Sonakshi Sarkar

আহমেদাবাদত অনুষ্ঠিত হৈ থকা কমনৱেলথ চেম্পিয়নশ্বিপত ভাৰতীয় মহিলা ভাৰোত্তোলক মিৰাবাঈ চানুৱে স্বৰ্ণ পদক অৰ্জন কৰিছে। ৪৮ কেজি ওজন শাখাত অংশগ্ৰহণ কৰি চানুৱে মুঠ ১৯৩ কেজি ওজন উত্তোলন কৰে। স্নেচত তাইৰ বেষ্ট লিফট আছিল ৮৪ কেজি, আনহাতে ক্লিন এণ্ড জাৰ্কত ১০৯ কেজি উত্তোলন কৰিছিল। পেৰিছ অলিম্পিকৰ পিছত প্ৰথমবাৰৰ বাবে আন্তঃৰাষ্ট্ৰীয় ভাৰোত্তোলন চেম্পিয়নশ্বিপত অংশগ্ৰহণ কৰিছিল চানুৱে। ২০২০ চনৰ টকিঅ’ অলিম্পিকত ৰূপৰ পদক বিজয়ী চানুৱে পেৰিছ অলিম্পিকত পদক লাভৰ পৰা বঞ্চিত হৈছিল। তেতিয়া তেওঁ চতুৰ্থ স্থান দখল কৰিছিল। আঘাতৰ বাবে প্ৰায় ১ বছৰ ধৰি আন্তঃৰাষ্ট্ৰীয় ইভেণ্টৰ পৰা আঁতৰি আছিল চানু।  প্ৰথম প্ৰচেষ্টাত ৮৪ কেজি ওজন তুলিব নোৱাৰি সোঁ আঁঠুত ধৰি থকা দেখা গৈছিল।…

ফুটবল কিংবদন্তি লিয়নেল মেছি আৰু বিশ্ব চেম্পিয়ন আৰ্জেণ্টিনাৰ ৰাষ্ট্ৰীয় ফুটবল দলে ১০ৰ পৰা ১৮ নৱেম্বৰৰ ভিতৰত কেৰালা ভ্ৰমণ কৰিব।আৰ্জেণ্টিনাৰ ফুটবল এছ’চিয়েশ্যনে এই কথা আনুষ্ঠানিকভাৱে নিশ্চিত কৰিছে।থিৰুৱনন্তপুৰমৰ গ্ৰীণফিল্ড ষ্টেডিয়ামত মেছি আৰু তেওঁৰ দলটোৱে এখন প্ৰদৰ্শনীমূলক খেল খেলিব। কেৰালা চৰকাৰ আৰু ৰেপোলাৰ ব্ৰডকাষ্টিং কোম্পানী প্ৰাইভেট লিমিটেডৰ যৌথ উদ্যোগত এই অনুষ্ঠানৰ আয়োজন কৰা হৈছে। ইয়াৰ পূৰ্বে আৰ্জেণ্টিনাৰ ফুটবল এছ’চিয়েশ্যনে ভাৰত ভ্ৰমণ কৰিবলৈ অস্বীকাৰ কৰা বুলি খবৰ ওলাইছিল। ২০২৫ চনৰ মে’ মাহত ফিফাৰ আন্তঃৰাষ্ট্ৰীয় মেচ কেলেণ্ডাৰৰ বাবে আৰ্জেণ্টিনাৰ দলটো কেৰালালৈ নাহিব বুলি দাবী কৰিছিল। কিন্তু ৰেপ’লাৰ টিভিৰ পৰিচালন সঞ্চালক তথা সম্পাদক এণ্টো অগাষ্টিনে এই উৰাবাতৰিবোৰক খাৰিজ কৰি কয় যে এএফএই কোনো বাতিল কৰা নাই।…