মিজোৰাম

সোমবাৰে মিজোৰামৰ মুখ্যমন্ত্ৰী পু লালডুহোমাই আইজলৰ I&PR মিনি থিয়েটাৰত অনুষ্ঠিত হোৱা ভানাপা হল আৰু পাৰ্ক আৰ্কিটেকচাৰেল ডিজাইন প্ৰতিযোগিতাৰ বিজয়ীসকলক বঁটা প্ৰদান কৰে। নগৰ উন্নয়ন আৰু দৰিদ্ৰতা নিৰ্মূলন (UD&PA) বিভাগে এই বঁটা প্ৰদান অনুষ্ঠানৰ আয়োজন কৰিছিল। এই বিভাগেই আইজলৰ কেন্দ্ৰস্থলত অৱস্থিত প্ৰাক্তন অসম ৰাইফলছৰ দখলত থকা মাটিৰ পুনৰ্নিৰ্মাণৰ নোডেল বিভাগ। সভাত ভাষণ দি মুখ্যমন্ত্ৰীয়ে আইজলৰ পৰিচয় বহন কৰিব পৰা এখন "প্ৰতীকী ভৱন" নিৰ্মাণৰ তেওঁৰ দৃষ্টিভংগীৰ কথা উল্লেখ কৰে।তেওঁ আইজল ইন্সপেকচন বাংলো (IB)ৰ ৰাস্তা বহল কৰা আৰু সম্পূৰ্ণ আধুনিকীকৰণৰ পৰিকল্পনাৰ কথাও প্ৰকাশ কৰে। মুখ্যমন্ত্ৰীয়ে গুৰুত্ব আৰোপ কৰে যে ৰাজ্যৰ আন্তঃগাঁথনি আন ৰাজ্যৰ লগত প্ৰতিযোগিতা কৰিব পৰাকৈ ডিজাইন কৰা উচিত। নতুন ভানাপা হল…

সোমবাৰে মিজোৰামৰ ৰাজ্যপাল ভি কে সিঙে ড্ৰাগছৰ অপব্যৱহাৰৰ বিৰুদ্ধে সামূহিক পদক্ষেপৰ প্ৰয়োজনীয়তাৰ ওপৰত গুৰুত্ব আৰোপ কৰি ৰাইজক মিজো মূল্যবোধ 'ত্লাওমঙাইহনা' — নিস্বাৰ্থতা, সহানুভূতি আৰু স্বেচ্ছাসেৱাৰ মনোভাৱ বজাই ৰাখিবলৈ আহ্বান জনায়। য়ং মিজো এছ’চিয়েচনৰ (ৱাই এম এ) ৯১ সংখ্যক প্ৰতিষ্ঠা দিৱসত ৰাইজক শুভেচ্ছা জনাই সিঙে ড্ৰাগছ আৰু নিচাযুক্ত দ্ৰব্যৰ পৰা আঁতৰি থাকিবলৈ আৰু বিশেষকৈ যুৱপ্ৰজন্মৰ উজ্জ্বল ভৱিষ্যত সুৰক্ষিত কৰিবলৈ এই ব্যাধিৰ বিৰুদ্ধে সামূহিক যুঁজ শক্তিশালী কৰিবলৈ আহ্বান জনায়। তেওঁ লগতে সমাজৰ বিভিন্ন শ্ৰেণীৰ মাজত একতা বৃদ্ধি, জ্যেষ্ঠসকলক সন্মান আৰু চহকী সাংস্কৃতিক ঐতিহ্যত শিপাই থকাৰ আহ্বান জনায়। ৱাই এম এক মিজোৰামৰ সৰ্ববৃহৎ সামাজিক-সাংস্কৃতিক আৰু স্বেচ্ছাসেৱী সংগঠন বুলি বৰ্ণনা কৰি ৰাজ্যপালগৰাকীয়ে কয় যে…

