Sonakshi Sarkar

গণৰাজ্য দিৱসৰ পেৰেডত বিৰোধী দলৰ নেতাসকলৰ আসন স্থানক কেন্দ্র কৰি অসম কংগ্ৰেছ সভাপতি গৌৰৱ গগৈয়ে কেন্দ্ৰীয় চৰকাৰক কঠোৰ সমালোচনা কৰিছে। ২৬ জানুৱাৰীত অনুষ্ঠিত কুচকাৱাজত বিৰোধী দলপতি মল্লিকাৰ্জুন খাৰ্গে আৰু ৰাহুল গান্ধীক যথাযথ প্ৰটোকল অনুসৰি আসন নিদিয়াৰ অভিযোগ উঠিছে। গগৈয়ে উল্লেখ কৰিছে যে গণৰাজ্য দিৱসৰ দৰে অনুষ্ঠানত বিৰোধী নেতাৰ গুরুত্ব অবনমিত কৰা হৈছে। ক্ৰমাগত এনে ঘটনাসমূহ সংঘটিত হোৱাৰ সন্দৰ্ভত তেওঁ চৰকাৰক জবাবদিহিতাৰ বাণী জৰিও কৰিছে। অন্যদিকে, ৰাহুল গান্ধীৰ পৰম্পৰাগত বিশিষ্ট বস্ত্ৰ নপিন্ধাটোও বিজেপিৰ সমালোচনাৰ বিষয় হৈছে। অসম মুখ্যমন্ত্ৰী হিমন্ত বিশ্ব শৰ্মাই এই সন্দৰ্ভত ৰাহুলক অপমান কৰা বুলি অভিযোগ কৰিছে, আৰু গগৈয়ে প্ৰতিছবি দিয়াৰ সময় চিহ্নিত কৰি জাতীয় উৎসৱৰ প্ৰতি সদয় মনোভাবৰ…

নতুন দিল্লীঃ পবিত্ৰ গণৰাজ্য দিৱস উপলক্ষে ৰাষ্ট্ৰপতি ভৱনত আয়োজিত হাই-টী বা বিশেষ চাহ চক্ৰত এইবাৰ উত্তৰ-পূৰ্বাঞ্চলৰ পৰম্পৰাগত খাদ্যসম্ভাৰে বিশেষ মৰ্যাদা লাভ কৰিছে। ৰাষ্ট্ৰপতি দ্ৰৌপদী মূৰ্মুৱে আয়োজন কৰা এই অনুষ্ঠানৰ মেনুত অসমৰ লগতে ত্ৰিপুৰা, নাগালেণ্ড, মণিপুৰ আৰু অৰুণাচল প্ৰদেশৰ কেইবাটিও জুতি লগা থলুৱা ব্যঞ্জনে স্থান লাভ কৰে। বিশেষকৈ অসমৰ মাঘ বিহুৰ পৰম্পৰাৰ সৈতে জড়িত তিল পিঠা, তিলৰ লাড়ু আৰু নাৰিকলৰ লাড়ুৱে ৰাষ্ট্ৰীয় পৰ্যায়ৰ এই অনুষ্ঠানত সকলোৰে দৃষ্টি আকৰ্ষণ কৰে। অসমৰ উপৰি উত্তৰ-পূবৰ আন ৰাজ্যসমূহৰ খাদ্য সংস্কৃতিৰ বৈচিত্ৰ্যও এই চাহ চক্ৰত প্ৰতিফলিত হয়। ৰাজ্যখনৰ লগতে নাগালেণ্ড আৰু মণিপুৰত জনপ্ৰিয় পুষ্টিকৰ ক’লা চাউলৰ পায়স অনুষ্ঠানটোৰ অন্যতম আকৰ্ষণ হৈ পৰে। ইয়াৰ উপৰি অসম আৰু…

