editor

মেঘালয়ৰ বান বিভাগে অগ্ৰণী জৈৱ বৈচিত্ৰ্য সংৰক্ষণ সংস্থা আৰণ্যক সহযোগত ৰাজ্যখনৰ গাৰো পাহাৰ অঞ্চলৰ ভাৰত-বাংলাদেশ সীমান্তত নিয়োজিত সীমান্ত সুৰক্ষা বাহিনী (বি এছ এফ)ৰ জোৱানসকলৰ বাবে এছিয়ান হাতী সম্পৰ্কীয় সজাগতা সৃষ্টিৰ এটা কাৰ্যসূচী অনুষ্ঠিত কৰে। ভাৰত - বাংলাদেশৰ সীমান্তৰ এই অঞ্চলত পহৰাত নিয়োজিত বি এছ এফৰ জোৱানসকলে সঘনাই এই বৃহাদাকাৰ প্ৰানীবিধৰ (এছিয়ান হাতী) সন্মুখীন হয় ।  অঞ্চলটোত কেতিয়াবা হাতী আৰু মানুহৰ সংঘাতৰ ঘটনাও ঘটে । সীমান্ত সুৰক্ষা বাহিনীয়ে এছিয়ান হাতীৰ আচৰণ আৰু সহাৱস্থানৰ সম্ভাৱ্য ব্যৱস্থা সম্পৰ্কে সজাগতা সৃষ্টিৰ বাবে মেঘালয়ৰ বন বিভাগক আমন্ত্ৰণ জনাইছিল। আৰণ্যকৰ এটা সমল গোটৰ সহায়ত মেঘালয়ৰ দক্ষিণ গাৰো পাহাৰৰ মহাদেউস্থিত বি এছ এফৰ ১ম বেটেলিয়নত ১৬ ফেব্ৰুৱাৰীত…

অসম-অৰুণাচল প্ৰদেশ সীমান্তৰ ওচৰৰ এটা কয়লা খনিত কৰ্মৰত কমেও ১০ জন খনিকৰ্মীক উগ্ৰপন্থীৰ এটা দলে অপহৰণ কৰিছে। আৰক্ষীয়ে এই কথা প্ৰকাশ কৰিছে । প্ৰাথমিক অনুসন্ধান অনুসৰি, নিষিদ্ধ সংগঠন নেচনেল ছ'চিয়েলিষ্ট কাউন্সিল অৱ নাগালেণ্ড (এনএছচিএন) আৰু ইউনাইটেড লিবাৰেচন ফ্ৰণ্ট অৱ আসাম ইণ্ডিপেণ্ডেণ্ট (উলফা- স্বাধীন)ৰ সন্দেহযুক্ত সদস্যই তেওঁলোকক অপহৰণ কৰিছে বুলি আৰক্ষীয়ে জানিবলৈ দিয়ে। ঘটনাটো শনিবাৰে নিশা সংগঠিত হয়। খবৰ অনুসৰি মুঠ ১৪ জন শ্ৰমিকে ফিনবৰো কয়লা খনিত কৰ্মৰত আছিল। একে সময়তে, সন্দেহযুক্ত উগ্ৰপন্থী ৰ এটা দলে শনিবাৰে নিশা অসম সীমান্তৰ ওচৰৰ অৰুণাচল প্ৰদেশৰ চাংলাং জিলাৰ পৰা তেওঁলোকক অপহৰণ কৰে। ১৪ জন শ্ৰমিকৰ ভিতৰত চাৰিজন পলাই যাবলৈ সক্ষম হয়, আনহাতে বাকী ১০জনক…

