োজিত দলটোৰ অংশ আছিল ভুক্তভোগীসকল। সেই সময়তে আকৌ এটা ভূমিস্খলন সংঘটিত হৈ শ্ৰমিকসকলক আৱদ্ধ কৰি পেলায়। আহত মোহন বাহাদুৰ ছেত্ৰী আৰু ছোনম ৱাংডি ভুটিয়াক তৎক্ষণাত চিকিৎসাৰ বাবে চিকিৎসালয়লৈ স্থানান্তৰ কৰা হয়। ঘটনাৰ পাছত ভাৰতীয় সেনা, এছ ডি আৰ এফ, আৰক্ষী, অগ্নি নিৰ্বাপক বাহিনী…

ৰবিবাৰে পশ্চিম কামেং জিলাৰ ৰূপাত অনুষ্ঠিত কাৰ্গিল বিজয় দিৱসৰ উদযাপনত অৰুণাচল প্ৰদেশৰ ৰাজ্যপাল লেফটেনেণ্ট জেনেৰেল (অৱসৰপ্ৰাপ্ত) কে.টি. পাৰনাইকে অংশগ্ৰহণ কৰে। ৰাজ্যপালে ৫ মাউণ্টেন ডিভিজনৰ যুদ্ধ স্মৃতিসৌধত পুষ্পমাল্য অৰ্পণ কৰি কাৰ্গিল যুদ্ধৰ সময়ত ভাৰতীয় সশস্ত্ৰ বাহিনীৰ বীৰ জোৱানসকলৰ অতুলনীয় সাহস আৰু সৰ্বোচ্চ ত্যাগক শ্ৰদ্ধা জনায়।লগতে যুদ্ধত অংশগ্ৰহণ কৰা বিষয়া আৰু জুনিয়ৰ কমিছনড বিষয়াসকলৰ সৈতেও তেওঁ মত বিনিময় কৰে। সৈনিকসকলক উদ্দেশ্যি ভাষণত ৰাজ্যপালে কয় যে কাৰ্গিল বিজয় দিৱসে ১৯ চনৰ কাৰ্গিল যুদ্ধত ভাৰতৰ ঐতিহাসিক বিজয়ক স্মৰণ কৰে। এই যুদ্ধ ৮৩ দিন ধৰি বিশ্বৰ আটাইতকৈ প্ৰত্যাহ্বানপূৰ্ণ উচ্চ-উচ্চতাৰ যুদ্ধক্ষেত্ৰত সংঘটিত হৈছিল।চৰম বতৰ, দুৰ্গম ভূ-প্ৰকৃতি আৰু শত্ৰুৰ কৌশলগত উচ্চ স্থান দখলৰ মাজতো ভাৰতীয় সশস্ত্ৰ বাহিনীয়ে…

প্ৰস্তাৱিত বিদেশী অনুদান (নিয়ন্ত্ৰণ) সংশোধনী বিধেয়ক, ২০২৬-ত সংশোধনী বিচাৰি কেন্দ্ৰৰ ওচৰ চাপিবলৈ মিজোৰাম চৰকাৰ আৰু ৰাজ্যৰ আগশাৰীৰ গীৰ্জা সংগঠনসমূহে যৌথভাৱে সিদ্ধান্ত লৈছে। তেওঁলোকে কৈছে যে বৰ্তমানৰ ৰূপত এই আইন গ্ৰহণযোগ্য নহয়। শনিবাৰে মুখ্যমন্ত্ৰী লালদুহোমা আৰু মিজোৰাম কোহৰান হ্ৰুয়াইতুতে কমিটি (MKHC) আৰু মিজোৰামৰ গীৰ্জা পৰিষদ (CCM)ৰ প্ৰতিনিধিসকলৰ মাজত মুখ্যমন্ত্ৰীৰ চৰকাৰী বাসভৱনত অনুষ্ঠিত এখন বৈঠকত এই সিদ্ধান্ত লোৱা হয়। বৈঠকত অংশগ্ৰহণকাৰীসকলে বিদেশী অনুদান (নিয়ন্ত্ৰণ) আইন (FCRA)ৰ প্ৰস্তাৱিত সংশোধনীসমূহ পৰ্যালোচনা কৰে আৰু বিধেয়কখনৰ কেইবাটাও দফাৰ ওপৰত একমতভাৱে উদ্বেগ প্ৰকাশ কৰে। তেওঁলোকে একমত হয় যে বৰ্তমানৰ ৰূপত প্ৰস্তাৱিত আইনখনে ৰাজ্য আৰু ইয়াৰ প্ৰতিষ্ঠানসমূহৰ স্বাৰ্থত বিৰূপ প্ৰভাৱ পেলাব পাৰে। বৈঠকত সিদ্ধান্ত লোৱা হয় যে মিজোৰাম…

