Sonakshi Sarkar

ৰাজ্যৰ এগৰাকী প্ৰসিদ্ধ আয়ুৰ্বেদিক চিকিৎসক ,  গুৱাহাটীৰ জালুকবাৰীস্থিত চৰকাৰী  আয়ুৰ্বেদিক মহাবিদ্যালয়ৰ অৱসৰপ্ৰাপ্ত  অধ্যক্ষ ডাঃ পাৰ্বতী চৰণ ভট্টাচাৰ্য্যৰ প্ৰথম মৃত্যু তিথিৰ লগত সংগতি ৰাখি ১৪ আগষ্টত তেওঁৰ লংকেশ্বৰস্থিৰ বাসগৃহত আয়োজিত এক  স্মৃতিচাৰণ অনুষ্ঠানত এখন স্মৃতিগ্ৰন্থ উন্মোচন কৰা হয়।  উল্লেখযোগ্য যে ২০২৪ চনৰ ২৬  জুলাইত বাৰ্ধক্যজনিত কাৰণত ডাঃ ভট্টাচাৰ্য্যৰ মৃত্যু হৈছিল । তেওঁৰ প্ৰথম মৃত্যু তিথিৰ  লগত সংগতি ৰাখি পৰিয়ালৰ উদ্যোগত প্ৰকাশ কৰা স্মৃতিগ্ৰন্থখন সিদিনা উন্মোচন কৰা হয় । আনহাতে এই উপলক্ষে স্মৃতিগ্ৰন্থ সম্পাদনা সমিতিৰ সম্পাদক  ডাঃ অনিল কুমাৰ শৰ্মাৰ আদৰণি ভাষণৰে শুভাৰম্ভ হোৱা অনুষ্ঠানটোত সভাপতিত্ব কৰে সম্পাদনা সমিতিৰ  সভাপতি  জয়ন্ত কুমাৰ শৰ্মাই। ইফালে গান্ধীস্মৃতি  উচ্চতৰ মাধ্যমিক বিদ্যালয়ৰ অৱসৰপ্ৰাপ্ত বিষয় শিক্ষক  তৰুণ…

কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধীয়ে দেওবাৰে বিহাৰৰ সাছাৰামৰ পৰা আৰম্ভ কৰিলে ‘ভোট অধিকাৰ যাত্ৰা। বিহাৰত নিৰ্বাচন আয়োগে বিশেষ ভোটাৰ তালিকা পুনৰীক্ষণ প্ৰক্ৰিয়াৰ আৰম্ভ কৰাৰ প্ৰতিবাদত এই যাত্ৰা উলিওৱা হৈছে। ৰাহুল গান্ধীৰ লগতে ইণ্ডিয়া মহাযোটৰ সকলো দলৰ নেতাই এই যাত্ৰাত অংশগ্ৰহণ কৰে। ১ ছেপ্টেম্বৰলৈ চলিবলগা ৰাহুল গান্ধীৰ এই যাত্ৰাই ২০ খনতকৈও অধিক জিলাত প্ৰায় ১৩০০ কিলোমিটাৰ যাত্ৰা কৰিব। ইণ্ডিয়া মহাযোটৰ অভিযোগ যে নিৰ্বাচন আয়োগে শাসক দলৰ সৈতে মিলি ভোট চুৰি কাৰ্যত লিপ্ত হৈ পৰিছে। ইয়াৰ মাজতে কংগ্ৰেছ নেতা ৰাহুল গান্ধীয়ে পুনৰবাৰ বিধানসভা আৰু লোকসভা নিৰ্বাচনত ভোট চুৰিৰ অভিযোগ উত্থাপন কৰে। ৰাহুল গান্ধীয়ে কয় যে ভাৰতীয় জনতা পাৰ্টি আৰু…

