editor

'তিছৰী বাৰ মোডী চৰকাৰ, অব কী বাৰ ৪০০ পাৰ।' ২০২৪ চনৰ লোকসভা নিৰ্বাচনত বিজেপিৰ এই শ্লোগান। মঙলবাৰে এখন বৈঠকৰ অন্তত এই সিদ্ধান্ত লোৱা হৈছে। এনে দাবী এক সৰ্বভাৰতীয় সংবাদ মাধ্যমৰ সূত্ৰৰ। মঙলবাৰৰ বৈঠকত উপস্থিত থাকে বিজেপিৰ সভাপতি জে পি নাড্ডা। দুঘণ্টাৰো অধিক সময় ধৰি চলি থকা এই বৈঠকত কেন্দ্ৰীয় মন্ত্ৰী অশ্বিনী বৈষ্ণৱ, ভূপেন্দ্ৰ যাদৱ, অসমৰ মুখ্যমন্ত্ৰী হিমন্ত বিশ্ব শৰ্মা আদি উপস্থিত থাকে। সংবাদ মাধ্যমৰ আগত দলটোৰ এগৰাকী জ্যেষ্ঠ নেতাই কয় যে বৈঠকত সিদ্ধান্ত লোৱা হৈছিল যে ‘অব কী বাৰ ৪০০ পাৰ’ শ্লোগানেৰে বিজেপিয়ে আগবাঢ়ি যাব বিচাৰে। প্ৰসংগক্ৰমে যোৱা ডিচেম্বৰ মাহত জনা গৈছিল যে প্ৰধানমন্ত্ৰী নৰেন্দ্ৰ মোদীয়ে বিজেপিৰ নেতাসকলৰ বৈঠক আৰম্ভ…

সাংসদ পদ বাতিল সন্দৰ্ভত মহুৱা মৈত্ৰাই দাখিল কৰা গোচৰত উচ্চতম ন্যায়ালয়ে লোকসভা সচিবালয়লৈ জাননী প্ৰেৰণ কৰে। উচ্চতম ন্যায়ালয়ে জানিব বিচাৰিছে যে মহুৱাৰ সাংসদ পদ কিয় বাতিল কৰা হ’ল। সচিবালয়ক ৩ সপ্তাহৰ ভিতৰত উত্তৰ দাখিল কৰিবলৈ কোৱা হৈছে। ১১ মাৰ্চৰ পিছত এই গোচৰৰ পৰৱৰ্তী শুনানি গ্ৰহণ কৰিব সৰ্বোচ্চ ন্যায়ালয়ে। লোকসভাত কৃষ্ণনগৰ তৃণমূলৰ সাংসদ মহুৱা মৈত্ৰাৰ বিৰুদ্ধে ধনৰ বিনিময়ত প্ৰশ্নৰ অভিযোগ উত্থাপন হৈছিল। নৈতিকতা সমিতিৰ এই প্ৰস্তাৱৰ পিছতে তৃণমূল সাংসদগৰাকীক লোকসভাৰ পৰা বহিষ্কাৰ কৰা হয়। আনকি তেওঁক নিজৰ পক্ষ ৰাখিবলৈও সংসদত সুযোগ প্ৰদান নকৰাৰ অভিযোগ উত্থাপন হয়। ইয়াৰ পিছতে মহুৱাই উচ্চতম ন্যায়ালয়ৰ কাষ চাপে। যোৱা মাহত মহুৱাই গোচৰৰ শীঘ্ৰে শুনানি গ্ৰহণৰ বাবেও…

