09
Feb
মুখ্যমন্ত্ৰী হিমন্ত বিশ্ব শৰ্মাই উত্থাপন কৰা পাকিস্তান সংযোগৰ দেশদ্ৰোহী অভিযোগক আজি তীব্ৰ প্ৰত্যাহ্বান জনায় প্ৰদেশ কংগ্ৰেছৰ সভাপতি গৌৰৱ গগৈয়ে। সোমবাৰে এখন সংবাদমেল সম্বোধন কৰি সাংসদগৰাকীয়ে স্পষ্ট কৰে যে তেওঁৰ পাকিস্তান ভ্ৰমণৰ সকলো তথ্য ২০১৪ চনতেই মোদী চৰকাৰক অৱগত কৰা হৈছিল। সাংসদ হোৱাৰ পাছত পাকিস্তানৰ মোহৰ থকা পাছপৰ্ট জমা দিয়াৰ পাছতহে কেন্দ্ৰীয় চৰকাৰে তেওঁক কূটনৈতিক পাছপৰ্ট প্ৰদান কৰিছিল বুলি উল্লেখ কৰি তেওঁ মুখ্যমন্ত্ৰীৰ অভিযোগক ভিত্তিহীন বুলি প্ৰত্যাক্ৰমণ কৰে। গগৈয়ে সদৰী কৰা মতে, ২০১২ চনত তেওঁৰ পত্নী এলিজাবেথ কলবাৰ্ণ গগৈয়ে জলবায়ু পৰিৱৰ্তনৰ এক আন্তঃৰাষ্ট্ৰীয় প্ৰকল্পত কাম কৰিবলৈ পাকিস্তানলৈ গৈছিল। সেই সময়ত এজন স্বামী হিচাপেহে তেওঁ পত্নীৰ সৈতে ১০ দিনৰ বাবে চুবুৰীয়া দেশখনলৈ…
