Paromita

অৱশেষত আঁতৰিল বিতৰ্কিত কথাছবি ‘দ্য কেৰেলা ষ্টৰী ২: গোজ বিয়ণ্ড’ৰ মুক্তিৰ ওপৰত থকা আইনী বাধা। শুকুৰবাৰে কেৰালা উচ্চ ন্যায়ালয়ৰ এক সংমণ্ডল বিচাৰপীঠে ছবিখনৰ মুক্তিৰ ওপৰত লগোৱা ১৫ দিনীয়া অন্তৱৰ্তীকালীন স্থগিতাদেশ প্ৰত্যাহাৰ কৰাৰ নিৰ্দেশ দিয়ে। ইয়াৰ লগে লগে নিৰ্ধাৰিত সূচী অনুসৰিয়েই ছবিখন ছবিগৃহলৈ অহাৰ পথ মুকলি হৈ পৰিছে। উল্লেখ্য যে, মাত্ৰ এদিন পূৰ্বে উচ্চ ন্যায়ালয়ৰ একক বিচাৰপীঠে চেন্সৰ ব’ৰ্ডৰ প্ৰমাণীকৰণক লৈ প্ৰশ্ন উত্থাপন কৰি ছবিখনৰ মুক্তি স্থগিত কৰিছিল। ন্যায়াধীশ এছ এ ধৰ্মাধিকাৰী আৰু পি ভি বালকৃষ্ণনৰ বিচাৰপীঠে প্ৰযোজক বিপুল অমৃতলাল শ্বাহে দাখিল কৰা আপীলৰ শুনানি গ্ৰহণ কৰি এই ৰায় প্ৰদান কৰে। শুকুৰবাৰে ছবিখন দেশৰ ১৫০০ আৰু বিদেশৰ ৩০০ খন ছবিগৃহত মুক্তি…

দেশৰ তদন্তকাৰী সংস্থাসমূহে প্ৰথমে গুলীয়াই পাছত প্ৰশ্ন সোধাৰ যি নীতি গ্ৰহণ কৰিছে, তাক লৈ শুকুৰবাৰে কঠোৰ স্থিতি গ্ৰহণ কৰে উচ্চতম ন্যায়ালয়ে। ৰাজস্থান আৰক্ষীয়ে এজন সাংবাদিকৰ বিৰুদ্ধে ৰুজু কৰা ধন দাবী আৰু প্ৰৱঞ্চনাৰ এক গোচৰ খাৰিজ কৰি উচ্চতম ন্যায়ালয়ে আৰক্ষীক জেমছ বণ্ডৰ দৰে আচৰণ নকৰিবলৈ সকীয়নি দিয়ে। এজন প্ৰভাৱশালী ব্যক্তিৰ অভিযোগৰ ভিত্তিত অতি সহজে গোচৰ ৰুজু কৰা আৰু এজন সাধাৰণ মানুহৰ অভিযোগক গুৰুত্ব নিদিয়াৰ যি আৰক্ষীৰ চৰিত্ৰ, তাক লৈ আদালতে তীব্ৰ অসন্তুষ্টি প্ৰকাশ কৰে। ন্যায়াধীশ বিক্ৰম নাথ আৰু ন্যায়াধীশ সন্দীপ মেহতাৰ বিচাৰপীঠে এই এফ আই আৰখনক সম্পূৰ্ণৰূপে ভুৱা বুলি অভিহিত কৰে। আদালতে কয় যে এনেধৰণৰ পক্ষপাতমূলক আচৰণে সমাজলৈ এক বিপজ্জনক বাৰ্তা…

ৰাজ্যজুৰি চলি থকা মিছন বসুন্ধৰা ৩.০-ৰ অংশ হিচাপে শুকুৰবাৰে বোকাখাত সমষ্টিৰ ৬৪৫ গৰাকী হিতাধিকাৰীৰ মাজত চৰকাৰী ভূমিৰ পট্টা বিতৰণ কৰা হয়। বোকাখাত কেন্দ্ৰীয় বিহু পথাৰত আয়োজিত এক অনুষ্ঠানত কৃষিমন্ত্ৰী অতুল বৰাই এই ভূমি পট্টাসমূহ হিতাধিকাৰীৰ হাতত অৰ্পণ কৰে। নিৰ্বাচনৰ প্ৰাকক্ষণত চৰকাৰে গ্ৰহণ কৰা এই বৃহৎ ভূমি নিষ্পত্তি অভিযানৰ জৰিয়তে ৰাজ্যৰ লাখ লাখ ভোটাৰক প্ৰভাৱিত কৰাৰ লক্ষ্য লোৱা বুলি ৰাজনৈতিক মহলত চৰ্চা চলিছে। বোকাখাত উপ-সংমণ্ডলীয় প্ৰশাসন আৰু ৰাজহ বিভাগৰ বিষয়াৰ উপস্থিতিত অনুষ্ঠিত এই সভাত মন্ত্ৰী বৰাই জানিবলৈ দিয়ে যে ৰাজ্যৰ ৯৭ টা সমষ্টিত এই ভূমি নিষ্পত্তি অভিযান চলাই থকা হৈছে। মিছন বসুন্ধৰাৰ জৰিয়তে সমগ্ৰ অসমত প্ৰায় ১.০৬ লাখতকৈ অধিক লোকে ভূমিৰ…