কাৰাগাৰত বন্দী প্ৰাক্তন প্ৰধানমন্ত্ৰী ইমৰান খানৰ পাকিস্তান তেহৰিক-ই-ইনচাফে (পিটিআই) তেওঁলোকৰ পৰৱৰ্তী চৰকাৰ গঠনৰ প্ৰচেষ্টা বিফল হোৱাৰ পিছত সংসদত বিৰোধী দলত বহিবলৈ সিদ্ধান্ত লৈছে। ৮ ফেব্ৰুৱাৰীৰ নিৰ্বাচনত কোনো দলে নিৰংকুশ সংখ্যাগৰিষ্ঠতা লাভ নকৰাৰ পিছত পাকিস্তানৰ মুখ্য ৰাজনৈতিক দলসমূহে ফেডাৰেল চৰকাৰ গঠনৰ প্ৰচেষ্টা বৃদ্ধি কৰিছে। খানৰ পাকিস্তান তেহৰিক-ই-ইনচাফ (পিটিআই) দলৰ সমৰ্থিত নিৰ্দলীয় প্ৰাৰ্থীসকলে নিৰ্বাচনৰ ফলাফলত আধিপত্য বিস্তাৰ কৰিছিল। আনহাতে পাকিস্তান মুছলিম লীগ-নাৱাজে (পিএমএল-এন) চৰকাৰ গঠনৰ বাবে পৰ্যাপ্ত সংখ্যা আছে বুলি দাবী কৰিছিল কিয়নো নিৰ্বাচনৰ পিছত কিছুমান স্বতন্ত্ৰ আইন প্ৰণেতাই নৱাজ শ্বৰীফ নেতৃত্বাধীন দলত যোগদান কৰিছিল। পিটিআই নেতা বেৰিষ্টাৰ মহম্মদ আলী চৈফে শুকুৰবাৰে ঘোষণা কৰে যে খানৰ নিৰ্দেশনা অনুসৰণ কৰি দলটোৱে কেন্দ্ৰৰ লগতে…

অসমত শীঘ্ৰেই ছেমিকণ্ডাক্টৰ  পেকেজিং প্ৰকল্পত প্ৰায় ২৫,০০০ কোটি টকাৰ প্ৰথম বিনিয়োগ হ'ব। এই সুবিধাটো ৰাজ্য চৰকাৰ আৰু টাটা গোটৰ দ্বাৰা যুটীয়াভাৱে নিৰ্মাণ কৰা হ'ব। কেন্দ্ৰীয় ইলেক্ট্ৰনিক্স আৰু তথ্য প্ৰযুক্তি ৰাজ্যিক মন্ত্ৰী ৰাজীৱ চন্দ্ৰশেখৰে গুৱাহাটীত প্ৰথমবাৰৰ বাবে অনুষ্ঠিত হোৱা 'ডিজিটেল ইণ্ডিয়া ফিউচাৰ স্কিল ছামিট'ত ভাষণ দি কয় যে ৰাজ্যখনৰ যুৱপ্ৰজন্মই এতিয়া তেওঁলোকৰ দুৱাৰমুখত ছেমিকণ্ডাক্টৰ উদ্যোগত চাকৰি লাভ কৰিব। চন্দ্ৰশেখৰে কয়, "মুখ্যমন্ত্ৰী হিমন্ত বিশ্ব শৰ্মাৰ নেতৃত্বৰ বাবেই অসম চৰকাৰ আৰু টাটা গোটৰ সৈতে অংশীদাৰীত্বত এটা ছেমিকণ্ডাক্টৰ পেকেজিং প্ৰকল্প স্থাপন কৰা হ'ব।" তেওঁ লগতে কয়, "আমি শীঘ্ৰেই সকলো অনুমোদন লাভ কৰিম আৰু চূড়ান্ত অনুমোদনৰ বাবে কেবিনেটৰ ওচৰত দাখিল কৰিম।"

ভাৰতীয় ৰিজাৰ্ভ বেংকে শুকুৰবাৰে পেটিএম পেমেণ্টছ বেংক লিমিটেডৰ (পিপিবিএল) সৈতে জড়িত গ্ৰাহক আৰু ব্যৱসায়ীসকলক তেওঁলোকৰ একাউণ্ট ১৫ মাৰ্চৰ ভিতৰত আন বেংকলৈ স্থানান্তৰ কৰিবলৈ পৰামৰ্শ দিছে। ইয়াৰ সৈতে, পেটিএম পেমেণ্ট বেঙ্কে ইয়াৰ বেছিভাগ কাৰ্যকলাপ বন্ধ কৰিবলৈ ১৫ দিন অতিৰিক্ত সময় লাভ কৰিছে, যাৰ ভিতৰত আছে জমা আৰু প্ৰত্যাহাৰ সম্পৰ্কীয় লেনদেন। ইয়াৰ পূৰ্বে, আৰবিআইয়ে পিপিবিএলক ২৯ ফেব্ৰুৱাৰী, ২০২৪-ৰ পিছত কোনো গ্ৰাহক একাউণ্ট, প্ৰিপেইড সামগ্ৰী, ৱালেট আৰু ফাৰ্ষ্টটেগত জমা বা 'টপ-আপ' গ্ৰহণ নকৰিবলৈ নিৰ্দেশ দিছিল। ৰিজাৰ্ভ বেংকে ৩১ জানুৱাৰীত পিপিবিএলৰ বিৰুদ্ধে বাৰে বাৰে নিয়ামক ব্যৱস্থা উলংঘা কৰাৰ বাবে এই কঠোৰ নিৰ্দেশনা জাৰি কৰিছিল। অৱশ্যে, পিপিবিএলৰ গ্ৰাহক আৰু সংশ্লিষ্ট ব্যৱসায়ীসকলৰ সুবিধাৰ কথা মনত ৰাখি,…

