editor

কেতিয়াবা কিছুমান সফলতাৰ কাহিনীয়ে শিঁহৰিত কৰে পঢ়ুৱৈ বা শ্ৰোতাক। কিছু কিছু কাহিনীয়ে বছৰ বছৰ ধৰি অনুপ্ৰাণিত কৰে উঠি অহা প্ৰজন্মক। তেনে এক কাহিনীৰেই ইতিহাস ৰচিবলৈ সক্ষম হ’ল এগৰাকী বধিৰ যুৱকে। জীৱন যুদ্ধত পৰাজয় বৰণ নকৰি বাৰে বাৰে বিফলতাৰ সন্মুখীন হৈও অৱশেষত বিজয় হ’ল হিমাংশু নামৰ বিশেষভাৱে সক্ষম এই যুৱক। দেশৰ আটাইতকৈ কঠিনতম পৰীক্ষা হিচাপে পৰিচিত কেন্দ্ৰীয় লোকসেৱা আয়োগৰ পৰীক্ষাত সফলতা অৰ্জন কৰি এতিয়া এগৰাকী নায়ব তেহচিলদাৰ হিচাপে কৰ্তব্যৰত হৈছে হিমাংশু। উল্লেখ্য যে, দুই কাণেৰে কমকৈ শুনা হিমাংশুৱে আৰ এ এছ আৰু আই এ এছ পৰীক্ষাত একেৰাহে ১৬ বাৰ অৱতীৰ্ণ হৈও ব্যৰ্থ হ’বলগীয়া হৈছিল। কিন্তু তাৰ পিছতো প্ৰতিকূল পৰিস্থিতিৰ সন্মুখত মূৰ…

দেওবাৰে মাজনিশা তেলেংগানাৰ নলগোণ্ডা জিলাৰ মিৰিয়ালাগুডাৰ আডংকি-নৰকতপল্লী মূল পথত সংঘটিত এক ভয়াবহ পথ দুৰ্ঘটনাত ৫জন লোকৰ মৃত্যু হয়। দুটা পৰিয়ালে যাত্ৰা কৰা চাৰিচকীয়া বাহনখনত এখন ট্ৰাকে খুন্দা মৰাৰ ফলত এই কৰুণ ঘটনা সংঘটিত হয়। নিহত সকলৰ ভিতৰত দুটা শিশুও আছে। মৃত সকলক মিৰিয়ালাগুডাৰ নন্দিপাডু কলনীৰ চেৰুপল্লী মহেশ (৩২), পত্নী জ্যোতি (৩০), কন্যা ঋষিতা (৬), মহেশৰ খুলশালী গোলনেপল্লীৰ ভূমা মহেন্দৰ (৩২), যাদদ্ৰী ভূৱনগিৰি জিলাৰ বালিগোণ্ডা মণ্ডল আৰু তেওঁৰ পুত্ৰ লিয়াঞ্চি(২) বুলি চিনাক্ত কৰা হৈছে। ইফালে এই দুৰ্ঘটনাত গুৰুতৰভাৱে আহত হয় মহেন্দৰৰ পত্নী ভূমা মাধৱী। দুৰ্ঘটনাত পিছত মহিলাগৰাকীক উদ্ধাৰ কৰি মিৰিয়ালাগুডা আঞ্চলিক চিকিৎসালয়ত জৰুৰী চিকিৎসা প্ৰদান কৰি পিছত ব্যক্তিগত চিকিৎসালয়লৈ স্থানান্তৰিত কৰা…

নিষিদ্ধ সশস্ত্ৰ সংগঠন কামতাপুৰ লিবাৰেশ্যন অৰ্গেনাইজেশ্যনৰ কোচ জাতীয়তাবাদ ফৈদৰ সদস্য কনক অধিকাৰীক দেওবাৰে সন্ধিয়া গৌৰীপুৰ আৰক্ষীয়ে গ্ৰেপ্তাৰ কৰে। আৰক্ষী সূত্ৰৰ পৰা জানিব পৰা মতে, কোকৰাঝাৰ জিলাৰ ৰামফলবিল গাঁৱৰ নিবাসী কনক অধিকাৰীক গৌৰীপুৰৰ এজন ব্যৱসায়ীৰ পৰা মুক্তিপণৰ ধন গ্ৰহণ কৰি থকা অৱস্থাতে হাতে-লোটে গ্ৰেপ্তাৰ কৰা হয়। বাতৰি অনুসৰি কে এল অ’-কে এন উগ্ৰপন্থীৰ এটা দলে কিছুদিনৰ পৰা গৌৰীপুৰৰ পৰা বিভিন্ন ব্যৱসায়ীৰ পৰা ধন দাবী কৰি আহিছে আৰু বড়োলেণ্ড টেৰিটৰিয়েল ৰিজিঅ’ন (বি টি আৰ)ৰ অন্তৰ্গত গৌৰীপুৰৰ কাষৰীয়া বনাঞ্চলৰ পৰাই কাম কৰি আহিছে। অসম আৰু পশ্চিমবংগৰ কিছু অংশকে ধৰি সুকীয়া কামতাপুৰ ৰাজ্যৰ বাবে যুঁজি থকা কে এল অ’ৰ বিচ্ছিন্ন ফৈদ হৈছে কে এল…