মিজোৰাম বিধানসভা নিৰ্বাচনৰ ১২ জন প্ৰাৰ্থীৰ তালিকা প্ৰকাশ কৰিলে বিজেপিয়ে। ৭ নৱেম্বৰত মিজোৰামৰ ৪০খন বিধানসভাৰ আটাইকেইখন আসনৰ বাবে ভোটদান অনুষ্ঠিত হ’ব আৰু ৩ ডিচেম্বৰত ইয়াৰ ফলাফল প্ৰকাশ কৰা হ’ব। বিজেপিৰ বিৰোধী দল কংগ্ৰেছে মঙলবাৰে (১৩ অক্টোবৰ ২০২৩) মুঠ ৪০ জন প্ৰাৰ্থীৰ তালিকা প্ৰকাশ কৰিছিল। মিজোৰাম বিধানসভা নিৰ্বাচনৰ বাবে সোমবাৰে কংগ্ৰেছে ৪০খন আসনৰ আটাইকেইখন আসনৰ বাবে প্ৰাৰ্থী ঘোষণা কৰে। এই তালিকাত দলৰ ৰাজ্যিক সমিতিৰ সভাপতি লালসাৱতাৰ নামো সন্নিবিষ্ট কৰা হৈছে। প্ৰথমে ৩৯ জন প্ৰাৰ্থীৰ তালিকা দলে প্ৰকাশ কৰে আৰু তাৰ পিছত সন্ধিয়া বাকী এখন আসনৰ বাবেও প্ৰাৰ্থী ঘোষণা কৰা হয়। কংগ্ৰেছৰ প্ৰাক্তন অধ্যক্ষ ৰাহুল গান্ধীয়ে মিজোৰাম ভ্ৰমণৰ দিনটোত প্ৰাৰ্থীৰ তালিকা প্ৰকাশ…

বুধবাৰে মিজোৰামত এখন নিৰ্মাণাধীন ৰেলৱে দলং ভাঙি পৰাৰ ফলত ১৭ জন শ্ৰমিকৰ মৃত্যু হয়। আৰক্ষীয়ে জানিবলৈ দিয়া মতে, আৰু বহু লোক এই স্থানত আবদ্ধ হৈ থকাৰ আশংকা কৰা হৈছে আৰু তেওঁলোকক উদ্ধাৰৰ বাবে প্ৰচেষ্টা অব্যাহত আছে। তেওঁলোকে কয় যে দলংখন ভাঙি পৰাৰ সময়ত প্ৰায় ৩৫ৰ পৰা ৪০জন নিৰ্মাণ শ্ৰমিক কৰ্মৰত হৈ আছিল। আইজলৰ পৰা প্ৰায় ২১ কিলোমিটাৰ নিলগৰ চাইৰাং অঞ্চলত এই শোকাবহ ঘটনা সংঘটিত হয়। প্ৰধানমন্ত্ৰী নৰেন্দ্ৰ মোদীয়ে এই ঘটনাক লৈ দুখ প্ৰকাশ কৰি দুৰ্ঘটনাত মৃত্যু হোৱা লোকক ২ লাখ টকাকৈ ক্ষতিপূৰণ দিয়াৰ কথা ঘোষণা কৰে, আৰু আহতসকলৰ বাবে ৫০ হাজাৰ টকাকৈ ক্ষতিপূৰণ দিয়াৰ কথা ঘোষণা কৰে। মিজোৰামৰ মুখ্যমন্ত্ৰী জোৰামথাংগাই…

