সোমবাৰে বাংলাদেশত হিংসাত্মক পৰিস্থিতি বৃদ্ধি পোৱাৰ লগে লগে ঢাকাৰ সাৱৰ আৰু ধমৰাইত আৰক্ষী আৰু প্ৰতিবাদকাৰীৰ মাজত হোৱা সংঘৰ্ষত কমেও ১৮ জন লোক নিহত হয়। জানিব পৰা মতে, আৰক্ষীয়ে প্ৰতিবাদকাৰীৰ ওপৰত কন্দুৱা গেছ নিক্ষেপ কৰাৰ লগতে গুলীচালনা কৰে। এই ঘটনাত সাংবাদিক, প্ৰতিবাদকাৰীকে ধৰি প্ৰায় ৫০ জনৰো অধিকলোক আহত হৈছে। ইয়াৰোপৰি সোমবাৰে জেছ’ৰৰ এখন আৱাসিক হোটেলত অজ্ঞাত লোকে অগ্নিসংযোগ কৰে। য’ত কমেও ৮ জন লোক অগ্নিদগ্ধ হৈ মৃত্যুমুখত পৰে আৰু আন ৮৪ জন আহত হয়। হোটেলখনৰ মালিক জেছ’ৰৰ আৱামি লীগৰ সাধাৰণ সম্পাদক শ্বাহীন চাকলাদাৰ।