ইউনাইটেড লিবাৰেশ্যন ফ্ৰণ্ট অৱ আছম-ইণ্ডিপেণ্ডেণ্ট (আলফা-আই)ৰ এটা ভিডিঅ’ প্ৰকাশ কৰাৰ কেইঘণ্টামানৰ পাছতে দেওবাৰে অসম আৰক্ষীয়ে উগ্ৰপন্থী সংগঠনটোৰ ভিতৰত আৰক্ষীৰ চোৰাংচোৱা থকাৰ অভিযোগ খণ্ডন কৰে। নিষিদ্ধ সংগঠনটোৱে কৰা দাবী খণ্ডন কৰি আৰক্ষীয়ে এক বিবৃতিত কয় যে মানস বৰগোহাঁই নামৰ কোনো ব্যক্তিক চোৰাংচোৱা হিচাপে আলফা স্বাধীনৰ শিবিৰলৈ প্ৰেৰণ কৰা হোৱা নাছিল। আৰক্ষীয়ে লগতে কয় যে অসম আৰক্ষীয়ে ২০২১চনৰ শাখাত আৰক্ষীৰ বিশেষ দলত কাকো নিযুক্তি দিয়া নাই। উল্লেখ্য যে, আলফা স্বাধীনে এটা ভিডিঅ’ৰ জৰিয়তে ‘সংগঠনৰ সংবিধান উলংঘা’ কৰাৰ অভিযোগত বৰগোহাঁই ওৰফে মুকুট অসমক বন্দী কৰা বুলি সদৰী কৰিছিল। পিছত এটা কথিত ভিডিঅ’ত বৰগোহাঁইয়ে অসম আৰক্ষীৰ বিশেষ শাখাত নিযুক্তি দিয়াৰ কথা স্বীকাৰ কৰে। যুৱকজনে…

দেওবাৰে জেডিইউৰ সভাপতি নীতিশ কুমাৰে অভিলেখ নৱমবাৰৰ বাবে বিহাৰৰ মুখ্যমন্ত্ৰী হিচাপে শপত গ্ৰহণ কৰে। ৰাজভৱনত অনুষ্ঠিত শপত গ্ৰহণ অনুষ্ঠানত নীতিশ কুমাৰক মুখ্যমন্ত্ৰীৰ শপত বাক্য পাঠ কৰোৱায় ৰাজ্যপাল ৰাজেন্দ্ৰ আৰ্লেকাৰে। ইফালে নীতিশ কুমাৰৰ লগতে বিজেপি নেতা বিজয় কুমাৰ সিনহা আৰু সম্ৰাট চৌধাৰীয়ে উপ-মুখ্যমন্ত্ৰীৰূপে শপত লয়। উল্লেখ্য যে, বিগত ১৭ মাহ ধৰি কংগ্ৰেছ আৰু আৰ জে ডিৰ সমৰ্থনত চৰকাৰ গঠন কৰিছিল নীতিশ কুমাৰে। কিন্তু দেওবাৰে পুৱা তেওঁ ৰাজ্যপালৰ হাতত নিজৰ পদত্যাগ পত্ৰ অৰ্পণ কৰাৰ পিছতে সন্ধিয়া বিজেপিৰ সমৰ্থনত পুনৰবাৰ মুখ্যমন্ত্ৰীৰ শপত লয়। প্ৰণিধানযোগ্য যে, বাৰে বাৰে মিত্ৰদল সলনি কৰাৰ বাবে কুখ্যাত নীতিশ কুমাৰে পূৰ্বেও কেইবাবাৰো মিত্ৰদল সলনি কৰিছিল।

