Paromita

আগন্তুক বিধানসভা নিৰ্বাচনৰ প্ৰাকক্ষণত অহা ১৮ ফেব্ৰুৱাৰীত দুদিনীয়া কাৰ্যসূচীৰে ৰাজ্যত উপস্থিত হ’ব বিজেপিৰ নৱনিৰ্বাচিত ৰাষ্ট্ৰীয় সভাপতি নীতিন নবীন। কেন্দ্ৰীয় নেতাগৰাকীয়ে ডিব্ৰুগড়ত এক বিশাল বুথ সন্মিলনত অংশ লোৱাৰ লগতে উজনি অসমৰ কেইবাটাও গুৰুত্বপূৰ্ণ কাৰ্যসূচীত অংশগ্ৰহণ কৰিব। ৰাষ্ট্ৰীয় সভাপতি হিচাপে দায়িত্ব গ্ৰহণ কৰাৰ পাছত এয়া তেওঁৰ প্ৰথম অসম ভ্ৰমণ। ভ্ৰমণসূচী অনুসৰি, ১৯ ফেব্ৰুৱাৰীৰ পুৱা ৯ বজাত নীতিন নবীনে বাৰেকুৰিৰ বৰগাঁৱত অৱস্থিত ঐতিহাসিক বৰনামঘৰত উপস্থিত হৈ আশীৰ্বাদ গ্ৰহণ কৰিব। ইয়াৰ পিছতে তেওঁ গুইজানত মটক ৰজা স্বৰ্গদেউ সৰ্বানন্দ সিংহৰ মৈদামত শ্ৰদ্ধাঞ্জলি অৰ্পণ কৰিব। এই ভ্ৰমণে নিৰ্বাচনৰ পূৰ্বে দলীয় কৰ্মকৰ্তাসকলক যথেষ্ট উৎসাহিত কৰিব বুলি বিজেপি নেতৃত্বই আশা প্ৰকাশ কৰিছে। ৰাষ্ট্ৰীয় সভাপতিৰ আদৰণিৰ প্ৰস্তুতিৰ বুজ ল’বলৈ…

"নাগৰিক দেৱো ভৱঃ" - এই মূল মন্ত্ৰক বুকুত বান্ধি শুকুৰবাৰে নতুন দিল্লীৰ কেন্দ্ৰীয় সচিবালয় কমপ্লেক্সত প্ৰধানমন্ত্ৰীৰ কাৰ্যালয়ৰ নতুন ভৱন 'সেৱা তীৰ্থ' আনুষ্ঠানিকভাৱে মুকলি কৰে প্ৰধানমন্ত্ৰী নৰেন্দ্ৰ মোদীয়ে। কেৱল প্ৰধানমন্ত্ৰীৰ কাৰ্যালয়েই নহয়, এই নৱনিৰ্মিত ভৱনটোত ৰাষ্ট্ৰীয় নিৰাপত্তা পৰিষদৰ সচিবালয় আৰু কেবিনেট সচিবালয়ো অন্তৰ্ভুক্ত কৰা হৈছে। এতিয়াৰে পৰা ৰাইছিনা হিলৰ চাউথ ব্লকৰ পৰিৱৰ্তে 'সেৱা তীৰ্থ'ৰ পৰাই পৰিচালিত হ’ব দেশৰ সৰ্বোচ্চ প্ৰশাসনীয় কাম-কাজ। ঔপনিৱেশিক মানসিকতাৰ পৰা আঁতৰি এক নতুন ভাৰতীয় পৰিচয় গঢ়ি তোলাৰ লক্ষ্যৰে কেন্দ্ৰীয় চৰকাৰে এই পদক্ষেপ গ্ৰহণ কৰিছে বুলি চৰকাৰী পক্ষই জানিবলৈ দিছে। ইয়াৰ পূৰ্বে ৰাজপথক 'কৰ্তব্য পথ' আৰু কেন্দ্ৰীয় সচিবালয়ৰ অট্টালিকাসমূহক 'কৰ্তব্য ভৱন' নামেৰে নামকৰণ কৰা হৈছিল। সেইদৰে ৰাজভৱনসমূহক 'লোক…

