জালুকবাৰী ঈদগাহ ময়দানত ঈদ-উল- ফিটৰৰ সমূহীয়া নামাজ সম্পন্ন

বিশ্বৰ ইছলাম ধৰ্মী লোক সকলৰ পবিত্ৰ এমহীয়া ৰমজান মাহৰ সামৰণিত দেশৰ আন আন ৰাজ্যৰ লগতে অসমতো ঈদগাহ ময়দান আৰু মছজিদ সমূহত  আজি পুৱাৰ ভাগত ঈদ – উল – ফিটৰৰ সমূহীয়া নামাজ সম্পন্ন হয়। আনহাতে গুৱাহাটীৰ আন আন ঈদগাহ ময়দান বা মছজিদৰ দৰে জালুকবাৰী ঈদগাহ ময়দানতো পুৱা ৮.৩০  বজাত ঈদৰ সমূহীয়া নামাজ অনুষ্ঠিত হয়।

প্ৰায় পাঁচ হাজাৰৰো অধিক লোকৰ উপস্থিতিত সমূহীয়া নামাজত ইমামতি কৰে গুৱাহাটীৰ পূব জাপৰিগোগ মছজিদৰ  প্ৰাক্তন ইমাম মৌলানা ৰমজান আলী কাচিমীয়ে । নামাজৰ  পূৰ্বে অনুষ্ঠিত এক চমু অনুষ্ঠানত  উপস্থিত সকলোকে আদৰণি জনাই পবিত্ৰ ঈদ – উল – ফিটৰৰ উদ্দেশ্য বাখ্যা কৰে জালুকবাৰী ঈদগাহ কমিটিৰ কাৰ্যকৰী সভাপতি আলহাজ চৰিফ উল্লাহে । আনহাতে সম্পাদকীয় প্ৰতিবেদন পাঠ কৰে সাধাৰণ সম্পাদক আবুল আলীয়ে।

তেনেদৰে কোষাধ্যক্ষ নাছেম আলীয়ে জানিবলৈ দিয়া মতে নামাজৰ লগত সংগতি ৰাখি  জাকাট, ফিটৰা, লাৱাৰীজ, ইমাম, ঈদগাহ, মছজিদ, কবৰস্থানৰ উন্নয়নৰ বাবে ধন সংগ্ৰহ কৰা হয়।

By Sonakshi Sarkar

Leave a Reply

Your email address will not be published. Required fields are marked *