Mohini

মহাবীৰ লাচিত বৰফুকনৰ পবিত্ৰ দিবসৰ লগত সংগতি ৰাখি ভাৰতীয় ডাক বিভাগৰ অধীনত গুৱাহাটীৰ পাণ্ডু সদিলাপুৰ শাখা ডাকঘৰৰ সন্মূখত এটা নতুন পোষ্ট বক্স স্থাপন কৰা হয়। দিনৰ ১১ বজাত এখন চিঠি ভৰাই পোষ্ট বক্সৰ শুভাৰম্ভ কৰে বৃহত্তৰ পাণ্ডু সদিলাপুৰ জনকল্যাণ সমাজৰ সভাপতি, প্ৰাক্তন ছাত্ৰ নেতা হৃষিকেশ দাসে। এই সন্দৰ্ভত হৃষিকেশ দাসে কয়‌ যে আগৰ তুলনাত বৰ্তমান ভাৰতীয় ডাক বিভাগ উন্নত মানদণ্ডৰ ডিজিটেল মাধ্যমত উপলব্ধ। বাকী বিভাগৰ চিঠি পত্ৰৰ উপৰিও ৰেকাৰিং ডিপোজিত , চেভিংচ একাউণ্ট,  ১০ বছৰৰ তলৰ কন্যা সন্তানৰ বাবে সুকন্যা আঁচনি, আই পি পি বি একাউণ্ট, পোষ্টেল লাইফ ইন্সোৰেন্স ইত্যাদিৰে মানুহৰ দুৱাৰে দুৱাৰে সু ব্যৱস্থাৰে ৰাইজক নিৰাপত্ত দি আহিছে।

কেন্দ্ৰীয় ট্ৰেড ইউনিয়ন সমূহৰ যৌথ মঞ্চই শ্ৰমিক বিৰোধী শ্ৰম কোড বাতিল কৰাৰ দাবীত  বিৰুবাৰী আৰ কে মিছন ৰোডত থকা কেন্দ্ৰীয় শ্ৰম কাৰ্যালয়ত শ্ৰমিক বিক্ষোভ কাৰ্যসূচী ৰূপায়ণ কৰে। বৃহৎ পুঁজিপতি স্বৰ্থবাহী শ্ৰম কোড বাতিলৰ দাবীত কেন্দ্ৰীয় শ্ৰম কাৰ্যালয়ৰ বাহিৰত প্ৰায় শতাধিক শ্ৰমিকে উত্তাল প্ৰতিবাদ সাব্যস্ত কৰে।

স্বচ্ছ দুর্গা পূজা মণ্ডপ প্রতিযোগিতা  বঁটা বিতৰণ শণিবাৰে আই টি এ মাছখোৱাত অনুষ্ঠিত অনুষ্ঠানত স্বচ্ছ দুর্গা পূজা মণ্ডপ প্রতিযোগিতা ২০২৫ -ৰ বঁটা বিতৰণ কৰা হয়। গুৱাহাটীৰ ৬০ টা ৱাৰ্ডৰ মুঠ ৫০০খন দুর্গা পূজা মণ্ডপৰ মাজৰ ১৮০ খন পূজা সমিতিয়ে এই স্বচ্ছতাৰ বঁটা লাভ কৰে। এই অনুষ্ঠানত অংশগ্ৰহণ কৰি মন্ত্ৰী জয়ন্ত মল্ল বৰুৱাই স্বচ্ছতাৰ প্রতি দায়বদ্ধতা দেখুৱাই বঁটা লাভ কৰা সকলোকে ধন্যবাদ আৰু অভিনন্দন জ্ঞাপন কৰে। 'আজিৰ অনুষ্ঠানত গুৱাহাটী পৌৰ নিগমৰ মেয়ৰ মৃগেন শৰণীয়া , আয়ুক্ত চিন্ময় প্রকাশ ফুকনৰ লগতে  'মেয়ৰ ইন কাউন্সিল'ৰ সদস্যসকল উপস্থিত থাকে।

