Sonakshi Sarkar

ফ্ৰান্সে পেনাল্টি শ্বুটআউটত পৰ্তুগালক ৫-৩ গ'লত পৰাস্ত কৰি ইউৰোপিয়ান ফুটবল চেম্পিয়নশ্বিপৰ (ইউৰো ২০২৪) ছেমি ফাইনেলত উপনীত হয় আৰু ক্ৰিষ্টিয়ানো ৰোনাল্ডোৰ খিতাপৰ সৈতে প্ৰতিযোগিতাখনক বিদায় দিয়াৰ স্বপ্ন ভংগ হয়। খেলখনক ৰোনাল্ডো বনাম কেলিয়ান এমবাপেৰ মাজত যুদ্ধ হিচাপে দেখা গৈছিল। দুয়োটা দলে ইজনে আনজনক এটা কঠিন প্ৰত্যাহ্বান দিছিল কিন্তু কোনো দলে অতিৰিক্ত সময়ৰ বাবেও এটা গ'ল কৰিব নোৱাৰিলে। ইয়াৰ পিছত, পেনাল্টি শ্বুটআউটৰ আশ্ৰয় লোৱা হয়, য'ত পৰ্তুগালৰ জোয়াও ফেলিক্সৰ শ্বটটো গ'ল পোষ্টৰ সৈতে সংঘৰ্ষ হয়। ইয়াৰ পিছত থিঅ হাৰ্নান্দেজে নিৰ্ণায়ক কিকটো গ'ললৈ ৰূপান্তৰ কৰে আৰু ফ্ৰান্সক ছেমি ফাইনেললৈ প্ৰেৰণ কৰে। ফ্ৰান্সে ইউৰো ২০২১ ৰ অন্তিম ১৬ ত আৰু বিশ্বকাপ ২০২২ৰ ফাইনেলত পেনাল্টি…

সুগন্ধি পখিলাৰ কবি হীৰেন ভট্টাচাৰ্যৰ দ্বাদশ মৃত্যু বাৰ্ষিকী উপলক্ষে আয়োজিত অনুষ্ঠানটোত আধুনিক অসমীয়া সাহিত্যৰ স্বনামধন্য কবিগৰাকীৰ  কাব্যকৃতি আৰু জীৱন-দৰ্শন সম্পৰ্কত আলোকপাত কৰি কবিগৰাকীলৈ  শ্ৰদ্ধাঞ্জলি জ্ঞাপন কৰে। দৌলাশাল হাইস্কুলৰ নৱনিৰ্মিত পুথিভঁৰালত অনুষ্ঠিত অনুষ্ঠানটোত সভাপতিত্ব কৰে গোষ্ঠীটোৰ কেন্দ্ৰীয় সভাপতি লীলাধৰ পাঠকে। বিৰিণা গোষ্ঠী, অসমৰ সম্পাদক তফিকুৰ ৰহমানে উদ্দেশ্য ব্যাখ্যা কৰা অনুষ্ঠানটোৰ আঁত ধৰে সহকাৰী সম্পাদক জয়ন্ত ডেকা আৰু সুৰজিৎ পাঠকে । নলবাৰী আৰু বৰপেটা জিলাৰ অৰ্ধ শতাধিক সদস্য উপস্থিত থকা অনুষ্ঠানটোত ভাষা আন্দোলনৰ প্ৰথমজন শ্বহীদ ৰঞ্জিৎ বৰপূজাৰীকো স্মৰণ কৰি দুয়োগৰাকী পুণ্যাত্মাৰ চিৰশান্তিৰ বাবে এক মিনিট সময় মৌন প্ৰাৰ্থনা কৰা হয়। অনুষ্ঠানটোৰ বন্তি জ্বলাই দৌলাশাল উন্নতি সাধিনী সভাৰ সভাপতি তথা অৱসৰপ্ৰাপ্ত শিক্ষক গুৰুচৰণ…

