Paromita

ছুটী শেষ কৰি মধ্যপ্ৰদেশৰ নিমজস্থিত কৰ্তব্যস্থলীলৈ গৈ থকা অৱস্থাতে ৰহস্যজনকভাৱে সন্ধানহীন হৈ পৰে অসমৰ এজন চি আৰ পি এফৰ জোৱান। বঙাইগাঁও জিলাৰ মাণিকপুৰৰ বাসিন্দা তথা চি আৰ পি এফৰ জোৱান অমৰেন্দ্ৰ ৰায় (৫১) যোৱা ৪ জুলাইৰ পৰা সন্ধানহীন হৈ থকা ঘটনাই এতিয়া চিন্তাত পেলাইছে তেওঁৰ পৰিয়ালক। পৰিয়ালৰ সূত্ৰই জনোৱা মতে, ঘৰৰ পৰা ছুটী শেষ কৰি যোৱা ২ জুলাইৰ দিনা জোৱানজনে বিজনী ৰেলৱে ষ্টেচনৰ পৰা আবেলি ২.২০ বজাত ১২৫০৫ নম্বৰৰ নৰ্থ-ইষ্ট এক্সপ্ৰেছ ৰেলগাড়ীখনেৰে যাত্ৰা কৰিছিল। তেওঁ তিনি জুলাইত তুণ্ডলা জংচনত নামে। নৰ্থ ইষ্ট এক্সপ্ৰেছ ৰেলগাড়ীখন তুণ্ডলা জংচন গৈ পোৱাত পলম হোৱাৰ বাবে তেওঁ তুণ্ডলাৰ পৰা আগ্ৰা ফৰ্টলৈ কোনো গাড়ীৰে গৈ আগ্ৰা…

অসম বিধানসভাত নিযুক্তি দিয়াৰ প্ৰলোভনেৰে লাখ লাখ টকা আত্মসাৎ কৰি আৰক্ষীৰ জালত পৰিল এজন চৰকাৰী কৰ্মচাৰী। ৰঙিয়া আৰক্ষীয়ে মঙলবাৰে অভিযান চলাই গ্ৰেপ্তাৰ কৰে প্ৰৱঞ্চক ধনজিৎ তালুকদাৰক। উল্লেখ্য যে, ধৃত ধনজিৎ ৰঙিয়াৰ অগ্নি আৰু আপদকালীন সেৱা আস্থানৰ কৰ্মচাৰী। আৰক্ষী সূত্ৰই প্ৰকাশ কৰা অনুসৰি, নলবাৰী জিলাৰ ৯ নং ৱাৰ্ডৰ বাসিন্দা লক্ষী ডেকা নামৰ এগৰাকী ব্যক্তিয়ে দাখিল কৰা এক এজাহাৰৰ ভিত্তিত ৰঙিয়া আৰক্ষীয়ে এই অভিযান চলায়। উত্থাপিত অভিযোগ অনুসৰি, অভিযুক্ত কৰ্মচাৰীজনে অসম বিধানসভাত চাকৰি দিয়াৰ নামত ডেকাৰ পৰা সাত লাখ টকা উৎকোচ হিচাপে লৈছিল। অৱশ্যে আৰক্ষীৰ জেৰাত ধৃত ধনজিৎ তালুকদাৰে উক্ত সাত লাখ টকা উৎকোচ হিচাপে লোৱা নাই বুলি এক বিপৰীত দাবী উত্থাপন…

মাতৃৰ চৰকাৰী চাকৰি নিজৰ নামত লাভ কৰাৰ আশাতেই নিজ মাতৃক হত্যা কৰাৰ ভয়ংকৰ অভিযোগত গ্ৰেপ্তাৰ হ'ল ২৩ বছৰীয়া এগৰাকী যুৱতী। ৰাজস্থানৰ জয়পুৰত পোহৰলৈ অহা এই ঘটনাই সমগ্ৰ দেশতে চাঞ্চল্যৰ সৃষ্টি কৰিছে। আৰক্ষীৰ তদন্ত অনুসৰি, মাতৃৰ চাকৰি আৰু সম্পত্তি কুক্ষিগত কৰাৰ উদ্দেশ্যে এই হত্যাকাণ্ড সংঘটিত কৰিছিল নিজ কন্যা আয়ুসীয়ে। উল্লেখ্য যে, ৩ জুলাইত এক পথ দুৰ্ঘটনাত প্ৰাণ হেৰুৱাইছিল প্ৰতাপ নগৰৰ ৰবীন্দ্ৰ নগৰৰ বাসিন্দা ৪৫ বছৰীয়া নীৰজ শৰ্মাৰ। প্ৰাথমিক তদন্তত এখন দ্ৰুতবেগী স্কৰপিঅ’ বাহনে তেওঁক মহতিয়াই নিয়া বুলি ধাৰণা কৰা হৈছিল। কিন্তু ঘটনাক লৈ সন্দেহ ব্যক্ত কৰি মহিলাগৰাকীৰ ভাতৃয়ে এখন এজাহাৰ দাখিল কৰাৰ পিছতে সম্পূৰ্ণ ঘটনাটোৱে এক নতুন মোৰ লয়। আৰক্ষীৰ তদন্তত…

