editor

যদি সকলো ঠিকে থাকে তেন্তে আগন্তুক লোকসভা নিৰ্বাচনত বাৰাণসীৰ পৰা প্ৰধানমন্ত্ৰী নৰেন্দ্ৰ মোদীৰ বিৰুদ্ধে ইণ্ডিয়া মিত্ৰজোঁটৰ প্ৰাৰ্থী হ’ব পাৰে মল্লযুঁজাৰু সাক্ষী মালিক। বিজেপিৰ সাংসদ ব্রিজভূষণ শৰণ সিঙৰ ঘনিষ্ঠ সঞ্জয় সিঙে শেহতীয়াকৈ ভাৰতীয় মল্লযুঁজ সন্থাৰ নতুন সমিতিৰ সভাপতি নির্বাচিত হোৱাৰ দিনাই নিজৰ জোতা টেবুলত থৈ মল্লযুঁজৰ পৰা অৱসৰ লোৱাৰ কথা ঘোষণা কৰে সাক্ষী মালিকে৷ তেতিয়াই সাক্ষীক বাৰাণসীৰ পৰা মোডীৰ বিৰুদ্ধে প্ৰতিদ্বন্দ্বিতা কৰিবলৈ ইণ্ডিয়া এলায়েন্সে প্ৰস্তাৱ দিছিল আৰু তেওঁ সেই কথাত সন্মতি প্ৰকাশ কৰা বুলি জানিব পৰা গৈছে। চলিত মাহত ৰাজধানী দিল্লীত অনুষ্ঠিত ইণ্ডিয়া মিত্ৰজোঁটৰ বৈঠকত তৃণমূল কংগ্ৰেছৰ নেত্ৰী তথা বংগৰ মুখ্যমন্ত্ৰী মমতা বেনাৰ্জীয়ে বাৰাণসীৰ প্ৰধানমন্ত্ৰী নৰেন্দ্ৰ মোডীৰ বিৰুদ্ধে ইণ্ডিয়া মিত্ৰজোঁটৰ কোনোবা…

যৌন নিৰ্যাতনৰ প্ৰতিবাদ কৰাৰ বাবেই এগৰাকী ১৮ বছৰীয়া দলিত যুৱতীক বিহা হ’ল নিৰ্মম শাস্তি। বছৰৰ বিদায় বেলাত পুনৰ এবাৰ এই লোমহৰ্ষক ঘটনা সংঘটিত হ’ল যোগী ৰাজ্য উত্তৰ প্ৰদেশত। নিৰ্যাতনৰ বিৰোধিতা কৰাৰ বাবেই উতলা তেলৰ কেৰাহীত ভৰাই কঠোৰ শাস্তি বিহা হয় যুৱতীগৰাকীক। বৰ্তমান সংকটজনক অৱস্থাত হাস্পতালত ভৰ্তি হৈ আছে দলিত যুৱতীগৰাকী। আৰক্ষীৰ সূত্ৰ অনুসৰি এই ঘটনা সংঘটিত হৈছে যোগীৰাজৰ বাঘপাটত। যুৱতীগৰাকীৰ ভাতৃয়ে আৰক্ষীক অভিযোগ কৰে যে তেওঁৰ ভগ্নীয়ে ধনুদাৰ ছিলভাৰনগৰ গাঁৱৰ এটা তৈল মিলত কাম কৰিছিল। মিলৰ মালিক প্ৰমোদ, তেওঁৰ সংগী ৰাজু আৰু সন্দীপে যুৱতীগৰাকীক নিৰ্যাতন চলায়। প্ৰতিবাদ কৰাৰ সময়ত অভিযুক্তই জাতি উত্থাপন কৰি অশ্ৰাব্য ভাষাত গালি-গালাজ কৰে। ইয়াৰ পিছতে যুৱতীগৰাকীক…