অত্যাৱশ্যকীয় সামগ্ৰীৰ মূল্যবৃদ্ধিয়ে জলাকলা খুৱাইছে সৰ্বসাধাৰণ ৰাইজক। নিত্যব্যৱহাৰ্য  সামগ্ৰীৰ মূল্যবৃদ্ধি হোৱাত সাধাৰণ জনতাৰ মাজত হাহাকাৰ অৱস্থাৰ সৃষ্টি হৈছে।বজাৰত  পুনৰ বৃদ্ধি পাইছে কণীৰ মূল্য। এইবাৰ  প্ৰতি প্লেট কণীত ২৩০-১৪০ টকালৈ বৃদ্ধি  হৈছে। গুৱাহাটীৰ বজাৰত প্ৰতি প্লেট কণীৰ মূল‌্য ২৩০-২৪০  টকা পৰ্যন্ত বিক্ৰী হৈছে। আনহাতে  বজাৰত প্ৰতিটো কণী ৮ টকাকৈ বিক্ৰী হৈছে। বজাৰত পূৰ্বতকৈ  ৩০-৪০ টকা পৰ্যন্ত কণীৰ মূল্য বৃদ্ধি পাইছে। শাক পাচলিৰ জুই-ছাই দামে সৰ্বসাধাৰণ ৰাইজক মাধমাৰ দিয়াৰ সমান্তৰালকৈ কণীৰ মূল্যবৃদ্ধিয়েও বিপাঙত পেলাইছে ৰাইজক।

জুবিন গাৰ্গৰ ন্যায়ৰ দাবীত কটন বিশ্ববিদ্যালয়ত অনশন কাৰ্য্যসূচী। পুৱা ৮ বজাৰ পৰা ১০ ঘন্টীয়া অনশন কাৰ্যসূচী বিশ্ববিদ্যালয়ৰ মূখ্য প্ৰৱেশদ্বাৰৰ সন্মুখত গ্ৰহণ কৰিছে ছাত্ৰ ছাত্ৰী সকলে। উল্লেখ্য যে কটন বিশ্ববিদ্যালয় ছাত্র একতা সভাৰ উদ্যোগত ১৭ নৱেম্বৰৰ পৰা ২২ নৱেম্বৰলৈ আয়োজন কৰা "জুবিন সপ্তাহ ২০২৫" ৰ আজি সামৰণি পৰে। প্ৰতিবাদী জুবিন গাৰ্গজনক স্মৰণ কৰি তেখেতৰ ন্যায়ৰ দাবীত এই অনশন কাৰ্যসূচী গ্ৰহণ কৰা হয়।

বাংগালুৰুত অনুষ্ঠিত হৈ যোৱা ৰাষ্ট্ৰীয় পিকলবল চেম্পিয়নশ্বিপত অভূতপূৰ্ব প্ৰদৰ্শনেৰে ৰাজ্যলৈ গৌৰৱ কঢ়িয়াই আনিবলৈ সক্ষম হৈছে অসমৰ মহিলা খেলুৱৈসকলে। এই প্ৰতিযোগিতাত অসমৰ মহিলা খেলুৱৈসকলে দুটা ঐতিহাসিক স্বৰ্ণ পদক লাভ কৰিবলৈ সক্ষম হয়। খেলুৱৈসকলৰ এই পাৰদৰ্শিতা ৰাজ্যখনৰ বাবে এক উল্লেখযোগ্য কৃতিত্ব হিচাপে চিহ্নিত হৈছে। উল্লেখ্য যে, ১৩ নৱেম্বৰৰ পৰা ১৬ নৱেম্বৰলৈ বাংগালুৰুত অনুষ্ঠিত হোৱা ৰাষ্ট্ৰীয় পিকলবল চেম্পিয়নশ্বিপত অসমৰ ২৫ জনীয়া দলে অংশ লয়। যুৱ পৰিক্ৰমা আৰু ক্ৰীড়া মন্ত্ৰালয় আৰু ভাৰতীয় ক্ৰীড়া প্ৰাধিকৰণৰ স্বীকৃতিপ্ৰাপ্ত ইণ্ডিয়ান পিকলবল এছ'চিয়েশ্যনৰ অধীনত কৰ্ণাটক পিকলবল এছ'চিয়েশ্যনে এই প্ৰতিযোগিতাৰ আয়োজন কৰে। প্ৰতিযোগিতাখনিত সমগ্ৰ দেশৰ পৰা ১১০০ গৰাকী খেলুৱৈয়ে ১২ বছৰ অনুৰ্দ্ধৰ পৰা ৭০ বছৰ উৰ্দ্ধলৈকে বিভিন্ন শাখাত দলগত ইভেণ্ট…

