Dipshikha

হাইলাকান্দিত ভয়ংকৰ ঘটনা । বৈদ্যুতিক লাইনত লাগি এজন যুবকৰ মৃত্যু হোৱাৰ লগে ভয়ংকৰ জুই লাগি এটা গৰু আৰু দোকান ঘৰ ধ্বংস হৈ যায়। পোৱা 6 বজাত জিলাখনৰ গাগলাছৰা চা বাগিচাত ঘটনাটো সংঘটিত হৈছে বুলি জানিব পৰা গৈছে। মৃত যুবকৰ নাম ৰাজেশ কাহাৰ আৰু 30 বছৰীয়া । 11 হাজাৰ ভল্টেজৰ বৈদ্যুতিক লাইন চিঙি ৰাস্তাত থকাৰ বাবে এই দুৰ্ঘটনা সংঘটিত হৈছে বুলি অভিযোগ ।ঘটনাৰ পিছত ৰাজপথত মৃতদেহ ৰাখি প্ৰতিবাদ সাব্যস্ত কৰে ক্ষুদ্ধ ৰাইজে । বিদ্যুত বিভাগৰ এই কাণ্ডক লৈ জিলা জুৰি তীব্ৰ চাঞ্চল্যৰ সৃষ্টি হৈছে আৰু এতিয়াও পৰিস্থিতি উত্তপ্ত ।

নুমলীগড়ত সংঘটিত হৈছে এক লোমহৰ্ষক হত্যাকাণ্ড । নুমলীগড়ৰ মাধৱপূৰত সংঘটিত হৈছে এক চাঞ্চল্যকৰ হত্যাকাণ্ড । ২৬ জানুৱাৰীৰ সন্ধিয়া ফলা খৰিৰে মৰিয়াই মৰিয়াই গুৰুত্বৰ ভাৱে আহত কৰিছিল চুৰজ ওৰাং নামৰ এজন লোকে চাজন কুজুৰ নামৰ লোক জনক। গুৰুত্বৰ ভাৱে আহত লোক জনক পৰিয়ালৰ লোকে ডিব্ৰুগড় মেডিকেল কলেজ হস্পিতাল লৈ উন্নত চিকিৎসাৰ বাবে লৈ যায় যদিও যোৱাকালি চাজন কুজুৰৱে মৃত্যুক আঁকোৱালি লয় । বৰ্তমান নুমলীগড় আৰক্ষীৰ জালত হত্যাকাৰী চুৰজ ওৰাং । ইফালে বৰ্তমান সমগ্ৰ ঘটনাক কেন্দ্ৰ কৰি এক চেপা উত্তেজনাই বিৰাজ কৰিছে অঞ্চলটোত।

বিজনীত সন্দেহজনক বাৰ্মিজ চুপাৰী জব্দ । এজন লোকক আটক আৰক্ষীৰ ।চিৰাং জিলাৰ বিজনী আৰক্ষীৰ অভিযান। বিজনী আৰক্ষীয়ে এক গোপন খবৰৰ ভিত্তিত বিজনী টোলপ্লাজাত অভিযান চলাই জব্দ কৰে ৮ বস্তা সন্দেহজনক বাৰ্মিজ চুপাৰী । এখন AS 16B 4522 নম্বৰৰ মহিন্দ্ৰা জাইলো গাড়ীৰে শিলচৰৰ পৰা বিজনী অভিমুখে আহি থকা অৱস্থাত বিজনী আৰক্ষীয়ে এজন লোকক আটক কৰাৰ উপৰিও জব্দ কৰে চুপাৰী সমূহ । আটক কৰা লোক জনৰ নাম আব্বাছ আলী (৪২) বুলি জানিব পৰা গৈছে । ধৃত আব্বাছ আলীৰ ঘৰ চিৰাং জিলাৰ আমগুৰীৰ ৰাজপাৰাত বুলি জানিব দিয়ে ।