সংসদৰ বাজেট অধিৱেশনৰ প্ৰথম পৰ্যায়ৰ কাম-কাজ অন্ত পৰাৰ পাছত শুকুৰবাৰে দুয়োখন সদনৰে কাৰ্যসূচী অহা ৯ মাৰ্চলৈ স্থগিত ৰাখে অধ্যক্ষই। যোৱা ২৮ জানুৱাৰীত ৰাষ্ট্ৰপতি দ্ৰৌপদী মুৰ্মুৰ ভাষণেৰে আৰম্ভ হোৱা এই অধিৱেশনৰ দ্বিতীয় পৰ্যায় অহা মাহৰ ৯ তাৰিখৰ পৰা ২ এপ্ৰিললৈ অনুষ্ঠিত হ’ব। শুকুৰবাৰে লোকসভাত বিৰোধীৰ তীব্ৰ হুলস্থূলৰ মাজতে কেইবাজনো মন্ত্ৰীয়ে নিজ নিজ বিভাগৰ গুৰুত্বপূৰ্ণ নথি-পত্ৰ সদনৰ মেজত দাখিল কৰে। লোকসভাৰ কাম-কাজ আৰম্ভ হোৱাৰ পাছতে পিঠাসীন বিষয়া সন্ধ্যা ৰায়ে প্ৰাক্তন সাংসদ ভগৱান দাস ৰাঠোৰৰ মৃত্যুত শোক প্ৰকাশ কৰে। ইয়াৰ পাছতে প্ৰশ্নোত্তৰ কালত কেন্দ্ৰীয় স্বাস্থ্য মন্ত্ৰী জে পি নাড্ডাই ক'ডিনযুক্ত কাহৰ চিৰাপ সেৱনৰ ফলত হোৱা মৃত্যুৰ সন্দৰ্ভত উত্তৰ দিবলৈ চেষ্টা কৰে যদিও কংগ্ৰেছ,…

বাংলাদেশৰ ত্ৰয়োদশ সংসদীয় নিৰ্বাচনত বাংলাদেশ নেচনেলিষ্ট পাৰ্টী চমুকৈ বি এন পিয়ে বৃহৎ জয় সাব্যস্ত কৰিলেও নতুন সংসদত হিন্দু প্ৰতিনিধিৰ সংখ্যা মাত্ৰ এজনলৈ হ্ৰাস পোৱা পৰিলক্ষিত হয়। তাৰিক ৰহমানৰ নেতৃত্বত বি এন পিয়ে চৰকাৰ গঠনৰ দিশে অগ্ৰসৰ হোৱাৰ সময়তে সংখ্যালঘু প্ৰতিনিধিত্বৰ এই ছবিখনে দেশখনৰ ৰাজনীতিত সৰ্বাংগীনতাৰ প্ৰশ্ন উত্থাপন কৰিছে। বি এন পিয়ে প্ৰতিদ্বন্দ্বিতাত নমোৱা ছয়গৰাকী হিন্দু প্ৰাৰ্থীৰ ভিতৰত কেৱল গয়েশ্বৰ চন্দ্ৰ ৰয়হে বিজয়ী হ’বলৈ সক্ষম হয়। আনহাতে, জামাত-ই-ইছলামীৰ একমাত্ৰ হিন্দু প্ৰাৰ্থী কৃষ্ণ নন্দীয়েও পৰাজয় বৰণ কৰে। উল্লেখ্য যে ২০২৫ চনৰ ডিচেম্বৰ মাহত চৰিফ ওচমান হাদী নামৰ এজন উগ্ৰপন্থী নেতাৰ মৃত্যুৰ পিছৰে পৰা বাংলাদেশত হিন্দু সমাজৰ ওপৰত আক্ৰমণৰ ঘটনা বৃদ্ধি পোৱাক লৈ…

"ভাৰতত থাকিবলৈ হ’লে বন্দে মাতৰম গাবই লাগিব, ই কোনো বিতৰ্কৰ বিষয় হ’ব নোৱাৰে!" -কেন্দ্ৰীয় চৰকাৰৰ নতুন নিৰ্দেশনাক লৈ সৃষ্টি হোৱা তীব্ৰ বাকযুদ্ধৰ মাজতে শুকুৰবাৰে এইদৰে এক তীব্ৰ সকীয়নী দিয়ে উত্তৰ প্ৰদেশৰ উপ-মুখ্যমন্ত্ৰী কেশৱ প্ৰসাদ মৌৰ্যই। ৰাষ্ট্ৰীয় গীত বন্দে মাতৰমৰ আটাইকেইটা স্তৱক গোৱা বাধ্যতামূলক কৰি কেন্দ্ৰীয় গৃহ মন্ত্ৰালয়ে জাৰি কৰা শেহতীয়া নিৰ্দেশনাক আদৰণি জনাই মৌৰ্যই কয় যে যিসকলে ইয়াৰ বিৰোধিতা কৰিব, তেওঁলোকৰ আচল স্বৰূপ দেশবাসীৰ আগত উন্মোচিত হ’ব। বিজেপি নেতাগৰাকীৰ এই মন্তব্যৰ পাছতে সমগ্ৰ দেশৰ ৰাজনৈতিক মহলত প্ৰতিক্ৰিয়াৰ সৃষ্টি হৈছে। কেন্দ্ৰীয় চৰকাৰৰ নতুন নিৰ্দেশনা অনুসৰি, যিকোনো অনুষ্ঠানত ৰাষ্ট্ৰীয় সংগীত 'জন গণ মন'ৰ পূৰ্বে ৰাষ্ট্ৰীয় গীত 'বন্দে মাতৰম'ৰ সম্পূৰ্ণ ছটা স্তৱক গোৱাটো…

