Sonakshi Sarkar

উত্তৰ পূৱ ভাৰতত এছিয়ান হাতীৰ সংৰক্ষণৰ ক্ষেত্ৰত কৰা উৎকৃষ্ট কামৰ স্বীকৃতি স্বৰূপে অগ্ৰণী জৈৱ বৈচিত্ৰ্য সংৰক্ষণ সংস্থা আৰণ্যকলৈ ব্ৰিটেইনৰ প্ৰসিদ্ধ দাতব্য সংস্থা “এলিফেণ্ট ফেমিলি”য়ে আগবঢ়োৱা অতি সন্মানীয় “মাৰ্ক শ্বাণ্ড বঁটা” ১৩ মে’ত প্ৰদান কৰা হয়। লণ্ডনৰ কিউস্থিত ৰয়েল বটানিক গাৰ্ডেনত আয়োজিত “ৱাণ্ডাৰছ অৱ দ্য ৱাইল্ড” শীৰ্ষক এক আড়ম্বৰপূৰ্ণ আৰু বিভিন্ন ক্ষেত্ৰৰ তাৰকাৰে ভৰি থকা অনুষ্ঠানত “এলিফেণ্ট ফেমিলি”ৰ যুটীয়া সভাপতিদ্বয় মহামহিম ৰজা চাৰ্লছ আৰু ৰাণী কেমিলাৰ পৰা আৰণ্যকৰ হাতী গৱেষণা আৰু সংৰক্ষণ বিভাগৰ মুৰব্বী, জ্যেষ্ঠ বিজ্ঞানী ড০ বিভূতি প্ৰসাদ লহকৰে সংস্থাটোৰ হৈ বটাঁটো গ্ৰহণ কৰে। এই বঁটা প্ৰদান উপলক্ষে আয়োজিত “ৱাণ্ডাৰছ অৱ দ্য ৱাইল্ড” শীৰ্ষক অনুষ্ঠানত এইচ আৰ এইচ ৰাজকুমাৰী বিয়েট্ৰিচ, …

অসমক এখন দুৰ্ঘটনামুক্ত ৰাজ্য হিচাপে গঢ়ি তোলাৰ লক্ষ্যৰে সমাজৰ সৰ্বস্তৰতে ব্যাপক পথ-সুৰক্ষা সজাগতা সৃষ্টিৰ বাবে পৰিবহণ বিভাগৰ বিশেষ কতৰ্ব্যৰত বিষয়া গৌতম দাসৰ তত্ত্বাৱধানত এই ব’হাগত কুৰিৰো অধিক বিহু মঞ্চত পঞ্চাশ হাজাৰৰো অধিক ৰাইজৰ সন্মুখত পথ-সুৰক্ষা সজাগতাৰ ব্যতিক্ৰমী কাৰ্যসূচী গ্ৰহণ কৰা হয়। অসমীয়াৰ বাপতিসাহোন ব’হাগ বিহুৰ বিগত সময়চোৱাত কামৰূপ মহানগৰ জিলা পৰিবহণ বিভাগৰ উদ্যোগত হেঙেৰাবাৰী সাৰ্বজনীন ৰঙালী বিহু, গণেশগুৰি ৰঙালী বিহু, পাঞ্জাবাৰী বাঘৰবৰি বিহু সন্মিলনী, নাৰেংগী কেন্দুগুৰি ৰঙালী বিহু, চন্দ্ৰপুৰ আঞ্চলিক ৰঙালী বিহু, বৃহত্তৰ ডিমৰীয়া ৰঙালী বিহু, পাটৰকুছি ৰঙালী বিহু সন্মিলনী, চিৰিয়াখানা আঞ্চলিক ৰঙালী বিহু, চন্দ্ৰপুৰ ঠাকুৰকুছি ব’হাগী উৎসৱ,  তেতেলীয়া গান্ধী নগৰ ৰঙালী বিহু সন্মিলন, দুৰুং আঞ্চলিক ৰঙালী বিহু সন্মিলনকে ধৰি…

