Sonakshi Sarkar

বিয়া কৰাই ঘৰলৈ ওভতাৰ পথতে ভয়ংকৰ দুৰ্ঘটনাত পতিত হ’ল বৰযাত্ৰীৰ বাহন। ৰাজস্থানৰ বাঁশৱাড়া জিলাৰ ঘোটীয়া আম্বাত নিয়ন্ত্ৰণ হেৰুৱাই এখন বাছ দ খাৱৈত বাগৰি পৰাৰ ফলত তিনিগৰাকী লোকৰ থিতাতে মৃত্যু হোৱাৰ লগতে ৩০ জনতকৈ অধিক লোক গুৰুতৰভাৱে আহত হয়। বিয়াৰ আনন্দ-উল্লাসৰ মাজতে সংঘটিত এই মৰ্মান্তিক ঘটনাই এতিয়া সমগ্ৰ অঞ্চলটোত গভীৰ শোকৰ ছাঁ পেলাইছে। আৰক্ষীৰ সূত্ৰই জনোৱা মতে, ঘোটীয়া আম্বা পুখুৰীৰ ওচৰৰ এটা ঢালত বাছখনৰ ভাৰসাম্য হেৰায় আৰু বাহনখন খাৱৈত বাগৰি পৰে। বাছখনৰ দুৱাৰৰ ওচৰত থিয় হৈ থকা এজন যুৱকৰ ডিঙি গেটত লাগি যোৱাৰ ফলত তেওঁৰ কৰুণ মৃত্যু ঘটে। মৃতকসকলৰ ভিতৰত দৰাৰ আইতাক কমলা দেৱীও আছে। আনহাতে, টিটা ডোডিয়াৰ আৰু দলু দামা…

মিঞাক কষ্ট দিবলৈ মুখ্যমন্ত্ৰী হিমন্ত বিশ্ব শৰ্মাই জনোৱা মুকলি আহ্বানৰ পাছতে এতিয়া দেশৰ ৰাজনীতিত সূত্ৰপাত ঘটিছে এক নতুন বিতৰ্কৰ। দেশৰ সংবিধানৰ শপত লৈ মুখ্যমন্ত্ৰীৰ দৰে আসনত অধিষ্ঠিত হৈও এটা বিশেষ সম্প্ৰদায়ক লক্ষ্য কৰি লৈ তেওঁ বাৰে বাৰে কৰা মন্তব্যক লৈ এতিয়া জাঙুৰ খাই উঠিছে বিৰোধী দলসমূহ। এনে পৰিপ্ৰেক্ষিততে এআইএমআইএমৰ মুৰব্বী আছাদুদ্দিন ওৱাইচিয়েও অসমৰ মুখ্যমন্ত্ৰীক তীব্ৰ ভাষাৰে সমালোচনা কৰি ২ টকা ভিক্ষা দিয়াৰ ঘোষণা কৰে। ওৱাইচিয়ে কয় যে ধৰ্ম বা সম্প্ৰদায় নিৰ্বিশেষে সকলো নাগৰিক সমান আৰু কোনো মুখ্যমন্ত্ৰীৰে কাকো লক্ষ্য কৰি লোৱাৰ অধিকাৰ নাই। অসমত বঙালী ভাষী মুছলমানসকলক প্ৰতিটো সমস্যাৰ বাবে বলিৰ পঠা সজোৱা হয় বুলি উল্লেখ কৰি তেওঁ কয়, "শাক-পাচলিৰ…

পবিত্ৰ জুম্মাৰ নামাজৰ সময়তে পাকিস্তানৰ ৰাজধানী চহৰৰ এটা মছজিদত সংঘটিত আত্মঘাতী বিস্ফোৰণে আজি সমগ্ৰ দেশখনত তীব্ৰ চাঞ্চল্যৰ সৃষ্টি কৰিছে। ইছলামবাদৰ টাৰলাই অঞ্চলৰ খাদিজাতুল কুব্ৰা মছজিদত সংঘটিত এই মৰ্মান্তিক সন্ত্ৰাসবাদী আক্ৰমণত অতিকমেও ৩১ গৰাকী লোক নিহত হোৱাৰ লগতে ১৬৯ জন লোক গুৰুতৰভাৱে আহত হয়। আৰক্ষীৰ তথ্য অনুসৰি, এজন আত্মঘাতী বোমাৰুৱে মছজিদৰ প্ৰৱেশদ্বাৰত বাধা লাভ কৰাৰ পাছতে নিজকে উৰুৱাই দিয়ে। প্ৰত্যক্ষদৰ্শীৰ ভাষ্য অনুসৰি, সন্ত্ৰাসবাদীজনে প্ৰথমে গুলীবৰ্ষণ কৰিছিল আৰু তাৰ পাছতে শক্তিশালী বিস্ফোৰণটো সংঘটিত কৰে। কোনো সংগঠনে এই পৰ্যন্ত ঘটনাৰ দায়িত্ব স্বীকাৰ কৰা নাই যদিও আৰক্ষীৰ সূত্ৰই সন্দেহ প্ৰকাশ কৰিছে যে আক্ৰমণকাৰীজন এগৰাকী বিদেশী নাগৰিক আৰু তেওঁ নিষিদ্ধ ঘোষিত সংগঠন 'ফিটনা অল খাৱাৰিজ'ৰ…