এ পি এছ চিৰ নগদ ধন চাকৰি কেলেংকাৰিৰ সৈতে জড়িত ছয়জন বিষয়াক গ্ৰেপ্তাৰৰ লগে লগে অসম লোকসেৱা আয়োগৰ পৰীক্ষাৰ প্ৰাক্তন প্ৰধান নিয়ন্ত্ৰক নন্দ বাবু সিঙৰ জামিন মঞ্জুৰ কৰে আদালতে। চাকৰিৰ বিনিময়ত নগদ ধন কেলেংকাৰিৰ সৈতে জড়িত নন্দ বাবু সিং আৰু অন্যান্য বিষয়াক গ্ৰেপ্তাৰ কৰিছিল বিশেষ তদন্তকাৰী দলে। উল্লখ্য যে, ১১ ডিচেম্বৰত নন্দ বাবু সিঙক শিলচৰস্থিত বাসগৃহৰ পৰা আটক কৰি একেৰাহে দুদিন জেৰা কৰি গ্ৰেপ্তাৰ কৰা হৈছিল।

হৃদৰোগত আক্ৰান্ত হৈ বৰ্তমানো হাস্পতালতে আছে জনপ্ৰিয় অভিনেতা দ্বীপজ্যোতি কেওট ওৰফে ‘মোহন’। হেল্থচিটী হাস্পতালত চিকিৎসাধীন হৈ আছে দ্বীপজ্যোতি কেওট। অস্ত্ৰোপচাৰৰ পিছত বৰ্তমানো ICUতে আছে অভিনেতাজন। আগন্তুক ৪৮ ঘণ্টা অভিনেতাজনক চিকিৎসকৰ নীৰিক্ষণত ৰখা হ’ব বুলি জনাইছে হাস্পতালক কৰ্তৃপক্ষই। উল্লেখ্য যে, পহিলা জানুৱাৰীত হাস্পতালত ভৰ্তি কৰোৱা হৈছিল ‘মোহন’ক। তাৰ পিছতে চিকিৎসকে অস্ত্ৰোপচাৰৰ পৰামৰ্শ দিছিল। সেইদিনাই হৃদৰোগ বিশেষজ্ঞ মায়াংক আগৰৱালাৰ তত্বাৱধানত দ্বীপজ্যোতিৰ অস্ত্ৰোপচাৰ সম্পন্ন হয়। অস্ত্ৰোপচাৰৰ পিছত ৪৮ ঘণ্টা চিকিৎসকৰ নিৰীক্ষণত ৰখা হয় দ্বীপজ্যোতি কেওটক।

নতুন বছৰৰ আৰম্ভণিতে বনভোজলৈ গৈ অকাল মৃত্যুক সাৱটিবলগীয়া হ’ল ১২ জনকৈ লোকে। পুৱাই এক শোকাবহ দু্ৰ্ঘটনাই জোকাৰি যায় গোলাঘাট জিলাৰ দেৰগাঁৱৰ বালিজানত। বনভোজযাত্ৰীৰ আল্ট্ৰা বাছ আৰু এখন কয়লাভৰ্তি ট্ৰাকৰ মাজত সংঘটিত ভয়ংকৰ দুৰ্ঘটনাত ৩ শিশুসহ থিতাতে মৃত্যুক সাৱটি লয় ১২ জন লোক। এই দুৰ্ঘটনাত আন ৩০ জন লোক আহত হৈ বৰ্তমান হাস্পতালত চিকিৎসাধীন হৈ আছে। জানিব পৰা মতে, গোলাঘাটৰ আঠখেলীয়া ভৰলুৱা গাঁৱৰ ৪৫ জন লোকে নৱবৰ্ষৰ আৰম্ভণিতে বনভোজৰ পৰিকল্পনা কৰিছিল। তেওঁলোকে প্ৰথমে ঐতিহাসিক টিলিঙা মন্দিৰ দৰ্শন কৰি পিছত বগীবিলত বনভোজ খোৱাৰ পৰিকল্পনা কৰি পুৱা ৩.৩০ বজাত বাছত উঠিছিল। কিন্তু যাত্ৰা আৰম্ভ হোৱাৰ মাত্ৰ ১ ঘণ্টা পিছতে দেৰগাঁৱৰ বালিজানত ভুল দিশেৰে…