ভাৰতীয় সংগীত আৰু চিনেমা জগতলৈ আগবঢ়োৱা অতুলনীয় অৱদানৰ বাবে ২০২৬ বৰ্ষৰ ফিল্মফেয়াৰ বঁটাৰ মঞ্চত মৰণোত্তৰভাৱে সন্মানিত কৰা হয় অসমৰ জনপ্ৰিয় কন্ঠশিল্পী জুবিন গাৰ্গক। শুকুৰবাৰে নিশা মুম্বাইত অনুষ্ঠিত এক গাম্ভীৰ্যপূৰ্ণ অনুষ্ঠানত সুৰৰ যাদুকৰগৰাকীক একেলগে তিনিটাকৈ শ্ৰেষ্ঠ সন্মানেৰে বিভূষিত কৰা হয়। শিল্পীগৰাকীৰ এই বিৰল সফলতাই তেওঁৰ অনুৰাগীসকলৰ মাজত এক আৱেগিক পৰিৱেশৰ সৃষ্টি কৰাৰ লগতে অসমৰ সাংস্কৃতিক জগতলৈ গৌৰৱ কঢ়িয়াই আনিছে। চলচ্চিত্ৰ জগতৰ এই সন্মানীয় অনুষ্ঠানত জুবিন গাৰ্গক শ্ৰেষ্ঠ নেপথ্য গায়ক (পুৰুষ), লাইফটাইম এচিভমেণ্ট বঁটা আৰু 'ৰৈ ৰৈ বিনালে' ছবিখনৰ বাবে এক বিশেষ সন্মানেৰে বিভূষিত কৰা হয়। জুবিন গাৰ্গৰ হৈ এই বঁটাসমূহ গ্ৰহণ কৰে তেওঁৰ পত্নী গৰিমা শইকীয়া গাৰ্গে। কেইবা দশকজোৰা সাৰ্থক কলাত্মক…

দেশৰ ৰাজনৈতিক মহলত জোকাৰণি সৃষ্টি কৰা চৰ্চিত আবকাৰী নীতি কেলেংকাৰিৰ গোচৰৰ পৰা শুকুৰবাৰে দিল্লীৰ ৰাউজ এভিনিউ আদালতে আম আদমী পাৰ্টীৰ মুৰব্বী অৰবিন্দ কেজৰিৱালক সম্পূৰ্ণৰূপে দোষমুক্ত ঘোষণা কৰে। কেন্দ্ৰীয় অনুসন্ধানকাৰী সংস্থা চিবিআইয়ে তৰা এই গোচৰটোৰ পৰা দিল্লীৰ প্ৰাক্তন মুখ্যমন্ত্ৰীগৰাকীৰ লগতে প্ৰাক্তন উপ-মুখ্যমন্ত্ৰী মনীষ চিছোদিয়াকো আদালতে সন্মানেৰে মুক্তি প্ৰদান কৰিছে। এই ঐতিহাসিক ৰায়ৰ পাছতে আদালতৰ বাহিৰত সাংবাদিকৰ সৈতে কথা পাতি থকাৰ সময়তে কেজৰিৱাল আৱেগিক হৈ পৰা দেখা যায়। বিশেষ ন্যায়াধীশ জিতেন্দ্ৰ সিঙে এই গুৰুত্বপূৰ্ণ ৰায়দান কৰি কেজৰিৱাল আৰু চিছোদিয়াৰ বিৰুদ্ধে অনা সকলো অভিযোগ খাৰিজ কৰে। দীৰ্ঘদিন ধৰি চলা এই আইনী যুঁজৰ পাছত মুক্তি লাভ কৰি অৰবিন্দ কেজৰিৱালে কয়, "আমাৰ ওপৰত বোকা ছটিওৱা…