ডিমা হাচাওৰ ৰাজনৈতিক সমীকৰণত এক নতুন জোকাৰণি তুলি আজি শাসকীয় দলটোৰ শক্তি বৃদ্ধিৰ উদ্দেশ্যে আয়োজন কৰা হয় এক বিশাল যোগদান কাৰ্যসূচীৰ। মাইবাঙৰ দিশ্ৰু পথাৰত অনুষ্ঠিত এই সন্মিলনত জিলাখনৰ প্ৰভাৱশালী নেতা ডেনিয়েল লাংথাছাই আনুষ্ঠানিকভাৱে নেচনেল পিপলছ পাৰ্টিত যোগদান কৰে। মেঘালয়ৰ মুখ্যমন্ত্ৰী তথা দলটোৰ ৰাষ্ট্ৰীয় সভাপতি কনৰাড চাংমাই নিজে উপস্থিত থাকি লাংথাছাক দলীয় পতাকাৰে আদৰণি জনোৱা এই ঘটনাই পাৰ্বত্য জিলাখনৰ আগন্তুক নিৰ্বাচনী যুঁজত বিশেষ প্ৰভাৱ পেলাব বুলি ধাৰণা কৰা হৈছে। লাংথাছাৰ এই যোগদান অনুষ্ঠানত মেঘালয়ৰ মুখ্যমন্ত্ৰীৰ উপৰিও দলৰ ৰাষ্ট্ৰীয় কাৰ্যকৰী সভাপতি জেমছ চাংমা, উপ-সভাপতি হেমচন্দ্ৰ সিং আৰু তিপ্ৰা মথা দলৰ প্ৰতিষ্ঠাপক প্ৰদ্যুত মাণিক্য দেববৰ্মা উপস্থিত থাকে। ডেনিয়েল লাংথাছাই তেওঁৰ বৃহৎ সংখ্যক সমৰ্থকৰ…

অন্ত পৰিল ভাৰতীয় সংবাদ জগতৰ এক সুৱৰ্ণ অধ্যায়ৰ। আশী আৰু নব্বৈৰ দশকৰ ভাৰতীয় দূৰদৰ্শনৰ প্ৰসিদ্ধ বাতৰি পৰিৱেশিকা সৰলা মহেশ্বৰীয়ে বৃহস্পতিবাৰে দিল্লীত শেষ নিশ্বাস ত্যাগ কৰে। ৭১ বছৰ বয়সত পৰলোকপ্ৰাপ্তি ঘটা মহেশ্বৰীয়ে কেৱল বাতৰি উপস্থাপনৰ জৰিয়তেই নহয়, এগৰাকী দক্ষ ৰাজ্যসভাৰ সাংসদ হিচাপেও ৰাষ্ট্ৰীয় পৰ্যায়ত নিজৰ এক সুকীয়া পৰিচয় দাঙি ধৰিবলৈ সক্ষম হৈছিল। প্ৰাপ্ত তথ্য অনুসৰি, দিল্লীৰ এখন চিকিৎসালয়ত চিকিৎসাধীন হৈ থকা অৱস্থাতে বাৰ্ধক্যজনিত কাৰণত তেওঁ মৃত্যুক সাৱটি লয়। ১৯৮০ চনৰ পৰা ১৯৯০ চনৰ ভিতৰত ডি ডি নেচনেলৰ পৰ্দাত নিজৰ সংযমী ব্যক্তিত্ব আৰু স্পষ্ট উচ্চাৰণেৰে তেওঁ দৰ্শকৰ মন জয় কৰিছিল। তেওঁৰ বিয়োগৰ খবৰ বিয়পি পৰাৰ লগে লগে ছচিয়েল মিডিয়াত অসংখ্য গুণমুগ্ধই শ্ৰদ্ধাঞ্জলি…