পুনৰ এবাৰ মাতৃ হ’বলৈ ওলাইছে সীমা হায়দৰ। ভাৰতীয় যুৱক শচীনৰ প্ৰেমৰ পৰি যোৱা বছৰৰ জুন মাহত পাকিস্তানৰ পৰা ভাৰতলৈ আহিছিল সীমা হায়দৰ। এতিয়া নতুন বছৰৰ আৰম্ভণিতে শচীন-সীমালৈ আহিছে ভাল খবৰ। এইবাৰ শচীনৰ সন্তানৰ মাতৃ হ’বলৈ ওলাইছে পাকিস্তানী কন্যা সীমা। উল্লেখ্য যে, সীমাৰ প্ৰথম স্বামীৰ ফালৰ পৰা তেওঁৰ চাৰিটা সন্তান আছে। উল্লেখ্য যে, পাব-জি মোবাইল গেমৰ জৰিয়তে শচীনৰ সৈতে প্ৰেমৰ সম্পৰ্ক গঢ়ি উঠিছিল পাকিস্তানৰ সীমাৰ। ইয়াৰ পিছতে নেপাল হৈ প্ৰেমিক শচীনক লগ কৰিবলৈ অবৈধভাৱে ভাৰতত প্ৰৱেশ কৰিছিল তেওঁ। লগত লৈ আহিছিল পূৰ্বৰ স্বামীৰ ৪ সন্তানকো। উল্লেখ্য যে, সীমাৰ ডাঙৰজনী কন্যাৰ বয়স হৈছে ৮ বছৰ। উল্লেখ্য যে যোৱা ৪ জুলাইত অবৈধভাৱে ভাৰতত…

ৰাজপথৰ পৰা উদ্ধাৰ হ’ল এগৰাকী অৰ্জুন বঁটাপ্ৰাপক আৰক্ষী বিষয়াৰ ক্ষত বিক্ষত মৃতদেহ। পঞ্জাৱ আৰক্ষীত কৰ্মৰত প্ৰাক্তন ভাৰত্তোলক দলবীৰ সিঙৰ ৰহস্যজনক পৰিস্থিতিত মৃতদেহ উদ্ধাৰ হোৱাৰ পিছতে সৃষ্টি হৈছে তীব্ৰ চাঞ্চল্যৰ। পঞ্জাৱৰ জলন্ধৰত সংঘটিত হয় এই ঘটনা। খবৰ অনুসৰি বছৰৰ অন্তিম দিনটোত বন্ধু-বান্ধৱীক লগ কৰিছিল দলবীৰ সিঙে। ইয়াৰ পিছতে তেওঁৰ মৃতদেহ উদ্ধাৰ হয়। প্ৰাথমিক তদন্তত আৰক্ষী বিষয়াগৰাকীক হত্যা কৰা হৈছে বুলি অনুমান কৰা হৈছে। বৰ্তমান পঞ্জাৱ আৰক্ষীয়ে এই ঘটনাৰ তদন্ত অব্যাহত ৰাখিছে। ২০০০ চনত ভাৰোত্তোলক দলবীৰ সিঙক অৰ্জুন বঁটাৰে সন্মানিত কৰা হৈছিল। ইয়াৰ পিছতে তেওঁ পঞ্জাৱ সশস্ত্ৰ আৰক্ষীত ডি এছ পি হিচাপে যোগদান কৰে। ৩১ ডিচেম্বৰত তেওঁ বন্ধু-বান্ধৱীক লগ কৰিছিল। কিন্তু ইয়াৰ…

