Mohini

বাংগালুৰুত অনুষ্ঠিত হৈ যোৱা ৰাষ্ট্ৰীয় পিকলবল চেম্পিয়নশ্বিপত অভূতপূৰ্ব প্ৰদৰ্শনেৰে ৰাজ্যলৈ গৌৰৱ কঢ়িয়াই আনিবলৈ সক্ষম হৈছে অসমৰ মহিলা খেলুৱৈসকলে। এই প্ৰতিযোগিতাত অসমৰ মহিলা খেলুৱৈসকলে দুটা ঐতিহাসিক স্বৰ্ণ পদক লাভ কৰিবলৈ সক্ষম হয়। খেলুৱৈসকলৰ এই পাৰদৰ্শিতা ৰাজ্যখনৰ বাবে এক উল্লেখযোগ্য কৃতিত্ব হিচাপে চিহ্নিত হৈছে। উল্লেখ্য যে, ১৩ নৱেম্বৰৰ পৰা ১৬ নৱেম্বৰলৈ বাংগালুৰুত অনুষ্ঠিত হোৱা ৰাষ্ট্ৰীয় পিকলবল চেম্পিয়নশ্বিপত অসমৰ ২৫ জনীয়া দলে অংশ লয়। যুৱ পৰিক্ৰমা আৰু ক্ৰীড়া মন্ত্ৰালয় আৰু ভাৰতীয় ক্ৰীড়া প্ৰাধিকৰণৰ স্বীকৃতিপ্ৰাপ্ত ইণ্ডিয়ান পিকলবল এছ'চিয়েশ্যনৰ অধীনত কৰ্ণাটক পিকলবল এছ'চিয়েশ্যনে এই প্ৰতিযোগিতাৰ আয়োজন কৰে। প্ৰতিযোগিতাখনিত সমগ্ৰ দেশৰ পৰা ১১০০ গৰাকী খেলুৱৈয়ে ১২ বছৰ অনুৰ্দ্ধৰ পৰা ৭০ বছৰ উৰ্দ্ধলৈকে বিভিন্ন শাখাত দলগত ইভেণ্ট…

মহিলাৰ সমতা আৰু ন্যায় প্ৰতিষ্ঠাৰ সজাগতাৰ বাবে অসম মহিলা আয়োগৰ উদ্যোগত ৰাজ্যজুৰি আয়োজন কৰা হৈছে 'বিশ্বাস যাত্ৰা' শীৰ্ষক বাইক ৰেলী। আজি আনুষ্ঠানিকভাৱে অৰ্জুন ভোগেশ্বৰ বৰুৱা ক্ৰীড়া প্ৰকল্প, গুৱাহাটীত শুভাৰম্ভণি কৰা হয়৷ ৰেলীত অংশ লৈছে অসম মহিলা আয়োগৰ অধ্যক্ষা আঙুৰলতা ডেকাই। 'বিশ্বাস যাত্ৰা' বাইক ৰেলী অনুষ্ঠানৰ শুভাৰম্ভণি অনুষ্ঠানত অসম চৰকাৰৰ মাননীয় মুখ্য সচিব ড° ৰবি কোটা , অসম চৰকাৰৰ মহিলা আৰু শিশু উন্নয়ন বিভাগৰ অতিৰিক্ত মুখ্য সচিব  মুকেশ চন্দ্ৰ চাহু , অসম চৰকাৰৰ মহাধিবক্তা শ্ৰী দেৱজিৎ শইকীয়া , অসম চৰকাৰৰ মহিলা আৰু শিশু উন্নয়ন বিভাগৰ সঞ্চালক গৌৰী শংকৰ শৰ্মা  উপস্থিত থাকে।

মুখ্যমন্ত্রী হিমন্ত বিশ্ব শৰ্মাই আজি গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ শ্ৰীমন্ত শংকৰদেৱ আন্তর্জাতিক প্রেক্ষাগৃহত আয়োজিত এক অনুষ্ঠানত ৰাষ্ট্ৰীয় খাদ্য সুৰক্ষা আইনৰ অধীনস্থ পৰিয়াললৈ ৰাজসাহায্যযুক্ত মচুৰ দাইল, চেনি আৰু নিমখ যোগান আচঁনিৰ আনুষ্ঠানিকভাৱে শুভাৰম্ভ কৰে। ৰাজ্যৰ প্ৰায় ৩৩ হেজাৰ সুলভ মূল্যৰ দোকানতো আজি মন্ত্রী, বিধায়ক বা স্থানীয় বিশিষ্টব্যক্তিৰ উপস্থিতিত হিতাধিকাৰীসকলৰ অংশগ্রহণেৰে এই উপলক্ষে একোখনকৈ সভা অনুষ্ঠিত হয়। এই সভাসমূহত গুৱাহাটীৰ কেন্দ্ৰীয় অনুষ্ঠানটো পোনপটীয়াকৈ সম্প্ৰচাৰ কৰা হয়। ৰাজহুৱা বিতৰণ ব্যৱস্থাৰ অধীনত বৰ্তমান ৰাজ্যখনত থকা প্রায় ৭০ লাখ পৰিয়ালে এই আঁচনিৰ সুবিধা লাভ কৰিব। ইয়াৰ জৰিয়তে প্রায় ২ কোটি ৪৫ লাখ হিতাধিকাৰী উপকৃত হ'ব। এই আঁচনিৰ জৰিয়তে প্রতিমাহে প্রতিখন ৰেচন কাৰ্ডৰ বিপৰীতে ৬৯ টকাত…