ডক্ৰেশ্বৰ পাজাৰভাংগাত নৱ নিৰ্মিত মথাউৰিয়েদি ব্ৰহ্মপুত্ৰৰ পানী নিগৰি বৃহত্তৰ ভোগেৰপাৰ, ডক্ৰেশ্বৰ আদি খিলঞ্জীয়া ৰাইজৰ বিগত তিনি চাৰিদিন ধৰি টোপনি হৰণ কৰা বিষয়টোৱে সমগ্ৰ বৰপেটা অঞ্চলৰ ৰাইজৰ মাজত এক আতংকই বিৰাজ কৰিছে। মথাউৰিটোৰ পানী নিগৰি অহা অংশখিনি যোৱা দুদিন ধৰি বাহ, বস্তা আদি দি অঞ্চলটোৰ ৰাইজ আৰু বিভাগীয় কতৃপক্ষই মেৰামতিৰ কাম অব্যাহত ৰখাৰ চেষ্টা কৰিছে যদিও বৃহত্তৰ অঞ্চলটোৰ ৰাইজে শংকামুক্ত হ'ব পৰা নাই। লক্ষনীয়ভাৱে মথাউৰিটোৰে পানী নিগৰি চিঙি গ'লে তাৰ পৰা এশ মিটাৰ দূৰত্বৰ ৰজাদিনীয়া ডক্ৰেশ্বৰ দেৱালয়ৰ প্ৰতিও তীব্ৰ ভাবুকি কঢ়িওৱা পৰিলক্ষিত হোৱা দেখা গৈছে।এনে অৱস্থা প্ৰত্যক্ষ কৰি বুজ ল'বলৈ যায় বৰপেটা জিলা ছাত্ৰ সন্থাৰ এটা সজাতি দলে । আছু নেতা…

বৰপেটা জিলাৰ জনীয়াস্থিত ৰাষ্ট্ৰীয় বঁটা প্ৰাপক অগ্ৰণী বেচৰকাৰী সংস্থা আঞ্চলিক গ্ৰামোন্নয়ন পৰিষদৰ উদ্যোগত কাদং  গাওঁৰ খহনীয়াগ্ৰস্ত দৰিদ্ৰ পৰিয়ালৰ মাজত সাহায্য বিতৰণ কৰা হয়। বাঘবৰ ৰাজহ চক্ৰৰ অন্তৰ্গত কাদংৰ বেঁকী নৈৰ বিধ্বংসী গৰাখহনীয়াগ্ৰস্ত বিশটা দুৰ্ভোগীয়া পৰিয়ালৰ মাজত  তিৰপাল , পাটি , পানী ৰখা পাত্ৰ আদি সামগ্ৰী জৰুৰীকালীন ভাবে  বিতৰণ কৰা হয়। উক্ত বিতৰণী কাৰ্যসূচীত ক্ৰমে জনিয়া আঞ্চলিক গ্ৰামোন্নয়ন পৰিষদৰ মুখ্য সম্পাদক আব্দুল মালিক, জনিয়া আঞ্চলিক গ্ৰামোন্নয়ন পৰিষদৰ সমন্বয়ক ৰফিকুল ইছলাম, সমাজকৰ্মী নুৰুল হক, আসাম টকছৰ সাংবাদিক লুতফৰ ৰহমানকে আদি কৰি ভালেসংখ্যক মান্যবৰ ব্যক্তি উপস্থিত থাকে। উল্লেখযোগ্য যে ভুক্তভোগীয়ে নৈৰ খহনীয়াৰ কৰাল গ্ৰাসত পৰি নিজৰ সপোনৰ ঘৰ ভেটি, কৃষি ভূমি হেৰুৱাই নিজৰ…

নিশা নৃশংস হত্যাৰ বলি হোৱা ভৱানীপুৰ আৰক্ষী চকীৰ অন্তৰ্গত ধুমাৰকুৰৰ যুৱ ব্যৱসায়ী ইব্ৰাহিম আলীৰ হত্যাৰে জড়িত ৬ গৰাকীকৈ হত্যাকাৰীক অৱশেষত বজালী আৰক্ষীয়ে গুৱাহাটীৰ পল্টনবজাৰৰ লাখটকীয়াত এখন হোটেলত আত্মগোপন কৰি থকা অৱস্থাৰ পৰাই কৰায়ত্ত কৰিবলৈ সক্ষম হয়।ঘটনাৰ পিছতেই বজালী জিলা ব্লক কংগ্ৰেছৰ পক্ষৰ পৰা সৰুক্ষেত্ৰী সমষ্টিৰ বিধায়ক জাকিৰ হুছেইন শিকদাৰ আৰু বৰপেটা সমষ্টিৰ বিধায়ক বজালী আব্দুল ৰহিম আহমেদ আৰু বিভিন্ন কংগ্ৰেছ নেতা-কৰ্মীৰ উপস্থিতিত কংগ্ৰেছৰ সঁজাতি দলটোৱে বজালী জিলা জিলা আয়ুক্ত আৰু বজালী জিলা আৰক্ষী অধীক্ষকৰ জৰিয়তে ঘটনাৰ ক্ষীপ্ৰ আৰু উচিত তদন্তৰ লগতে হত্যাকাৰীক কৰায়ত্ত কৰাৰ দাবীত বজালী জিলা আয়ুক্ত আৰু আৰক্ষী অধীক্ষকৰ ওচৰত বেলেগে বেলেগে দুখনকৈ স্মাৰক পত্ৰ প্ৰদান কৰিছিল। তদুপৰি…