সশস্ত্ৰ দুৰ্বৃত্তৰ গুলীচালনাত নিহত হ'ল অন্ততঃ ৯ জন আৰক্ষী জোৱান। পাকিস্তানৰ বেলুচিস্তান প্ৰদেশৰ জিয়াৰাত জিলাত নিৰ্মীয়মাণ মাংগি বান্ধ প্ৰকল্পৰ নিৰাপত্তাত নিয়োজিত আৰক্ষী বাহিনীক লক্ষ্য কৰি সংঘটিত হয় এই ভয়ংকৰ আক্ৰমণ। জিয়াৰাত জিলাৰ উপায়ুক্ত আব্দুল কুদ্দুছ আচাকজাইয়ে জনোৱা মতে, নিহতসকলৰ ভিতৰত দুজন জ্যেষ্ঠ আৰক্ষী বিষয়াও আছে। আক্ৰমণৰ পিছৰে পৰা কেইবাজনো আৰক্ষী সদস্য সন্ধানহীন হৈ থকাত তেওঁলোকক বিচাৰি ব্যাপক তালাচী অভিযান চলাই আছে নিৰাপত্তা বাহিনীয়ে। আক্ৰমণৰ দায়িত্ব এতিয়ালৈকে কোনো সংগঠনে স্বীকাৰ কৰা নাই। অৱশ্যে ঘটনাৰ পিছতে জিয়াৰাতত চলোৱা 'ক্লিয়েৰেন্স অপাৰেচন'ত পাকিস্তান তালিবানৰ ১৫ জন সদস্যক হত্যা কৰা হৈছে বুলি দাবী কৰে বেলুচিস্তান প্ৰশাসনে। ইফালে, ঘটনাৰ প্ৰতিবাদত আক্ৰমণস্থলীৰ সমীপৱৰ্তী ৰাষ্ট্ৰীয় ঘাইপথত প্ৰতিবাদ সাব্যস্ত…

এটা দশকত অসমত মহিলাৰ বিৰুদ্ধে ৰুজু হৈছে ২ লাখ ৪ হাজাৰতকৈ অধিক অপৰাধজনিত গোচৰ। সোমবাৰে অসম বিধানসভাত দাখিল কৰা চৰকাৰী পৰিসংখ্যাত পোহৰলৈ আহে এই তথ্য। কংগ্ৰেছৰ বিধায়ক ৱাজেদ আলী চৌধুৰীয়ে উত্থাপন কৰা এক প্ৰশ্নৰ লিখিত উত্তৰত গৃহ আৰু ৰাজনৈতিক বিভাগৰ দায়িত্বত থকা মুখ্যমন্ত্ৰী হিমন্ত বিশ্ব শৰ্মাই জনায় যে ২০১৬ চনৰ পৰা চলিত বৰ্ষৰ ২৬ জুনলৈকে ৰাজ্যত মহিলাৰ বিৰুদ্ধে মুঠ ২,০৪,১৩৪টা গোচৰ ৰুজু হৈছে। মুখ্যমন্ত্ৰীয়ে সদনত দাখিল কৰা তথ্য অনুসৰি, এই গোচৰসমূহৰ ভিতৰত আছে ২,৬৭৭টা হত্যাকাণ্ড, ১৪,৪৫৬টা ধৰ্ষণ, ১,৪৬৩টা যৌতুকজনিত নিৰ্যাতন আৰু মহিলাৰ বিৰুদ্ধে সংঘটিত অন্যান্য ধৰণৰ ১,৮৫,৫৩৮টা অপৰাধ। লিখিত উত্তৰত মুখ্যমন্ত্ৰীয়ে উল্লেখ কৰে যে শেহতীয়া বছৰকেইটাত এনে অপৰাধৰ সংখ্যা হ্ৰাস…