নতুনকৈ প্ৰস্তুত কৰা যক্ষ্মা ভেকছিনৰ বৃহৎ পৰিমাণৰ পৰীক্ষণ ভাৰতত সোনকালেই আৰম্ভ হ'ব। বিল এণ্ড মেলিণ্ডা গেটছ ফাউণ্ডেচনে এই পৰীক্ষণৰ বাবে পুঁজি যোগান ধৰিব। ফাউণ্ডেচনৰ মুখ্য কাৰ্যবাহী বিষয়া মাৰ্ক চুজমানে এইটো নিশ্চিত কৰিছে। যোৱা ১০০ বছৰত এইটো এটা নতুন যক্ষ্মা ভেকছিনৰ প্ৰথম বৃহৎ পৰিমাণৰ পৰীক্ষণ হ'ব। মাৰ্ক চুজমানে কয় যে তেওঁৰ ফাউণ্ডেচনে পৰীক্ষণটোৰ বাবে পুঁজি যোগান ধৰাৰ সিদ্ধান্ত লৈছে কাৰণ ব্যক্তিগত কোম্পানীবোৰে ইয়াত বিনিয়োগ কৰা নাছিল। মাৰ্ক চুজমানে কয় যে আমি পৰীক্ষণটোত কেইবা কোটি ডলাৰ খৰচ কৰিম। যক্ষ্মা ৰোগ থকা লোকসকল বেছিভাগ দৰিদ্ৰ লোক আৰু তেওঁলোকে চিকিৎসাৰ বাবে ধন বহন কৰিব নোৱাৰে। সুজমানে কয় যে যদি এই পৰীক্ষণটো সফল হয় তেন্তে…

ভাৰত আৰু ফ্ৰান্সৰ মাজত বন্ধুত্ব অধিক ঘনিষ্ঠ হৈ পৰিছে। ৭৫ সংখ্যক গণতন্ত্ৰ দিৱস উদযাপনত মুখ্য অতিথি হিচাপে উপস্থিত হোৱা ফ্ৰান্সৰ ৰাষ্ট্ৰপতি ইমানুৱেল মেক্ৰ'নে ভাৰতৰ সৈতে কেইবাটাও গুৰুত্বপূৰ্ণ চুক্তি স্বাক্ষৰ কৰিছে। এই শৃংখলাত, দুয়োখন দেশে প্ৰতিৰক্ষা ঔদ্যোগিক খণ্ডৰ মাজত একত্ৰীকৰণ অধিক গভীৰ কৰিবলৈ, সহ-ডিজাইন, সহ-বিকাশ আৰু সহ-উৎপাদনৰ সুযোগ চিনাক্ত কৰাৰ বাবে একেলগে কাম কৰিবলৈ সন্মত হৈছে। ফ্ৰান্সৰ ৰাষ্ট্ৰপতি ইমানুৱেল মেক্ৰ'ন আৰু প্ৰধানমন্ত্ৰী নৰেন্দ্ৰ মোদীয়ে দুয়োখন দেশৰ মাজত প্ৰতিৰক্ষা খণ্ডৰ একত্ৰীকৰণ অধিক গভীৰ কৰাৰ লগতে খণ্ডটোৰ সহ-ডিজাইন, সহ-বিকাশ আৰু সহ-উৎপাদনৰ সুযোগ চিনাক্ত কৰাৰ বাবে একেলগে কাম কৰাৰ প্ৰতিশ্ৰুতি পুনৰ ব্যক্ত কৰে। ফ্ৰান্সৰ ৰাষ্ট্ৰপতি মেক্ৰ'ন আৰু প্ৰধানমন্ত্ৰী নৰেন্দ্ৰ মোদীয়ে কয় যে প্ৰতিৰক্ষা ঔদ্যোগিক…

