Sonakshi Sarkar

পিলিক চৌধুৰী স্মৃতি আন্তঃজিলা স্কুল ফুটবলৰ উদ্ধোধনী খেলত কামৰূপ গ্ৰাম্য জিলাৰ ডামপুৰ উচ্চতৰ মাধ্যমিক বিদ্যালয়ৰ বিৰুদ্ধে ২-০ গ’লত জয়েৰে অভিযান আৰম্ভ কৰিছে লক্ষীমপুৰৰ ঘিলামৰা টাউন হাইস্কুলে৷ মহানগৰীৰ পাশ্বৱৰ্তী টেপেচিয়াস্হিত এল.এন.আই.পি.ই.ৰ ফুটবল গ্ৰাউণ্ডত অনুষ্ঠিত খেলখনত ঘিলামৰাৰ হৈ গলৰ পাতনি মেলে প্ৰতিশ্ৰুতিসম্পন্ন লেফট উইংগাৰ টেক বাহাদুৰ চেত্ৰীয়ে (১-০)৷ খেলখনত বিজয়ী ঘিলামৰাৰ হৈ ৫৬মিনিটত দ্বিতীয় গলটো দিয়ে (২-০) পৰিৱৰ্ত খেলুৱৈ প্ৰান্তিক শইকীয়াই৷ মুঠ ৩৫টা দলে অংশগ্ৰহণ কৰা ল’ৰা ১৫বছৰ অনুৰ্দ্ধ প্ৰতিযোগিতাখন আনুষ্ঠানিকভাৱে উদ্ধোধন কৰে এল.এন.আই.পি.ই.ৰ ডীন ড° শংকৰজ্যোতি বসুমতাৰীয়ে৷ অনুষ্ঠানত সন্মানীয় ব্যক্তিৰূপে উপস্থিত থাকে এল.এন.আই.পি.ই.ৰ সহকাৰী পঞ্জীয়ক ড° ভাস্কৰজ্যোতি শৰ্মা, সহকাৰী অধ্যাপক ড° সুৰেন্দৰ সিং, জেষ্ঠ ক্ৰীড়া সাংবাদিক হিলদুল গগৈ, চিৰঞ্জীৱ শৰ্মা, অনিৰূদ্ধ…

অৰবিন্দ কেজৰিৱালক গ্ৰেপ্তাৰৰ প্ৰতিবাদ আৰু কাৰাগাৰত তেওঁৰ অসুস্থতাৰ পৰ্যাপ্ত চিকিৎসাৰ পৰা বঞ্চিত কৰাৰ অভিযোগত  চচলত বিক্ষোভ কাৰ্যসূচী ৰূপায়ন কৰে আপৰ উপৰি ইণ্ডিয়া জোঁটৰ অংশীদাৰ দলসমূহে।আপৰ ৰাজ্যিক সভাপতি ডাঃ ভবেন চৌধুৰীৰ নেতৃত্বত শতাধিক প্ৰতিবাদকাৰীয়ে অংশগ্ৰহণ কৰা বিক্ষোভ কাৰ্যসূচীত ইণ্ডিয়া জোঁটৰ অংশীদাৰ হিচাপে কংগ্ৰেছ, চিপিআই( এম), এনচিপি, তৃণমূল কংগ্ৰেছ, ফৰৱাৰ্ড ব্লক আৰু আৰ জে ডি দলৰ প্ৰতিনিধিয়ে অংশগ্ৰহণ কৰে। কাৰ্যসূচীত আপৰ উপৰি ইণ্ডিয়া জোঁটৰ এগৰাকী শীৰ্ষ নেতা তথা দিল্লীৰ মুখ্যমন্ত্ৰী অৰবিন্দ কেজৰিৱালৰ বিৰুদ্ধে কেন্দ্ৰীয় চৰকাৰে চলোৱা ষড়যন্ত্ৰৰ বিৰুদ্ধে সৰৱ হয় ডাঃ ভবেন চৌধুৰী। তেওঁ কয়, " কেন্দ্ৰৰ শাসনাধিষ্ঠিত নৰেন্দ্ৰ মোদী চৰকাৰে ষড়যন্ত্ৰমূলক ভাৱে মুখ্যমন্ত্ৰী অৰবিন্দ কেজৰিৱালক বিনা বিচাৰে গ্ৰেপ্তাৰ কৰি ৰাখিছে। হাস্পতালত…