দলীয় নীতি-আদৰ্শৰ গণ্ডীৰ ভিতৰত থাকিহে প্ৰতিগৰাকী নেতাই নিজৰ বক্তব্য আগবঢ়ায়। - শেহতীয়াকৈ বিজেপিয়ে কৰা অভিযোগৰ প্ৰত্যুত্তৰ দি এই মন্তব্য কৰে বিৰোধী দলপতি দেৱব্ৰত শইকীয়াই। বিজেপিৰ মুখপাত্ৰ সঞ্জীৱ শৰ্মাই দাবী কৰিছিল যে ধুবুৰীৰ সাংসদ ৰকিবুল হুছেইনৰ লিখিত অনুমতি অবিহনে শইকীয়াক সংবাদ মাধ্যমৰ সৈতে কথা পাতিবলৈ নিষেধ কৰা হৈছে। এই অভিযোগক এক পৰিকল্পিত ষড়যন্ত্ৰ আখ্যা দি শইকীয়াই কয় যে দলীয় অনুশাসন মানি চলাটো কোনো কণ্ঠৰোধ নহয়, বৰঞ্চ ই এক সামূহিক দায়িত্বহে। ৰাহুল গান্ধীক নতুন দিল্লীত সাক্ষাৎ কৰাৰ পাছতেই সৃষ্টি হোৱা এনে ধৰণৰ চৰ্চাক তেওঁ বিজেপিৰ এক বিভ্ৰান্তিকৰ কৌশল বুলি অভিহিত কৰে। তেওঁৰ মতে, গুৰুত্বপূৰ্ণ ৰাজনৈতিক পৰিঘটনাৰ পূৰ্বে ৰাইজৰ দৃষ্টি আঁতৰাই নিবলৈহে বিজেপিয়ে…

গুৱাহাটী মহানগৰীৰ পাৰ্শ্বৱৰ্তী ৰাণীৰ মৈৰাপুৰ–মাজপাৰাত  পুৱতি নিশা এটি বন্যহস্তীয়ে গণেশ মন্দিৰ ভাঙি লণ্ডভণ্ড কৰি দিয়ে। উল্লেখ্য যে গাঁওখনৰ ৰাইজে বন্যহস্তীৰ বাসভূমি হৈ পৰা মাহেন্দ্ৰী সংৰক্ষিত অঞ্চলৰ একাষে এটি গণেশ মন্দিৰ সাজিছিল। উক্ত মন্দিৰটোত গণেশ চতুৰ্থীৰ দিনটো বিশেষভাৱে পালন কৰাৰ লগতে বৰ্ষটোৰ বিভিন্ন সময়ত ৰাইজে পূজা–পাতল আগবঢ়াই আহিছিল। মৈৰাপুৰ–মাজপাৰা গাঁৱৰ সভাপতি ৰমেশ দাসে জানিবলৈ দিয়া মতে, প্ৰধানতঃ আমাৰ গাঁওখনত বনৰীয়া হাতীৰ তাণ্ডৱ লীলা চলে। হাতীৰ মুখৰ পৰা ধান কাঢ়ি আনিবলৈ সক্ষম হ’লেহে আমি খেতিৰ ভাত খাবলৈ পাওঁ। ইপিনে ধানখেতি শেষ হোৱাৰ পাছত আমাৰ বাৰী, বস্তিবোৰত বনৰীয়া হাতীৰ তাণ্ডৱ চলে। সেয়ে আমি অনবৰত শংকা কঢ়িয়াই ফুৰিবলগীয়া হয়। বনৰীয়া হাতীৰ তাণ্ডৱত আতংকিত হৈ…

ৰাজ্যৰ ভোটাৰ তালিকাৰ বিন্যাস সলনিৰ ষড়যন্ত্ৰ চলোৱা শাসকীয় পক্ষৰ বিৰুদ্ধে এতিয়া সৰব হৈ পৰিছে বিৰোধী ৰাজনৈতিক শক্তিসমূহ। বকো সমজিলা আয়ুক্তৰ কাৰ্যালয়ত বিজেপি নেতাই ভোটাৰৰ নাম কৰ্তনৰ বাবে ফৰ্ম-৭ দাখিল কৰাৰ ভিডিঅ' শেহতীয়াকৈ ভাইৰেল হোৱাৰ পাছতেই শনিবাৰে ৰাইজৰ দলৰ সভাপতি তথা বিধায়ক অখিল গগৈয়ে যোৰহাট সদৰ থানাত এক এজাহাৰ দাখিল কৰে। ভোট চুৰিৰ এই ভয়ংকৰ অভিযোগৰ সন্দৰ্ভত অখিল গগৈয়ে দক্ষিণ কামৰূপ জিলা বিজেপিৰ সাধাৰণ সম্পাদক প্ৰহ্লাদ বিশ্বাস, সম্পাদক মৃন্ময় বড়ো আৰু বুদ্ধেশ্বৰ ৰাভাকে ধৰি কেইবাগৰাকীও নেতাৰ বিৰুদ্ধে গোচৰ ৰুজু কৰিছে। আনকি, এই কাৰ্যত সহায় কৰাৰ গুৰুতৰ অভিযোগ তুলি তেওঁ বকোৰ সমজিলা আয়ুক্ত প্ৰিয়াংশ ভৰদ্বাজ আৰু কামৰূপৰ জিলা আয়ুক্ত দেৱ কুমাৰ মিশ্ৰৰ…