অষ্ট্ৰেলিয়াৰ বেগী বলাৰ জোছ হেজলউড আঘাতৰ বাবে টি-২০ বিশ্বকাপৰ পৰা বাহিৰ হৈছে। হামষ্ট্ৰিঙৰ আঘাতৰ পৰা তেওঁ এতিয়াও সম্পূৰ্ণৰূপে সুস্থ হোৱা নাই। ক্ৰিকেট অষ্ট্ৰেলিয়াই এই খবৰ নিশ্চিত কৰি স্পষ্ট কৰি দিছে যে এই সময়ত হেজলউডৰ হৈ কোনো প্ৰতিস্থাপক খেলুৱৈ দলত অন্তৰ্ভুক্ত কৰা নহ’ব। ৭ ফেব্ৰুৱাৰীৰ পৰা আৰম্ভ হ’ব এই প্ৰতিযোগিতা। অষ্ট্ৰেলিয়াৰ দলটোৱে ১১ ফেব্ৰুৱাৰীত আয়াৰলেণ্ডৰ বিৰুদ্ধে আৰ প্ৰেমাদাছা ক্ৰিকেট ষ্টেডিয়ামত প্ৰথমখন খেল খেলিব। শ্ৰীলংকা, জিম্বাবুৱে, ওমান, আয়াৰলেণ্ডৰ সৈতে অষ্ট্ৰেলিয়াক গ্ৰুপ বি-ত স্থান দিয়া হৈছে। ১১ ফেব্ৰুৱাৰীত আয়াৰলেণ্ডৰ বিৰুদ্ধে আৰ প্ৰেমাদাছা ক্ৰিকেট ষ্টেডিয়ামত অনুষ্ঠিত হ’ব অষ্ট্ৰেলিয়াৰ প্ৰথমখন খেল। অষ্ট্ৰেলিয়া নিজৰ গ্ৰুপৰ শক্তিশালী দল যদিও শ্ৰীলংকা আৰু আয়াৰলেণ্ডৰ পৰা কঠোৰ প্ৰতিযোগিতাৰ সন্মুখীন হোৱাৰ…

মুখ্যমন্ত্ৰী ড০ হিমন্ত বিশ্ব শৰ্মাই মেঘালয়ৰ পূব জয়ন্তীয়া পাহাৰ জিলাত কয়লা খনিৰ দুৰ্ঘটনাত শ্ৰমিকৰ মৃত্যুৰ সন্দৰ্ভত মৃতকৰ পৰিয়াললৈ আৰ্থিক সাহায্য আগবঢ়োৱাৰ কথা ঘোষণা কৰিছে। বৃহস্পতিবাৰে নিশা এক অনুষ্ঠানৰ অন্তত সাংবাদিকৰ সৈতে হোৱা বাৰ্তলাপত মুখ্যমন্ত্ৰীয়ে উল্লেখ কৰে যে এতিয়ালৈকে অসমৰ তিনিজন শ্ৰমিকৰ মৃতদেহ চিনাক্ত কৰা হৈছে। নিহত আটাইকেইজন কাছাৰ জিলাৰ কাটিগোৰা বিধান সভা সমষ্টিৰ বাসিন্দা। এই ঘটনাক লৈ গভীৰ শোক প্ৰকাশ কৰি ড০ শৰ্মাই মৃত শ্ৰমিকৰ পৰিয়াললৈ ৫ লাখকৈ টকা দিয়াৰ ঘোষণা কৰে। তেওঁ উল্লেখ কৰে যে চিনাক্তকৰণ, সাহায্য, আৰু প্ৰয়োজনীয় সাহায্য নিশ্চিত কৰাৰ বাবে অসম চৰকাৰে মেঘালয় চৰকাৰৰ সৈতে অহৰহ যোগাযোগত আছে। মুখ্যমন্ত্রীয়ে আশ্বাস দিয়ে যে ৰাজ্য চৰকাৰে এই কৰুণ…