ঝাৰখণ্ডৰ চেৰাইকেলা-খাৰচাৱান জিলাত মঙলবাৰে পুৱা মুম্বাই-হাওৰা মেইল ৰেলখন দুৰ্ঘটনাত পতিত হয়। যাৰ ফলত দুজন যাত্ৰীৰ মৃত্যু হোৱাৰ লগতে পাঁচজন আহত হয়।ৰেলৱেৰ এজন জ্যেষ্ঠ বিষয়াই মৃত্যুৰ কথা নিশ্চিত কৰিছে। আহতসকলৰ এজনৰ অৱস্থা সংকটজনক। প্ৰাৰম্ভিক প্ৰতিবেদনত কোৱা হৈছিল যে ছয়জন লোক আহত হৈছিল। পুৱা ৪.৪৫ বজাত বাদাবাম্বুৰ ওচৰত দুৰ্ঘটনাটো সংঘটিত হয়। ঠাইখন জামছেদপুৰৰ পৰা ৮০ কিলোমিটাৰ দূৰত আৰু দক্ষিণ পূব ৰেল'ৱেৰ চক্ৰধৰপুৰ বিভাগৰ অন্তৰ্গত। হাওৰা-মুম্বাই মেইল এক্সপ্ৰেছৰ ডবা লাইনচ্যুত হোৱাৰ পিছত ইয়াৰ কাষত ৰখাই থোৱা এখন মালবাহী ৰেলৰ সৈতে সংঘৰ্ষ হয়। যিখন ৰেলৰ ডবা লাইনচ্যুত হয় তাৰ নাম হাওৰা-চিএছএমটি এক্সপ্ৰেছ।ৰেলৰ সংখ্যা ১২৮১০। দুৰ্ঘটনাটোৰ বাবে, কিছু ৰেল আন পথলৈও পৰিৱৰ্তন কৰা হৈছে।

কেৰালাৰ ৱায়ানাডৰ মেপ্পাডিৰ ওচৰত মঙলবাৰে হোৱা ভূমিস্খলনৰ ফলত ৪৩ জন লোকৰ মৃত্যু হয়। কেৰালা চৰকাৰৰ এজন মন্ত্ৰী এম বি ৰাজেশে কৈছে যে এতিয়ালৈকে ৪৩ জন লোকৰ মৃত্যু নিশ্চিত কৰা হৈছে আৰু এই সংখ্যা ইয়াতকৈ অধিক হ'ব পাৰে। উদ্ধাৰ অভিযানৰ সময়ত, ২৫০ জন লোকক উদ্ধাৰ কৰা হৈছে। ভূমিস্খলনত বহু সংখ্যক লোক আৱদ্ধ হোৱাৰ আশংকা কৰা হৈছে। মৃত্যুৰ সংখ্যা বৃদ্ধি হ'ব পাৰে। বন মন্ত্ৰী এ কে সচিন্দ্ৰনে কয় যে এই মুহূৰ্তত ভূমিস্খলনত আৱদ্ধ হোৱা লোকৰ সংখ্যা কোৱা কঠিন। এনডিআৰএফ, কান্নুৰ প্ৰতিৰক্ষা সুৰক্ষা বাহিনী আৰু বায়ু সেনাৰ হেলিকপ্টাৰে উদ্ধাৰ অভিযান চলাই আছে। কিন্তু বৰষুণৰ বাবে উদ্ধাৰ কাৰ্যত অসুবিধা আহি পৰিছে। কেৰালাত যোৱা কিছু…

সুমিত নাগালৰ একক তথা ৰোহন বোপান্না আৰু এন শ্ৰীৰাম বালাজীৰ পুৰুষৰ দ্বৈত যুটিয়ে প্ৰথম ৰাউণ্ডত পৰাজয়ৰ সৈতে পেৰিছ অলিম্পিকৰ টেনিছ প্ৰতিযোগিতাত ভাৰতৰ অভিযান অন্ত পৰিছে। বোপান্না আৰু বালাজীয়ে ফ্ৰান্সৰ এডুয়াৰ্ড ৰজাৰ ভাচেলিন আৰু গেল মনফিলছৰ হাতত ৫-৭, ২-৬ ব্যৱধানত পৰাজিত হয়। মনফিলে শেষ মুহূৰ্তত ঘৰুৱা দলত আঘাতপ্ৰাপ্ত ফেবিয়ান ৰেবাউলৰ স্থান লয়। এইটো সম্ভৱতঃ বোপান্নাৰ অন্তিম অলিম্পিক আছিল।  ৪৪ বছৰীয়া তাৰকাগৰাকীয়ে ইতিমধ্যে ডেভিছ কাপৰ পৰা অৱসৰ গ্ৰহণ কৰিছে। ইয়াৰ পূৰ্বে দেওবাৰে নাগাল প্ৰথমজন খেলুৱৈ আছিল যিয়ে টেনিছ ক'ৰ্টলৈ গৈছিল, কিন্তু তেওঁৰ শক্তিশালী বেচলাইন খেলখন ফ্ৰান্সৰ কোৰেণ্টিন মৌটেটৰ বিৰুদ্ধে পৰ্যাপ্ত হোৱা যেন নালাগিছিল, যিয়ে তিনিটা ছেটত এক সুন্দৰ বিজয় লাভ কৰিছিল।  অলিম্পিক…