পিনাক' অপেছাদাৰী নাট্য গোষ্ঠীৰ বৰপেটাৰ নাট্য ক্ষেত্ৰৰ বাবে এক বলিষ্ঠ নাম । শিশু নাট্য জগতত 'পিনাক'ৰ অৰিহণা চকুতলগা । শিশু নাট কৰ্মশালা, শিশু নাট প্ৰতিযোগিতা, শিশু নাট প্ৰদৰ্শনৰ উপৰিও নাট্য সংগঠনটোৰ উদ্যোগত বহু কেইখন বিখ্যাত নাটৰ প্ৰদৰ্শন সকলোৱে  প্ৰত্যক্ষ কৰিছে।এদল সুশৃংখল আৰু সুনিপুণ নাট্য কৰ্মীৰ উপৰিও আগ্ৰহী নাট্য সংগঠক 'পিনাক'ৰ ভিতৰ চ'ৰাত মজুত আছে । মুঠতে 'পিনাক' বৰপেটাৰ নাট্য ক্ষেত্ৰৰ এটা উজ্জ্বল নক্ষত্ৰ । মুঠ কথা, 'পিনাক'ৰ নাট্য যাত্ৰা অবিৰত অব্যাহত আছে । অসম চৰকাৰৰ উদ্যোগত তথা 'পিনাক', বৰপেটাৰ সহযোগত অহা ১৭ জুলাইৰ পৰা ৩১ জুলাইলৈকে বৰপেটাত গ্ৰীষ্মকালীন নাট কৰ্মশালা অনুষ্ঠিত হ'ব । স্থানীয় জিলা পুথিভঁৰাল প্ৰেক্ষাগৃহত অনুষ্ঠিতব্য এই নাট…

All India Police Control Board'ৰ উদ্যোগত গুৱাহাটীৰ কৰ্মবীৰ নৱীন চন্দ্ৰ বৰদলৈ ইন্দৰ ষ্টেডিয়ামত বিগত ২৪-৩০ জুনত সাতদিনীয়াকৈ অনুষ্ঠিত All India Police Judocluester Games'ত  উকা, বৰপেটা কাৰাটে একাডেমীৰ প্ৰশিক্ষক হাছমৎ আলীয়ে খেল পৰিচালনাৰ বাবে আমন্ত্ৰিত টেকনিকেল অফিচিয়েল হিচাপে বিশেষ প্ৰমাণ পত্ৰ লাভ কৰিবলৈ সক্ষম হয়। লক্ষনীয়ভাৱে বিশ্ব কাৰাটে ফেডাৰেশ্যন চমুকৈ WKF আৰু এছিয়ান কাৰাটে ফেডাৰেশ্যন চমুকৈ AKF'ৰ দ্বাৰা স্বীকৃত দেশৰ কুৰি গৰাকীক খেল পৰিচালনাৰ বাবে নিযুক্ত টেকনিকেল অফিচিয়েলে সুকলমে খেল পৰিচালনা কৰাৰ বাবে বিশেষ প্ৰমাণ পত্ৰ আগবঢ়োৱা হয়।  উল্লেখ্য যে, ইয়াৰে কুড়ি গৰাকীৰ ভিতৰত অসমৰ দুগৰাকী টেকনিকেল অফিচিয়েলো আছে আৰু তাৰে এগৰাকী হৈছে বৰপেটাৰ হাছমৎ আলী।আনহাতে আমন্ত্ৰিত অসমৰ আন গৰাকী টেকনিকেল…

