কেন্দ্ৰীয় চৰকাৰে ডিজিটেল জালিয়াতি, চাইবাৰ ক্ৰাইমত দূৰসংযোগৰ অপব্যৱহাৰ প্ৰতিহত কৰিবলৈ কঠোৰ সিদ্ধান্ত লৈছে। চৰকাৰে ১০ মে’ টেলিকম অপাৰেটৰসকলক ২৮,২০০ টা মোবাইল হেণ্ডছেট ব্লক কৰিবলৈ নিৰ্দেশ জাৰি কৰে। ইয়াৰ লগতে, এই হেণ্ডছেটবোৰৰ সৈতে সংযোজিত ২০ লাখ মোবাইল সংযোগ পুনৰ-প্ৰমাণিত কৰাৰ বাবেও নিৰ্দেশনা জাৰি কৰা হৈছে। এনে পদক্ষেপৰ উদ্দেশ্য হৈছে প্ৰৱঞ্চকসকলৰ নেটৱৰ্ক ধ্বংস কৰা আৰু নাগৰিকসকলক ডিজিটেল ভাবুকিৰ পৰা সুৰক্ষিত কৰা।
গৃহ মন্ত্ৰালয় আৰু ৰাজ্যিক আৰক্ষীৰ অনুসন্ধানত প্ৰকাশ পাইছে যে চাইবাৰ অপৰাধত ২৮,২০০ টা মোবাইল হেণ্ডছেটৰ অপব্যৱহাৰ কৰি আছে। দূৰসংযোগ বিভাগৰ হৈ কোৱা হৈছিল যে এই মোবাইল হেণ্ডছেটবোৰৰ সৈতে ২০ লাখ নম্বৰ ব্যৱহাৰ কৰা হৈছিল, যিটো অতি আচৰিত ঘটনা। ইয়াৰ পিছত, দূৰসংযোগ বিভাগে টেলিকম অপাৰেটৰসকলক সমগ্ৰ দেশত ২৮,২০০ মোবাইল হেণ্ডছেট ব্লক কৰিবলৈ আৰু তাৎক্ষণিক প্ৰভাৱৰ সৈতে এই হেণ্ডছেটবোৰৰ সৈতে সংযোজিত ২০ লাখ মোবাইল সংযোগ পৰীক্ষা কৰিবলৈ এক নিৰ্দেশনা জাৰি কৰে।
ইয়াৰ লগতে, পুনৰ প্ৰমাণীকৰণৰ সময়ত কোনো ধৰণৰ প্ৰৱঞ্চনা পোৱা গ’লে টেলিকমিউনিকেচন কোম্পানীবোৰকো সংযোগ বিচ্ছিন্ন কৰিবলৈ নিৰ্দেশ দিয়া হৈছে।
