Dipshikha

বিশ্বত এতিয়া প্ৰচণ্ড শীত। আপুনি জানেনে বিশ্বৰ এখন চহৰত বৰ্তমান তাপমাত্ৰা মাইনাছ ৫০ ডিগ্ৰী ছেলচিয়াছৰো তললৈ নামিছে। বিশ্বৰ আটাইতকৈ ঠাণ্ডা চহৰ য়াকুত্‍স্কত অস্বাভাৱিক ৰূপত দীৰ্ঘ সময়লৈ চলিবলগীয়া শীত প্ৰবাহৰ বাবে এই সপ্তাহত তাপমাত্ৰা শূন্যৰ পৰা ৫০ ডিগ্ৰী ছেলচিয়াছ তললৈ নামিছে।যাৰ ফলত সমস্যাত পৰিছে জনসাধাৰণ।

দক্ষিণ কামৰূপৰ বকোৰ আগছিয়াত নিশা সংঘটিত হয় এক ভয়াবহ দুৰ্ঘটনা। পথ দুৰ্ঘটনাত ৰৈ থকা ট্ৰাকত তীব্ৰ গতিত খুন্দা বাইক আৰোহীৰ। থিতাতে নিহত হয় বাইক আৰোহীজন । দুৰ্ঘটনাত পতিত AS19 R 9903 নম্বৰৰ KTM বাইকৰে তীব্ৰ গতিৰে খুন্দা মাৰে ৰৈ থকা AS01T 8933 নম্বৰৰ ট্ৰাক এখনত। ফলত থিতাতে নিহত হয় বাইক আৰোহীজন। দুৰ্ঘটনাটোত নিহত হোৱা বাইক আৰোহী যুৱকজনৰ পৰিচয় উদ্ধাৰ হোৱা নাই। ঘটনাস্থলীত ততাতৈয়াকৈ বকো আৰক্ষীয়ে উপস্থিত হৈ পৰিস্থিতি নিয়ন্ত্ৰণ কৰি নিহত যুৱকজনক উদ্ধাৰ কৰি বকো আৰক্ষী থানালৈ আনিবলৈ সক্ষম হয়। লক্ষণীয় যে, অতিমাত্ৰা ঠাণ্ডা আৰু ঘন কুৱলীৰ বাবেই এই দুৰ্ঘটনাটো সংঘটিত হোৱা বুলি জানিব পৰা গৈছে। 

দৰঙৰ খাৰুপেটীয়াত দণ্ডাদিশৰ নেতৃত্বত যোগান বিভাগৰ অভিযান৷ অভিযানত দুটাকৈ ধান মজুত ৰখা ভঁৰাল ছীল৷খাৰুপেটীয়াৰ মনোজ পাটনি আৰু বিশ্বজিত পাল নামৰ ব্যৱসায়ী দুজনে অবৈধভাৱে মজুত কৰি ৰাখিছিল বৃহৎ পৰিমাণৰ ধান৷ মূখ্যমন্ত্ৰীৰ নিৰ্দেশক কেৰেপ নকৰি কৃষকক ৰামঠগন দি কম মূল্যত মজুত কৰি ৰাখিছিল ধান।

নিশা চামগুৰিৰ পুৰণিগুদামৰ গড়মুৰত বন্যহস্তীৰ ভয়ংকৰ উপদ্ৰৱ, ভাঙি লণ্ড-ভণ্ড কৰিলে দুটাকৈ বাসগৃহ।গড়মুৰ শইকীয়াচুকৰ দ্বীজেন্দ্ৰ মোহন শইকীয়াৰ বাসগৃহ সম্পূৰ্ণৰূপে তচনচ কৰিলে বন্যহস্তীয়ে।ঘৰৰ বেৰ আৰু শোৱাপাটী ভাঙি বাহিৰলৈ দলিয়ালে তুলি-কম্বল। বিচনা তলত সোমাইহে কথমপিহে প্ৰাণ ৰক্ষা পৰিয়ালটোৰ।পুৰণিগুদামৰ গায়ন বৈৰাগী চুকৰ ঊমা ভূঞাৰ বাসগৃহতো বন্যহস্তীৰ তাণ্ডৱ।ভূঞাৰ পাকঘৰ, ভঁৰাল ঘৰ, গোহালী বন্যহস্তীয়ে নিশা লণ্ড-ভণ্ড কৰিলে তিনিবাৰকৈ। ঘৰ এৰি পলায়ন পৰিয়ালৰ লোকৰ।উপাইহীন বন বিভাগ। বহুবাৰ চেষ্টা কৰিও অঞ্চলটোৰ পৰা খেদি পঠিয়াবলৈ সক্ষম হোৱা নাই দুটাকৈ বন্যহস্তীক।