অবৈধ উপায়েৰে ভোটাৰ তালিকাত নাম অন্তৰ্ভূক্ত কৰা এজন বাংলাদেশী নাগৰিকক জেহাদীৰ সন্দেহত দেওবাৰে মৰিগাঁও আৰক্ষীয়ে গ্ৰেপ্তাৰ কৰিবলৈ সক্ষম হয়। মৰিগাঁৱৰ আৰক্ষী অধীক্ষক হেমন্ত কুমাৰ দাসে জানিবলৈ দিয়া মতে, শনিবাৰে নিশা আৰক্ষীয়ে এক গোপন সূত্ৰৰ ভিত্তিত জিলাখনৰ চেনিমাৰী অঞ্চলত অভিযান চলায়। এই অভিযানত এগৰাকী মহিলাৰ ঘৰত গোপনে আশ্ৰয় লৈ থকা বাংলাদেশী নাগৰিকজনক গ্ৰেপ্তাৰ কৰে আৰক্ষীয়ে। আৰক্ষী অধীক্ষকগৰাকীয়ে জানিবলৈ দিয়া মতে, ধৃত বাংলাদেশী নাগৰিকজনৰ নাম ইছলাম মণ্ডল। জেহাদী কাৰ্যকলাপৰ সৈতে জড়িত থকা বুলি আৰক্ষীয়ে সন্দেহ কৰা অভিযুক্তজনে লাহৰিঘাট বিধানসভা সমষ্টিৰ ভোটাৰ তালিকাত নিজৰ নাম নূৰ মণ্ডল বুলি অবৈধভাৱে অন্তৰ্ভূক্ত কৰিছিল। অভিযুক্ত জেহাদীজনে বিগত বিধানসভা নিৰ্বাচনত ভোটদান কৰা বুলিও মন্তব্য কৰে আৰক্ষীয়ে। ইফালে…

বাক্সা জিলাত চাওমিনৰ সৈতে বিহ মিহলাই খাই অসুস্থ হৈ বিগত কেইবাদিনো ধৰি হাস্পতালত চিকিৎসাধীন হৈ থকা তৃতীয় গৰাকী ছাত্ৰীও অৱশেষত শুই পৰিল মৃত্যুৰ কোলাত। উল্লেখ্য যে, ৮ ডিচেম্বৰত টিউছন শিক্ষকে ধমক দিয়াৰ বাবেই তিনিগৰাকী কিশোৰী ছাত্ৰীয়ে চাওমিনৰ সৈতে বিহ মিহলাই খাইছিল। ইয়াৰ পিছতে অসুস্থ হৈ পৰা তিনিওগৰাকী ছাত্ৰীক গুৱাহাটীৰ এখন ব্যক্তিগত হাস্পতালত ভৰ্তি কৰোৱা হৈছিল। কিন্তু ১৩ ডিচেম্বৰত এগৰাকী ছাত্ৰীৰ মৃত্যু ঘটাৰ পিছত ২৫ ডিচেম্বৰতো মৃত্যুক সাৱটি লয় দ্বিতীয়গৰাকী ছাত্ৰীয়ে। ইয়াৰ পিছতে ৩০ ডিচেম্বৰত মৃত্যু ঘটে তৃতীয়গৰাকী ছাত্ৰীৰ। এই ঘটনাৰ সৈতে জড়িত গোচৰ ৰুজু কৰি বাক্সা আৰক্ষীয়ে তদন্ত আৰম্ভ কৰিছে। চাওমিন দোকানৰ স্বত্বাধিকাৰ মিয়াজান আলীক গ্ৰেপ্তাৰ কৰি জেল জিম্মালৈ প্ৰেৰণ…

২২ জানুৱাৰীত অযোধ্যাৰ ৰাম মন্দিৰৰ প্ৰাণ প্ৰতিষ্ঠাৰ পূৰ্বে প্ৰধানমন্ত্ৰী নৰেন্দ্ৰ মোদীয়ে আজি অযোধ্যাক ৰেল ষ্টেচন আৰু বিমানবন্দৰ উপহাৰ দিয়ে। প্ৰধানমন্ত্ৰীয়ে প্ৰথমে অযোধ্যাবাসীৰ বাবে এই ৰেল ষ্টেচন উচৰ্গা কৰে। বিমানবন্দৰৰ পৰা ৰেল ষ্টেচনলৈকে এটা ৰোড শ্ব’ও কৰা হৈছিল আৰু তাৰ পিছত বুটামটো টিপি বিমানবন্দৰটো অযোধ্যাৰ হাতত গতাই দিয়া হয়। প্ৰধানমন্ত্ৰী নৰেন্দ্ৰ মোদীয়ে ১৪০ কোটি দেশবাসীক ২২ জানুৱাৰীত ঘৰে ঘৰে বন্তি প্ৰজ্বলন কৰি সকলোকে দীপাৱলী উদযাপন কৰিবলৈ আহ্বান জনায়। প্ৰধানমন্ত্ৰীয়ে কয় যে ২২ জানুৱাৰীৰ সন্ধিয়া চৌদিশ উজ্বলি থকা উচিত। প্ৰধানমন্ত্ৰী মোদীয়ে কয় যে আজি সমগ্ৰ বিশ্বই আগ্ৰহেৰে অপেক্ষা কৰি আছে ২২ জানুৱাৰীৰ ঐতিহাসিক মুহূৰ্তলৈ, এনে পৰিস্থিতিত অযোধ্যাবাসীৰ মাজত এই উৎসাহ অতি স্বাভাৱিক।…

