Dipshikha

মণিপুৰৰ কামজং জিলাত বৃহস্পতিবাৰে সন্ধিয়া সন্দেহযুক্ত NSCN-IMৰ কেডাৰে সংঘটিত কৰা এক এম্বুশ্বত এগৰাকী মহিলা নিহত হোৱাৰ লগতে তেওঁৰ স্বামী গুৰুতৰভাৱে গুলীবিদ্ধ হয় । আনহাতে, ঘটনাৰ পিছৰে পৰা আন দুজন লোক সন্ধানহীন হৈ আছে ।এই আক্ৰমণত হাটনেইকিম হাওকিপ নামৰ মহিলাগৰাকী থিতাতে নিহত হোৱা বুলি জানিব পৰা গৈছে । তেওঁৰ স্বামী জামখংগাম হাওকিপ গুৰুতৰভাৱে গুলীবিদ্ধ হয় । আন দুজন লোকৰ বৰ্তমানলৈকে কোনো সন্ধান পোৱা হোৱা নাই ।ঘটনাটোক তীব্ৰ গৰিহণা দি কুকি-জো কাউন্সিলে ইয়াৰ তাৎক্ষণিক আৰু নিৰপেক্ষ তদন্তৰ দাবী জনাইছে । লগতে আক্ৰমণৰ সৈতে জড়িতসকলৰ বিৰুদ্ধে কঠোৰ ব্যৱস্থা গ্ৰহণ কৰি দোষীক জবাবদিহি কৰাৰ আহ্বান জনাইছে সংগঠনটোৱে ।কুকি-জো কাউন্সিল (KZC)-এ ১৬ অক্টোবৰত প্ৰকাশ কৰা…

এইবাৰ ৰাজধানী দিল্লীত দাহন কৰা হ’ব ৩০ ফুট উচ্চতাৰ পইতাচোৰা। ৰামলীলাত ৰাৱণ, কুম্ভকর্ণ আৰু মেঘনাদৰ সৈতে দাহ কৰা হ'ব পইতাচোৰাক।পিতামপুৰাত শ্রীকেশৱ ৰামলীলা কমিটীয়ে আয়োজন কৰা ৰামলীলাত 'স্বচ্ছ ভাৰত' আৰু ‘স্বচ্ছ দিল্লী' অভিযানৰ অংশ হিচাপে পইতাচোৰা দাহ কৰাৰ সিদ্ধান্ত গ্ৰহণ কৰা হৈছে। কমিটীৰ বিষয়ববীয়াই সদৰী কৰা অনুসৰি, পইতাচোৰাই লেতেৰাক প্ৰতিনিধিত্ব কৰে। যাৰবাবে তেওঁলোকে ৰামলীলাত পইতাচোৰাক জ্বলাই দিয়াৰ সিদ্ধান্ত গ্ৰহণ কৰিছে।

বিহাৰৰ বৈশালী জিলাৰ ৰাঘোপুৰৰ সমীপত মঙলবাৰৰ মাজনিশা এখন নাও ডুবি ১৩টি নাবালকৰ মৃত্যু হোৱাৰ লগতে কেইবাজনো লোক নিৰুদ্দেশ হৈ আছে ৷ বৈশালী জিলা দণ্ডাধীশ বৰ্ষ সিঙে এই কথা নিশ্চিত কৰিছে । নাৱেৰে ওচৰৰ গাঁৱৰ এঘৰত ভোজ খাবলৈ যোৱাৰ সময়তে নাওখন নদীত ডুব যায় ৷ আন কেইবাজনকো উদ্ধাৰ কৰা হৈছে ।প্ৰধানমন্ত্ৰীৰ কাৰ্যালয়ে এক্সত শ্বেয়াৰ কৰা এটা পোষ্টত প্ৰধানমন্ত্ৰী ৰাষ্ট্ৰীয় সাহায্য পুঁজিৰ পৰা প্ৰতিজন মৃতকৰ নিকটাত্মীয়ৰ বাবে ২ লাখ টকাৰ আৰু আহতসকলৰ বাবে ৫০ হাজাৰ টকাৰ এককালীন আৰ্থিক সাহায্য প্ৰদানৰ কথা ঘোষণা কৰে ।