আমেৰিকাৰ ৰাষ্ট্ৰপতি ড’নাল্ড ট্ৰাম্পে স্পষ্ট কৰি দিছে যে ইউক্ৰেইনক সামৰিক মহাযোট 'নাটো'ত অন্তৰ্ভুক্ত নহ’ব আৰু ২০১৪ চনৰ পৰা ৰাছিয়াই দখল কৰা ক্ৰিমিয়াও উভতাই নাপাব।সোমবাৰে ছ’চিয়েল মিডিয়াত ট্ৰাম্পে পোষ্ট কৰি কয় যে যদি ইউক্ৰেইনৰ ৰাষ্ট্ৰপতি জেলেনস্কিয়ে বিচাৰে তেন্তে ৰাছিয়াৰ সৈতে চলি থকা যুদ্ধৰ তৎক্ষণাত অন্ত পৰিব পাৰে। জেলেনস্কিয়ে যুঁজখন অব্যাহত ৰাখিব বিচাৰে নে শান্তিৰ পথ গ্ৰহণ কৰিব বিচাৰে তেওঁৰ ওপৰত সকলো নিৰ্ভৰ কৰে। তেওঁ সোঁৱৰাই দিয়ে যে ১২ বছৰ পূৰ্বে আমেৰিকাৰ প্ৰাক্তন ৰাষ্ট্ৰপতি বাৰাক ওবামাৰ কাৰ্যকালত ক্ৰিমিয়াক ৰাছিয়াৰ হাতত গতাই দিয়া হৈছিল আৰু ইউক্ৰেইনেও নাটোত যোগদান কৰা নাছিল। তেওঁ আৰু কয় যে কিছুমান কথা কেতিয়াও সলনি নহয়।ট্ৰাম্পৰ বিশেষ দূত ষ্টিভ উইটকফে…

ৰাজ্যৰ চিনেমা হল আৰু মাল্টিপ্লেক্সত প্ৰাইম টাইমত প্ৰতিদিনে কমেও এখন বাংলা ছবি প্ৰদৰ্শন কৰাটো বাধ্যতামূলক কৰিছে পশ্চিম বংগ চৰকাৰে। পশ্চিম বংগ চিনেমা আইন ১৯৫৪ৰ অধীনত বুধবাৰে তথ্য আৰু সংস্কৃতি বিভাগে জাৰি কৰিছে এই নিৰ্দেশনা। ইয়াত উল্লেখ আছে যে বছৰটোৰ ভিতৰতে চিনেমা হল আৰু মাল্টিপ্লেক্সৰ সকলো পৰ্দাত প্ৰতিদিনে অন্ততঃ এখনকৈ বাংলা ছবি প্ৰদৰ্শন কৰিব লাগিব। চৰকাৰৰ মতে প্ৰাইম টাইম মানে নিশা ৩ বজাৰ পৰা নিশা ৯ বজালৈ। ইয়াৰ সৈতে জড়িত আইন সংশোধনৰ কথাও চৰকাৰে কৈছে৷ ৰাজ্যিক সচিবালয়ে জাৰি কৰা এক প্ৰেছ বিজ্ঞপ্তিত কোৱা হৈছে যে এই নিৰ্দেশনা তাৎক্ষণিকভাৱে কাৰ্যকৰী হৈছে আৰু পৰৱৰ্তী নিৰ্দেশ পৰ্যন্ত বলবৎ থাকিব। যোৱা কেইমাহমানত বংগৰ পৰা অহা…

আগন্তক স্বাধীনতা আন্দোলনৰ লগতে ১৯৪২ চনত হোৱা বৃটিছক ভাৰত ত্যাগ কৰিবলৈ দিয়া আন্দোলনৰ স্মৃতি ৰোমন্থন কৰি গুৱাহাটীৰ আন আন আৰক্ষী থানা বা চকীৰ লগতে জালুকবাৰী আৰক্ষী চকীৰ উদ্যোগত আজি লংকেশ্বৰত এক চাফাই অভিযান কাৰ্যসূচীৰ আয়োজন কৰা হয়। আৰক্ষী চকীৰ উপ পৰিদৰ্শক মণীষা কোঁৱৰৰ নেতৃত্বত  আৰক্ষীৰ হাবিলদাৰ - কনিষ্টবল ক্ৰমে - জাকিৰ হুছেইন, নৱ দাস, পংকজ শৰ্মা, মনোজ শৰ্মাই পশ্চিম জালুকবাৰী প্ৰাথমিক বিদ্যালয়ৰ সমীপৰ পৰা তৰুণ নগৰলৈ পথৰ দাঁতিত থকা বিষাক্ত পাৰ্থেনিয়ামকে ধৰি আন আন হাবি - জংগলসমুহ চাফ - চিকুন কৰি তোলে। চাফাই অভিযানত কিশোৰ কলিতা , নৱ বৰা, পংকজ কেওঁট , বিন্দা কেওঁটকে ধৰি অঞ্চলটোৰ কেইজনমান সমাজ - সচেতন…

