মালাবাৰ গ্ৰুপৰ ২০ কোটি টকীয়া চিএছআৰ প্ৰকল্পৰ জৰিয়তে ব্যাপক সামাজিক বিনিয়োগৰ লক্ষ্য নিৰ্ধাৰণ

দেশৰ আগশাৰীৰ ব্যৱসায়িক গোষ্ঠী তথা মালাবাৰ গ’ল্ড এণ্ড ডায়মণ্ডছৰ মূল কোম্পানী মালাবাৰ গ্ৰুপে কৰ্পৰেট-চৰকাৰী সহযোগিতা আৰু সামগ্ৰিক উন্নয়নক অধিক সুদৃঢ় কৰিবলৈ পশ্চিম বংগ চৰকাৰৰ সৈতে এক সন্মতি পত্ৰত স্বাক্ষৰ কৰিছে। গ্ৰুপটোৱে ২০২৬-২৭ বিত্তীয় বৰ্ষৰ বাবে পশ্চিম বংগত চিএছআৰ পদক্ষেপৰ বাবে ২০ কোটি টকা আৱণ্টন কৰিছে।
বিত্ত মন্ত্ৰী ড° স্বপন দাসগুপ্তৰ সৈতে এই সন্মতি পত্ৰত মালাবাৰ গ’ল্ড এণ্ড ডায়মণ্ডছৰ আঞ্চলিক মুৰব্বী (পূব ভাৰত) তহচিল আহমেদ, উৎপাদন মুৰব্বী চাজিদ এন কে আৰু জ্যেষ্ঠ প্ৰবন্ধক (চিএছআৰ) শ্ববীৰ পি কে-ই স্বাক্ষৰ কৰে। এই অংশীদাৰিত্ব ৰাজ্যখনৰ সংহত চিএছআৰ গাঁথনিৰ সৈতে সংগতিপূৰ্ণ, য’ত বিত্ত বিভাগ, ৰাজ্যিক চিএছআৰ পৰিষদ, পশ্চিম বংগ চিএছআৰ পৰ্টেল আৰু চিএছআৰ প্ৰকল্প সুবিধা গোট অন্তৰ্ভুক্ত আছে।
মালাবাৰ গ্ৰুপে বৰ্তমান ২৯৭ টা মাইক্ৰ’ লাৰ্নিং চেণ্টাৰক সহায় আগবঢ়াই আহিছে, যাৰ দ্বাৰা ১১,৮৭৩ টি শিশু উপকৃত হৈছে আৰু ৫০০ গৰাকী ছাত্ৰীক জলপানি প্ৰদান কৰিছে। প্ৰতিষ্ঠানটোৰ উজ্জ্বলা জলপানিৰ জৰিয়তে ভাস্কৰ-কাৰিকৰ সম্প্ৰদায়ৰ ৫০০ গৰাকী শিক্ষাৰ্থীক সহায় কৰিছে। গ্ৰুপটোৱে দৈনিক ১,২০০ হিতাধিকাৰীক পুষ্টিকৰ আহাৰ যোগান ধৰাৰ লগতে প্ৰায় ৬০ জন লোকক পথৰ কাষৰ চিকিৎসা সেৱা প্ৰদান কৰিছে। সমান্তৰালভাৱে ৮০০ টা খোৱাপানীৰ কুঁৱা নিৰ্মাণৰ লক্ষ্যৰ বিপৰীতে ৬২৯টা কুঁৱা সম্পূৰ্ণ কৰিছে।
এই পদক্ষেপে সামাজিক উন্নয়ন শক্তিশালী কৰাৰ ক্ষেত্ৰত এক সুসংগঠিত চিএছআৰ বিনিয়োগৰ ক্ৰমবৰ্ধমান ভূমিকাৰ দিশটো পোহৰাই তুলিছে, বিশেষকৈ শিক্ষা, স্বাস্থ্যসেৱা, পুষ্টি, গৃহ নিৰ্মাণ আৰু শিল্পীসকলৰ জীৱিকাৰ দৰে ক্ষেত্ৰসমূহত জড়িত লোকসকলক উপকৃত কৰিছে—যিবোৰে ৰাজ্যখনত অধিক গভীৰ কৰ্পৰেট-সামাজিক অংশীদাৰিত্বক সহায় কৰিব পাৰে।
গ্ৰুপটোৱে পশ্চিম বংগত ৬০গৰাকী বৃদ্ধাৰ বাবে এটা আশ্ৰয়গৃহৰ প্ৰস্তাৱ দিছে আৰু এই সন্মান আবাস পদক্ষেপৰ অধীনত ৮০টা ঘৰ নিৰ্মাণৰ প্ৰতিশ্ৰুতি দিছে। ৰাষ্ট্ৰীয় পৰ্যায়ত, মালাবাৰ গ’ল্ড এণ্ড ডায়মণ্ডছে ২০২৬-২৭ বিত্তীয় বৰ্ষত চিএছআৰৰ বাবে ২০০ কোটি টকা আৱণ্টন কৰিছে, যাৰ ভিতৰত ১১৪ কোটি টকা শিক্ষা, ৩০ কোটি টকা দৰিদ্ৰতা দূৰীকৰণ, ১৪.২ কোটি টকা স্বাস্থ্যসেৱা, ২৫ কোটি টকা আশ্ৰয় আৰু ১৬.৮ কোটি টকা মানৱীয় সাহায্যৰ বাবে সংৰক্ষিত কৰা হৈছে।
১৯৯৩ চনত প্ৰতিষ্ঠিত মালাবাৰ গ’ল্ড এণ্ড ডায়মণ্ডছে ১৪ খন দেশত ৪৫০তকৈও অধিক শ্ব’ৰুম পৰিচালনা কৰি আছে আৰু ৩০,০০০তকৈও অধিক বৃত্তিধাৰী ব্যক্তি নিয়োজিত হৈ আছে।