বৃহৎ বাজেট আৰু মেগা ষ্টাৰ কাষ্টৰ সৈতে 'কল্কি ২৮৯৮ এডি' বোলছবিখনে দৰ্শকৰ হৃদয় জয় কৰিছে। চলচ্চিত্ৰখনৰ শক্তিশালী কাহিনীৰ পৰা ভিএফএক্স আৰু তাৰকা কলাকুশলীসকলৰ প্ৰদৰ্শনক যথেষ্ট আলোচনা হৈছে। ইয়াৰ সৈতে, এই ছবিখন চাবলৈ প্ৰতিদিনে বহু লোক ছবিগৃহত উপস্থিত হৈছে। 'কল্কি ২৮৯৮ এডি'য়ে সৰ্বাধিক উপাৰ্জনৰে ইতিহাস সৃষ্টি কৰিছে। ছবিখনৰ উপাৰ্জনৰ বিষয়ে ক'বলৈ গ'লে,  ঘৰুৱা বজাৰত প্ৰথম দিনা ৯৫.৩ কোটি উপাৰ্জন কৰিছে। মুক্তিৰ দ্বিতীয় দিনা, ছবিখনে ৫৯.৩ কোটি টকা উপাৰ্জন কৰিছিল। এনেদৰে ছবিখনে এতিয়ালৈ ৩৪৩.৬ কোটি টকা উপাৰ্জন কৰিছে।

পূৱ অসমৰ পাঁচখন জিলা আৰু মেঘালয়ৰ পশ্চিম গাৰো পাহাৰ জিলাত অৱস্থিত ৰেপিড ৰেচপন্স ইউনিট (আৰ আৰ ইউ)ৰ মুঠ ২৩৯ জন সদস্যক অঞ্চলটোৰ জৈৱ বৈচিত্ৰ্য সংৰক্ষণ সংস্থা আৰণ্যক আৰু ব্ৰিটিছ এছিয়ান ট্ৰাষ্টৰ সহায়ত জৈৱ বৈচিত্ৰ্য প্ৰত্যাহ্বান পুঁজি, ব্ৰিটেইনৰ দ্বাৰা ফিল্ড গিয়াৰ আৰু প্ৰাথমিক চিকিৎসা কিট প্ৰদান কৰা হৈছে । ৰেইনকোট, টুপী, জোতাকে ধৰি প্ৰাথমিক চিকিৎসা কিটকে ধৰি ক্ষেত্ৰ সঁজুলিসমূহ বাৰিষাৰ সময়ত আৰ আৰ ইউসমূহৰ নিযুক্তি দিয়া নিজ নিজ অঞ্চলত মানৱ হাতী সংঘাত প্ৰশমনৰ বাবে চলি থকা ধাৰাবাহিক প্ৰচেষ্টাত দক্ষতা বৃদ্ধিৰ বাবে যোগান ধৰা হৈছে। “আৰণ্যক আৰু ব্ৰিটিছ এছিয়ান ট্ৰাষ্টে হাতী মানুহৰ সংঘাত লাঘৱ কৰাৰ প্ৰচেষ্টাত স্থানীয় সম্প্ৰদায়ৰ সৈতে কাম কৰি তেওঁলোকক…

চৌধুৰীবজাৰ চামৰালি তিনিআলি মধ্য ইংৰাজী বিদ্যালয় পৰিচালনা সমিতিৰ সভাপতি স্বফিকুৰ ৰহমানৰ পৌৰহিত্যত হোৱা এক অনুষ্ঠানত অৱসৰপ্ৰাপ্ত প্ৰধানশিক্ষক গোলাম নবীক ৰাজহুৱা সম্বৰ্ধনা জনোৱা হয়৷ ১৯৯৪ চনত যোগদান কৰা এইগৰাকী শিক্ষকে সুদীৰ্ঘকাল চাকৰি কৰি এই বৰ্ষতেই চাকৰি জীৱনৰ পৰা অৱসৰগ্ৰহণ কৰে৷ আজি এক আৱেগিক পৰিৱেশত বিদায়ী ভাষণত তেওঁৰ জীৱনৰ বহুকথা কয়৷ তেওঁ ভাষণ প্ৰসংগত উকালতি কৰাৰ সপোন দেখা ছাত্ৰজনে বিজ্ঞান শিক্ষক হিচাপে সেৱা প্ৰদান কৰাৰ সুযোগ লাভ কৰা আঁৰৰ ব্যক্তিসকলৰ কৃতজ্ঞতা প্ৰকাশ কৰে৷এই অনুষ্ঠানত প্ৰাক্তন খণ্ড উন্নয়ন বিষয়া হোছেন আহমেদ, অৱসৰপ্ৰাপ্ত শিক্ষক আবু বক্কৰ, ইচহাক আলী, শিক্ষয়িত্ৰী ৰোচনাৰা বেগম, প্ৰতিভা চিনিয়ৰ চেকেণ্ডাৰী স্কুলৰ অধ্যক্ষ নাজিম উদ্দিন ,চৌধুৰীবজাৰ আৰ্টছ জুনিয়ৰ কলেজৰ অধ্যক্ষ আব্দুল…