স্পাইচজেটৰ মুৰব্বী অজয় সিঙে বিজী বি এয়াৰৱেজৰ সৈতে অংশীদাৰীত্বত দেউলিয়া এয়াৰলাইন গো ফাৰ্ষ্টৰ বাবে বিড কৰিছে। স্পাইচজেটে শুকুৰবাৰে এক বিজ্ঞপ্তিত কয় যে সিঙে বিজী বি এয়াৰৱেজ প্ৰাইভেট লিমিটেডৰ সৈতে তেওঁৰ ব্যক্তিগত ক্ষমতাত গো ফাৰ্ষ্টৰ বাবে নিবিদা দাখিল কৰিছে। সিঙৰ নিবিদা এনে এটা সময়ত আহিছে যেতিয়া স্পাইচজেটে কৰ্মচাৰী হ্ৰাস আৰু পুঁজি সংগ্ৰহৰ জৰিয়তে ব্যয় হ্ৰাস কৰি লোকচান কমাবলৈ সংগ্ৰাম কৰি আছে। গুৰুতৰ বিত্তীয় সংকটৰ সন্মুখীন হৈ গো ফাৰ্ষ্টে যোৱা বছৰ মে' মাহত বিমান চলাচল বন্ধ কৰিছিল আৰু বৰ্তমান এক দেউলিয়া সমাধান প্ৰক্ৰিয়াৰ মাজেৰে গৈ আছে।

আকাচা এয়াৰে ২৮ মাৰ্চত মুম্বাইৰ পৰা দোহালৈ উৰা মাৰি আন্তঃৰাষ্ট্ৰীয় সেৱা আৰম্ভ কৰিব। এয়াৰলাইনটোৱে এক বিবৃতিত কয়-আকাচা এয়াৰে ২৮ মাৰ্চ, ২০২৪ ৰ পৰা সপ্তাহত চাৰিখন পোনপটীয়া বিমান পৰিচালনা কৰিব, মুম্বাইক দোহাৰ সৈতে সংযোগ কৰিব। ইয়াৰ ফলত কাটাৰ আৰু ভাৰতৰ মাজত বিমান যোগাযোগ বৃদ্ধি পাব। আকাচা এয়াৰৰ প্ৰতিষ্ঠাপক আৰু মুখ্য কাৰ্যবাহী বিষয়া বিনয় দুবে কয় যে কাটাৰত ইয়াৰ প্ৰৱেশ বিকাশৰ পৰৱৰ্তী পৰ্যায়টো চিহ্নিত কৰে কিয়নো ই দশকটোৰ শেষৰ ফালে বিশ্বৰ শীৰ্ষ ৩০ টা বিমান সেৱাৰ ভিতৰত এটা হোৱাৰ পথত আছে। আগষ্ট ২০২২-ত সেৱা আৰম্ভ কৰা আকাচা এয়াৰে বৰ্তমান ২৩ খন বোয়িং ৭৩৭ মেক্স বিমানত ইয়াৰ বিমান পৰিচালনা কৰে।

আজি দিশপুৰ প্ৰেছ ক্লাবৰ সভাকক্ষত আসাম লুতাদ প্ৰকাশনৰ দ্বাৰা প্ৰকাশিত চিত্ৰলেখা টায়ে মিলিৰ গল্প সংকলন "প্ৰতিধ্বনি"  শুভ উন্মোচন কৰা হয় । এই উপলক্ষে আয়োজিত সভাখনি  উদ্বোধন কৰি অসম সাহিত্য সভাৰ প্ৰাক্তন সহকাৰী সম্পাদক "সাহিত্য কোঁৱৰ" কমল কলিতাই কয়- বৰ্তমান সময়ৰ চুটিগল্পৰ গতিধাৰাৰ  ওপৰত আলোকপাত কৰে । গ্ৰন্থখনি  উন্মোচন কৰি  আকাশবাণী আৰু দূৰদৰ্শন কেন্দ্ৰৰ উত্তৰ-পূৱ ভাৰতৰ অৱসৰপ্ৰাপ্ত অতিৰিক্ত সঞ্চালক প্ৰধান দেবেন্দ্ৰ নাথ বসুমতাৰীয়ে কয়- "অসমীয়া ভাষাত লিখা মিছিং জনগোষ্ঠীৰ লেখিকা চিত্ৰলেখা টায়ে মিলিৰ গল্প সংকলনখনিয়ে অসমীয়া ভাষা-সাহিত্যৰ ভৰাঁল টনকিয়াল কৰিব । নাৰী সমাজৰ মাজত আজিৰ পৰা এক বিশেষ পাব লেখিকা টায়ে মিলিয়ে ।গল্পৰ মাজেদি সমাজত ঘটি থকা এখন ছৱি দাঙি ধৰিলে…