লাহোৱাল আৰক্ষীয়ে তিনি কিশোৰীসহ দুজন যুৱকক আটক কৰাৰ লগতে এখন বিলাসী বাহন জব্দ কৰে।ডিব্ৰুগড় জিলাৰ জয়পুৰৰ তিনি কিশোৰীক বহিঃৰাজ্যৰত কাম দিয়া প্ৰলোভনেৰে বাঙ্গালুৰুলৈ লৈ যোৱা মুহূৰ্ত লাহোৱাল আৰক্ষীয়ে সন্দেহজনক ভাৱে গোপন সূত্ৰৰ পম খেদি লাহোৱালৰ ৰে'ল ষ্টেচনত আটক কৰিবলৈ সক্ষম হয়।নাহৰকটীয়াৰ যুৱক হেমন্ত গগৈ আৰু বুধিন গগৈৰ নেতৃত্বত কিশোৰী বহিঃৰাজ্যলৈ সৰবৰাহৰ অভিযোগত লাহোৱাল আৰক্ষীয়ে বৰ্তমান জেৰা অব্যাহত ৰাখিছে আটকাধীন সকলক।লগতে এখন বিলাসী বাহনো জব্দ কৰিছে লাহোৱাল আৰক্ষীয়ে।তিনিচুকীয়াৰ পঞ্জীয়নভুক্ত বাহন খনৰ নম্বৰ হৈছে AS 23 F 7761

নগাঁও কচুৱাৰ ফলিহামাৰী ৰাধা নগৰত দুষ্প্ৰাপ্য হৰিণ উদ্ধাৰ । পশ্চিম কাৰ্বি আংলং জিলাৰ হাতীগড় পাহাৰৰ পৰা নামি আহিছিল হৰিণটো ।শিশু কেইটামানহে হৰিণটো খেদি অনাত জলাশয়ত আবদ্ধ হয় হৰিণটো।পাছত স্থানীয় লোকে উদ্ধাৰ কৰি খবৰ দিয়ে সাংবাদিক আৰু কামপুৰ বন বিভাগক ।কামপুৰ বন বিভাগৰ লোকে দুষ্প্ৰাপ্য হৰিণটো উদ্ধাৰ কৰি লৈ যায় ।

ঢেকিয়াজুলিৰ ৮০ শতাংশ বড়োলোক বাস কৰা গাঁও অন্তৰ্ভুক্ত হ’ব BTRত’। গণৰাজ্য দিৱসৰ ভাষণত এই কথা ঘোষণা অসমৰ মুখ্যমন্ত্ৰী ড০ হিমন্ত বিশ্বশৰ্মাৰ। ৮০ শতাংশতকৈ অধিক বড়ো লোক থকা গাঁৱক BTR ৰ লগত সন্নিৱিষ্ট কৰাৰ সিদ্ধান্তক লৈ সৃষ্টি হৈছে বিভিন্ন দল সংগঠনৰ প্ৰতিক্ৰিয়া। আজি সদৌ অসম‌ আদিবাসী ছাত্ৰ সন্থাই শোণিতপুৰ জিলা বন্ধ ঘোষণা কৰাৰ সমান্তৰালকৈ ঢেকিয়াজুলিৰ ১৫ নং ৰাষ্ট্ৰীয় ঘাইপথৰ ওপৰত মূখ্য মন্ত্ৰী ড০ হিমন্ত বিশ্বশৰ্মা আৰু ঢেকিয়াজুলিৰ বিধায়ক তথা অসম চৰকাৰৰ মন্ত্ৰী অশোক সিংঘলৰ পুট্তলিকা দাহ কৰে। হেমন্ত বিশ্বশৰ্মা মূৰ্দাবাদ, অশোক সিংঘল মূৰ্দাবাদ আদি শ্লোগানেৰে উত্তাল কৰি তোলে ঢেকিয়াজুলি চহৰ। লগতে অহা ৩০ জানুৱাৰীত অশোক সিংঘলৰ ঘৰ ঘেৰাও কৰা হ'ব বুলি…

ৰঙিয়াৰ তিনিয়ালীত ভয়ংকৰ পথ দুৰ্ঘটনা ।তীব্ৰবেগী ডাম্পাৰৰ খুন্দাত থিতাতে মৃত্যু হয় দুজনৰ ।ক্ষুদ্ধ ৰাইজে জ্বলাই দিয়ে ডাম্পাৰ। নিহত লোক দুজন ৰঙিয়া গোগ মালাচাৰ নজিম আৰু বাবু বুলি জানিৱ পৰা গৈছে ।ঘটনাস্থলীত ইতিমধ্যে আৰক্ষীৰ দল উপস্থিত হৈ পৰিস্থিত নিয়ন্ত্ৰন কৰিবলৈ চেস্থা অব্যাহত ৰাখিছে।