মহিলাৰ সমতা আৰু ন্যায় প্ৰতিষ্ঠাৰ সজাগতাৰ বাবে অসম মহিলা আয়োগৰ উদ্যোগত ৰাজ্যজুৰি আয়োজন কৰা হৈছে 'বিশ্বাস যাত্ৰা' শীৰ্ষক বাইক ৰেলী। আজি আনুষ্ঠানিকভাৱে অৰ্জুন ভোগেশ্বৰ বৰুৱা ক্ৰীড়া প্ৰকল্প, গুৱাহাটীত শুভাৰম্ভণি কৰা হয়৷ ৰেলীত অংশ লৈছে অসম মহিলা আয়োগৰ অধ্যক্ষা আঙুৰলতা ডেকাই। 'বিশ্বাস যাত্ৰা' বাইক ৰেলী অনুষ্ঠানৰ শুভাৰম্ভণি অনুষ্ঠানত অসম চৰকাৰৰ মাননীয় মুখ্য সচিব ড° ৰবি কোটা , অসম চৰকাৰৰ মহিলা আৰু শিশু উন্নয়ন বিভাগৰ অতিৰিক্ত মুখ্য সচিব  মুকেশ চন্দ্ৰ চাহু , অসম চৰকাৰৰ মহাধিবক্তা শ্ৰী দেৱজিৎ শইকীয়া , অসম চৰকাৰৰ মহিলা আৰু শিশু উন্নয়ন বিভাগৰ সঞ্চালক গৌৰী শংকৰ শৰ্মা  উপস্থিত থাকে।

মুখ্যমন্ত্রী হিমন্ত বিশ্ব শৰ্মাই আজি গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ শ্ৰীমন্ত শংকৰদেৱ আন্তর্জাতিক প্রেক্ষাগৃহত আয়োজিত এক অনুষ্ঠানত ৰাষ্ট্ৰীয় খাদ্য সুৰক্ষা আইনৰ অধীনস্থ পৰিয়াললৈ ৰাজসাহায্যযুক্ত মচুৰ দাইল, চেনি আৰু নিমখ যোগান আচঁনিৰ আনুষ্ঠানিকভাৱে শুভাৰম্ভ কৰে। ৰাজ্যৰ প্ৰায় ৩৩ হেজাৰ সুলভ মূল্যৰ দোকানতো আজি মন্ত্রী, বিধায়ক বা স্থানীয় বিশিষ্টব্যক্তিৰ উপস্থিতিত হিতাধিকাৰীসকলৰ অংশগ্রহণেৰে এই উপলক্ষে একোখনকৈ সভা অনুষ্ঠিত হয়। এই সভাসমূহত গুৱাহাটীৰ কেন্দ্ৰীয় অনুষ্ঠানটো পোনপটীয়াকৈ সম্প্ৰচাৰ কৰা হয়। ৰাজহুৱা বিতৰণ ব্যৱস্থাৰ অধীনত বৰ্তমান ৰাজ্যখনত থকা প্রায় ৭০ লাখ পৰিয়ালে এই আঁচনিৰ সুবিধা লাভ কৰিব। ইয়াৰ জৰিয়তে প্রায় ২ কোটি ৪৫ লাখ হিতাধিকাৰী উপকৃত হ'ব। এই আঁচনিৰ জৰিয়তে প্রতিমাহে প্রতিখন ৰেচন কাৰ্ডৰ বিপৰীতে ৬৯ টকাত…