পাকিস্তানৰ বিৰুদ্ধে তিনিখন খেলৰ এদিনীয়া শৃংখলাত ২-১ত জয়লাভ কৰিছে ৱেষ্ট ইণ্ডিজে। ইয়াৰ সৈতে আয়োজক দলটোৱে শৃংখলাত ৩৪ বছৰীয়া জয়ৰ অপেক্ষাৰ অন্ত পেলাইছে। কিন্তু, ছিৰিজৰ শেষৰখন মেচত ৱেষ্ট ইণ্ডিজৰ দলটোৱে পাকিস্তানক সম্পূৰ্ণৰূপে আধিপত্য বিস্তাৰ কৰে, য’ত প্ৰথমে বেটিং কৰি তেওঁলোকে ২৯৪ ৰানৰ ডাঙৰ স্ক’ৰ অৰ্জন কৰে।ইয়াৰ পিছত মাৰাত্মকভাৱে বলিং প্ৰদৰ্শনৰে আলহী দলটোক ৯২ ৰানত অল আউট কৰে। পুৰুষৰ এদিনীয়াত ৱেষ্ট ইণ্ডিজে এইবাৰসহ চতুৰ্থবাৰলৈ ২০০ ৰো অধিক ৰানেৰে জয়লাভ কৰিছে। ট্ৰিনিদাদৰ ব্রায়ান লাৰা ষ্টেডিয়ামত খেলা এই মেচখন শৃংখলা মৰণপনৰ যুঁজ আছিল আৰু পাকিস্তান দলৰ অধিনায়ক মহম্মদ ৰিজৱানে টছত জয়লাভ কৰি প্ৰথমে বলিং কৰাৰ সিদ্ধান্ত লয়। কিন্তু, ৰিজৱানৰ এই সিদ্ধান্তই যেন তেওঁৰ দলটোক…

আমেৰিকাই পাকিস্তানস্থিত বেলুচিস্তান লিবাৰেচন আৰ্মী (বিএলএ) আৰু দ্য মেজিদ ব্ৰিগেডক ‘বিদেশী সন্ত্ৰাসবাদী সংগঠন’ বুলি ঘোষণা কৰে। ২০১৯ চনত কেইবাটাও উগ্ৰপন্থী আক্ৰমণৰ পিছত আমেৰিকাই বিএলএক ‘স্পেচিয়েল ডেজিনেটেড গ্ল’বেল টেৰ’ৰিষ্ট’(এছডিজিটি) শ্ৰেণীত স্থান দিছিল। আমেৰিকাৰ বিদেশ মন্ত্ৰালয়ে এক বিবৃতিত প্ৰকাশ কৰিছে যে তেতিয়াৰ পৰাই গোটটোৱে কেইবাটাও আক্ৰমণৰ দায়িত্ব স্বীকাৰ কৰিছে। আমেৰিকাৰ বৈদেশিক মন্ত্ৰালয়ে কয় যে এই কাৰ্য্যই সন্ত্ৰাসবাদৰ বিৰুদ্ধে ট্ৰাম্প প্ৰশাসনৰ দায়বদ্ধতাক প্ৰতিফলিত কৰিছে। আমেৰিকাৰ বৈদেশিক মন্ত্ৰালয়ে কয় যে সন্ত্ৰাসবাদী সংগঠনক নিযুক্তি দিয়াটোৱে এই দুষ্টতাৰ বিৰুদ্ধে আমাৰ যুঁজত গুৰুত্বপূৰ্ণ ভূমিকা পালন কৰে আৰু সন্ত্ৰাসবাদী কাৰ্যকলাপৰ প্ৰতি সমৰ্থন হ্ৰাস কৰাৰ এক ফলপ্ৰসূ উপায়। বিদেশ বিভাগে জনোৱা মতে, ২০২৪ চনত কৰাচী বিমানবন্দৰ আৰু গ্ৱাদাৰ বন্দৰ…

অসম প্রকাশন পৰিষদ আৰু সদৌ অসম পুথি প্রকাশক আৰু বিক্রেতা সংস্থাই যৌথভাৱে আয়োজন কৰি অহা 'অসম গ্রন্থমেলা' এই বছৰ ৰাজ্যখনৰ মুঠ আঠটা স্থানত আয়োজন কৰাৰ সিদ্ধান্ত গ্রহণ কৰিছে। গুৱাহাটীৰ মূল গ্রন্থমেলাৰ উপৰি অসমৰ আন ৭খন চহৰত আঞ্চলিক গ্রন্থমেলাৰূপে 'অসম গ্রন্থমেলা' এইবেলি আয়োজন কৰা হ'ব। আজি অসম প্রকাশন পৰিষদৰ কাৰ্যালয়ৰ সভাকক্ষত অনুষ্ঠিত এখন সংবাদমেলত অসম প্রকাশন পৰিষদ আৰু সদৌ অসম পুথি প্রকাশক আৰু বিক্রেতা সংস্থাৰ তৰফৰ পৰা এই কথা ঘোষণা কৰা হয়। সংবাদ মেলত সাংবাদিকসকলক সম্বোধন কৰে পৰিষদৰ সচিব প্রমোদ কলিতা, সদৌ অসম পুথি প্রকাশক আৰু বিক্রেতা সংস্থাৰ বিষয়ববীয়াসকলে। এই সংবাদমেলত বছৰটোৰ বাবে দুয়োটা অনুষ্ঠানে যৌথভাৱে বিভিন্ন চহৰত আয়োজন কৰিবলৈ লোৱা…

