ভাৰতীয় মহিলা হকী দলৰ জ্যেষ্ঠ খেলুৱৈ বন্দনা কাটাৰিয়াই মঙলবাৰে তেওঁৰ ১৫ বছৰীয়া স্মৰণীয় কেৰিয়াৰ সামৰণি মাৰে। তেওঁ হকীক বিদায় জনায়। ভাৰতৰ হৈ ৩২০ খন মেচ খেলা ৩২ বছৰীয়া ষ্ট্ৰাইকাৰগৰাকী মহিলা হকী ইতিহাসত আটাইতকৈ অধিক খেল খেলিছে। তেওঁ অৱসৰৰ ঘোষণা কৰি কয় যে আজি মই আৱেগিক কিন্তু সুখৰে আন্তঃৰাষ্ট্ৰীয় হকীৰ পৰা অৱসৰ লৈছো।
এই সিদ্ধান্তটো শক্তিশালী আৰু দুখজনক। এই বিদায় ভাগৰৰ বাবে নহয়। ২০০৯ চনত জ্যেষ্ঠ খেলুৱৈ হিচাপে আত্মপ্ৰকাশ কৰা কাটাৰিয়া টকিঅ’ অলিম্পিক ২০২০ ত চতুৰ্থ স্থানত থকা ভাৰতীয় দলৰ অংশ আছিল, য’ত তেওঁ হেট্ৰিকো অৰ্জন কৰিছিল। তেওঁ এনে কৰা প্ৰথম আৰু একমাত্ৰ ভাৰতীয় মহিলা খেলুৱৈ। হৰিদ্বাৰ চহৰৰ বাসিন্দা কাটাৰিয়াই শেষবাৰৰ বাবে ফেব্ৰুৱাৰীত ভুৱনেশ্বৰত এফআইএইচ প্ৰ’ লীগত ভাৰতৰ হৈ খেলিছিল।
তেওঁ ইনষ্টাগ্ৰামত লিখিছে যে মোৰ স্বৰ্গীয় পিতৃ মোৰ গাইড আছিল। তেওঁৰ অবিহনে মোৰ সপোন কেতিয়াও পূৰণ নহ’লহেঁতেন। তেওঁৰ ত্যাগ আৰু প্ৰেমে মোৰ ভেটি স্থাপন কৰিছে। তেওঁ মোক সপোন দেখিবলৈ, যুঁজিবলৈ আৰু জিকিবলৈ মঞ্চ দিছিল।
