Blog

পেপচিকো ইণ্ডিয়াৰ ষ্টিং য়ে যুৱসকলক এক বৈদ্যুতিক নতুন গ্ৰীষ্মকালীন অভিযানৰ দ্বাৰা সতেজ কৰিবলৈ সাজু হৈছে যি হৈছে ব্ৰেণ্ডটোৰ 'এনাৰ্জি বোলে তো ষ্টিং' মন্ত্ৰৰ এক সম্প্ৰসাৰণ। ষ্টিংয়ে ব্ৰেণ্ড এম্বেচেডৰ আৰু চুপাৰষ্টাৰ অক্ষয় কুমাৰক লৈ এটা নতুন টিভিচি উন্মোচন কৰিছে।ষ্টিং আৰু অক্ষয় কুমাৰে একেলগে সমগ্ৰ দেশতে ব্ৰেণ্ডটোৰ পদচিহ্ন সম্প্ৰসাৰিত কৰিবলৈ, যুৱসকলক নিয়োজিত কৰিবলৈ আৰু দৰ্শকসকলক তেওঁলোকৰ জীৱনৰ প্ৰতিটো মুহূৰ্ত কেন-ডু শক্তিৰে সৰ্বাধিক কৰিবলৈ উৎসাহিত কৰিবলৈ সাজু হৈছে। নতুন ষ্টিং টিভিচিটো ৩৬০ ডিগ্ৰী প্ৰচাৰৰ সৈতে টিভি, ডিজিটেল, বাহিৰৰ আৰু ছ'চিয়েল মিডিয়াত সম্প্ৰসাৰিত কৰা হ'ব। ষ্টিং ভাৰতৰ সকলো আধুনিক আৰু পৰম্পৰাগত ৰিটেইল আউটলেটত ২০০ মিলি আৰু ২৫০ মিলিত সৰু একক চাৰ্ভ পেক আৰু ৫০০…

দেওবাৰে সন্ধিয়া কলিয়াবৰত এক ভয়ংকৰ পথ দুৰ্ঘটনা সংঘটিত হয়। কলিয়াবৰ তিনিআলিত ৰাষ্ট্ৰীয় ঘাই পথ পাৰ হ’ব লওতেই দ্ৰুতবেগী অচিনাক্ত বাহনৰ খুন্দাত এজন পথচাৰী থিতাতে নিহত হয় । দুৰ্ঘটনা সংঘটিত কৰিয়েই বাহন খনে পলায়ন কৰে । কলিয়াবৰ আৰক্ষী ঘটনাস্থলীত উপস্থিত হৈ ধন বিশ্বাসৰ মৃতদেহ ৰাষ্ট্ৰীয় ঘাই পথৰ মাজৰ পৰা উদ্ধাৰ কৰে।‌ বাহন খনৰ সন্ধানত কলিয়াবৰ আৰক্ষীয়ে অভিযান আৰম্ভ কৰিছে ।

ঢকুৱাখনা  পৌৰ সভা নিৰ্বাচনৰ ১০ টা ৱাৰ্ডৰ বাবে  মুঠ ২৪ গৰাকী  প্ৰাৰ্থীয়ে দাখিল কৰা মনোনয়ন পত্ৰৰ দুগৰাকীয়ে দেওবাৰে নিজৰ মনোনয়ন প্ৰত্যাহাৰ কৰে । ঢকুৱাখনা মহকুমা প্ৰশাসনে নিৰ্দ্ধাৰণ প্ৰাৰ্থী সকলৰ  মনোনয়ন প্ৰত্যাহাৰৰ অন্তিম দিন। সেই অনুসৰি ঢকুৱাখনা  পৌৰ সভাৰ ৫ নং ৱাৰ্ডৰ নিৰ্দলীয় প্ৰাৰ্থী  অকণ গগৈ আৰু ৯  নং ৱাৰ্ডৰ নিৰ্দলীয় প্ৰাৰ্থী  জোনটি দত্তই দেওবাৰে  নিজৰ প্ৰাৰ্থীত্ব প্ৰত্যাহাৰ কৰে ।