ন্যায়াধীশ ভূষণ ৰামকৃষ্ণ গবইয়ে দেশৰ ৫২ সংখ্যক মুখ্য ন্যায়াধীশ হিচাপে শপত গ্ৰহণ কৰে। কেন্দ্ৰই ৩৭০ নং অনুচ্ছেদ বিলুপ্ত কৰাৰ সিদ্ধান্তক সমৰ্থন কৰাকে ধৰি কেইবাটাও গুৰুত্বপূৰ্ণ সিদ্ধান্ত দিয়া বিচাৰপীঠৰ অংশ হিচাপে তেওঁ অংশগ্ৰহণ কৰিছে। ন্যায়াধীশ ভূষণ ৰামকৃষ্ণ গবই (৬৪)য়ে ৰাষ্ট্ৰপতি ভৱনৰ ৰিপাব্লিক হলত এক চমু অনুষ্ঠানত ৰাষ্ট্ৰপতি দ্ৰৌপদী মুৰ্মুৱে শপত গ্ৰহণ কৰে। মঙলবাৰে ৬৫ বছৰ বয়সত অৱসৰ গ্ৰহণ কৰা ন্যায়াধীশ সঞ্জীৱ খান্নাৰ ঠাইত তেওঁ অংশগ্ৰহণ কৰে।২০১৯ চনৰ ২৪ মে’ত ন্যায়াধীশ গবইক উচ্চতম ন্যায়ালয়ৰ ন্যায়াধীশ হিচাপে উন্নীত কৰা হয়।তেওঁৰ কাৰ্যকাল ছমাহতকৈ অধিক হ’ব আৰু ২৩ নৱেম্বৰলৈকে তেওঁ কাৰ্যভাৰত থাকিব। উপ-ৰাষ্ট্ৰপতি জগদীপ ধনখৰ, প্ৰধানমন্ত্ৰী নৰেন্দ্ৰ মোদী, কেন্দ্ৰীয় মন্ত্ৰী আৰু প্ৰাক্তন ন্যায়াধীশসকলে তেওঁক অভিনন্দন…

বিগত বছৰৰ দৰে এইবাৰো ৰাজ্যিক পক্ষী সুৰক্ষা পৰিষদ, অসমৰ উদ্যোগত   গুৱাহাটীৰ  চানমাৰিৰ পেঞ্চনাৰ ভৱনত দিনজোৰা বৰ্ণাঢ্য কাৰ্যসূচীৰে ২১ সংখ্যক  বিশ্ব পক্ষী দিৱস উদযাপন কৰা হয় । পুৱা পতাকা উত্তোলনৰে কাৰ্যসূচীৰ শুভাৰম্ভ কৰে পৰিষদৰ সভাপতি অভিযন্তা প্রহ্লাদ শংকৰ ভাগৱতীয়ে আৰু স্মৃতি তৰ্পণ কৰে অৱসৰপ্ৰাপ্ত মুখ্য অভিযন্তা চৈয়দ মহম্মদ বাকী আৰু সমাজসেৱিকা অঞ্জলি চলিহাই। বৃক্ষৰোপণ কাৰ্যসূচীৰ শুভাৰম্ভ কৰে অৱসৰপ্ৰাপ্ত অধীক্ষক অভিযন্তা ডঃ ত্ৰিলোচন বৰুৱাই। আনহাতে পক্ষী দিৱসৰ লগত সংগতি ৰাখি অনুষ্ঠিত সভাখন উদ্ধোধন কৰে গুৱাহাটীৰ চাউথ পইন্ট স্কুলৰ অধ্যক্ষ কৃষ্ণাঞ্জন চন্দই আৰু আঁত ধৰে ৰঞ্জু গগৈয়ে l সভাত নিদিষ্ট বক্তা হিচাপে ভাগ লৈ গুৱাহাটী বিশ্ববিদ্যালয়ৰ জীৱ বিজ্ঞান বিভাগৰ অধ্যাপক ডঃ প্ৰশান্ত কুমাৰ…

ভাৰত আৰু পাকিস্তানৰ মাজত সামৰিক সংঘাতৰ বাবে স্থগিত কৰা ইণ্ডিয়ান প্ৰিমিয়াৰ লীগ ১৬ বা ১৭ মে’ৰ পৰা পুনৰ আৰম্ভ হ’ব পাৰে আৰু ফাইনেল কলকাতাৰ পৰা স্থানান্তৰিত হোৱাৰ সম্ভাৱনা আছে। শনিবাৰে যুদ্ধবিৰতি ঘোষণাৰ পিছতে ৯ মে’ত এসপ্তাহৰ বাবে স্থগিত ৰখা লীগখন পুনৰ আৰম্ভ হোৱাৰ আশাৰ সঞ্চাৰ হৈছে। দেওবাৰে আই পি এল গভৰ্নিং কাউন্সিলৰ সদস্য আৰু ভাৰতীয় ক্ৰিকেট নিয়ন্ত্ৰণ ব’ৰ্ডৰ বিষয়াসকলে লীগ পুনৰ আৰম্ভ কৰাৰ পৰিকল্পনা সন্দৰ্ভত আলোচনা কৰে। বিচিচিআইৰ উপ-সভাপতি ৰাজীৱ শুক্লাই কয় যে ব’ৰ্ডে এতিয়াও উপযুক্ত সময়সূচী চূড়ান্ত কৰাৰ কাম কৰি আছে। শুক্লাই কয়-এতিয়ালৈকে আই পি এল সন্দৰ্ভত কোনো সিদ্ধান্ত লোৱা হোৱা নাই। বি চি চি আইৰ বিষয়াসকলে ইয়াৰ সমাধানৰ…

