Dipshikha

এবছৰৰ ভিতৰত মৰিগাঁও কাৰাগাৰত কয়দী পলায়নৰ এইটো দ্বিতীয় ঘটনা। বিগত বৰ্ষৰ আগষ্ট মাহতো মৰিগাঁও কাৰাগাৰৰ দেৱাল পাৰ হৈ পলায়ন কৰিছিল পাঁচটা কয়দীয়ে। সেই ঘটনাৰ প্ৰায় ১০ মাহ পাছত পুনৰ সংঘটিত হৈছে অনুৰূপ ঘটনা।যৌন নিৰ্যাতনৰ গোচৰত কাৰাবন্দী হৈ আছিল দুই কয়দী। পুৱতি নিশা কাৰাগাৰৰ পৰা পলায়ন কৰে জিয়াৰুল ইছলাম আৰু সুব্ৰত সৰকাৰ নামৰ কয়দী দুটাই। ইয়াৰ পূৰ্বেও কাৰাগাৰৰ পৰা পলায়ন কৰিছিল জিয়াৰুল ইছলামে। পাছত আৰক্ষীয়ে অভিযান চলায় অন্ধ্ৰপ্ৰদেশৰ পৰা গ্ৰেপ্তাৰ কৰি কাৰাগাৰলৈ আনে কয়দীটোক।কাৰাগাৰ কৰ্তৃপক্ষৰ গাফিলতিৰ বাবেই এইদৰে বাৰে বাৰে কয়দীয়ে পলায়ন কৰাৰ সুবিধা পায় বুলি অভিযোগ তুলিছে একাংশই।

GMCHত চিকিৎসালয়ত থকা সদ্যজাত কেঁচুৱাৰ দুৰ্ভাগ্যজনক মৃত্যুৰ বাতৰি প্ৰকাশ পোৱাৰ পিছতে ৰাজ্যজুৰি সৃষ্টি হৈছে তীব্ৰ চাঞ্চল্যৰ।ঘটনাৰ পিছতে উৎকোচ লোৱাৰ অভিযোগত আৰক্ষীয়ে গ্ৰেপ্তাৰ কৰে চিকিৎসালখনৰ ১১জন অস্থায়ী ট্ৰলী পুলাৰক। ঘটনা সন্দৰ্ভত নিলম্বিত নাৰ্ছ ভানুপ্ৰিয়া মিচঙক গ্ৰেপ্তাৰ কৰিছে আৰক্ষীয়ে। দীঘলীয়া জেৰাৰ অন্তত গ্ৰেপ্তাৰ কৰা হয় ভানুপ্ৰিয়াক। ঘটনাৰ নিশা ছিষ্টাৰ ইনচাৰ্জৰ দায়িত্বত আছিল ভানুপ্ৰিয়া। 140/25 নম্বৰ গোচৰত গ্ৰেপ্তাৰ কৰা হৈছে নাৰ্ছ পৰিদৰ্শক ভানুপ্ৰিয়াক। BNSৰ 305 ধাৰা সন্নিবিষ্ট কৰি আজি আদালতত হাজিৰ কৰাব আৰক্ষীয়ে।