বিগত তিনিটা দশক জুৰি অসমীয়া সংগীতৰ একক, অনন্য, অতুলনীয় আৰু এক অম্লান সত্ত্বা হিচাপে প্রতিগৰাকী অসমীয়াৰ বুকুৰ আপোন হৈ পৰা জুবিন গার্গৰ আকস্মিক আৰু অনাকাংক্ষিত মৃত্যুত সমগ্র ৰাজ্যবাসী ম্রিয়মাণ হৈ থকাৰ সময়তে অসমৰ কণ্ঠশিল্পীসকলে একত্ৰৰূপত প্ৰাণৰ শিল্পীগৰাকীক তেখেতৰ গীতেৰেই শ্রদ্ধাঞ্জলি জ্ঞাপন কৰাৰ উদ্দেশ্যে আয়োজন কৰিছে এক বিশাল আৰু ব্যতিক্রমী অনুষ্ঠান 'জুবিন- জোনাক কণ্ঠলৈ সুৰৰ অৰ্ঘ্য'। সোমবাৰে গুৱাহাটী প্ৰেছ ক্লাবত এক সংবাদমেল সম্বোধন কৰি আয়োজকসকলে জনায় যে অহা ১৯ নৱেম্বৰ, সন্ধিয়া ৫ বজাৰ পৰা চান্দমাৰিৰ অসম অভিযান্ত্রিক প্রতিষ্ঠানৰ খেলপথাৰত অনুষ্ঠিত হ'বলগীয়া এই অনুষ্ঠানত হার্টথ্র'ব জুবিন গাৰ্গে কণ্ঠদান কৰা ভক্তিমূলক, আধুনিক, লোকসংগীত, জনজাতীয় গীতকে ধৰি প্রতিটো ধৰণৰ প্রায় দুকুৰি গীত কণ্ঠশিল্পীসকলে পৰিৱেশন…

বাংগালুৰুৰ আৰ ভি বিশ্ববিদ্যালয়ৰ উদ্যোগত আজি অনুষ্ঠিত হোৱা টিন ইণ্ডি ফিল্ম এৱাৰ্ডছ (টি আই এফ এ) ২০২৫ত উন্মোচনী ছবি হিচাপে প্ৰদৰ্শিত হয় অসমীয়া বোলছবি ‘গুডবাই গুৰুজী’। ১০ নৱেম্বৰৰ পৰা ১৪ নৱেম্বৰলৈ চলিবলগীয়া এই চলচিত্ৰ মহোৎৱৰ উন্মোচনৰ সময়ত প্ৰদৰ্শিত অসমীয়া ছবিখনে দৰ্শকৰ পৰা অভূতপূৰ্ব সমাদৰ লাভ কৰিবলৈ সক্ষম হয়। উল্লেখ্য যে, অৰুণজিৎ বৰাৰ পৰিচালনাৰ ‘গুডবাই গুৰুজী’ছবিখনৰ মুখ্য চৰিত্ৰত অভিনয় কৰিছে যুৱ অভিনেতা পাৰ্থ প্ৰতিম হাজৰিকা আৰু আইমী বৰুৱাই। শেহতীয়াকৈ ফ্ৰান্সৰ পেৰিছত অনুষ্ঠিত ‘Festival Gange Sur Siene’ত প্ৰদৰ্শিত হোৱা ছবিখনে ইতিমধ্যে কাহিনীৰ উপস্থাপন আৰু সাংস্কৃতিক গভীৰতাৰ বাবে ভূয়সী প্ৰশংসা লাভ কৰিবলৈ সক্ষম হৈছে। বাংগালুৰুত ছবিখনৰ প্ৰদৰ্শনৰ পূৰ্বে পৰিচালক অৰুণজিৎ বৰাই কয়, “টি…

কামৰূপ মহানগৰ  CJM আদালতৰ অস্থায়ী স্থানান্তৰৰ বিৰোধিতাৰে উকিল সন্থাৰ প্ৰতিবাদী সমদল। সোমবাৰে উকলি সন্হা, গুৱাহাটীৰ উদ্যোগত প্ৰায় দুই শতাধিক অধিবক্তাই হাতে হাতে বেনাৰ পোষ্টাৰ লৈ  এই স্থানান্তৰ অবৈধ, একপক্ষীয় স্থানান্তৰ অবৈধ, CJM ক'ৰ্ট ঘূৰাই আনক, এই স্থানান্তৰ জনবিৰোধী, CJM  ক'ৰ্ট মেৰামতি কৰক, আমাৰ কথা শুনক আদি শ্লোগানেৰে পৰিৱেশ উত্তাল কৰি তোলে। পুৰণি CJM আদালতৰ চৌহদৰ পৰা এই সমদল  কটন বিশ্ববিদ্যালয়ৰ সন্মুখেৰে গৈ গুৱাহাটী উচ্চ ন্যায়ালয় হৈ পুৰণি CJM আদালতৰ চৌহদত এই ৰেলীৰ সামৰণি পৰে।