আৰ্মেনিয়া আৰু আজাৰবাইজানৰ মাজত দশক দশক ধৰি চলি অহা সংঘাতৰ অন্ত পেলাবলৈ শুকুৰবাৰে হোৱাইট হাউছত শান্তি চুক্তি স্বাক্ষৰিত হয়। দুয়োখন দেশৰ মাজত শান্তি চুক্তি স্বাক্ষৰ ড'নাল্ড ট্ৰাম্পৰ মধ্যস্থতাত হয়। এই চুক্তিৰ পিছতে আজাৰবাইজানৰ ৰাষ্ট্ৰপতি ইলহাম আলিয়েভ আৰু আৰ্মেনিয়াৰ প্ৰধানমন্ত্ৰী নিকল পাছিনিয়ানে হাত মিলাই। আমেৰিকাৰ ৰাষ্ট্ৰপতিগৰাকীয়ে এই মুহূৰ্তক এক ঐতিহাসিক পৰিঘটনা বুলি অভিহিত কৰে। এই চুক্তিৰ বিষয়ে ট্ৰাম্পে কয় যে ইয়াৰ বাবে বহু সময় লাগিছিল। এই চুক্তিৰ জৰিয়তে দুয়োখন দেশৰ মাজত কিছুমান গুৰুত্বপূৰ্ণ পৰিবহণ পথ পুনৰ মুকলি হোৱাৰ লগতে অঞ্চলটোত আমেৰিকাৰ প্ৰভাৱ বৃদ্ধি পাব।১৯৮০ আৰু নব্বৈৰ দশকত আজাৰবাইজানৰ আৰ্মেনিয়ান মূলৰ অঞ্চল নাগৰ্নো-কাৰাবাখক লৈ আৰ্মেনিয়া আৰু আজাৰবাইজানৰ মাজত যুদ্ধ হৈছিল আৰু তেতিয়াৰ…

অল ইণ্ডিয়া ইএছআইচি   নার্চিং অফিচাৰ্ছ ফেডাৰেচনৰ সাধাৰণ সম্পাদক যোধৰাজ বাইৰৱাই পহিলা আগষ্টত বেলতলাস্থিত কৰ্মচাৰী ৰাজ্যিক বীমা নিগম চিকিৎসা মহাবিদ্যালয় পৰিদৰ্শন কৰে। পৰিদৰ্শনৰ সময়ত তেওঁ কৰ্মচাৰী ৰাজ্যিক বীমা নিগম নাৰ্ছ এছ’চিয়েছনৰ অসম মণ্ডল (AIESICNOF)ৰ সদস্যসকলৰ সৈতে বিভিন্ন বিষয়ত গঠনমূলক বৈঠকত অংশগ্ৰহণ কৰে। এই উপলক্ষে গুৱাহাটী মহানগৰীৰ বেলতলাৰ লগতে তিনিচুকীয়াকে ধৰি ৰাজ্যখনৰ বিভিন্ন DCBOৰ প্ৰতিনিধিৰ উপস্থিতিত এখন সাধাৰণ সভা বেলতলাস্থিত কৰ্মচাৰী ৰাজ্যিক বীমা নিগম চিকিৎসা মহাবিদ্যালয়ৰ সভাকক্ষত অনুষ্ঠিত হয়। কৰ্মচাৰী ৰাজ্যিক বীমা নিগম নাৰ্ছ এছ’চিয়েছনৰ অসম মণ্ডলৰ সভাপতি মাইনু বৰা, সাধাৰণ সম্পাদক জয়শ্ৰী সিংহৰ নেতৃত্বত অনুষ্ঠিত গুৰুত্বপূৰ্ণ সভাত বিভাগীয় পদোন্নতি সভা (DPC) তৎপৰতাৰে অনুষ্ঠিত কৰা, বাৰ্ষিক সাধাৰণ স্থানান্তৰ (AGT)ৰ অধীনত নাৰ্ছিং অফিছাৰ…