ছাত্ৰ-পৰীক্ষাৰ প্ৰশ্নকাকত ফাদিল আৰু শিক্ষা ব্যৱস্থাত স্বচ্ছতাৰ অভাৱক লৈ দিল্লীত হোৱা প্ৰতিবাদত দিল্লী আৰক্ষীৰ কথিত বলপ্ৰয়োগক মেঘালয়ৰ বিভিন্ন ছাত্ৰ সংগঠনে তীব্ৰ নিন্দা জনাইছে। লগতে দেশজোৰা শিক্ষা ব্যৱস্থাত অধিক স্বচ্ছতা আৰু জবাবদিহিতাৰ দাবীত চলি থকা আন্দোলনকো তেওঁলোকে সমৰ্থন আগবঢ়াইছে।North East Students' Organisation (NESO) এ ২০ জুলাইত নতুন দিল্লীত হোৱা প্ৰতিবাদৰ সময়ত আৰক্ষীয়ে লাঠি, চকু-লোৰা গেছ আৰু চিভিল ড্ৰেছৰ কৰ্মী ব্যৱহাৰ কৰাটোক শান্তিপূৰ্ণ প্ৰতিবাদৰ ওপৰত অত্যধিক বলপ্ৰয়োগ বুলি অভিহিত কৰিছে।NESO ৰ অধ্যক্ষ ছেমুৱেল বি. জিৰৱাই কয় যে এই ঘটনাই গণতান্ত্ৰিক মূল্যবোধ আৰু নাগৰিকৰ শান্তিপূৰ্ণভাৱে মতামত প্ৰকাশৰ সাংবিধানিক অধিকাৰ বাবে ডাঙৰ প্ৰত্যাহ্বান। তেওঁ কেন্দ্ৰ চৰকাৰক দমননীতিৰ পৰিৱৰ্তে আলোচনাৰ জৰিয়তে ছাত্ৰ সমস্যা সমাধান কৰিবলৈ…

ভাৰতীয় তাৰকা বক্সাৰ তথা টকিঅ’ অলিম্পিকৰ ব্ৰঞ্জ বিজয়ী লাভলিনা বৰগোহাঁইয়ে ২০২৬ চনৰ কমনৱেলথ গেমছৰ উদ্বোধনী অনুষ্ঠানৰ পূৰ্বেই ভাৰতৰ বাবে প্ৰথমটো পদক নিশ্চিত কৰিছে। লাভলিনাই মহিলাৰ ৭৫ কেজি ওজন শ্ৰেণীত প্ৰতিযোগিতাত অৱতীৰ্ণ হৈছে। মাত্ৰ ৫ গৰাকী বক্সাৰ থকা খেলৰ তালিকাত প্ৰথম ৰাউণ্ডত 'বাই' লাভ কৰাৰ ফলত তেওঁ পোনে পোনে ছেমি ফাইনেলত প্ৰৱেশ কৰে। বক্সিং প্ৰতিযোগিতাত ছেমি ফাইনেলত প্ৰৱেশ কৰাৰ লগে লগে অন্ততঃ ব্ৰঞ্জৰ পদক নিশ্চিত হৈ পৰে। টকিঅ’ অলিম্পিকত ব্ৰঞ্জৰ পদক জয় কৰা অসম জীয়াৰী লাভলিনাৰ এই সাফল্যই সমগ্ৰ দেশবাসীৰ লগতে অসমবাসীলৈ গৌৰৱ কঢ়িয়াই আনিছে। উল্লেখ্য যে ৭৫ কেজি ওজন শ্ৰেণীত অৱতীৰ্ণ হোৱা অলিম্পিক পদক বিজয়ী তাৰকা বক্সাৰ লাভলিনা বৰগোহাঁইৰ প্ৰথমটো…

ভাৰতীয় ক্ৰিকেট নিয়ন্ত্ৰণ ব'ৰ্ডে ২০২৬-২৭ বৰ্ষৰ ঘৰুৱা ক্ৰিকেট ছিজনৰ বাবে খেলৰ কেইবাটাও গুৰুত্বপূৰ্ণ নিয়ম সলনি কৰিছে। খেলখন অধিক নিকা, শৃংখলাবদ্ধ আৰু আকৰ্ষণীয় কৰি তোলাৰ উদ্দেশ্যৰে মেৰিলেব'ন ক্ৰিকেট ক্লাৱৰ পৰামৰ্শ অনুসৰি এই নতুন নিয়মসমূহ প্ৰস্তুত কৰা হৈছে। কোনো বলৰে যদি ইচ্ছাকৃতভাৱে ফ্ৰন্ট-ফুট নো-বল বা পিটচত নপৰা বল কৰে, তেন্তে তেওঁক সমগ্ৰ মেচখনৰ বাবেই নিলম্বিত কৰা হ’ব। আগতে কেৱল সেইটো ইনিংছৰ বাবেহে নিলম্বন কৰা হৈছিল। মেচৰ অন্তিম ইনিংছত কোনো দলে নিজৰ ইনিংছ সমাপ্ত ঘোষণা বা পৰিত্যাগ কৰিব নোৱাৰিব। এদিনীয়া মেচৰ ‘ড্ৰিংকছ ব্ৰেক’ৰ সময়ত মুখ্য প্ৰশিক্ষক খেলপথাৰলৈ যাব পাৰিব। অহা মাহৰ পৰা ডলিপ ট্ৰফীৰ জৰিয়তে আৰম্ভ হ’বলগীয়া নতুন ছিজনৰ পৰাই এই নিয়মসমূহ কাৰ্যকৰী…