অযোধ্যাত ৰাম মন্দিৰৰ অভিষেকৰ পূৰ্বে ৰাজনৈতিক প্ৰতিদ্বন্দ্বিতাও তীব্ৰতৰ হৈ পৰিছে। অসমৰ মুখ্যমন্ত্ৰী হিমন্ত বিশ্ব শৰ্মাই কয় যে যদি ছোনিয়া গান্ধী অযোধ্যালৈ যায় তেন্তে হয়তো তেওঁৰ পাপ কমি যাব। ৰাম মন্দিৰৰ অভিষেক আৰু প্ৰাণ প্ৰতিষ্ঠা কাৰ্যসূচীত অংশগ্ৰহণৰ বাবেও বহু বিৰোধী নেতাক নিমন্ত্ৰণ প্ৰেৰণ কৰা হৈছে। ৰাষ্ট্ৰীয় সংবাদ মাধ্যমৰ সৈতে কথা পাতি হিমন্ত শৰ্মাই কয় যে কংগ্ৰেছৰ নেতা ৰাম মন্দিৰৰ অনুষ্ঠানলৈ যাওক বা নাযাওক, সকলো কংগ্ৰেছ কৰ্মীয়ে নিশ্চিতভাৱে যাব। হিমন্ত শৰ্মাই কয় যে ‘২২ জানুৱাৰীৰ পিছত কংগ্ৰেছৰ হিন্দু বুথ নেতা, মণ্ডল নেতা আৰু তেওঁৰ পৰিয়াল ৰাম মন্দিৰলৈ যাব।’ কংগ্ৰেছৰ নেতা মন্দিৰলৈ যাব নেকি বুলি সোধাত অসমৰ মুখ্যমন্ত্ৰীয়ে কয় যে ‘যদি নাযায়, যদি…

ন্যায়াধীশ সন্দীপ মেহতাক উচ্চতম ন্যায়ালয়লৈ পদোন্নীত কৰাৰ ফলত সৃষ্টি হোৱা খালী পদ পূৰণৰ বাবে গৌহাটী উচ্চ ন্যায়ালয়ৰ মুখ্য ন্যায়াধীশ হিচাপে ন্যায়াধীশ বিজয় বিষ্ণৈক নিযুক্তি দিয়াৰ পৰামৰ্শ আগবঢ়াইছে ভাৰতৰ উচ্চতম ন্যায়ালয়ে। মুখ্য ন্যায়াধীশ নিৰ্বাচনৰ ক্ষেত্ৰত বিভিন্ন উচ্চ ন্যায়ালয়ৰ ন্যায্য প্ৰতিনিধিত্বৰ ওপৰত গুৰুত্ব আৰোপ কৰা কাৰ্য্যবিধিৰ স্মাৰকপত্ৰ অনুসৰি এই পৰামৰ্শ দিয়া হৈছে। বৰ্তমান ৰাজস্থান উচ্চ ন্যায়ালয়ৰ জ্যেষ্ঠ ন্যায়াধীশ হিচাপে কাৰ্যনিৰ্বাহ কৰি আছে ন্যায়াধীশ বিষ্ণৈয়ে। ন্যায়িক জীৱনৰ পূৰ্বে তেওঁ ৰাজস্থান উচ্চ ন্যায়ালয় আৰু যোধপুৰৰ কেন্দ্ৰীয় প্ৰশাসনিক ন্যায়াধিকৰণত দেৱানী, অপৰাধমূলক, সাংবিধানিক, সেৱা আৰু নিৰ্বাচনী গোচৰত বিশেষজ্ঞতাৰে আইন চৰ্চা কৰিছিল। খবৰ অনুসৰি তেওঁক নিযুক্তিৰ পৰামৰ্শ দিয়াৰ আনুষ্ঠানিক প্ৰস্তাৱ কলেজিয়ামে দিছিল, য’ত মুখ্য ন্যায়াধীশ ডি ৱাই…