অসমৰ পৰিৱেশ সংৰক্ষণৰ ক্ষেত্ৰলৈ আগবঢ়োৱা অতুলনীয় অৱদানৰ বাবে অৰণ্য মানৱ হিচাপে খ্যাত পদ্মশ্ৰী যাদৱ পায়েঙক বুধবাৰে প্ৰদান কৰা হয় অসম নক্ষত্ৰ বঁটা ২০২৬। অসমীয়া সুৰক্ষা মঞ্চৰ দশম প্ৰতিষ্ঠা দিৱস উপলক্ষে তেজপুৰ সাহিত্য সভা ভৱনত আয়োজিত এক গাম্ভীৰ্যপূৰ্ণ অনুষ্ঠানত তেওঁক এই বিশেষ সন্মানেৰে বিভূষিত কৰা হয়। ৰাজ্যৰ সেউজীয়া ধৰিত্ৰী ৰক্ষাৰ বাবে আজীৱন সংগ্ৰাম চলাই যোৱা এইগৰাকী মহান ব্যক্তিক সন্মান জনাই মঞ্চই নিজৰ প্ৰতিষ্ঠা দিৱসটো স্মৰণীয় কৰি তোলে। বঁটা গ্ৰহণৰ পাছতে সংবাদ মাধ্যমৰ সৈতে হোৱা বাৰ্তালাপত যাদৱ পায়েঙে জানিবলৈ দিয়ে যে তেওঁ আমচাং বন্যপ্ৰাণী অভয়াৰণ্যৰ লগতে সমগ্ৰ দেশৰে বন সংৰক্ষণৰ বিষয়টো লৈ প্ৰধানমন্ত্ৰীলৈ এখন পত্ৰ প্ৰেৰণ কৰিছে। গছ কাটি কৰা উন্নয়নৰ পৰিৱৰ্তে…

ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে উত্থাপিত ঘৃণা ভাষণৰ অভিযোগ সন্দৰ্ভত দাখিল হোৱা এখন নতুন আবেদনৰ শুনানি গ্ৰহণৰ বিষয়টো উচ্চতম ন্যায়ালয়ে বিবেচনা কৰিব। বুধবাৰে মুখ্য ন্যায়াধীশ সূৰ্য কান্তৰ নেতৃত্বত গঠিত বিচাৰপীঠখনে এই গুৰুত্বপূৰ্ণ ঘোষণা কৰি বিষয়টোৰ পৰ্যবেক্ষণৰ ইংগিত দিয়ে। ৰাজ্যখনৰ এদল বিশিষ্ট ব্যক্তিয়ে দাখিল কৰা এই নতুন আবেদনখন পূৰ্বৰ আন এক একেধৰণৰ গোচৰৰ সৈতে সংযুক্ত কৰাৰ বাবেও আদালতত অনুৰোধ জনোৱা হৈছে। ড০ হীৰেন গোহাঁই, হৰেকৃষ্ণ ডেকা, পৰেশ চন্দ্ৰ মালাকাৰ আৰু শান্তনু বৰঠাকুৰে দাখিল কৰা এই আবেদনখনত অভিযোগ কৰা হৈছে যে মুখ্যমন্ত্ৰীগৰাকীয়ে বিভিন্ন সময়ত বাংলাভাষী মুছলমানসকলৰ বিৰুদ্ধে বিদ্বেষমূলক মন্তব্য কৰি সমাজত বিভাজনৰ সৃষ্টি কৰিছে। বিশেষকৈ 'মিঞা' আৰু 'বাংলাদেশী' আদি শব্দৰ জৰিয়তে…

৩৭তম বাৰ্ষিকী উদযাপনৰ আৰম্ভণি উপলক্ষে, ডাউন টাউন হস্পিটালে দিঘালী পুখুৰীৰ ওচৰৰ লক্ষীধৰ বৰা ক্ষেত্ৰ (এনচিপি ফিল্ড)ত দুদিনীয়া বহু প্ৰত্যাশিত ডাউন টাউন হেল্থ মেলা ২০২৬ আনুষ্ঠানিকভাৱে উদ্বোধন কৰে। এই অনুষ্ঠানটো প্ৰাগ নিউজৰ মুখ্য সম্পাদক শ্ৰীযুত প্ৰশান্ত ৰাজগুৰুৱে উদ্বোধন কৰে। অনুষ্ঠানত পৰিচালন সঞ্চালক ডাঃ এন. এন. দত্ত, চিকিৎসা সঞ্চালক ডাঃ বি. কে. গগৈ, সঞ্চালক শ্ৰীযুত বিশ্ব দত্ত আৰু চিকিৎসা অধীক্ষক ডাঃ উদয়ন বৰুৱা উপস্থিত আছিল। সমবেত লোকসকলক সম্বোধন কৰি ডাঃ এন. এন. দত্তই সকলোৰে বাবে সুলভ আৰু মানসম্পন্ন স্বাস্থ্যসেৱা আগবঢ়োৱাৰ ক্ষেত্ৰত ডাউন টাউন হস্পিটালৰ অটল প্ৰতিশ্ৰুতিৰ ওপৰত গুৰুত্ব আৰোপ কৰে। তেওঁ কয়,“৩৭ বছৰ ধৰি ডাউন টাউন হস্পিটালে মানদণ্ডৰ স্বাস্থ্যসেৱা প্ৰদান কৰি আহিছে।…