যন্তৰ মন্তৰত অনাধিকাৰ প্ৰৱেশৰ গোচৰত বুধবাৰে পুৱতি নিশা আৰক্ষীয়ে সৌৰভ, আশুতোষ আৰু অজিংক্য গ্ৰেপ্তাৰ কৰাৰ কথা জানিবলৈ দিয়ে ৷অনুমতি অবিহনে যন্তৰ মন্তৰত প্ৰৱেশ কৰাৰ বাবে দণ্ডাধীশে ৰাংকা আৰু দাসক পাঁচ দিনৰ ন্যায়িক জিম্মালৈ প্ৰেৰণ কৰে ।ইফালে অজিংক্য সিন্দেক ব্যক্তিগত বণ্ডত মুকলি কৰি দিয়া হৈছে ।

ৰঙিয়াৰ সোঁমাজেৰে পাৰ হৈ যোৱা ২৭ নং ৰাষ্ট্ৰীয় ঘাইপথৰ হাইৱে চ'কৰ উৰণীয়া সেতুৰ সমীপত প্ৰশাসনৰ তৰফৰ পৰা এক বৃহৎ উচ্ছেদ অভিযান চলোৱা হয়। ৰাষ্ট্ৰীয় ঘাইপথৰ চৰকাৰী ভূমি বেদখল কৰি একাংশ লোকে অবৈধভাৱে পকী তথা কেঁচা ঘৰ নিৰ্মাণ কৰাৰ লগতে বিভিন্ন ব্যৱসায়িক প্ৰতিষ্ঠান গঢ়ি তুলিছিল।পুৱাৰ ভাগৰ পৰা সমজিলা প্ৰশাসনে কাৰ্যবাহী দণ্ডাধীশ আৰু বৃহৎ সংখ্যক আৰক্ষী তথা অৰ্ধসাময়িক বাহিনীৰ উপস্থিতিত এই উচ্ছেদ অভিযান আৰম্ভ কৰে। জেচিবি আৰু বুলড’জাৰ লগ লগাই পথৰ কাষৰ সকলো অবৈধ নিৰ্মাণ আৰু টিনশেমৰ দোকান ভাঙি গুচি ভূমিখণ্ড বেদখল মুক্ত কৰা হয়। প্ৰশাসনৰ এই আকস্মিক তথা কঠোৰ পদক্ষেপে সমগ্ৰ ৰঙিয়া চহৰতে তীব্ৰ চাঞ্চল্যৰ সৃষ্টি কৰিছে।

মঙলবাৰে নিশা পশ্চিমবংগৰ প্ৰাক্তন মুখ্যমন্ত্রী মমতা বেনাৰ্জীক চোকা অস্ত্ৰৰে আক্ৰমণৰ চেষ্টা চলোৱাৰ অভিযোগ উত্থাপন হৈছে । তৃণমূলৰ কংগ্ৰেছৰ সাংসদ দোলা সেনে অভিযোগ কৰা অনুসৰি, এগৰাকী মহিলাই হাতত চোকা অস্ত্ৰ লৈ মমতা বেনাৰ্জীক আক্ৰমণ কৰাৰ চেষ্টা কৰে ৷সাংসদ সেনে দাবী কৰা অনুসৰি, সন্দেহযুক্ত মহিলাগৰাকীয়ে নিজকে 'চিভিক ভলেণ্টিয়াৰ' বুলি পৰিচয় দিছিল । আনকি নিজকে মমতা বেনাৰ্জীৰ ভতিজী বুলিও দাবী কৰিছিল । এই ঘটনাক লৈ কালীঘাট থানাত এজাহাৰ দাখিল কৰিছে সাংসদগৰাকীয়ে ৷

সমগ্ৰ বিশ্বতে বৰ্তমান প্ৰকৃতিৰ সংহাৰী ৰূপ দেখিবলৈ পোৱা গৈছে । দুখীয়া বা উন্নয়নশীল দেশৰ পৰা উন্নত দেশলৈ প্ৰকৃতিৰ ৰোষৰ পৰা কোনো সাৰি যাব পৰা নাই । বিশেষকৈ ধাৰাসাৰ বৰষুণ, কৃত্ৰিম বান আৰু ভূমিস্খলনে বিশ্বজুৰি এক আতংকৰ সৃষ্টি কৰিছে ।দক্ষিণ আমেৰিকাৰ চিলিৰ বিভিন্ন প্ৰান্তত কিছুদিনৰ পৰা ধাৰাসাৰ বৰষুণ অব্যাহত আছে । যাৰ ফলত চিলিৰ ৰাজধানী ছেণ্টিয়াগো আৰু ইয়াৰ আশে-পাশে থকা অঞ্চলত বানে ভয়ংকৰ ৰূপ ধাৰণ কৰিছে । সমগ্ৰ অঞ্চল বোকা-পানীৰে ভৰি পৰিছে ।আগষ্ট মাহত হোৱা মহাপ্ৰলয়ৰ পৰা নেপাল উদ্ধাৰ হ'ব পৰাই নাই । তেনে সময়তে পুনৰ দেশখন আন এক দুৰ্যোগৰ মুখামুখি হৈছে । দেশখনৰ গোৰ্খা জিলাত বুধী গণ্ডক নদীয়ে কালৰূপ ধাৰণ…