প্ৰধানমন্ত্ৰী নৰেন্দ্ৰ মোদী, প্ৰতিৰক্ষা মন্ত্ৰী ৰাজনাথ সিং, গৃহমন্ত্ৰী অমিত শ্বাহকে ধৰি অন্যান্য জ্যেষ্ঠ নেতাৰ উপস্থিতিত এন ডি এৰ প্ৰাৰ্থী চি পি ৰাধাকৃষ্ণণে বুধবাৰে উপ-ৰাষ্ট্ৰপতি নিৰ্বাচনৰ বাবে মনোনয়ন পত্ৰ দাখিল কৰে ৷ ৰিটাৰ্ণিং অফিচাৰে মনোনয়ন পত্ৰ পৰীক্ষা কৰে আৰু তাৰ পিছত ৰাধাকৃষ্ণণে এখন পঞ্জীত স্বাক্ষৰ কৰে ৷ ইয়াৰ পিছতে ৰিটাৰ্ণিং অফিচাৰে প্ৰধানমন্ত্ৰীক মনোনয়ন পত্ৰৰ স্বীকৃতি পত্ৰ প্ৰদান কৰে ৷ মোদী, শ্বাহ, জ্যেষ্ঠ মন্ত্ৰী প্ৰহ্লাদ যোশী, ধৰ্মেন্দ্ৰ প্ৰধানকে ধৰি টিডিপি নেতা তথা কেন্দ্ৰীয় মন্ত্ৰী কে ৰামমোহন নাইডু, শিৱসেনাৰ নেতা শ্ৰীকান্ত শিন্দে, এল জে পি এছ পি নেতা চিৰাগ পাছোৱানকে ধৰি এন ডি এৰ অন্যান্য নেতাই ৰাধাকৃষ্ণণক সংসদৰ ৰিটাৰ্নিং অফিচাৰৰ কাৰ্যালয়লৈ লৈ যায়…

এইবাৰ উৎকোচ লোৱাৰ অপৰাধত হাতে-লোটে ধৰা পৰিল শিক্ষা বিষয়া। পেঞ্চনৰ কামৰ বাবে উৎকোচ বিচাৰিছিল নগাঁও জিলাৰ লাওখোৱা ব্লকৰ প্ৰাথমিক শিক্ষা বিষয়া মেহবুব আহমেদ লস্কৰে। দুৰ্নীতি নিবাৰক আৰু তদাৰকী শাখাৰ দলে গ্ৰেপ্তাৰ কৰিছে লাওখোৱা ব্লকৰ প্ৰাথমিক শিক্ষা বিষয়া (BEEO)মেহবুব আহমেদ লস্কৰক।

অহা ৯ ছেপ্টেম্বৰত অনুষ্ঠিত হ’ব দেশৰ উপ-ৰাষ্ট্ৰপতি নিৰ্বাচন। ইতিমধ্যে শাসকীয় এন ডি এই প্ৰাৰ্থী হিচাপে প্ৰক্ষেপ কৰিছে চি পি ৰাধাকৃষ্ণনক। কিন্তু বিৰোধী পক্ষই কাক প্ৰক্ষেপ কৰিব, তাক লৈ সৃষ্টি হৈছিল জল্পনা-কল্পনা। আজি সকলো জল্পনা-কল্পনাৰ অন্ত পেলাই ইণ্ডি মিত্ৰজোঁটে ঘোষণা কৰিছে উপ-ৰাষ্ট্ৰপতি পদৰ প্ৰাৰ্থীৰ নাম।তেলেংগানাৰ প্ৰাক্তন ন্যায়াধীশ বি সুদৰ্শন ৰেড্ডীক প্ৰাৰ্থী হিচাপে প্ৰক্ষেপ কৰিছে ইণ্ডিয়া ব্লকে। এন ডি এৰ প্ৰাৰ্থী চি পি ৰাধাকৃষ্ণনৰ বিৰুদ্ধে প্ৰতিদ্বন্দ্বিতা কৰিব ৰেড্ডীয়ে। বি সুদৰ্শন ৰেড্ডীৰ নাম ঘোষণা কৰিছে কংগ্ৰেছৰ সভাপতি মল্লিকাৰ্জুন খাৰ্গেই।