অসম ৰাইফলছ আৰু মিজোৰাম আৰক্ষীয়ে চলোৱা দুটা যুটীয়া অভিযানৰ ফলত মিজোৰামৰ দুটা স্থানৰ পৰা ১ কিলোৰো অধিক হেৰোইন জব্দ কৰা হয়। জব্দ কৰা নিচাজাতীয় সামগ্ৰীৰ বজাৰ মূল্য প্ৰায় ৬ কোটি টকা বুলি অনুমান কৰা হৈছে। প্ৰথম অভিযানটো বুধবাৰে লুংলেই জিলাৰ চাৰ্কাৱন এলেকাত সম্পন্ন কৰা হৈছিল। গোপন খবৰৰ ওপৰত আধাৰিত কৰি, দলটোৱে এটা ম'বাইল চেক পোষ্টৰ পৰা এখন বাহন জব্দ কৰি ৮০ টা চাবোনৰ বাকচত সৰবৰাহ কৰা হেৰোইন খিনি উদ্ধাৰ কৰে। নিচাজাতীয় সামগ্ৰীৰ সৈতে জড়িত থকাৰ অভিযোগত দুজন মহিলাসহ পাঁচজন লোকক আটক কৰা হৈছে।

কেন্দ্ৰীয় গৃহমন্ত্ৰী অমিত শ্বাহে ১৭ মাৰ্চত মিজোৰামত আছাম ৰাইফলছৰ নতুন কমপ্লেক্স উদ্বোধন কৰিব বুলি মুখ্যমন্ত্ৰী জোৰামথাংগাই ২৮ ফেব্ৰুৱাৰীত প্ৰকাশ কৰে। আইজলৰ সমীপৰ জোখোৱাছাঙত শ্বাহে এ আৰ কমপ্লেক্স উদ্বোধন কৰিব বুলি মুখ্যমন্ত্ৰীয়ে সাংবাদিকৰ আগত জনায়। ২০১৮ চনৰ নৱেম্বৰ মাহত অনুষ্ঠিত হোৱা বিধানসভা নিৰ্বাচনত শাসকীয় মিজো নেচনেল ফ্ৰণ্টৰ শীৰ্ষ এজেণ্ডাসমূহৰ ভিতৰত আছিল আইজলৰ পৰা প্ৰায় ১৫ কিলোমিটাৰ দূৰত্বৰ জোখোৱাছাংলৈ অসম ৰাইফলছ শিবিৰটো স্থানান্তৰ কৰা। ২০১৯ চনৰ ফেব্ৰুৱাৰী মাহত কেন্দ্ৰীয় গৃহ মন্ত্ৰালয়ে সেই বছৰৰ ৩১ মে’ৰ ভিতৰত বেটেলিয়নৰ মুখ্য কাৰ্যালয় জোখোৱাছাঙলৈ স্থানান্তৰিত কৰিবলৈ অসম ৰাইফলছক নিৰ্দেশ দিছিল। মহানগৰীৰ মাজমজিয়া জোডিন আৰু খাটলাত দুটাকৈ আছাম ৰাইফলছৰ ঘাটি আছে। জোডিনত থকাটো জোখোৱাছাঙলৈ স্থানান্তৰ কৰা হৈছে।…

পুনৰ বহি:ৰাজ্যত আক্ৰমণৰ বলি হল অসমীয়া যুৱক। এইবাৰ মিজো দুৰ্বৃত্তৰ আক্ৰমণৰ বলি হল বোকাখাতৰ সজন কুমাৰ শইকীয়া নামৰ এজন যুৱক। মিজোৰামত ফকলেন কোম্পানিত কৰ্মৰত বোকাখাত ৰজাবাৰীৰ সজন কুমাৰ শইকীয়া। মিজোৰামৰ আইজলত কৰ্মস্থলীৰ পৰা উভতাৰ পথত ধন দাবী কৰি মিজো দুৰ্বৃত্তই মাৰপিত কৰাৰ অভিযোগ উত্থাপন হৈছে যুৱকজনক। ইফালে মিজো দুৰ্বৃত্তৰ আক্ৰমণত গুৰুতৰভাৱে আহত যুৱক জন সম্প্ৰতি আইজলৰ চৰকাৰী চিকিৎসালয়ত চিকিৎসাধীন হৈ আছে। ইতিমধ্যে পুত্ৰৰ কাষলৈ ৰাওনা হৈছে পিতৃ-মাতৃ।