নেপালৰ গোৰ্খাত আকস্মিক বান ৷ বানত বহুতো ক্ষতিসাধন হয় ৷ কেবাজনো নিৰুদ্দেশ, ৪৭ জনক উদ্ধাৰ ৷নৰ প্ৰকৃতিৰ ৰোষত নেপাল ৷ শেহতীয়াকৈ আকস্মিক বানৰ ফলত নেপালত অভাৱনীয় পৰিস্থিতিৰ সৃষ্টি হৈছে ৷ দেওবাৰে পুৱাৰ ভাগত নেপালৰ গোৰ্খা জিলাত বুধী গণ্ডক নদীত হঠাতে বানৰ সৃষ্টি হয় ৷ হঠাতে অহা এই বানত ৩৫টাতকৈও অধিক ঘৰ, দলং উটি যায় ৷ লগতে এই বানৰ ফলত জলবিদ্যুৎ প্ৰকল্পৰো ক্ষতিসাধন হয় ৷বুধী গণ্ডক নদীৰ কাষত বাস লোকসকলক ইতিমধ্যে সেই স্থান এৰি ওখ ঠাইলৈ যাবলৈ বিভাগীয় কৰ্তৃপক্ষৰ ফালৰ পৰা আহ্বান জনোৱা হৈছে ।

সোণাপুৰস্থিত জুবিনক্ষেত্ৰত আৰম্ভ বিক্ষোভ কাৰ্যসূচী। জুবিন গাৰ্গ ফেন ক্লাৱৰ উদ্যোগত তথা অগণন অনুৰাগীৰ উপস্থিতিত এই বিক্ষোভ কাৰ্যসূচী ৰূপায়ণ কৰে। ‘মায়াবিনী’ গীত গাই প্ৰতিবাদত বহিল গৰিমা শইকীয়া গাৰ্গ, পামী বৰঠাকুৰৰ লগতে একাংশ জুবিন অনুৰাগী। ইপিনে,চৰকাৰ আৰু ন্যায় ব্যৱস্থাৰ বিৰুদ্ধে আস্থাহীনতা প্ৰকাশ কৰি গৰিমা শইকীয়াই মূল অভিযুক্তৰ জামিন লাভক লৈ প্ৰশ্ন উত্থাপন কৰাৰ পিছতে এই শান্তিপূৰ্ণ ধৰ্ণা কাৰ্যসূচীয়ে এক বিশেষ তাৎপৰ্য বহন কৰিছে। জুবিন গাৰ্গক ন্যায় প্ৰদানৰ দাবীত জুবিনক্ষেত্ৰত বৰ্তমানো হাজাৰ হাজাৰ অনুৰাগী একত্ৰিত হৈ প্ৰতিবাদ অব্যাহত ৰাখিছে।সংবাদ মাধ্যমৰ আগত মন্তব্য প্ৰদান কৰি গৰিমা শইকীয়া গাৰ্গে কয় যে-"জুবিন সকলোৰে স্বাভিমান, সকলোৰে আৱেগ। আমি জুবিনৰ সঠিক ন্যায় বিচাৰি আজি ৰাজপথলৈ ওলাই আহিছো। আমাক…

উজনিৰ বানাক্ৰান্তৰ ক্ষতিপূৰণৰ দাবীত দিছপুৰত তীব্ৰ প্ৰতিবাদ। জনতা ভৱন আৰু মন্ত্ৰী আৱাসৰ সমুখত ৰাইজৰ দলে সাব্যস্ত কৰে প্ৰতিবাদী কাৰ্যসূচী।মন্ত্ৰী আৱাস-জনতা ভৱনৰ সমুখৰ বেৰিকেড ভাঙি দিয়ে প্ৰতিবাদকাৰীয়ে।আৰক্ষীয়ে বাধা প্ৰদান কৰাৰ লগতে প্ৰতিবাদকাৰীসকলক ঠেলি-হেঁচি আৰক্ষীৰ বাহনত উঠাই আটক কৰে। আৰক্ষীয়ে বাধা দিয়াক লৈ উত্তেজনাৰ সৃষ্টি হয় প্ৰতিবাদস্থলীত।