সন্তানৰ অকাল বিয়োগত ম্ৰিয়মাণ হৈ পৰা এটা শোকাতুৰ পৰিয়ালে গ্ৰহণ কৰা এক বিৰল সিদ্ধান্তৰ বাবে এতিয়া কেইবাজনো ৰোগীলৈ কঢ়িয়াই আনিছে জীৱনৰ নতুন বতৰা। কৰ্ণাটকৰ মানড্যা জিলাৰ চিক্কা মানড্যা গাঁৱৰ দৰ্শন নামৰ এজন যুৱকৰ পথ দুৰ্ঘটনাত মগজুৰ মৃত্যু হোৱাৰ পাছত তেওঁৰ অংগসমূহ দান কৰাৰ বাবে পৰিয়ালে সন্মতি জনাইছে। বেংগালুৰুৰ ভিক্টোৰিয়া হাস্পতালৰ ট্ৰমা এণ্ড ইমাৰজেন্সি কেয়াৰ চেণ্টাৰত এই জটিল অংগ সংস্থাপন প্ৰক্ৰিয়াটো সফলভাৱে সম্পন্ন কৰা হৈছে। ঘটনাৰ বিৱৰণি অনুসৰি, যোৱা ২২ ফেব্ৰুৱাৰীত দৰ্শন নামৰ যুৱকজন বাইকৰ পৰা পৰি আঘাতপ্ৰাপ্ত হৈছিল। প্ৰথম অৱস্থাত তেওঁ আঘাতটোক বিশেষ গুৰুত্ব নিদি ঘৰলৈ উভতি আহি শুই পৰিছিল যদিও পাছলৈ তেওঁৰ স্বাস্থ্যৰ দ্ৰুত অৱনতি ঘটে। হাস্পতালত ভৰ্তি কৰোৱাৰ…

দেশৰ বাবে প্ৰাণ আহুতি দিয়া অসম ৰেজিমেণ্টৰ অগ্নিবীৰ জন গিনলালেন হাওকিপক বুধবাৰে পূৰ্ণ সামৰিক মৰ্যাদাৰে অন্তিম বিদায় জনোৱা হয়। কৰ্তব্যৰত অৱস্থাত বীৰগতি প্ৰাপ্ত হোৱা এই তৰুণ সৈনিকজনৰ বলিদানক সন্মান জনাই আয়োজন কৰা শেষকৃত্যৰ অনুষ্ঠানত এক শোকাকুল পৰিৱেশৰ সৃষ্টি হয়। সামৰিক পৰম্পৰা অনুসৰি অত্যন্ত শ্ৰদ্ধা আৰু মৰ্যাদাৰে বীৰ জোৱানগৰাকীক শেষ বিদায় জনায় সেনা বাহিনীৰ লগতে স্থানীয় ৰাইজে। মণিপুৰৰ এই বিষণ্ণ পৰিৱেশৰ মাজতে ৩ ক’ৰ্পছৰ জেনেৰেল অফিচাৰ কমাণ্ডিঙৰ হৈ অসম ৰাইফলছৰ (দক্ষিণ) আই জি আৰু চেক্টৰ কমাণ্ডাৰে মাল্যদান কৰে। শ্ৰদ্ধাঞ্জলি অনুষ্ঠানত সেনাৰ উচ্চপদস্থ বিষয়াসকলৰ লগতে অসামৰিক প্ৰশাসনৰ প্ৰতিনিধি, প্ৰাক্তন সৈনিক আৰু শ শ স্থানীয় লোকে অংশগ্ৰহণ কৰি দেশপ্ৰেমী জোৱানগৰাকীলৈ গভীৰ শ্ৰদ্ধা নিবেদন…

আগন্তুক বিধানসভা নিৰ্বাচনৰ মিত্ৰতাৰ অংকক লৈ বৰপেটা ৰোডৰ ৰাজীৱ ভৱনত বুধবাৰে সূত্ৰপাত ঘটে এক উত্তাল পৰিৱেশৰ। ভৱানীপুৰ-সৰভোগ সমষ্টিটো মিত্ৰতাৰ খাতিৰত ভাৰতীয় কমিউনিষ্ট পাৰ্টি (মাৰ্ক্সবাদী) চমুকৈ চিপিআই(এম)ক এৰি দিয়াৰ সম্ভাৱনা প্ৰকট হোৱাৰ পাছতেই ক্ষুব্ধ কংগ্ৰেছ কৰ্মীসকলে সাব্যস্ত কৰে তীব্ৰ প্ৰতিবাদ। দলীয় কৰ্মীসকলে স্পষ্টকৈ জনাই দিছে যে যদিহে এই সমষ্টিত কংগ্ৰেছে নিজা প্ৰাৰ্থী প্ৰক্ষেপ নকৰে, তেন্তে তেওঁলোকে গণ পদত্যাগৰ দৰে চৰম পন্থা ল’বলৈ বাধ্য হ’ব। কংগ্ৰেছৰ কেন্দ্ৰীয় নেতৃত্বই মিত্ৰতাৰ খাতিৰত পুনৰবাৰ এই আসনখন চিপিআই(এম)ক এৰি দিব বুলি জানিব পৰাৰ পাছতেই কৰ্মীসকলৰ মাজত তীব্ৰ অসন্তুষ্টিয়ে দেখা দিছে। বছৰ বছৰ ধৰি সমষ্টিটোত কংগ্ৰেছৰ ভেটি শক্তিশালী কৰা তৃণমূল কৰ্মীসকলৰ বাবে এই সিদ্ধান্ত এক 'বিশ্বাসঘাটকতা' বুলি…