নাগৰিকত্ব সংশোধনী আইনৰ অধীনত অসমত ভাৰতীয় নাগৰিকত্ব লাভ কৰিলে ৬ জন আবেদনকাৰীয়ে। আইনখন কাৰ্যকৰী হোৱাৰ পিছত ৰাজ্যত এতিয়ালৈকে নাগৰিকত্বৰ বাবে আবেদন জনাইছে মুঠ ৭০ জনে। সোমবাৰে অসম বিধানসভাৰ প্ৰশ্নোত্তৰ পৰ্বত এই তথ্য দাখিল কৰে গৃহ আৰু ৰাজনৈতিক বিভাগৰ দায়িত্বত থকা মুখ্যমন্ত্ৰী হিমন্ত বিশ্ব শৰ্মাই। অগপৰ বিধায়িকা দীপ্তিময়ী চৌধুৰীয়ে উত্থাপন কৰা এক প্ৰশ্নৰ লিখিত উত্তৰত এই পৰিসংখ্যা সদনৰ সন্মুখত প্ৰকাশ কৰে মুখ্যমন্ত্ৰীগৰাকীয়ে। লিখিত উত্তৰ অনুসৰি, অসম চুক্তিৰ অধীনত ৰাজ্যত এতিয়ালৈকে ১,৭২,৬৭৩ জন বিদেশীক চিনাক্ত কৰা হৈছে। ইয়াৰে চলিত বৰ্ষৰ ৩০ জুনলৈকে ৩১,৭৮৯ জন বিদেশীক বহিষ্কাৰ কৰা হৈছে। ইয়াৰ উপৰি, ৭৩,৭৫৯ জনৰ বিদেশী সম্পৰ্কীয় গোচৰ বৰ্তমান বিদেশী ন্যায়াধিকৰণত বিচাৰাধীন হৈ আছে। গোৱালপাৰা…

ই-২০ ইন্ধন নীতিৰ বিৰোধিতাই মঙলবাৰে উত্তপ্ত কৰি তোলে অসম বিধানসভাৰ চৌহদ। বিধানসভাৰ বাজেট অধিৱেশনৰ দ্বিতীয় দিনা ৰাজপথত মটৰচাইকেল ঠেলাগাড়ীত তুলি আনি প্ৰতিবাদ সাব্যস্ত কৰে ৰাইজৰ দলৰ সভাপতি তথা বিধায়ক অখিল গগৈয়ে। ইয়াক কেন্দ্ৰ কৰি পিছত সদনৰ ভিতৰতো শাসক-বিৰোধীৰ মাজত তীব্ৰ বাদ-বিতণ্ডাৰ সৃষ্টি হয়। সদনৰ কাৰ্যসূচী আৰম্ভ হোৱাৰ পূৰ্বে বিধানসভা চৌহদত সংবাদমাধ্যমৰ আগত অখিল গগৈয়ে কয় যে ই-২০ ইন্ধনৰ ব্যৱহাৰে মধ্যবিত্ত শ্ৰেণীৰ অসংখ্য বাহনৰ ক্ষতি কৰিছে। সাধাৰণ পেট্ৰ'ল আৰু ই-২০ ইন্ধনৰ মাজৰ পৰা গ্ৰাহকে নিজেই বাছনি কৰাৰ সুযোগ দিবলৈ তেওঁ দাবী জনায়। পেট্ৰ'লত ইথানল মিহলোৱাৰ পিছত ইন্ধনৰ মূল্য হ্ৰাস পাইছেনে বুলিও প্ৰশ্ন উত্থাপন কৰে গগৈয়ে। তেওঁৰ মতে, এই নীতিৰ ফলত লাখ…

সন্ত্ৰাসবাদ বিৰোধী অভিযানত পুনৰ সফলতা লাভ কৰিলে নিৰাপত্তা বাহিনীয়ে। মণিপুৰৰ বিভিন্ন প্ৰান্তত চলোৱা পৃথক পৃথক অভিযানত দুজন নাবালকসহ চাৰিজন সন্দেহজনক উগ্ৰপন্থীক গ্ৰেপ্তাৰ কৰাৰ লগতে অস্ত্ৰ-শস্ত্ৰ, সজীৱ গুলী আৰু এটা সন্দেহজনক বিস্ফোৰক উদ্ধাৰ কৰে নিৰাপত্তা বাহিনীয়ে। ইম্ফল পূব জিলাৰ ৱাংখেই অঞ্চলত চলোৱা অভিযানত ইউনাইটেড নেচনেল লিবাৰেচন ফ্ৰণ্ট (পামবেই)ৰ সদস্য মৈৰাংথেম নাওবা মেইতেইক গ্ৰেপ্তাৰ কৰে আৰক্ষীয়ে। তেওঁৰ পৰা এটা বন্দুক আৰু দুটা মোবাইল ফোন জব্দ কৰা হয়। ২০২৩ চনত কেন্দ্ৰীয় চৰকাৰৰ সৈতে শান্তি চুক্তিত স্বাক্ষৰ কৰা ইউএনএলএফ (পামবেই) সংগঠনৰ একাংশ সদস্যৰ বিৰুদ্ধে ধন দাবী আৰু অবৈধ অস্ত্ৰ সৰবৰাহৰ দৰে অভিযোগত পূৰ্বেও একাধিক ব্যৱস্থা গ্ৰহণ কৰিছে আৰক্ষীয়ে। আন এক অভিযানত ইম্ফল পশ্চিম জিলাৰ…

