পূজাৰ পূৰ্বে সুৰাৰ বিপণীক লৈ ডাঙৰ খবৰ! পৌৰসভা আৰু পৌৰ নিগম এলেকাত নতুন মদৰ দোকান খোলাৰ ক্ষেত্ৰত দূৰত্ববিধিত পৰিৱৰ্তন কৰা হৈছে। নিৰ্দিষ্ট সংৰক্ষিত প্ৰতিষ্ঠানৰ পৰা কমেও ৫০০ মিটাৰ দূৰত্ব বজাই ৰাখিব লাগিব। আনহাতে, পৌৰসভা আৰু পৌৰ নিগমৰ বাহিৰৰ এলেকাত এই দূৰত্ব নিৰ্ধাৰণ কৰা হৈছে ১ কিলোমিটাৰ। পূৰ্বতে এই দূৰত্ব আছিল ১,০০০ ফুট। পশ্চিম বংগ চৰকাৰে জাৰি কৰিছে এই নতুন নিৰ্দেশনা।ৰাজ্যখনত মদ বিক্ৰীৰ লাইচেঞ্চ ব্যৱস্থা আৰু নতুন মদৰ দোকান স্থাপনৰ ক্ষেত্ৰত একাধিক পৰিৱৰ্তন আনিবলৈয়ে পশ্চিম বংগ চৰকাৰৰ আবকাৰী বিভাগে এই সংশোধনী নিৰ্দেশনা জাৰি কৰিছে।বৰ্তমান চলি থকা নিৰ্দিষ্ট শ্ৰেণীৰ বিদেশী মদৰ দোকানৰ স্থানতো আন শ্ৰেণীৰ লাইচেঞ্চৰ অধীনত সকলোধৰণৰ মদ বিক্ৰীৰ অনুমতি দিয়াৰ ব্যৱস্থা নতুন নিয়মত কৰা হৈছে। লাইচেঞ্চ বাতিল বা প্ৰত্যাহাৰৰ ফলত বন্ধ হৈ যোৱা মদৰ দোকানৰ স্থানকো নতুন লাইচেঞ্চ প্ৰদানৰ ক্ষেত্ৰত পুৰণি দোকানৰ স্থান হিচাপে গণ্য কৰা হ’ব।