মৈৰাবাৰীত ভয়ংকৰ অগ্নিকাণ্ড ।এটা পৰিয়ালৰ ঘৰৰ যাবতীয় সা-সম্পত্তি অগ্নিকাণ্ডত জাহ যায়।মৰিগাঁও জিলাৰ মৈৰাবাৰীৰ ষ্টেচন ৰোডৰ মৃত শিক্ষক খলিল খানৰ ঘৰত এক ভয়ানক অগ্নিকাণ্ডৰ ফলত ঘৰৰ সকলো সা-সম্পত্তি জুইত জাহ যায়। হঠাৎ আসাম টাইপৰ ঘৰ খনৰ ওপৰত ধোৱা দেখা পায় ৰাইজে ততাতৈয়াকৈ মৈৰাবাৰীৰ অগ্নি নিৰ্বাপক বাহিনীক খবৰ দিয়াত দুটা গাড়ী আহিও ঘৰখনৰ কোনো আচবাব ৰক্ষা কৰিব পৰা নাই। ঘৰৰ সকলো আচবাবকে ধৰি সোনৰ আৰু ৰুপৰ সকলো আ-অলংকাৰ জুইত ভস্মীভূত হয়। ইফালে ৰাইজ আৰু অগ্নি নিৰ্বাপক বাহিনীৰ তৎপৰাতাত ওচৰৰ এখন বিদ্যালয় ৰক্ষা পৰে। এই অগ্নিকাণ্ডত প্ৰায় পাচ লক্ষাধিকৰো ওপৰত সা-সম্পত্তি ধ্বংস হয়।

ৰঙিয়াৰ সমিপৰ বিহাপাৰাত বৃহৎ পৰিমানৰ গাঞ্জা জব্দ । ৰঙিয়াৰ সমিপৰ তামোলপূৰ জিলাৰ অধিনৰ বিহাপাৰাত আজি সন্ধিয়া তামোলপুৰ আৰক্ষীয়ে অভিযান চলাই বৃহৎ পৰিমানৰ গাঞ্জা জব্দ কৰিবলৈ সক্ষম হয় । আৰক্ষী জানিবলৈ দিয়ামতে উদ্ধাৰ হোৱা গাঞ্জা খিনিৰ ওজন 2 কেজি । ইয়াৰ বজাৰৰ মুল্য ৬০ হেজাৰ হব । মজিবুৰ ৰহমান নামৰ ব্যক্তি জনৰ ঘৰৰ পৰা এনেদৰে আৰক্ষীয়ে ভাং জব্দ কৰিছে যদিও আৰক্ষী অহাৰ আগতিয়া খবৰ লাভ কৰি ব্যৱসায়ী মজিবুৰ ৰহমান পলায়ন কৰে । আৰক্ষীয়ে পলাতক মজিবুৰক ৰহমানক বিচাৰি অভিযান আৰম্ভ কৰিছে ।

আমগুৰিত পথ দুৰ্ঘটনাত নিহত এজন যুৱকআমগুৰিৰ খঁৰাগড় চাৰিআলিৰ আৰু মোহন হাজৰিকা আলি সংযোগী পথৰ নৱনিৰ্মিত কাৰ্লভাটত মটৰচাইকেল দূৰ্ঘটনাত পতিত হৈ এজন যুৱকৰ মৃত্যু হয়।যুৱকজনৰ নাম অপূৰ্ব বৰুৱা বুলি জানিব পৰা গৈছেনিহত যুৱকজন কৰ্মসূত্ৰে বাংগালোৰত আছিলঘৰলৈ আহি নিজা ক'লা ৰঙৰ AS 04-S- 2937 নম্বৰৰ পালচাৰ বাইকখন লৈ ওলাই আহিয়েই দূৰ্ঘটনাত পতিত হয় যুৱকজন ঠিকাদাৰ নিৰ্মাণৰত কাৰ্লভাটত বিধিগত ভাৱে সূৰক্ষা প্ৰদান নকৰাৰ বাবেই দূৰ্ঘটনাত পতিত হৈ যুৱকৰ মৃত্যু হয় বুলি ৰাজহুৱা অভিযোগ উত্থাপিত হৈছে।

