ৰঙিয়াত ই ৰিক্সা সহ নিৰুদ্দেশ হোৱা যুৱক হাজোৰ পাহাৰৰ তলত মুমুৰ্খ অৱস্থাত উদ্ধাৰ । ৰঙিয়াত ই ৰিক্সা সহ সন্ধানহীন হোৱা এজন ৩২ বছৰীয়া যুৱকক আজি হাজোৰ পাহাৰৰ তলত মুমুৰ্খ অবস্থাত উদ্ধাৰ হোৱা ঘটনাই এক চাঞ্চল্যৰ সৃষ্টি কৰিছে । যুৱক জন ৰঙিয়াৰ সমিপৰ বিহাপাৰাৰ ইদ্ৰীছ আলী বুলি জানিব পৰা গৈছে । ঘটনাৰ বিষয়ে পৰিয়ালৰ লোকে জানিবলৈ দিয়ামতে নতুন কৈ ক্ৰয় কৰা এখন ই ৰিক্সা লৈ যোৱা পৰহি অৰ্থাৎ ৮ জানুৱাৰীত ঘৰৰ পৰা ৰঙিয়া চহৰলৈ ভাড়াৰ বাবে ওলাই গৈছিল ইদ্ৰীছ আলী নামৰ যুৱক জন । নিশালৈ যুৱকজন ঘৰলৈ ওভতি নহাত পৰিয়ালৰ লোকে বিভিন্ন ঠাইত বিচাৰে কৰে যদিও যুৱক জনৰ সন্ধান লাভ কৰিবলৈ সক্ষম হোৱা নাছিল । ইতিমধ্যে যুৱক জনৰ পিতৃয়ে ৰঙিয়া আৰক্ষী থানাত ঘটনা সম্পৰ্কত এজাৰ দাখিল কৰাৰ পিচত আজি যুৱক জনক হাজোৰ পাহাৰৰ তলত মুমুৰ্খ অৱস্থাত উদ্ধাৰ হয় যদিও ই ৰিক্সা খন বৰ্তমানলৈ উদ্ধাৰ কৰিবলৈ সক্ষম হোৱা নাই । যুৱকজনক আৰক্ষীয়ে উদ্ধাৰ কৰি চিকিৎসাৰ ব্যৱস্থা কৰা বুলি জানিব পৰা গৈছে ।