মুখ্যমন্ত্ৰী হিমন্ত বিশ্ব শৰ্মাৰ নিৰ্দেশৰ পাছতে GMCHৰ ১১ জন ট্ৰলী পুলাৰক গ্ৰেপ্তাৰ কৰিছে আৰক্ষীয়ে। জানিব পৰা মতে পূৰ্বৰ এজাহাৰৰ ভিত্তিত এই লোক কেইজনক গ্ৰেপ্তাৰ কৰিছে আৰক্ষীয়ে । আজি তেওঁলোক আটাইকে আদালতত হাজিৰ কৰোৱা হ’ব। উল্লেখ্য যে, গ্ৰেপ্তাৰ হোৱা আটাইকেইজনৰ বিৰুদ্ধে ধন দাবীৰ অভিযোগ আছিল।ৰোগীৰ আত্মীয়ক ধন দাবী কৰাৰ অভিযোগত অভিযুক্ত আটাইকেইজন GMCHৰ ঠিকাভিত্তিক কৰ্মচাৰী।বহু ভুক্তভোগীৰ অভিযোগ আছিল যে, কিছুমান কৰ্মচাৰীয়ে “ট্ৰলী পুলাৰ” বা আন আন সেৱা যেনে চাহ যোগান ধৰাৰ অজুহাতত পৰিয়ালৰ পৰা ৫০০–১০০০ টকা সংগ্ৰহ কৰিছিল।পূৰ্বৰ এজাহাৰৰ ভিত্তিত এই লোক কেইজনক গ্ৰেপ্তাৰ কৰিছে আৰক্ষীয়ে । আজি তেওঁলোক আটাইকে আদালতত হাজিৰ কৰোৱা হ'ব।

আলু অবিহনে হয়তো প্ৰতিটো পাকঘৰেই খালী আৰু প্ৰতিটো ব্যঞ্জনেই আধৰুৱা। আলু ভিটামিন, খনিজ পদাৰ্থ, আইৰণ, ফছফৰাছ আদিৰে সমৃদ্ধ। জুতি লগা খাদ্য ৰন্ধাৰ উপৰিও আলু ব্যৱহাৰ কৰি আমি ছাল, চুলিৰ চিকিৎসা কৰিব পাৰো।আলুয়ে হাইপাৰ পিগমেণ্টেচন প্ৰতিহত কৰে। আলুত থকা কেট চোলাচা নামৰ এনজাইমে ছাললৈ সতেজতা আৰু উজ্জ্বলতা অনাৰ লগতে মুখত ডাঠ দাগ দূৰ কৰাত সহায় কৰে।মুখত আলু আৰু কণীৰ ফেচপেক প্ৰয়োগ কৰিলে মুখৰ ছাল প্ৰসাৰিত হয় আৰু ছাললৈ যৌৱন ঘূৰি আহে। ইয়াৰ বাবে এটা কণীৰ বগা অংশ আধা আলুৰ ৰসত ভালদৰে মিহলি কৰি আধা ঘণ্টাৰ বাবে মুখত প্ৰয়োগ কৰিব। ই মুখত বয়সৰ চাপ পৰা সমস্যা দূৰ কৰে। উল্লেখ্য যে, আলুৰ ব্যৱহাৰে…

এক অনাকাংক্ষিত ঘটনা। জি এম চি এইচত বিচনাৰ পৰা পৰি মৃত্যু হয় এটি নৱজাতকৰ। এই ঘটনাই চিকিৎসা মহাবিদ্য়ালয়খনত তীব্ৰ চাঞ্চল্যৰ সৃষ্টি কৰিছে। শিশুটি NICU ত ভৰ্তি হৈ আছিল।জানিব পৰা মতে, NICU ত এখন বিচনাতে ৰাখিছিল ৩-৪ টাকৈ নৱজাতক। তেতিয়াই এটি নৱজাতক বিচনাৰ পৰা পৰি ৰচীত ওলমি ৰয় আৰু লগে লগে মৃত্যু হয়। চিকিৎসা মহাবিদ্যালয়খলৰ প্ৰসূতি বিভাগৰ ৩নং মহলাত সংঘটিত হৈছে এই ভয়ংকৰ ঘটনা।ঘটনাৰ পাছতে আভ্যন্তৰীণ তদন্তৰ নিৰ্দেশ দিয়া হৈছে। ড০ বৈশ্যই আৰু কয় যে, জি এম চি এইচত এয়া প্ৰথমটো ঘটনা। এই ঘটনা কেনেকৈ সংঘটিত হ’ল সেয়া জানিবলৈ চিচিটিভি ফুটেজ পৰীক্ষা কৰি থকা হৈছে। অধ্যক্ষগৰাকীয়ে কয় যে, এন আই চি…