শনিবাৰৰ পৰা আৰম্ভ হ’ল গুৱাহাটী আৰু উত্তৰ গুৱাহাটীৰ মাজত নৈশ ফেৰী সেৱা। জল পৰিবহন বিভাগৰ অভিলাষী আঁচনিৰ ফলস্বৰূপে এতিয়াৰে নিশাও ফেৰীৰে যাত্ৰা কৰিব পৰা যাব গুৱাহাটীৰ পৰা উত্তৰ গুৱাহাটীলৈ। ইয়াৰ বাবে এটা মোবাইল এপও প্ৰস্তুত কৰি উলিওৱা হৈছে যিয়ে নিশা ব্ৰহ্মপুত্ৰৰ মাজত ফেৰী চলাচলৰ ক্ষেত্ৰত দিশ নিৰ্ণয় কৰিব। মাদ্ৰাছ আই আই টিৰ বিজ্ঞানী ড০ কে ৰাজুৰ সহযোগত প্ৰস্তুত কৰি উলিওৱা হৈছে এই বিশেষ এপটো। প্ৰায় ২ বছৰ ধৰি কাম কৰাৰ পিছত সফালতা লাভ কৰে জল পৰিবহন বিভাগে।

উচ্চতৰ মাধ্যমিক শিক্ষা সাংসদে বিহুক লৈ জাৰি কৰিছে নতুন নিৰ্দেশনা। বিহু পাঠ্যক্ৰমৰ ব্যৱহাৰিক পৰীক্ষাৰ বাবে পৰীক্ষকৰ থাকিব লাগিব বিশেষ যোগ্যতা। তেওঁ স্নাতকোত্তৰ হ’ব লাগিব, যিকোনো বিষয়ত। বিহুৰ থিয়ৰী আৰু ব্যৱহাৰিক দিশত জ্ঞান থাকিব লাগিব। যিকোনো চৰকাৰী বা প্ৰাদেশিককৰণ উচ্চ/উচ্চতৰ মাধ্যমিক, বিদ্যালয় বা মহাবিদ্যালয়ৰ শিক্ষক হ’ব লাগিব।

ইউপিপিএলৰ সভাপতি প্ৰমোদ বড়োৱে ২০২০ চনত তৰা এক মানহানি গোচৰক কেন্দ্ৰ কৰি শনিবাৰে বিপিএফৰ সভাপতি তথা প্ৰাক্তন বিটিচিৰ মুখ্য কাৰ্যবাহী সদস্য হাগ্ৰামা মহিলাৰী কোকৰাঝাৰ জিলা মুখ্য ন্যায়িক দণ্ডাধীশৰ আদালতত হাজিৰ হয় । হাজিৰ হ’ব লগা হোৱা ঘটনাই চাঞ্চ্যলৰ সৃষ্টি কৰি তুলিছে ৷ প্ৰমোদ বড়োৱে মহিলাৰীকে ধৰি আন ১১ জনৰ বিৰুদ্ধে তৰা ষড়যন্ত্ৰ আৰু মানহানি গোচৰ( নং চি আৰ গোচৰ নং ৩৪/২০২০) মৰ্মে ভাৰতীয় দণ্ডবিধি আইনৰ ১২০(বি)/৫০০ ধাৰাত এক গোচৰ ৰজু হৈছিল। উক্ত গোচৰৰ আধাৰতে আজি কোকৰাঝাৰ মুখ্য ন্যায়িক দণ্ডাধীশৰ আদালতত হাগ্ৰামা মহিলাৰীয়ে অধিবক্তা আব্দুল আলী মণ্ডল আৰু প্ৰসেনজিৎ দত্তক লগত লৈ আদালতত হাজিৰ হয় ।

১৪ ফেব্ৰুৱাৰীত, আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিঙ্কেনে মহামাৰী সঁহাৰিৰ ওপৰত বিশ্বব্যাপী পদক্ষেপৰ সমন্বয়ৰ উদ্দেশ্যৰে কোভিড-১৯ ৰ ওপৰত এক ভাৰ্চুৱেল গ্লোবেল একচন মিটিং আহ্বান কৰে, বিশেষকৈ টিকাকৰণ, যোগান শৃংখলা স্থিতিস্থাপকতা, তথ্যৰ ব্যৱধান সমাধান কৰা, স্বাস্থ্যসেৱা কৰ্মীসকলক সমৰ্থন কৰা, ভেকছিন বিহীন হস্তক্ষেপ নিশ্চিত কৰা আৰু বিশ্বব্যাপী স্বাস্থ্য সুৰক্ষা স্থাপত্য শক্তিশালী কৰা। ভাৰতৰ বৈদেশিক সচিব হৰ্ষ বৰ্ধন শ্ৰীংলাই ভাৰতক প্ৰতিনিধিত্ব কৰে, আনহাতে বৈঠকত বৈদেশিক মন্ত্ৰী আৰু বিভিন্ন দেশ আৰু আন্তঃৰাষ্ট্ৰীয় সংগঠনৰ জ্যেষ্ঠ বিষয়াসকল উপস্থিত থাকে। বৈঠকত শ্ৰীংলাই ভাৰতৰ বিশ্বব্যাপী কোভিড-১৯ সঁহাৰিৰ তুলনাত কিছুমান প্ৰাসংগিক কথা উল্লেখ কৰে। ভাৰতৰ ঘৰুৱা সঁহাৰিৰ বিষয়ে উল্লেখ কৰি তেওঁ কয়, "আমি আমাৰ প্ৰাপ্তবয়স্ক জনসংখ্যাৰ ৭০% লোকক সম্পূৰ্ণৰূপে…