বিশ্বনাথৰ জিনজিয়া আৰক্ষীৰ অভিযানত জব্দ বৃহৎ পৰিমাণৰ গাঞ্জা জিনজিয় আৰক্ষী আৰু বৰগাং আৰক্ষীয়ে আজি এক অভিযান চলাই গাড়ী সহ জব্দ কৰে বৃহৎ পৰিমাণৰ গাঞ্জা আৰু গাঞ্জা সৰবৰাহকাৰীক। এক গোপন সুত্ৰৰ পৰা জিনজিয়া আৰক্ষীয়ে এখন গাড়ীত গাঞ্জা অনাৰ তথ্য লাভ কৰিছিল। লগে লগে জিনজিয়া আৰক্ষীয়ে বিভিন্ন স্হানত নাকা চেকিংৰ ব্যৱস্হা কৰি আজি পুৱা ৰতোৱা অভাৰ (bridge ) ত জব্দ কৰে AS 01BJ 6242 নম্বৰৰ SWIFT DZIRE সহ মিথিচাৰ দৈমাৰী , দেনংকৌ বড়ো সহ ১০১ কেজি গাঞ্জা । ওৰাংৰ পৰা গহপুৰ দিশে নি থকাৰ অৱস্থাত জব্দ কৰে।

মুকালমুৱাত চুৰিকাণ্ড ৷এইবাৰ উপসনাস্থলীত চোৰৰ লুটপাত ৷মুকালমুৱা আৰক্ষীৰ বিৰুদ্ধে ক্ষোভ প্ৰকাশ ৰাইজৰমুকালমুৱাৰ বৰুৱাপুতাস্থিত শনি মন্দিৰত চোৰৰ লুটপাত ৷চোৰে মন্দিৰটোৰ পৰা লৈ গ'ল দুটাকৈ বৃহৎ আকাৰৰ টিলিঙাসহ নগদ ধন ৷মন্দিৰটোত চুৰিকাণ্ড সংঘটিত হোৱাৰ পিছতে ভাগি পৰিছে অঞ্চলটোৰ মহিলাসকল ৷ ইয়াৰ পূৰ্বেও মন্দিৰটোত চোৰে কেইবাবাৰো চলাইছিল লুটপাত ৷মুকালমুৱা আৰক্ষী থানাৰ পৰা মাত্ৰ আধা কিলমিটাৰ দূৰত্বত অৱস্থিত শনি মন্দিৰটো ৷মন্দিৰটোত বাৰে বাৰে চুৰিকাৰ্য সংঘটিত হোৱাত মুকালমুৱা আৰক্ষীৰ বিৰুদ্ধে ক্ষোভ প্ৰকাশ কৰিছে অঞ্চলটোৰ ৰাইজে ৷উল্লেখ্য যে হাজো-দৌলাশাল পথৰ দাতিত থকা শনি মন্দিৰটোলৈ ৰাজ্যখনৰ বিভিন্ন প্ৰান্তৰ লোকে আহি পূজা-অৰ্চনা আগবঢ়ায় ৷ উল্লেখ্য যে মুকালমুৱাত সঘনাই বৃদ্ধি পাই আহিছে চুৰিৰ ঘটনা ৷অঞ্চলটোৰ বহু পৰিয়ালৰ দিন দুপৰতে…

ৰাজ্যজুৰি ব্যস্ত ভোগালীৰ উচাহ উদ্দীপনাত। গোৰেশ্বৰত এই ভোগালীৰ ভোগৰ পৰা বঞ্চিত হ'ল ৯ জনকৈ লোক।ভোগালীৰ ভোগৰ পৰা বঞ্চিত হয় ৰঙাঘৰৰ আলহী হ'ল গোৰেশ্বৰৰ ৯ জনকৈ লোক।গোৰেশ্বৰত বিহুৰ দিনাখনেই ৯ জুৱাৰীক আটক ।বাক্সা জিলাৰ গোৰেশ্বৰৰ মহৰিপাৰা এলেকাৰ ২ নং ৰৌমাৰীৰ পৰা গোৰেশ্বৰ আৰক্ষীয়ে এক গোপন সূত্ৰৰ পম খেদি অভিযান চলাই ১৫ জানুৱাৰীৰ আবেলি ৫ বজাত ৯ জুৱাৰীক আটক কৰে।আটকাধীন জুৱাৰী কেইজন ক্ৰমে মহৰিপাৰা এলেকাৰ চান মহম্মদ, গোপাল নমো দাস,আলী হুছেইন, উমেশ ডেকা, নাৰায়ন ৰাভা, মছলিমুদ্দিন, অনন্ত দেৱনাথ, মিন্টু শীল, ময়নুল হক।অভিযানত গোৰেশ্বৰ আৰক্ষীয়ে জুৱা খেলৰ সামগ্ৰীৰ লগতে ৮ টা মোবাইল ফোন, এখন বাইক আৰু নগদ ২৬,৯২০ টকা উদ্ধাৰ কৰিবলৈ সক্ষম হয়।উল্লেখযোগ্য…