এক ভয়ংকৰ পথ দুৰ্ঘটনাত প্ৰাণ হেৰুৱালে এগৰাকী মহিলা আৰক্ষী বিষয়াই। জানিব পৰা মতে, এটা কুকুৰক বচাবলৈ গৈ প্ৰাণ হেৰুৱাই ৰিছা শৰ্মা নামৰ মহিলা আৰক্ষী উপ-পৰিদৰ্শকগৰাকীয়ে। উপ-পৰিদৰ্শকগৰাকীয়ে কৰ্তব্য শেষ কৰি ঘৰলৈ গৈ আছিল। তেতিয়াই তেওঁৰ স্কুটিৰ সন্মুখত এটা কুকুৰ দৌৰি আহে। সেই কুকুৰটোক ৰক্ষা কৰাৰ চেষ্টা কৰোতেই ৰিছাক পাছফালৰ পৰা অহা এখন বাহনে খুন্দা মাৰে। যাৰ ফলত তেওঁ গুৰুতৰভাৱে আঘাতপ্ৰাপ্ত হয় আৰু চিকিৎসালয়ত ভৰ্তি কৰোৱা হয়। কিন্তু চিকিৎসাধীন অৱস্থাত মৃত্যুক সাৱটি লয় তেওঁ।এই ঘটনা সংঘটিত হৈছে উত্তৰ প্ৰদেশৰ গাজিয়াবাদত। ২৫ বছৰীয়া ৰিছাৰ ঘৰ কানপুৰত বুলি জানিব পৰা গৈছে। এই ঘটনাই সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰিছে।

নক্সালবাদৰ বিৰুদ্ধে তীব্ৰ অভিযান চলাইছে নিৰাপত্তা বাহিনীয়ে। বিশেষকৈ ছত্তীশগড়ত নিৰাপত্তা বাহিনীয়ে শেহতীয়া কিছুদিনত নক্সালবাদৰ বিৰুদ্ধে জোৰদান অভিযান চলাই ব্যাপক সফলতা লাভ কৰিছে। ইতিমধ্যে কেন্দ্ৰীয় গৃহমন্ত্ৰী অমিত শ্বাহে আগন্তুক বৰ্ষৰ মাৰ্চ মাহৰ ভিতৰত নক্সালবাদ সম্পূৰ্ণ নিঃশেষ কৰা হ’ব বুলিও হুংকাৰ দিছে। কেন্দ্ৰৰ এনে অভিযানৰ মাজতো পিছে সক্ৰিয় হৈ আছে নক্সাল বিদ্ৰোহ। ছত্তীশগড়ত পুনৰ নক্সাল বিদ্ৰোহীয়ে সংঘটিত কৰিছে ভয়ংকৰ বিস্ফোৰণ।বিস্ফোৰণত DRG দলৰ জোৱান দীনেশ নাগ শ্বহীদ হোৱাৰ বিপৰীতে আন তিনিজন জোৱান আহত হয়। আহত জোৱানকেইজনৰ স্বাস্থ্যৰ অৱস্থা সম্প্ৰতি সংকটমুক্ত বুলি জানিব পৰা গৈছে।কৰ্তৃপক্ষই প্ৰকাশ কৰা মতে জোৱানকেইজনৰ অপাৰেচন সম্পন্ন হ’ব আৰু তাৰ পিছতহে বিতং তথ্য প্ৰদান কৰা হ’ব।