মিৰ্জা, গ্ৰ্যাণ্ট থৰ্নটন ভাৰত এল এল পিৰ উদ্যোগত কামৰূপ জিলাৰ ছয়গাৱত ১৫ ফেব্ৰুৱাৰীৰ পৰা ব্যৱসায়িক ভিত্তিত দুদিনীয়াকৈ এটা কাঠফুলাৰ প্ৰশিক্ষণ অনুষ্ঠিত কৰা হয়। মেৰঘৰ মহিলা কৃষক উৎপাদক গোটৰ সহযোগত তথা কামৰূপ এগ্ৰো ইনড্ৰাষ্টি এচোছিয়েশ্যনৰ লগত যৌথ প্ৰয়াসত গ্ৰ্যাণ্ট থৰ্নটন ভাৰত এল এল পিয়ে অনুষ্ঠিত কৰা প্ৰশিক্ষণটোত গ্ৰামীণ মহিলা সকলৰ আৰ্থিক তথা সামগ্ৰিক দক্ষতা বিকাশৰ লক্ষ্যৰে এই প্ৰশিক্ষণ অনুষ্ঠিত কৰা হয়। প্ৰায় ৫০ গৰাকী মহিলাই উক্ত প্ৰশিক্ষণত অংশগ্ৰহণ কৰে য'ত ব্যৱহাৰিক দিশত অধিক গুৰুত্ব আৰোপ কৰা হয়। প্ৰশিক্ষণৰ অন্তত অংশগ্ৰহণকাৰী প্ৰশিক্ষাৰ্থীক মানপত্ৰ, কাঠফুলাৰ বীজ তথা অন্য প্ৰয়োজনীয় সামগ্ৰী বিতৰণ কৰা হয়। প্ৰশিক্ষণৰ উদ্দেশ্য যাতে প্ৰতি গৰাকী প্ৰশিক্ষাৰ্থীয়ে কাঠফুলা খেতিৰে আৰ্থিক ভাৱে…

দিল্লীৰ আলিপুৰ অঞ্চলৰ এটা ৰঙৰ কাৰখানাত সংঘটিত বিস্ফোৰণ আৰু তাৰ পিছত সংঘটিত অগ্নিকাণ্ডত নিহতৰ সংখ্যা ১১ জনলৈ বৃদ্ধি পাইছে। দিল্লী অগ্নি নিৰ্বাপক সেৱাৰ (ডিএফএছ) এজন বিষয়াই কয় যে আলিপুৰৰ দয়ালপুৰ বজাৰত অৱস্থিত কাৰখানাটোৰ পৰা ১১ জন লোকৰ দগ্ধ মৃতদেহ উদ্ধাৰ কৰা হৈছে। মৃতসকলৰ ভিতৰত ১০ জন পুৰুষ আৰু এগৰাকী মহিলা আছে। কাৰখানাটোত বিস্ফোৰণৰ পিছত এই অগ্নিকাণ্ড সংঘটিত হয় আৰু সোনকালেই ওচৰৰ অট্টালিকাসমূহলৈ জুই বিয়পি পৰে, যাৰ ভিতৰত আছে এটা ড্ৰাগ নিচামুক্ত কেন্দ্ৰ আৰু আঠখন দোকান। হাৰিয়ানাৰ চনিপতৰ বাসিন্দা অখিল জৈনে কাৰখানাটো চলাইছিল বুলি আৰক্ষীয়ে জনায়। ভাৰতীয় দণ্ডবিধিৰ (আইপিচি) ধাৰা ৩০৪ (অপৰাধমূলক নৰহত্যা) আৰু ৩০৮ (অপৰাধমূলক নৰহত্যাৰ চেষ্টা)ৰ অধীনত কাৰখানাৰ মালিকৰ…