স্বগৃহলৈ অনা হ'ল আন্তঃৰাষ্ট্ৰীয়  বাঁহীবাদক দীপক শৰ্মাৰ পাৰ্থিৱ শৰীৰ। মঙলবাৰে পুৱা চেন্নাইৰ পৰা বিমানযোগে লৈ অনা হয় বাঁহীবাদক দীপক শৰ্মাৰ নশ্বৰ দেহ। নশ্বৰ দেহ  অম্বিকাগিৰি নগৰৰ বাসগৃহত শোকাকুল পৰিৱেশৰ বিৰাজ কৰে।  বাসগৃহত শ্ৰদ্ধাজ্বলি জনোৱাৰ পিছত সেউজসংঘৰ বাকৰিত গুণমুগ্ধৰ শেষ শ্রদ্ধাঞ্জলি জনাই। ১০০ গৰাকী ছাত্ৰই বাঁহী বজাই শেষ শ্রদ্ধা জনায় শিল্পী গৰাকীক। বিয়লি নৱগ্ৰহ শ্মশানত ৰাজ্যিক মৰ্যাদাৰে  শেষকৃত্য সম্পন্ন কৰা হ'ব।

বাঁহীবাদক দীপক শৰ্মা আৰু নাই। ৫৭ বছৰ বয়সত পৰলোকপ্ৰাপ্তি ঘটে আন্তঃৰাষ্ট্ৰীয় খ্যাতিসম্পন্ন বিশিষ্ট শিল্পীগৰাকী। চেন্নাইত চিকিৎসাধীন অৱস্থাত ইহসংসাৰ ত্যাগ কৰে শিল্পী গৰাকীয়ে ।  ১৯৬৮ চনৰ ২৩ আগষ্টত নলবাৰী জিলাৰ পানীগাঁৱত জন্মগ্ৰহণ কৰিছিল বাঁহীবাদক দীপক শৰ্মাই। গুৱাহাটীৰ অম্বিকাগিৰি নগৰৰ বাসিন্দা দীপক শৰ্মা বিগত কেইবাবছৰ ধৰি যকৃত ৰোগত আক্ৰান্ত হৈ আছিল।

অভিলেখৰ পাছত অভিলেখ গঢ়িছে জুবিন গাৰ্গৰ অন্তিমখন ছবি ৰৈ ৰৈ বিনালে। মুক্তিৰ দিনটোতে ৪ কোটি টকা উপাৰ্জন কৰে জুবিন গাৰ্গৰ  ৰৈ ৰৈ বিনালে। আজি দ্বিতীয় দিনটোত ছবিখন চাবলৈ ৰাইজ ওলাই আহিছে। উল্লেখ্য যে প্ৰথম দিনটোত প্ৰায় ৮০০ দৰ্শনী হৈছিল ছবিখনৰ। অসমৰ ৮০ টা ছবিগৃহত ছবিখনে মুক্তি লাভ কৰা ছবিখনে  উত্তৰ পূৰ্বাঞ্চলৰ  সৰ্বমুঠ ৯২ টা হলত মুক্তিৰ প্ৰথম দিনটোত প্ৰদৰ্শিত হয় ছবিখন। আনহাতে  বহিঃৰাজ্যৰ ৯৪  চলচ্চিত্ৰ গৃহত ছবিখন প্ৰদৰ্শীত হৈ ইতিহাস ৰচনা কৰে ছবিখনে।

অৱশেষত আত্মসমৰ্পণ কৰিলে বীৰ লাচিত সেনাৰ কামৰূপ মহানগৰ জিলাৰ মুখ্য সচিব পদৰ বহিষ্কৃত নেতা বিকাশ অসমে। শনিবাৰে দিছপুৰ থানত আত্মসমৰ্পণ কৰে নেতাজনে।  আত্মসমৰ্পণৰ পিছতে দিছপুৰ আৰক্ষীয়ে গ্ৰেপ্তাৰ কৰে বিকাশ অসমক। বীৰ লাচিত সেনাৰ প্ৰাক্তন নেতাগৰাকী বিগত কিছুদিন ধৰি পলাতক হৈ আছিল। পলাতক হৈ থকা নেতাজনে ফেচবুকত ৰৈ ৰৈ বিনালে চোৱা পোষ্ট দি আত্মসমৰ্পণ কৰে। উল্লেখ্য যে কিছুদিন পূৰ্বে অপহৰণ , ধনদাবীৰ গোচৰত নাম সাঙোৰ খোৱা বিকাশ অসমে মহিলাক লৈ অশালীন মন্তব্য কৰিছিল। এই অশালীন মন্তব্যৰ বিৰুদ্ধে কঠোৰ পদক্ষেপ লম বুলি মুখ্যমন্ত্ৰীয়ে সংবাদ মাধ্যমৰ আগত মন্তব্য কৰিছিল।