বয়সৰ ওচৰত নতি স্বীকাৰ নকৰি পুনৰ এক দৃষ্টান্ত স্থাপন কৰিলে এগৰাকী বৃদ্ধাই। ১১৬ বছৰ বয়সত তিৰুমালা মন্দিৰৰ ৩ সহস্ৰাধিক চিৰি বগাই ঈশ্বৰ দৰ্শনৰ বাবে উপস্থিত হয় লক্ষ্মাভা ওৰফে ভীমাব্বাই। ভগৱান ভেংকটেশ্বৰৰ দৰ্শনৰ বাবে মন্দিৰৰ ৩,৫৫০টা চিৰি বগাই যোৱাৰ ঘটনাই এতিয়া দেশজুৰি ব্যাপক চৰ্চাৰ সৃষ্টি কৰিছে। কৰ্ণাটকৰ বাসিন্দা লক্ষ্মাভাই আলিপিৰি পথেদি খোজকাঢ়ি তিৰুমলালৈ যায়। লাঠিৰ সহায় লৈ সম্পূৰ্ণ পথ অতিক্ৰম কৰা বৃদ্ধাগৰাকীয়ে যাত্ৰাৰ সমগ্ৰ সময়ছোৱাত "গোবিন্দ… গোবিন্দ…" নাম জপ কৰি আগবাঢ়ে। তিৰুমলালৈ যোৱা বহু ভক্তই সাধাৰণতে বাহনৰ সহায় লয়। কিন্তু শতায়ু অতিক্ৰম কৰা লক্ষ্মাভাই নিজেই খোজকাঢ়ি পাহাৰ বগাই যোৱাৰ দৃশ্যই উপস্থিত ভক্তসকলক বিস্মিত কৰি তোলে। বহু লোকে তেওঁক প্ৰণাম জনোৱাৰ লগতে…

এদিন মোদীৰো পতন ঘটিব। তেওঁক লৈ ভয় কৰাৰ কোনো কাৰণ নাই। - এই মন্তব্যৰে প্ৰধানমন্ত্ৰী নৰেন্দ্ৰ মোদীক লক্ষ্য কৰি তীব্ৰ ৰাজনৈতিক আক্ৰমণ চলালে এআইইউডিএফৰ সভাপতি বদৰুদ্দিন আজমলে। দেওবাৰে গুৱাহাটীত সংবাদমাধ্যমৰ সৈতে মত বিনিময় কৰি বিৰোধী শিবিৰক অধিক শক্তিশালী আৰু ঐক্যবদ্ধ হোৱাৰ বাবে তেওঁ আহ্বান জনায়। আজমলে কয়, "আমি ভয় কৰিব নালাগে। ৰাহুল গান্ধীৰ নেতৃত্বত গঠিত ইণ্ডিয়া মিত্ৰজোঁট অধিক শক্তিশালী হ'ব লাগিব। তেতিয়াহে বিজেপিৰ বিৰুদ্ধে ফলপ্ৰসূভাৱে যুঁজ দিব পৰা যাব।" পশ্চিমবংগৰ ৰাজনৈতিক পৰিস্থিতিৰ প্ৰসংগ উত্থাপন কৰি আজমলে কয় যে, মিত্ৰজোঁটৰ অংশীদাৰ দলসমূহে পৰস্পৰৰ বিৰুদ্ধে নিৰ্বাচনত অৱতীৰ্ণ হ'ব নালাগে। তেওঁৰ ভাষাত, "মিত্ৰজোঁট গঠন কৰাৰ পিছত পশ্চিমবংগত প্ৰতিদ্বন্দ্বিতা নকৰিলেহেঁতেন হয়তো মমতা বেনাৰ্জীয়ে এনে…