এসপ্তাহৰ ভিতৰতে ভাৰতীয় ক্ৰিকেটে দুটা ডাঙৰ বিপৰ্যয়ৰ সন্মুখীন হৈছে। ৰোহিত শৰ্মাৰ পিছত এতিয়া বিৰাট কোহলীয়ে টেষ্ট ক্ৰিকেটৰ পৰা অৱসৰ ঘোষণা কৰিছে। সোমবাৰে তেওঁ ইনষ্টাগ্ৰামত পোষ্ট কৰি এই তথ্য প্ৰদান কৰে। যোৱা কেইদিনমানৰ পৰা সংবাদ মাধ্যমত চৰ্চা চলিছিল যে কোহলীয়ে বিচিচিআইক অৱসৰৰ বিষয়ে অৱগত কৰিছে যদিও বিচিচিআইয়ে তেওঁক আগন্তুক ইংলেণ্ড টেষ্ট শৃংখলাৰ প্ৰতি লক্ষ্য ৰাখি তেওঁৰ সিদ্ধান্ত পুনৰ বিবেচনা কৰিবলৈ কৈছে। অৱশ্যে কোহলীয়ে টেষ্টৰ পৰা অৱসৰ লোৱাৰ সিদ্ধান্ত লয়। ভাৰতৰ বাবে এইটো এটা ডাঙৰ আঘাত কিয়নো বুধবাৰে (৭ মে’) নিয়মীয়া অধিনায়ক ৰোহিতেও টেষ্টৰ পৰা অৱসৰ গ্ৰহণ কৰে। এসপ্তাহৰ ভিতৰতে দুগৰাকী কিংবদন্তি খেলুৱৈয়ে অৱসৰ লোৱাত অনুৰাগীসকল স্তম্ভিত হৈ পৰিছে। ইয়াৰ লগে লগে…

ইণ্ডিয়ান প্ৰিমিয়াৰ লীগত (আই পি এল) কাইলৈ ডিফেণ্ডিং চেম্পিয়ন কলকাতা নাইট ৰাইডাৰ্ছে (কে কে আৰ) ৰাজস্থান ৰয়েলছৰ বিৰুদ্ধে খেলিব, তেওঁলোকৰ লক্ষ্য হ'ব খেলখন জিকি তেওঁলোকৰ প্লে অফৰ আশা সজীৱ ৰখা। কেকেআৰৰ এতিয়া লীগ পৰ্যায়ত চাৰিখন খেল বাকী আছে আৰু প্লে অফৰ বাবে তেওঁৰ সমীকৰণ পোনপটীয়া। চাৰিখন মেচ জিকি ১৭ পইণ্টত উপনীত হ'ব। ফলস্বৰূপে, তেওঁলোক অন্তিম চাৰিত উপনীত হ'বলৈ পৰাজয় এৰাই চলিবলৈ বিচাৰিব। এইটো কিন্তু দেখাত পোনপটীয়া যেন লাগে, কিন্তু বাস্তৱত ই যথেষ্ট কঠিন। কেকেআৰে ঘৰুৱা খেলত এই চাৰিখন খেলৰ দুখন খেলিব। তেওঁলোকে দেওবাৰে ৰাজস্থান ৰয়েলছৰ সৈতে খেলিব আৰু তাৰ পিছত বুধবাৰে তেওঁলোকৰ ঘৰুৱা খেলপথাৰত চেন্নাই চুপাৰ কিংছৰ মুখামুখি হ'ব। তেওঁলোকে…

ৰাজ্যৰ শিক্ষাখণ্ডলৈ নতুন বার্তা কঢ়িয়াই শুকুৰবাৰে গুৱাহাটী বিশ্ববিদ্যালয়ত অনুষ্ঠিত হয় দ্বাত্রিংশতম দীক্ষান্ত সমাৰোহ। গুৱাহাটী বিশ্ববিদ্যালয়ৰ অন্তৰ্গত ৩০০ খনতকৈও অধিক মহাবিদ্যালয়ৰ সৰ্বমুঠ ৩৭৪৩ গৰাকী শিক্ষার্থীক এই অনুষ্ঠানৰ জৰিয়তে আনুষ্ঠানিকভাৱে সন্মানীয় ডিগ্রী প্ৰদান কৰা হয়। লগতে সৰ্বমুঠ ১৪৮ গৰাকী ব্যক্তিলৈ পি এইচ ডি ডিগ্রী আগবঢ়োৱা হয়। দীক্ষান্ত সমাৰোহৰ সভাপতিত্ব কৰে অসমৰ ৰাজ্যপাল তথা বিশ্ববিদ্যালয়ৰ আচার্য লক্ষ্মণ প্রসাদ আচার্য্যই। সম্মানীয় অতিথি হিচাপে উপষ্ঠিত থাকে অসমৰ মুখ্যমন্ত্রী ড° হিমন্ত বিশ্ব শৰ্মা। ইয়াৰোপৰি শিক্ষামন্ত্রী ডাঃ ৰণোজ পেগু বিশিষ্ট অতিথিৰূপে উপস্থিত থাকে। বিশ্ববিদ্যালয়ৰ পঞ্জীয়ক অধ্যাপক উৎপল শৰ্মাই আদৰণী ভাষণ আগবঢ়োৱাৰ পাছতে উপাচার্য অধ্যাপক ননীগোপাল মহন্তই উপস্থিত ৰাইজক সম্বোধন কৰি গুৱাহাটী বিশ্ববিদ্যালয়ৰ বর্ণিল ইতিহাস - বর্তমান সামৰি…