ৰাজ্যৰ বিধান সভাৰ উপ-নিৰ্বাচন আৰু পঞ্চায়ত নিৰ্বাচনত আম আদমী পাৰ্টিয়ে আন কোনো দলৰ সৈতে বুজাবুজি নকৰে। উপ - নিৰ্বাচনত কোন কোন সমষ্টিত আপে প্ৰতিদ্বন্দ্বিতা কৰিব সেই সন্দৰ্ভত শীঘ্ৰেই দলৰ সিদ্ধান্ত প্ৰকাশ কৰিব।' গোলাঘাটত আপৰ কৰ্মকৰ্তা সন্মিলনত অংশগ্ৰহণ কৰে কৰি দলটোৰ ৰাষ্ট্ৰীয় নেতা তথা উত্তৰ পূৰ্বাঞ্চলৰ তত্বাৱধায়ক ৰাজেশ শৰ্মাই এই মত ব্যক্ত কৰে। আপৰ নেতাগৰাকীয়ে দুৰ্নীতি-ভ্ৰষ্টাচাৰৰ বিৰুদ্ধে আম আদমী পাৰ্টিৰ কল্যাণকামী আদৰ্শ তথা কৰ্মৰ ৰাজনীতিৰ সপক্ষে অসমবাসীক ওলাই আহিবলৈ আহ্বান জনায়।তেওঁ কয়, " দুৰ্নীতিৰ ক্ষেত্ৰত কংগ্ৰেছ আৰু বিজেপিৰ কোনো নীতিগত পাৰ্থক্য নাই। এইক্ষেত্ৰত কংগ্ৰেছ আৰু বিজেপি এটা মুদ্ৰাৰ ইপিঠি সিপিঠি স্বৰূপ।"  গোলাঘাট চহৰৰ প্ৰগতি চ'ৰাত জিলাখনৰ বিভিন্ন প্ৰান্তৰ পৰা অহা বহুসংখ্যক…

বৰপেটা প্ৰেছ ক্লাবত বনশ্ৰী দাস কলিতাৰ মোৰ আই শীৰ্ষক এখনি গ্ৰন্থ  উন্মোচন কৰা হয় ৷ কৃতী শিক্ষক বিবেকাৰঞ্জন ৰায় চৌধুৰীৰ সভাপতিত্বত অনুষ্ঠিত সভাৰ কাৰ্যসূচী অনুসৰি বন্তি প্ৰজ্জলন কৰি উন্মোচনী সভা উদ্বোধন কৰে বিশিষ্ট লেখক অক্ষয় কুমাৰ মিশ্ৰই৷ বৰগীতেৰে শুভাৰম্ভ হোৱা উন্মোচনী সভাত গ্ৰন্থখন উন্মোচন কৰে বিশিষ্ট লেখক তথা বৰপেটা মহাবিদ্যালয়ৰ অধ্যক্ষ ড: বিৰিঞ্চি কুমাৰ দাসে ৷ বিৰিঞ্চি কুমাৰ দাসে উন্মোচন কৰি প্ৰদান কৰা ভাষণ প্ৰসংগত কয় যে , সাহিত্য কেৱল গল্প , কবিতা , উপন্যাসৰ মাজতেই আবদ্ধ হৈ নাথাকিব পাৰে ৷ গল্প , কবিতা , প্ৰবন্ধ , উপন্যাসৰ চাৰিসীমাৰ বাহিৰত থাকি কিছুমান লেখকে সাহিত্য চৰ্চা কৰে বুলি উল্লেখ কৰি বিৰিঞ্চি…