ফটো তুলি বিশ্ববাসীৰ লগত শ্বেয়াৰ কৰাটো নতুন প্ৰজন্মৰ অন্যতম আবেগ। কিন্তু এই ফটোশ্বুটৰে বাটত হেঙাৰ হৈ থিয় হ’ল পিতৃ-মাতৃ। নতুন বছৰৰ পহিলা দিনটোত শ্বপিং মলত ফটো উঠিব বিচাৰিছিল এগৰাকী তৰুণীয়ে। কিন্তু পিতৃ-মাতৃয়ে বাধা দিয়াৰ বাবেই অভিমানত আত্মহননৰ দৰে পথ বাচি ল’লে যুৱতীগৰাকীয়ে। এই ঘটনা সংঘটিত হৈছে বাংগালুৰুৰ সুধামনগৰ অঞ্চলত। আৰক্ষীৰ সূত্ৰ অনুসৰি মৃত যুৱতীগৰাকীৰ নাম হৈছে বৰ্ষিনী। ২১ বছৰীয়া যুৱতীগৰাকী আছিল বাংগালুৰৰ এখন মহাবিদ্যালয়ৰ স্নাতকৰ ছাত্ৰী। অধ্যয়নৰ লগতে ফটোগ্ৰাফীৰো প্ৰশিক্ষণো লৈছিল যুৱতীগৰাকীয়ে। তেওঁ নতুন বছৰত শ্বপিং মলত ফটো শ্বুট কৰাৰ সিদ্ধান্ত লৈছিল যদিও অভিভাৱকে আপত্তি ব্যক্ত কৰে। এই বিষয়ক লৈ পিতৃ-মাতৃৰ সৈতে কিছু সময় কথাৰ কটাকটি হোৱাৰ পিছত নিজৰ কোঠালৈ…

নতুন বছৰৰ বিশেষ উদযাপনত মহানগৰীত সৃষ্টি হ’ল সুৰা বিক্ৰীৰ অভিলেখ। নতুন বছৰৰ প্ৰাকক্ষণত মহানগৰীত বিক্ৰী হ’ল ৮.৫ কোটি টকাৰ সুৰা। চৰকাৰী তথ্য অনুসৰি, কেৱল ৩১ ডিচেম্বৰৰ সন্ধিয়াটোতে মহানগৰীত সৃষ্টি হয় এই সুৰা বিক্ৰীৰ অভিলেখ। উল্লেখ্য যে, নৱবৰ্ষ উদযাপনত মহানগৰীয়ে সুৰা বিক্ৰীৰ অভিলেখ গঢ়িলেও সুৰাপান কৰি গাড়ী চলোৱাৰ বিৰুদ্ধে কঠোৰ হৈছিল প্ৰশাসন। মহানগৰীত সুৰাপায়ী বাহন চালকৰ বিৰুদ্ধে চলোৱা আৰক্ষীৰ অভিযানৰ সময়ত সৃষ্টি হৈছিল একাধিক অপ্ৰীতিকৰ ঘটনাৰো।

নৱবৰ্ষক আদৰাৰ উছাহৰ মাজতে মহানগৰীত সংঘটিত হ’ল গুলীচালনাৰ ঘটনা। মহানগৰীৰ হাতীগাঁও অঞ্চলত আৰক্ষীৰ বেৰিকেডত যান বাহন পৰীক্ষাৰ সময়তে সংঘটিত হয় এই ঘটনা। জানিব পৰা মতে, AS01AQ6674 নম্বৰৰ এখন স্কৰ্পিঅ’ বাহনে ভেটাপাৰাৰ পৰা হাতীগাঁও অভিমুখে গৈ থকা সময়ত প্ৰথমে এখন ডাম্পাৰৰ খুন্দা মাৰে। দুৰ্ঘটনা সংঘটিত কৰি বাহনচালকজনে পলায়ন কৰিবলৈ চেষ্টা কৰাত আৰক্ষীয়ে বাধা দিবলৈ গুলীচালনা কৰে। অৱশ্যে বাহনখনে সিজুবাৰী অভিমুখে পলায়ন কৰিবলৈ সক্ষম হয়। এই ঘটনাক লৈ গুৱাহাটীৰ জ্যেষ্ঠ আৰক্ষী বিষয়াসকলে উচ্চ পৰ্যায়ৰ তদন্তৰ আহ্বান জনাইছে। পিছত চিটি আৰক্ষীয়ে গাড়ীখন ঢাকি ৰখা এটা ঘৰৰ পৰা স্ক’ৰপিঅ’খন উদ্ধাৰ কৰে। লগে লগে হাউছফেডৰ পৰা অহা লোক দুজনক হাতীগাঁও আৰক্ষীয়ে আটক কৰি নুৰুল হুছেইন…