সক্ৰিয় গাড়ীচুৰ,মৰিগাঁও জিলাৰ নগাবন্ধা গাওঁৰ পৰা চুৰি এখন চাৰি চকীয়া বাহন।যোৱা ৰাতি বৰচলা আৰক্ষীৰ পহৰা চকীৰ অন্তৰ্গত নগাবন্ধা গাঁৱৰ পৰা এখন টাটা ইউদ্ধা (Tata Youdha) গাড়ী চুৰি হয়।গাড়ীৰ মালিক দিলদাৰ হুছেইনৰ ঘৰৰ পৰা টাটা কোম্পানীৰ মালবাহী ইউদ্ধা গাড়ী খন চোৰে ৰাতিৰ আন্ধাৰৰ সুযোগতে চুৰ কৰি উধাও হয়।
গাড়ী খনৰ মালিক দিলদাৰ হুছেইনে জানিব দিয়া মতে-ৰাতি AS 01NC3099 নম্বৰৰ গাড়ী খন ঘৰত ৰখা আছিল যদিও ৰাতিপোৱা উঠি গাড়ী খন দেখা নোপোৱাত গাড়ী খন চুৰি হোৱা বুলি সন্দেহ হয়।
ইতিমধ্যে গাড়ীৰ মালিক দিলদাৰ হুছেইনে গাড়ী খন চুৰি সন্দৰ্ভত বৰচলা আৰক্ষী পহৰা চকীত এখন এজাহাৰ দাখিল কৰিছে।আনহাতে এজাহাৰৰ ভিত্তিত বৰচলা আৰক্ষীয়ে ঘটনা সন্দৰ্ভত তদন্ত আৰম্ভ কৰিছে বুলি জানিবলৈ দিছে।