অষ্ট্ৰেলিয়ান অ'পেন ২০২৪-ৰ ছেমি ফাইনেলত দানিল মেদভেদেভে এক অবিশ্বাস্য প্ৰত্যাৱৰ্তন কৰিছে। তেওঁ দুটা ছেট হেৰুৱাই প্ৰত্যাৱৰ্তন কৰে আৰু মেচখন জিকি ফাইনেলত প্ৰৱেশ কৰে। জাৰ্মানীৰ আলেকজেণ্ডাৰ জেভেৰেভৰ বিৰুদ্ধে দুটা ছেটত পিছ পৰাৰ পিছত তেওঁ এক চমৎকাৰ প্ৰত্যাৱৰ্তন কৰি ঐতিহাসিক জয় পঞ্জীয়ন কৰে। ৰড লেভাৰ এৰেনাত মেদভেদেভে চাৰি ঘণ্টা ১৮ মিনিটৰ বাবে কঠোৰ যুঁজ দি তেওঁৰ জাৰ্মান প্ৰতিদ্বন্দীক ৫-৭, ৩-৬, ৭-৬ (৭-৪), ৭-৬ (৭-৫), ৬-৩ ত পৰাস্ত কৰে।  দুটা ছেটত পিছ পৰাৰ পিছত এইটো দ্বিতীয়বাৰৰ বাবে মেদভেদেভে প্ৰত্যাৱৰ্তন ককৰে। দ্বিতীয় ৰাউণ্ডত তেওঁ ফিনলেণ্ডৰ এমিল ৰুচুভুৰীক ৩-৬, ৬-৭ (১-৭), ৬-৪, ৭-৬ (৭-১), ৬-০ ত পৰাস্ত কৰে। মেদভেদেভে পৰৱৰ্তী সময়ত ইটালীৰ জানিক ছিনাৰৰ মুখামুখি…

ৰাজধানী দিল্লীৰ সহদৰা অঞ্চলৰ এটা বহুমহলীয়া অট্টালিকাত সংঘটিত হয় এক ভয়ংকৰ অগ্নিকাণ্ড। এই বিধ্বংসী অগ্নিকাণ্ডত জীৱন্তে অগ্নিদগ্ধ হৈ মৃত্যুক সাৱটে এটি ৯ মহীয়া কেঁচুৱাসহ মুঠ ৪জন লোকে। ইফালে অগ্নিকাণ্ডত আন দুজনো গুৰুতৰভাৱে আহত হয়। অগ্নিনিৰ্বাপক বাহিনীৰ তথ্য অনুসৰি শুকুৰবাৰে বিয়লি প্ৰায় ৫:২২ বজাত ফোনযোগে এই অগ্নিকাণ্ডৰ বিষয়ে জানিবলৈ পায়। লগে লগে পাঁচখন অগ্নিনিৰ্বাপক বাহিনীৰ গাড়ী উপস্থিত হয়। সেই সময়ত বহুমহলীয়া অট্টালিকাটোৰ তলৰ মহলালৈ জুই বিয়পি পৰিছিল। আৰু সেইবাবেই উশাহ-নিশাহৰ সমস্যাৰ বাবে ৯ মহীয়া শিশুটিৰ মৃত্যু হয়। এই অগ্নিকাণ্ডত ২৮ আৰু ৪০ বছৰীয়া দুগৰাকী মহিলা আৰু ১৭ বছৰীয়া এগৰাকী কিশোৰীৰ অগ্নিদগ্ধ হৈ মৃত্যু ঘটে। অগ্নিনিৰ্বাপক বাহিনীৰ অতুল গাৰ্গে জানিবলৈ দিয়া মতে,…

বিহাৰৰ পিছত দিল্লী! "অপাৰেচন লোটাছ" চলাই দিল্লীত আম আদমী পাৰ্টিৰ চৰকাৰ উফৰাই পেলোৱাৰ ষড়যন্ত্ৰ আৰম্ভ কৰিছে বিজেপিয়ে। গেৰুৱা শিবিৰে আপৰ বিধায়কক দল সলনি কৰিবলৈ বিপুল পৰিমাণৰ ধন দিছে। দিল্লীৰ মুখ্যমন্ত্ৰী তথা আম আদমী পাৰ্টীৰ মুৰব্বী অৰবিন্দ কেজৰিৱালে এনে অভিযোগ উত্থাপন কৰে। আবকাৰী দুৰ্নীতিৰ গোচৰত কেজৰিৱালক কেইবাবাৰো চমন কৰিছে বলবৎকাৰী সঞ্চালকালয়ে। প্ৰতিবাৰেই ইডি অফিচত উপস্থিত হোৱাৰ পৰা বিৰত আছে কেজৰিৱাল। এই বিষয়টোক আহিলা হিচাপে ব্যৱহাৰ কৰি বিজেপিয়ে আপৰ বিধায়কসকলক দল সলনি কৰিবলৈ ২৫ কোটি টকাকৈ ঘোচ দিয়া বুলি অভিযোগ কৰিছে কেজৰিৱালে। এনে অভিযোগ উত্থাপন কৰি কেজৰিৱালে শনিবাৰে এক্স হেণ্ডেলত লিখিছে, “শেহতীয়াকৈ বিজেপিয়ে দিল্লীত থকা আমাৰ ৭ জন বিধায়কৰ সৈতে যোগাযোগ কৰি…