সাংস্কৃতিক ঐতিহ্যৰ সুৰক্ষা আৰু ৰাজনৈতিক প্ৰতিশ্ৰুতি পূৰণৰ দাবীত এতিয়া উত্তাল হৈ পৰিছে নদী দ্বীপ মাজুলীৰ পৰিৱেশ। মাজুলীৰ আউনীআটী সত্ৰৰ মণিকাঞ্চন ৰংগক্ষেত্ৰত চলি থকা ১১ দিনীয়া সদৌ অসম ভাওনা সমাৰোহত উপস্থিত থাকি সদৌ অসম ছাত্ৰ সন্থাৰ সভাপতি উৎপল শৰ্মাই গুৰুজনাৰ অমৰ সৃষ্টি 'ভাওনা'ক ইউনেস্ক’ৰ ‘ইনটেনজিবল কালচাৰেল হেৰিটেজ’ হিচাপে স্বীকৃতি প্ৰদানৰ বাবে চৰকাৰক পদক্ষেপ ল’বলৈ দাবী জনায়। সমাৰোহত ভাষণ প্ৰদান কৰি আছুৰ সভাপতিগৰাকীয়ে চৰকাৰৰ বিৰুদ্ধে ক্ষোভ উজাৰি কয় যে মাজুলীক বিশ্ব ঐতিহ্য ক্ষেত্ৰ হিচাপে ঘোষণা কৰাৰ দাবী দীৰ্ঘদিনীয়া যদিও চৰকাৰে ইয়াৰ প্ৰতি গুৰুত্ব প্ৰদান কৰা নাই। ইয়াৰ উপৰিও অসম চুক্তিৰ ৬ নং দফা ৰূপায়নৰ প্ৰসংগ উত্থাপন কৰি তেওঁ ফেব্ৰুৱাৰী মাহৰ প্ৰথম ভাগতে…

সৰস্বতী পূজাৰ বিয়লি তীব্ৰবেগী বাহনৰ খুন্দাত এগৰাকী যুৱতীৰ কৰুণ মৃত্যুৰ ঘটনাই সমগ্ৰ মহানগৰীতে তীব্ৰ চাঞ্চল্য অব্যাহত ৰাখিছে। কাহিলীপাৰাত ১০৮ এম্বুলেঞ্চ চলাই দুৰ্ঘটনা সংঘটিত কৰি পলায়ন কৰা চালক ৰেকিবুদ্দিন আহমেদে অৱশেষত শনিবাৰে ৰঙিয়া থানাত আত্মসমৰ্পণ কৰে। কামৰূপ জিলাৰ দগাঁৱৰ বাসিন্দা ৰেকিবুদ্দিনৰ বিৰুদ্ধে ইতিমধ্যে দিছপুৰ থানাত এজাহাৰ দাখিল কৰিছে নিহত লুনা ভৰদ্বাজৰ পৰিয়ালে। শুকুৰবাৰে সংঘটিত এই মৰ্মান্তিক দুৰ্ঘটনাত জে বি ল’ কলেজৰ ছাত্ৰী তথা বঙাইগাঁৱৰ উত্তৰ শালমাৰাৰ নিবাসী লুনা ভৰদ্বাজৰ থিতাতে মৃত্যু হৈছিল। অহা মঙলবাৰে এক্সিছ বেংকত কৰ্মজীৱন আৰম্ভ কৰাৰ কথা আছিল মেধাৱী যুৱতীগৰাকীৰ। একেটা দুৰ্ঘটনাতে অচ্যুৎ বৰুৱা নামৰ এজন যুৱকো গুৰুতৰভাৱে আঘাতপ্ৰাপ্ত হয় আৰু বৰ্তমান তেওঁ গুৱাহাটী মেডিকেল কলেজ হাস্পতালত চিকিৎসাধীন…