মোহন বাগানে চলিত ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল প্ৰতিযোগিতাত জয়ৰে অভিযান আৰম্ভ কৰিছে | ইফালে, বিগত বৰ্ষৰ চেম্পিয়ন মোহনে বাগানে যোৱানিশা প্ৰতিযোগিতাৰ উদ্বোধনী মেচত একমাত্ৰ গলত পৰাস্ত কৰে শ্ৰীনগৰৰ ক্লাব ডাউন টাউন হিৰোজ এফ চিক৷ গৃহভূমি বিবেকানন্দ যুৱভাৰতী ক্ৰীড়াংগনত হোৱা মেচত মোহন বাগানৰ হৈ ৭৩ মিনিটত গল কৰে ছুহাইল ভাটে৷ ইফালে, জামছেদপুৰৰ জে আৰ ডি টাটা ক্ৰীড়া প্ৰকল্পত অনুষ্ঠিত দিনটোৰ প্ৰথমখন মেচত আই এছ এলৰ দল জামছেদপুৰ এফ চিয়ে আছাম ৰাইফলৰ বিৰুদ্ধে ৩-০ গলত জয়লাভ কৰে৷ গ্ৰুপ ‘ডি’ৰ প্ৰথম মেচখনত জামছেদপুৰ দলৰ হৈ ছাননে দুটা আৰু ইমৰাণ খানে এটা গল কৰে৷ স্মৰ্তব্য যে ভাৰতীয় সেনাই আয়োজন কৰা এছিয়াৰ…

যোৱা পাঁচ বছৰত হাতী আৰু মানুহৰ মাজত সংঘাতৰ ফলস্বৰূপে, ২,৮৫৩ জন লোকৰ মৃত্যু হয়। ২০২৩ত হাতী আৰু মানুহৰ সংঘাতৰ ফলত সৰ্বাধিক ৬২৮ জন লোকৰ মৃত্যু হয়। এই কথা সংসদৰ মজিয়াত চৰকাৰে প্ৰকাশ কৰিছে। কেন্দ্ৰীয় পৰিৱেশ ৰাজ্যমন্ত্ৰী কীৰ্তিবৰ্ধন সিঙে বৃহস্পতিবাৰে ৰাজ্যসভাত এক প্ৰশ্নৰ উত্তৰত কয় যে হাতীৰ আক্ৰমণত ২০১৯ চনত ৫৮৭ জন, ২০২০ চনত ৪৭১ জন, ২০২১ চনত ৫৫৭ জন, ২০২২ চনত ৬১০ জন আৰু হাতীৰ আক্ৰমণৰ ফলত ২০২৩ চনত ৬২৮ জন লোকৰ মৃত্যু হৈছিল।  তথ্য অনুসৰি এই সময়ছোৱাত উৰিষ্যাত সৰ্বাধিক ৬২৪ জন লোকৰ মৃত্যু হয়। তাৰ পিছত ঝাৰখণ্ড (৪৭৪), পশ্চিম বংগ (৪৩৬), অসম (৩৮৩), ছত্তীশগড় (৩০৩), তামিলনাডু (২৫৬), কৰ্ণাটক (১৬০)…

২৮ জুলাইত হায়দৰাবাদৰ যশোদা হাস্পতালৰ উদ্যোগত আৰু দিছপুৰ প্ৰেছ ক্লাবৰ সহযোগত প্ৰেছ ক্লাবৰ প্ৰেক্ষাগৃহত সাংবাদিক/ফটো সাংবাদিক/ ভিডিঅ' সাংবাদিকৰ বাবে এক বিনামূলীয়া স্বাস্থ্য পৰীক্ষা শিবিৰৰ আয়োজন কৰা হৈছে। এই চিকিৎসা শিবিৰত উপস্থিত থাকিব যশোদা হাস্পাতালৰ Gastroenterologist আৰু Hepatologist বিভাগৰ বিশেষজ্ঞ চিকিৎসক ডাঃ কে, সোমাশেখৰ ৰাও।অনুষ্ঠানটোত সহযোগ কৰিছে আলট্ৰা কেয়াৰ ডাইগোনেষ্টিকে। দিনৰ দহ বজাৰ পৰা অনুষ্ঠিত হবলগীয়া বিনামূলীয়া স্বাস্থ্য পৰীক্ষা শিবিৰত পঞ্চাছ জন সাংবাদিকৰ স্বাস্থ্য পৰীক্ষা কৰা হ'ব।এই স্বাস্থ্য পৰীক্ষা শিবিৰত স্বাস্থ্য পৰীক্ষা কৰিব বিচৰা সাংবাদিক/ফটো সাংবাদিক/ভিডিঅ' সাংবাদিকক ৯৭০৬১-৪৩৮৮৯ নম্বৰত যোগাযোগ কৰি নিজৰ নাম পঞ্জীয়ন কৰাৰ বাবে আহ্বান জনাইছে প্ৰেছ ক্লাবৰ সভাপতি ড° নৰেন হাজৰিকা, কাৰ্যকৰী সভাপতি আৰ্জেদ হুচেইন চহৰীয়া আৰু সাধাৰণ…