সামাজিক মাধ্যমৰ জনপ্ৰিয় প্লেটফৰ্ম ইনষ্টাগ্ৰামত ভাৰতৰ প্ৰধানমন্ত্ৰী নৰেন্দ্ৰ মোদীয়ে শেহতীয়াকৈ অৰ্জন কৰিছে এক ঐতিহাসিক মাইলষ্টোন। বিশ্বৰ প্ৰথমগৰাকী ৰাজনৈতিক নেতা হিচাপে তেওঁ ইনষ্টাগ্ৰামত ১০ কোটি অৰ্থাৎ ১০০ মিলিয়ন ফল'ৱাৰ্ছৰ সীমা অতিক্ৰম কৰিছে। ২০১৪ চনত এই প্লেটফৰ্মত যোগদান কৰা মোদীৰ জনপ্ৰিয়তাই এতিয়া বিশ্বৰ আন সকলো শক্তিশালী ৰাষ্ট্ৰপ্ৰধানক চেৰ পেলাইছে। প্ৰধানমন্ত্ৰীগৰাকীয়ে নিয়মীয়াকৈ চৰকাৰী বৈঠক, বিদেশ ভ্ৰমণ আৰু দেশৰ বিভিন্ন সাংস্কৃতিক অনুষ্ঠানৰ আলোকচিত্ৰ তথা ভিডিঅ’ ইনষ্টাগ্ৰামৰ জৰিয়তে শ্বেয়াৰ কৰে। ইয়াৰ উপৰিও ব্যক্তিগত অনুভৱ আৰু বিশেষ মুহূৰ্তসমূহ পোষ্ট কৰি তেওঁ বিভিন্ন বয়সৰ লোকৰ সৈতে গঢ়ি তুলিছে এক প্ৰত্যক্ষ সংযোগ। এই ডিজিটেল সক্ৰিয়তাই তেওঁক বিশ্বৰ আটাইতকৈ প্ৰভাৱশালী ৰাজনৈতিক ব্যক্তিত্ব হিচাপে প্ৰতিষ্ঠা কৰিছে। ফল'ৱাৰ্ছৰ সংখ্যাৰ দিশৰ পৰা…

বিতৰ্কিত ছবি 'দ্য কেৰালা ষ্ট'ৰী ২'ৰ মুক্তিৰ ওপৰত বৃহস্পতিবাৰে কেৰালা উচ্চ ন্যায়ালয়ে জাৰি কৰিছে অন্তৱৰ্তীকালীন স্থগিতাদেশ। ছবিখনক চেন্সৰ ব'ৰ্ডে দিয়া প্ৰমাণপত্ৰৰ ক্ষেত্ৰত 'বিচাৰ-বুদ্ধিৰ প্ৰয়োগ নকৰাৰ' প্ৰমাণ পোৱা বুলি গুৰুত্বপূৰ্ণ মন্তব্য কৰে ন্যায়ালয়ে। কেন্দ্ৰীয় চলচিত্ৰ প্ৰমাণীকৰণ ব’ৰ্ডৰ (চিবিএফচি) অনুমোদনক প্ৰত্যাহ্বান জনাই দাখিল কৰা কেইবাখনো আবেদনৰ শুনানি গ্ৰহণ কৰি ন্যায়াধীশ বেচু কুৰিয়ান থমাছে এই ৰায় প্ৰদান কৰে। আবেদনকাৰীসকলে ন্যায়ালয়ত যুক্তি দৰ্শাইছিল যে এই ছবিখনত কেৰালাৰ সন্দৰ্ভত তথ্যৰ বিকৃত উপস্থাপন কৰা হৈছে। তেওঁলোকৰ মতে, এনেধৰণৰ বিষয়বস্তুৱে ৰাজ্যখনৰ সাম্প্ৰদায়িক সম্প্ৰীতিৰ ওপৰত বিৰূপ প্ৰভাৱ পেলাব পাৰে। শুনানিৰ সময়ত ন্যায়াধীশগৰাকীয়ে মৌখিকভাৱে কয় যে আবেদনকাৰীসকলে উত্থাপন কৰা শংকা এই পৰ্যায়ত যথেষ্ট যুক্তিপূৰ্ণ যেন ধৰা দিছে। এই সন্দৰ্ভত…