বিজনীত বৃহৎ পৰিমাণৰ ড্ৰাগছ জব্দ । এজনক আটক আৰক্ষীৰ ।
বিজনীত অব্যাহত আছে ড্ৰাগছ বিৰোধী অভিযান । যোৱা নিশা চিৰাঙৰ বিজনীত বিজনী আৰক্ষীৰ এক গোপন খবৰৰ ভিত্তিত অভিযান চলাই ড্ৰাগছসহ এজন সৰবৰাহকাৰীক আটক কৰিবলৈ সক্ষম হয় । আটক কৰা লোকজনৰ নাম আবুল কাচেম(৪১) । বৰপেটাৰ পৰা ইয়ামহা AS19 H1654 নম্বৰৰ মটৰ চাইকেলত নিষিদ্ধ ড্ৰাগছ সৰবৰাহ কৰিবৰ বাবে আহি থাকোতে বিজনী টোল প্লাজাৰ সমিপত বিজনী আৰক্ষীৰ জালত পৰে । সৰবৰাহকাৰী জনৰ পৰা এটা ড্ৰাগছ ভৰ্তি চাবুনৰ বাকচত, দহটা ড্ৰাগছ ভৰ্তি প্লাষ্টিকৰ কন্টেনাৰ, এটা মোবাইল, এখন মটৰ চাইকেল জব্দ কৰে আৰক্ষীয়ে । জব্দকৃত ড্ৰাগছৰ ওজন ১০.৫০ গ্ৰাম । পাছলৈ জব্দকৃত সামগ্ৰীসহ আবুল কাচেমক আটক কৰি বিজনী থানাৰ লৈ আনি অধিক তথ্যৰ বাবে সোধাপোছা অব্যাহত ৰাখিছে । আবুল কাচেমৰ ঘৰ বৰপেটা জিলাৰ জয়পুৰ গিলাজাৰীত বুলি জানিব পৰা গৈছে ।