অবৈধ কয়লা খনিত সংঘটিত বিস্ফোৰণত ১৮ জনকৈ শ্ৰমিকৰ মৃত্যুৰ পাছতে এতিয়া কঠোৰ হৈছে মেঘালয় উচ্চ ন্যায়ালয়। থাংস্কু অঞ্চলৰ এই মৰ্মান্তিক ঘটনাটোক লৈ ন্যায়াধীশ এইচ এছ থাংখিউ আৰু ডব্লিউ ডিয়েংডোহৰ বিচাৰপীঠে সংবাদ মাধ্যমৰ খবৰৰ ভিত্তিত স্বত:স্ফূৰ্তভাৱে এক গোচৰ ৰুজু কৰিছে। চলিত বৰ্ষৰ ১৪ জানুৱাৰীত সংঘটিত অনুৰূপ মৰ্মান্তিক ঘটনাৰ পাছতো ৰাজ্যখনত অবৈধ কয়লা খনন অব্যাহত থকা কাৰ্যত ন্যায়ালয়ে গভীৰ উদ্বেগ প্ৰকাশ কৰে। ক্ষিপ্ৰ পদক্ষেপ গ্ৰহণৰ নিৰ্দেশ দি উচ্চ ন্যায়ালয়ৰ বিচাৰপীঠখনে পূব জয়ন্তীয়া পাহাৰ জিলাৰ উপায়ুক্ত আৰু আৰক্ষী অধীক্ষকক উক্ত অবৈধ কাৰ্যকলাপত লিপ্ত খনিৰ স্বত্বাধিকাৰী আৰু পৰিচালনাকাৰীক চিনাক্ত কৰি গ্ৰেপ্তাৰ কৰিবলৈ নিৰ্দেশ দিছে। ইয়াৰ উপৰি অভিযানৰ সৈতে জড়িত সকলো আপত্তিজনক সামগ্ৰী জব্দ কৰিবলৈকো…

জনবহুল স্থানৰ সুৰক্ষা ব্যৱস্থাক বৃদ্ধাংগুষ্ঠ দেখুৱাই দিনদুপৰতে সংঘটিত হ’ল এগৰাকী ৰাজনৈতিক নেতাৰ নৃশংস হত্যাকাণ্ড। পঞ্জাবৰ মডেল টাউন এলেকাৰ এটা গুৰুদ্বাৰৰ সন্মুখতে আম আদমী পাৰ্টীৰ নেতা লাকী অবেৰয়ক লক্ষ্য কৰি মটৰ চাইকেলত অহা অচিনাক্ত দুষ্কৃতিকাৰীয়ে গুলীবৰ্ষণ কৰে। কোনো অপৰাধমূলক পৰিৱেশৰ উমান পোৱাৰ পূৰ্বেই দুৰ্বৃত্তই চলোৱা এই আক্ৰমণত নেতাগৰাকীৰ থিতাতে মৃত্যু ঘটে। আৰক্ষীৰ সূত্ৰই জনোৱা অনুসৰি, লাকী অবেৰয়ে গুৰুদ্বাৰৰ বাহিৰত নিজৰ গাড়ীখন পাৰ্ক কৰি থকাৰ সময়তে দুচকীয়া বাহনত অহা দুৰ্বৃত্তই তেওঁক লক্ষ্য কৰি ধাৰাবাহিকভাৱে পাঁচজাই গুলী চলায়। গুৰুতৰভাৱে আহত নেতাগৰাকীক লগে লগে এখন ব্যক্তিগত চিকিৎসালয়লৈ লৈ যোৱা হয় যদিও চিকিৎসকে তেওঁক মৃত ঘোষণা কৰে। উল্লেখ্য যে, অবেৰয়ৰ পত্নীয়ে ইয়াৰ পূৰ্বে পৌৰ নিগমৰ…

দেশ জোকাৰি যোৱা কাৰ্বি আংলঙৰ ডকমকাত সংঘটিত অভি-নীল হত্যাকাণ্ডৰ বিচাৰ প্ৰক্ৰিয়া এতিয়া অন্তিম পৰ্যায়ত উপনীত হৈছে। নগাঁও জিলা আৰু সত্ৰ ন্যায়াধীশৰ আদালতত চৰকাৰী পক্ষই বুধবাৰে অভিযুক্তসকলৰ বিৰুদ্ধে তথ্য-প্ৰমাণসহ গুৰুত্বপূৰ্ণ যুক্তি-তৰ্ক দাঙি ধৰে। চৰকাৰী অধিবক্তা জিয়াউল কামাৰে নীল উৎপল দাস আৰু অভিজিৎ নাথৰ হত্যাকাণ্ডত ব্যৱহৃত মাৰণাস্ত্ৰ আৰু অভিযুক্তৰ জড়িত থকাৰ সন্দৰ্ভত আদালতত সবিস্তাৰে দাখিল কৰে। চৰকাৰী পক্ষৰ অধিবক্তাগৰাকীয়ে জনোৱা মতে, অহা ৭ ফেব্ৰুৱাৰীৰ ভিতৰত তেওঁলোকে নিজৰ যুক্তি সমাপ্ত কৰিব আৰু ইয়াৰ পাছতে প্ৰতিৰক্ষা পক্ষই নিজৰ ক’বলগীয়াখিনি আদালতত দাঙি ধৰিব। বৰ্তমানলৈকে আদালতে ৭১ গৰাকী সাক্ষীৰ সাক্ষ্য গ্ৰহণ কৰিছে আৰু ৪৮ গৰাকী অভিযুক্তৰ ভাষ্য লিপিবদ্ধ কৰিছে। উল্লেখ্য যে ২০১৮ চনৰ ৮ জুনত কাংথিলেংছ…