৯ জনীয়া এটা হাতীৰ জাকে সন্ত্ৰাস বিয়পাইছে নলবাৰী জিলাত। কোনো অৰণ্য নথকা নলবাৰীত ভূটানৰ পাদদেশৰ পৰা নামি অহা হাতীৰ জাকটোৰ উপদ্ৰৱত এতিয়া নিদ্ৰা হৰণ হৈছে কেইবাখনো গাঁৱৰ নিৱাসীৰ। জিলাখনৰ ধনতোলা, মৈৰদঙ্গা, ক্ষুদ্ৰকটৰা, গৰেমাৰা, আগ্ৰাকে ধৰি কেইবাখনো গাঁৱত বিগত প্ৰায় দুমাহৰো অধিক সময় ধৰি হাতীৰ জাকটোৱে মুক্ত বিচৰণ কৰি প্ৰতিদিনেই চলাইছে সন্ত্ৰাস। বন্যহস্তীৰ জাকটোৱে দাঁতিকাষৰীয়া কেইবাখনো গাঁৱৰ খেতিপথাৰৰ ফচল খাই-গচকি তহিলং কৰিছে। ইফালে শুকুৰবাৰে নিশাও হাতীৰ জাকটোৱে ক্ষুদ্ৰকটৰা গাঁৱত প্ৰৱেশ কৰি সন্ত্ৰাসৰ সৃষ্টি কৰে। গাঁওখনৰ নিৱাসী তথা স্থানীয় গাঁও পঞ্চায়তৰ সদস্য প্ৰমোদ কলিতাৰ বাসগৃহটো সম্পূৰ্ণৰূপে ভাগি পেলায় হাতীৰ জাকে। ইয়াৰ পূৰ্বে একেখন গাঁৱৰ সৰলা কলিতা আৰু কৰুণা নাথৰ পথাৰৰ পৰা দাই…

শুকুৰবাৰে আলফাৰ আলোচনাপন্থী গোটে কেন্দ্ৰীয় আৰু অসম চৰকাৰৰ সৈতে ত্ৰিপাক্ষিক শান্তি চুক্তি স্বাক্ষৰ কৰি হিংসা পৰিহাৰ কৰি মূলসুঁতিলৈ ঘূৰি অহাৰ বাবে সন্মতি প্ৰদান কৰে। কেন্দ্ৰীয় গৃহমন্ত্ৰী অমিত শ্বাহ আৰু মুখ্যমন্ত্ৰী হিমন্ত বিশ্ব শৰ্মাৰ উপস্থিতিত স্বাক্ষৰিত এই চুক্তিখন আৰবিন্দ ৰাজখোৱা নেতৃত্বাধীন আলফাৰ আলোচনাপন্থী গোট আৰু চৰকাৰৰ মাজত ১২ বছৰ ধৰি বিনাচৰ্ত আলোচনাৰ অন্তত সম্পন্ন হোৱা বুলি বিষয়াসকলে জানিবলৈ দিয়ে। শান্তি চুক্তিৰ ফলত অসমত দশক দশক পুৰণি বিদ্ৰোহৰ অন্ত পৰিব বুলি আশা কৰা হৈছে। কিন্তু পৰেশ বৰুৱাৰ নেতৃত্বত আলফাৰ স্বাধীন গোট এই চুক্তিৰ অংশ নহয়। বৰুৱা চীন-ম্যানমাৰ সীমান্তৰ এঠাইত বাস কৰা বুলি অনুমান কৰা হৈছে। ১৯৭৯ চনত “সাৰ্বভৌম অসম”ৰ দাবীৰে আলফা গঠন…

২০২৩ বৰ্ষত বিশ্বৰ জনসংখ্যা ৭ কোটি ৫০ লাখ বৃদ্ধি পায় আৰু ২০২৪ৰ প্ৰথম দিনা মুঠ বিশ্বব্যাপী জনসংখ্যা আঠ বিলিয়ন অতিক্ৰম কৰিব বুলি অনুমান কৰা হৈছে। বৃহস্পতিবাৰে আমেৰিকা যুক্তৰাষ্ট্ৰৰ লোকপিয়ল ব্যুৰোৰ দ্বাৰা প্ৰকাশিত প্ৰতিবেদনত এই কথা প্ৰকাশ পাইছে।লোকপিয়ল ব্যুৰোৰ তথ্য অনুসৰি, বিশ্বব্যাপী জনসংখ্যা বৃদ্ধিৰ হাৰ যোৱা বছৰ এক শতাংশতকৈও কম আছিল। ২০২৪ চনৰ আৰম্ভণিতে, বিশ্বব্যাপী প্ৰতি ছেকেণ্ডত ৪.৩ জন লোকৰ জন্ম আৰু দুজনৰ মৃত্যু হ'ব বুলি অনুমান কৰা হৈছে। যোৱা বছৰ আমেৰিকা যুক্তৰাষ্ট্ৰৰ জনসংখ্যা ০.৫৩ শতাংশ হাৰত বৃদ্ধি পাইছিল, যি হৈছে বিশ্বব্যাপী বিকাশৰ হাৰৰ আধা। এই বছৰ আমেৰিকাৰ জনসংখ্যা ১.৭ নিযুত বৃদ্ধি পাইছে আৰু নতুন বছৰৰ দিনা তেওঁলোকৰ মুঠ জনসংখ্যা ৩৩৫.৮…