কান্দি কান্দি ক'লে মা তুমি ঘুৰি আহা।দুটি সন্তানৰ মাতৃ ৰুমি চেট্টী যোৱা দেওবাৰে ঘৰৰ পৰা ওলাই গৈ আজিলৈকে নিৰুদ্দেশ হৈ থকাত কুশল কোঁৱৰ ইনদ'ৰ ষ্টেডিয়ামৰ কৰ্মচাৰী প্ৰদীপ চেট্টীয়ে যোৰহাট আৰক্ষীক এজাহাৰ দিয়া পাছতো একো উল্লেখনীয় প্ৰদক্ষেপ নোলোৱাৰ অভিযোগ উত্থাপন কৰে।মহিলা‌ গৰাকীৰ স্বামীয়ে অভিযোগ কৰা মতে তেওঁলোকৰ দোকানত আহি সদায় বহি থকা যোৰহাট মালৌআলিৰ কৃষ্ণ নগৰৰ এটা সন্তানৰ পিতৃ ৰাকেশ জ্যোতি বৰাই তেওঁৰ পত্নী ৰুমি চেট্টীক পলুৱাই লৈ যায়।আনহাতে শাৰীৰিক অসুস্থতাত ভূগি থকা প্ৰদীপ চেট্টীয়ে সৰু সৰু দুটি সন্তানক লৈ সমস্যাত পৰাৰ‌ লগতে পত্নীক দুই সন্তানৰ মুখলৈ চাই পুনৰ ঘুৰি আহিবলৈ অনুৰোধ জনাইছে

পুনৰ উত্তপ্ত হ'ব নেকি বড়ো ভুমি?চৰকাৰৰ সিদ্ধান্তৰ বিৰুদ্ধে সৰৱ BTRৰ অনাবড়ো ৰাইজ ।BTRত নতুন গাঁ‌ও সংলগ্ন কৰাকলৈ অব্যাহত আছে উত্তেজনা ।গাঁ‌ও কৰ্তন নকৰাকৈ গাঁ‌ও অন্তৰ্গত কৰা কাৰ্য মানি নলয় BTRৰ অনাবড়ো ৰাইজে । ২ ফেব্ৰুৱাৰীত উত্তৰ অসম বন্ধৰ আহ্বান অবড়ো সুৰক্ষা সমিতিৰ ।প্ৰয়োজনত জংগী আন্দোলনেৰে BTR স্তব্ধ কৰি দিয়াৰো হুংকাৰ অবড়ো সুৰক্ষা সমিতিৰ ।একেদৰে গাঁ‌ও কৰ্তন নকৰাকৈ গাঁ‌ও সংলগ্ন কৰা কাৰ্য মানি নলয় AJYCP তামুলপুৰ জিলা সমিতিয়ে ।সংগঠনটোৱে ৰাইজৰ সহযোগত তীব্ৰ আন্দোলনৰ হুংকাৰ দিয়ে।

বাক্সাত নিৰ্বাচন আয়োগৰ চূড়ান্ত ভোটাৰ তালিকা প্ৰকাশ:: জিলাখনৰ মুঠ ভোটাৰ ৫,৬০৬৯৮ গৰাকী। নিৰ্বাচন আয়োগে আজি ৰাজ্যখনৰ অন্যান্য জিলাৰ সমান্তৰালভাৱে বাক্সা জিলাৰো চূড়ান্ত ভোটাৰ তালিকা প্ৰকাশ কৰে ৷ আজি মুছলপুৰস্থ জিলা উপায়ুক্তৰ সভাকক্ষত এক সংবাদমেল অনুষ্ঠিত কৰে জিলা নিৰ্বাচনী আয়োগে ৷ সংবাদমেলত জিলাখনৰ চূড়ান্ত ভোটাৰ তালিকাখন আনুষ্ঠানিকভাৱে উন্মোচন কৰে উপায়ুক্ত মাচান্দা মেগদেলিন পাৰ্টিনে । চূড়ান্ত ভোটাৰ তালিকাত সন্নিৱিষ্ট অনুসৰি জিলাখনৰ অন্তৰ্গত ৫৮নং তামুলপুৰ, ৬২ নং বৰমা আৰু ৬৩ নং চাপাগুৰী তিনিটা বিধানসভা সমষ্টিত মুঠ ভোটাৰৰ সংখ্যা হৈছে ৫,৬০৬৯৮ গৰাকী। ইয়াৰে পুৰুষ ভোটাৰ ২,৮১৫৭১ গৰাকীৰ বিপৰীতে মহিলা ভোটাৰৰ সংখ্য হৈছে ২,৭৯ ১২৭ গৰাকী। লিংগ অনুপাতে ৯৮৭ গৰাকী পুৰুষ ভোটাৰৰ বিপৰীতে ৯৯১ গৰাকী…