ইয়োটা ইনফ্ৰাষ্ট্ৰাকচাৰৰ সৈতে ডাটাচেণ্টাৰ, ক্লাউড কম্পিউটিং আৰু এণ্টাৰপ্ৰাইজ টেকন'লজী অফাৰত সফল প্ৰৱেশকৰাৰ পিছত, হিৰানন্দানী গ্ৰুপে এতিয়া ইয়াৰ নতুন উদ্যোগ - তেজ প্লেটফৰ্মৰ সৈতে বহল প্ৰযুক্তি-চালিত উপভোক্তা সেৱাৰ ওপৰত গুৰুত্ব দিবলৈ সাজু হৈছে। তেজ প্লেটফৰ্মে সামাজিক মাধ্যম, মনোৰঞ্জন, গেমিং আৰু ই-ক্ৰীড়া, ই-কমাৰ্চ, ব্যক্তিগত গতিশীলতা, কৃত্ৰিম বুদ্ধিমত্তা আৰু ব্লকচেইন সংযোজিত সমাধানৰ ক্ষেত্ৰত বৃহৎ সুযোগৰ ওপৰত গুৰুত্ব দিব। "প্ৰধানমন্ত্ৰী আৰু ভাৰত চৰকাৰৰ ডিজিটেল ইণ্ডিয়াৰ দৃষ্টিভংগীৰ সৈতে সংগতি ৰাখি, ২০২২ চনৰ কেন্দ্ৰীয় বাজেটত প্ৰতিধ্বনিত হোৱাৰ দৰে, আমি প্ৰযুক্তি-চালিত, নতুন যুগৰ সেৱাৰ ওপৰত আমাৰ মনোযোগ বঢ়াই আছো। ক্লাউড কম্পিউটিং, আন্তঃসংযোগ, উদ্যোগ এপ্লিকেচন আৰু এণ্টাৰপ্ৰাইজ চাইবাৰ সুৰক্ষা প্ৰযুক্তিৰ ক্ষেত্ৰত বিনিয়োগ কৰাৰ বাবে ইয়োটা ইনফ্ৰাষ্ট্ৰাকচাৰ আমাৰ বাবে…

কামৰূপ জিলাত অবৈধ অৰু অস্বাস্থ্যসন্মত পানী বটলিং কাৰখানাসমূহ সমুলঞ্চে উৎখাত কৰাৰ লক্ষ্যেৰে উপায়ুক্ত পল্লৱ গোপাল ঝাই গঠন কৰি দিয়া টাস্ক ফ’ৰ্চে জিলাখনৰ বিভন্ন প্ৰান্তত জোৰদাৰ অভিযান আৰম্ভ কৰিছে। কেতবোৰ ৰাজহুৱা অভিযোগৰ পৰিপ্ৰেক্ষিতত জনসাধাৰণৰ জীৱন আৰু স্বাস্থ্য ৰক্ষাৰ বাবে জিলা প্ৰশাসনে চক্ৰ বিষয়া, দণ্ডাধীশ, আৰক্ষী খাদ্য সুৰক্ষা বিষয়া তথা গুৱাহাটী পৌৰ নিগমৰ বিষয়াৰ দ্বাৰা গঠন কৰা ‘টাস্ক ফৰ্চে’ ইতিমধ্যে জিলাখনৰ কেবাটাও অনুমতিবিহীন, অস্বাস্থ্যসন্মত পানী বটলিং কাৰখানা তাৎক্ষণিকভাৱে বন্ধ কৰি দিয়ে।

এখন ৰে’লে মহটিয়ালে চাৰিচকীয়া বাহন। উজনিমুৱা ডেম’ ৰে’লে মহটিয়ালে এল্ট’ বাহনখনক। এল্ট’ বাহনখনত দুজন আৰোহী থকাৰ সন্দেহ। আনহাতে এল্ট’খনৰ ভিতৰতে আবদ্ধ চালক দিলোৱাৰ হুছেইন। শিলিগুৰিৰ পৰা নিউ বঙাইগাঁও অভিমুখী আছিল ৰে’লখন। ক্রচিঙত ৰে’ল গেট নথকাৰ বাবেই সংঘটিত এই দুৰ্ঘটনা।