আগন্তুক উৎসৱৰ বতৰত গ্ৰাহকসকলৰ বাবে আকৰ্ষণৰ সৃষ্টি কৰি বিশ্বৰ সৰ্ববৃহৎ মটৰচাইকেল আৰু স্কুটাৰ নিৰ্মাতা হীৰো মটৰক’ৰ্পে নৱৰাত্ৰি উৎসৱৰ প্ৰথম দিনা অৰ্থাৎ 2023 চনৰ 15 অক্টোবৰত সহ-বিকাশিত প্ৰিমিয়াম মটৰচাইকেল হাৰ্লি-ডেভিডছন X440ৰ ডেলিভাৰী আৰম্ভ কৰিব। হাৰ্লী-ডেভিডছন X440 বৰ্তমান ভাৰতৰ উত্তৰাঞ্চলৰ ৰাজস্থানৰ নিমৰাণাত হীৰো ম’ট’ক’ৰ্পৰ গাৰ্ডেন ফেক্টৰী নামৰ কাৰখানাটোত নিৰ্মাণ কৰা হয়। কোম্পানীটোৱে 2023 চনৰ 1 ছেপ্টেম্বৰৰ পৰা পূৰ্বৰ বুকিং কৰা গ্ৰাহকসকলৰ বাবে পৰীক্ষামূলক যাত্ৰাৰ আয়োজন কৰি আছে।
নতুন বুকিং উইণ্ডোটো 16 অক্টোবৰৰ পৰা মুকলি হ’ব আৰু গ্ৰাহকসকলে দেশৰ সকলো হাৰ্লি-ডেভিডছন ডিলাৰশ্বিপ আৰু নিৰ্বাচিত হিৰো ম’টকৰ্পৰ আউটলেটত নতুন হাৰ্লি-ডেভিডছন X440 বুক কৰিব পাৰিব। গ্ৰাহকসকলে www.Harley-Davidsonx440.com ৱেবছাইটত গৈ মটৰচাইকেলখন অনলাইন বুকিং কৰিব পাৰিব।
হিৰো ম’ট’ক’ৰ্পৰ মুখ্য কাৰ্যবাহী বিষয়ামিষ্টাৰ নিৰঞ্জন গুপ্তাই কয়, ‘হাৰ্লী-ডেভিডছন X440য়ে সমগ্ৰ দেশতে উৎসাহৰ সৃষ্টি কৰিছে। আমাৰ নীমৰাণ কাৰখানাত উৎপাদন সম্পূৰ্ণ হোৱাৰ সময়তে আমাৰ বহু সংখ্যক গ্ৰাহকে এই মটৰচাইকেলৰ পৰীক্ষণৰ সুযোগ গ্ৰহণ কৰিছে। আমি নৱৰাত্ৰীৰ প্ৰথম দিনাৰ পৰাই হাৰ্লি ডেভিডছন X440ৰ ডেলিভাৰী আৰম্ভ কৰি উৎসৱমুখৰ পৰিৱেশ সৃষ্টি কৰাৰ বাবে সাজু হৈ আছো। এয়া প্ৰিমিয়াম যাত্ৰাত আমাৰ বিজয়ৰ আৰম্ভণিহে। 2023 চনৰ জুলাইত মুকলি কৰাৰ পিছত হাৰ্লী-ডেভিডছন X440য়ে সমগ্ৰ ভাৰতৰ প্ৰিমিয়াম ছেগমেণ্টৰ গ্ৰাহকসকলক আকৰ্ষিত কৰিছে, যাৰ ফলত ইয়াৰ প্ৰদৰ্শনৰ মাত্ৰ এমাহৰ ভিতৰতে 25,000 ৰো অধিক বুকিং কৰা হৈছে। হিৰ’ ম’টক’ৰ্পে প্ৰথম গোটৰ গ্ৰাহকসকলক সেৱা আগবঢ়াবলৈ অনলাইন বুকিং উইণ্ডো সাময়িকভাৱে বন্ধ কৰিব লগা হৈছিল।