বিগত তিনিটা দশক জুৰি অসমীয়া সংগীতৰ একক, অনন্য, অতুলনীয় আৰু এক অম্লান সত্ত্বা হিচাপে প্রতিগৰাকী অসমীয়াৰ বুকুৰ আপোন হৈ পৰা জুবিন গার্গৰ আকস্মিক আৰু অনাকাংক্ষিত মৃত্যুত সমগ্র ৰাজ্যবাসী ম্রিয়মাণ হৈ থকাৰ সময়তে অসমৰ কণ্ঠশিল্পীসকলে একত্ৰৰূপত প্ৰাণৰ শিল্পীগৰাকীক তেখেতৰ গীতেৰেই শ্রদ্ধাঞ্জলি জ্ঞাপন কৰাৰ উদ্দেশ্যে আয়োজন কৰিছে এক বিশাল আৰু ব্যতিক্রমী অনুষ্ঠান 'জুবিন- জোনাক কণ্ঠলৈ সুৰৰ অৰ্ঘ্য'। সোমবাৰে গুৱাহাটী প্ৰেছ ক্লাবত এক সংবাদমেল সম্বোধন কৰি আয়োজকসকলে জনায় যে অহা ১৯ নৱেম্বৰ, সন্ধিয়া ৫ বজাৰ পৰা চান্দমাৰিৰ অসম অভিযান্ত্রিক প্রতিষ্ঠানৰ খেলপথাৰত অনুষ্ঠিত হ'বলগীয়া এই অনুষ্ঠানত হার্টথ্র'ব জুবিন গাৰ্গে কণ্ঠদান কৰা ভক্তিমূলক, আধুনিক, লোকসংগীত, জনজাতীয় গীতকে ধৰি প্রতিটো ধৰণৰ প্রায় দুকুৰি গীত কণ্ঠশিল্পীসকলে পৰিৱেশন…

বাংগালুৰুৰ আৰ ভি বিশ্ববিদ্যালয়ৰ উদ্যোগত আজি অনুষ্ঠিত হোৱা টিন ইণ্ডি ফিল্ম এৱাৰ্ডছ (টি আই এফ এ) ২০২৫ত উন্মোচনী ছবি হিচাপে প্ৰদৰ্শিত হয় অসমীয়া বোলছবি ‘গুডবাই গুৰুজী’। ১০ নৱেম্বৰৰ পৰা ১৪ নৱেম্বৰলৈ চলিবলগীয়া এই চলচিত্ৰ মহোৎৱৰ উন্মোচনৰ সময়ত প্ৰদৰ্শিত অসমীয়া ছবিখনে দৰ্শকৰ পৰা অভূতপূৰ্ব সমাদৰ লাভ কৰিবলৈ সক্ষম হয়। উল্লেখ্য যে, অৰুণজিৎ বৰাৰ পৰিচালনাৰ ‘গুডবাই গুৰুজী’ছবিখনৰ মুখ্য চৰিত্ৰত অভিনয় কৰিছে যুৱ অভিনেতা পাৰ্থ প্ৰতিম হাজৰিকা আৰু আইমী বৰুৱাই। শেহতীয়াকৈ ফ্ৰান্সৰ পেৰিছত অনুষ্ঠিত ‘Festival Gange Sur Siene’ত প্ৰদৰ্শিত হোৱা ছবিখনে ইতিমধ্যে কাহিনীৰ উপস্থাপন আৰু সাংস্কৃতিক গভীৰতাৰ বাবে ভূয়সী প্ৰশংসা লাভ কৰিবলৈ সক্ষম হৈছে। বাংগালুৰুত ছবিখনৰ প্ৰদৰ্শনৰ পূৰ্বে পৰিচালক অৰুণজিৎ বৰাই কয়, “টি…