সৰস্বতী পূজাৰ দিনাই নিশা সংঘটিত এক ভয়ংকৰ দুৰ্ঘটনাই কাঢ়ি নিলে এহাল যুৱক-যুৱতীৰ প্ৰাণ। লখিমপুৰ জিলাৰ নাওবৈচাত ১৫ নং ৰাষ্ট্ৰীয় ঘাইপথৰ ৰঙানদী এলেকাত নিশা প্ৰায় ১২ বজাত এই মৰ্মন্তুদ ঘটনাটো সংঘটিত হয়। প্ৰাপ্ত তথ্যমতে, লখিমপুৰ চহৰৰ ফালৰ পৰা লালুকৰ দিশে গৈ থকা এ আৰ-০১ টি-৫৯৫৬ নম্বৰৰ মহিন্দ্ৰা স্ক'ৰপিঅ' বাহনখনে নাওবৈচা গ্ৰাম্য চিকিৎসালয়ৰ সমীপত নিয়ন্ত্ৰণ হেৰুৱাই পথৰ দাঁতিৰ এজোপা গছত প্ৰচণ্ড জোৰে খুন্দা মাৰে। ফলত বাহনখনৰ চালকৰ আসনত থকা মুকুন্দ সোণোৱাল (২৮) আৰু যাত্ৰী পপী শইকীয়া (২৪) থিতাতে মৃত্যুমুখত পৰে। মৃত মুকুন্দ সোণোৱাল বঙীনদী গেৰগলীয়া গাঁৱৰ নিবাসী তথা এগৰাকী ইঞ্জিনিয়াৰিং স্নাতক আছিল। তেওঁ নাওবৈচাৰ এটা প্ৰতিষ্ঠানত কৰ্মৰত আছিল। আনহাতে পপী শইকীয়া নাওবৈচা…

অসমৰ সাংস্কৃতিক জগতৰ অপূৰণীয় ক্ষতি কৰা জুবিন গাৰ্গৰ মৃত্যুৰ প্ৰকৃত ৰহস্য উদ্ঘাটনৰ বাবে চৰকাৰী হস্তক্ষেপ বিচাৰি এতিয়া সৰব হৈ পৰিছে তেওঁৰ পৰিয়াল। ভাৰতৰ ৭৭ সংখ্যক গণৰাজ্য দিৱসৰ প্ৰাকক্ষণত জুবিনৰ পত্নী গৰিমা শইকীয়া গাৰ্গে দেশৰ প্ৰধানমন্ত্ৰী নৰেন্দ্ৰ মোদীলৈ এক স্মাৰকপত্ৰ প্ৰেৰণ কৰিছে। সামাজিক মাধ্যমৰ জৰিয়তে এই তথ্য ৰাজহুৱা কৰি গৰিমাই উল্লেখ কৰে যে জুবিনৰ মৃত্যুৰ ন্যায় প্ৰক্ৰিয়া ত্বৰান্বিত কৰাটোৱে বৰ্তমান তেওঁলোকৰ একমাত্ৰ লক্ষ্য। স্মাৰকপত্ৰৰ স্ক্ৰীণশ্বট শ্বেয়াৰ কৰি তেওঁ কয়, "জুবিন গাৰ্গে সম্পূৰ্ণ সত্য আৰু উচিত ন্যায় পাবই লাগিব। প্ৰতিটো দিন-ৰাতি এতিয়া আমাৰ এটাই আশা যে দোষীয়ে কঠোৰতম শাস্তি লাভ কৰক।" প্ৰধানমন্ত্ৰীলৈ প্ৰেৰণ কৰা এই স্মাৰকপত্ৰই জনপ্ৰিয় শিল্পীগৰাকীৰ মৃত্যুক লৈ চলি থকা…