ভাৰতৰ একমাত্ৰ এপ প্ৰজাতি হিচাপে জনাজাত বিপন্নপ্ৰায় গিবন (হুলক গিবন)ৰ সংৰক্ষণৰ বিভিন্ন দিশৰ বিষয়ে বনকৰ্মী সকলক সজাগ কৰাৰ উদ্দেশ্যে অব্যাহত ৰখা নিৰলস প্ৰচেষ্টাৰ অংশহিচাপে অগ্ৰণী জৈৱ বৈচিত্ৰ্য সংৰক্ষণ সংস্থা আৰণ্যকৰ উদ্যোগত জোৰহাটৰ হোলোঙাপাৰা গিবন অভয়াৰণ্যত অসম আৰু অৰুণাচল প্ৰদেশৰ বন কৰ্মীসকলৰ বাবে এখন সাত-দিনীয়া আবাসিক প্ৰশিক্ষণ কৰ্মশালা অনুষ্ঠিত কৰা হয়। অসমৰ বন বিভাগৰ যোৰহাট বন সংমণ্ডলৰ সহযোগ আৰু “দ্যা হেবিটেট ট্ৰাষ্ট”, “আই ইউ চি এন এছ এছ চি প্ৰাইমেট স্পেচিয়েলিষ্ট গ্ৰুপ” আৰু “আই ইউ চি এন প্ৰাইমেট ছেকশ্যন অৱ স্মল এপছ”ৰ আয়োজিত এই উন্নত প্ৰশিক্ষণত অসমৰ ওঠৰ জন আৰু অৰুণাচল প্ৰদেশৰ ছজন ফ্ৰণ্টলাইন বন কৰ্মীয়ে অংশগ্ৰহণ কৰে। প্ৰশিক্ষাৰ্থী সকলৰ ভিতৰত…

অসমক এখন দুৰ্ঘটনামুক্ত ৰাজ্য হিচাপে গঢ়ি তোলাৰ আহ্বানেৰে পৰিবহণ বিভাগৰ বিশেষ কতৰ্ব্যৰত বিষয়া গৌতম দাসৰ তত্বাৱধানত ব’হাগৰ বিহুৰ মঞ্চত পথ-সুৰক্ষা সজাগতা অব্যাহত আছে ৷ এতিয়া বিহুৰ বিভিন্ন উৎসৱ-অনুষ্ঠানৰ সময়। এই সময়ত সাধাৰণতে পথ-দুৰ্ঘটনাৰ সংখ্যা বৃদ্ধি পোৱা দেখা যায়। সেয়েহে বিভিন্ন কলা-সাংস্কৃতিক মাধ্যমেৰে ৰঙালী বিহুৰ অনুষ্ঠানসমূহত ৰাইজক সহজতে আকৃষ্ট কৰিব পৰাকৈ পথ-সুৰক্ষাৰ জনসচেতনতা সৃষ্টিত গুৰুত্ব দিছে কামৰূপ মহানগৰ জিলা পৰিবহণ বিভাগে। সোমবাৰে এই উপলক্ষে মহানগৰ জিলাখনৰ পাটৰকুছি উদীয়মান যুৱক সংঘৰ ৰঙালী বিহু সন্মিলনীৰ মঞ্চত জনপ্ৰিয় কন্ঠশিল্পী দীনেশ দাস, গোপেশ চৌধুৰী আৰু ৰঞ্জন ইংতিৰ কন্ঠত পথ-সুৰক্ষা সজাগতাৰ গীত পৰিৱেশন কৰা হয়। একেদৰে যানবাহন চলাওঁতে মানি চলিবলগীয়া নীতি-নিয়মৰ আধাৰত বিশেষভাৱে প্ৰস্তুত কৰা বিহু…