ভাৰত

মঙ্গলবাৰে দুপৰীয়া পশ্চিমবংগৰ পূব মেদিনীপুৰ জিলাৰ হালদিয়াত থকা ইণ্ডিয়ান অইল ৰিফাইনেৰীত সংঘটিত ভয়ংকৰ অগ্নিকাণ্ডত ৩ জন লোক নিহত হোৱাৰ লগতে আহত হয় ৪৪ জনকৈ লোক। ইণ্ডিয়ান অইল কৰ্পোৰেশ্যনৰ শোধনাগাৰৰ এটা ইউনিটত সংঘটিত হয় এই ভয়ংকৰ অগ্নিকাণ্ড। জানিব পৰা মতে, অগ্নিকাণ্ডৰ সময়ত তাত শ্বাটডাউন সম্পৰ্কীয় কাম চলি আছিল। ইণ্ডিয়ান অইলৰ তৰফৰ পৰা কোৱা হৈছে যে জুই সম্পূৰ্ণৰূপে নুমুৱাবলৈ সক্ষম হোৱাৰ লগতে পৰিস্থিতি এতিয়া স্বাভাৱিক অৱস্থাত আছে। আঘাতপ্ৰাপ্ত হোৱা ৪৪ জন লোকৰ ভিতৰত ৩৭ জনক কলকাতাৰ হাস্পতাললৈ প্ৰেৰণ কৰা হৈছে আৰু ইয়াৰে সাতজনৰ অৱস্থা কিছু সংকটজনক।

শনিবাৰে তেলেংগানাৰ কামাৰেড্ডী জিলাত সংঘটিত এক শোকাবহ পথ দুৰ্ঘটনাত একেটা পৰিয়ালৰে শিশুসহ ৬ জন সদস্য নিহত হয়। শনিবাৰে বিয়লি বানচৱাড়াৰ ওচৰৰ বিচকুণ্ডা মণ্ডলত ১৬১ নং ৰাষ্ট্ৰীয় ঘাইপথৰ দাঁতিত ৰখাই থোৱা এখন লৰীত পিছফালৰ পৰা প্ৰচণ্ড জোৰে খুন্দা মাৰে এখন SUV বাহনে। যাৰ ফলত ১২ জন যাত্ৰী কঢ়িয়াই অনা বাহনখনৰ সন্মুখভাগ চূৰ্ণ বিচুৰ্ণ হৈ পৰে। দুৰ্ঘটনাৰ একেটা পৰিয়ালৰ শিশুসহ ৬ জন লোকৰ কৰুণ মৃত্যু ঘটে। জানিব পৰা মতে, হায়দৰাবাদৰ চাদৰঘাট চুবুৰীয়াৰ এটা পৰিয়ালৰ সদস্যসকলে SUV বাহনখনেৰে মহাৰাষ্ট্ৰৰ নান্দেদৰ দৰগাহ ভ্ৰমণৰ পৰা উভতি অহাৰ সময়তে এই দুৰ্ঘটনা সংঘটিত হয়। বনচৱাড়া ডিএছপি জয়পাল ৰেড্ডীৰ মতে, চাদৰঘাটৰ বাসিন্দা আমিৰ তাজ দুদিন আগতে তেওঁৰ পৰিয়ালৰ…

উত্তৰ প্ৰদেশৰ কানপুৰ অঞ্চলত আৰক্ষীৰ বৰ্বৰতাৰ এটা ভিডিঅ' পোহৰলৈ অহাৰ পিছতে পুনৰ যোগী প্ৰশাসনৰ ওপৰত প্ৰশ্নৰ উদয় হৈছে। এই ভিডিঅ'টোত এজন আৰক্ষীয়ে এজন লোকৰ ওপৰত লাঠিচালনা কৰা পৰিলক্ষিত হৈছে। আনহাতে এটি শিশুৱে সেই ব্যক্তিজনৰ কোলাত কান্দি থকা দেখা গৈছে। এই হৃদয় বিদাৰক দৃশ্যই এতিয়া প্ৰতিক্ৰিয়াৰ সৃষ্টি কৰিছে। এক মিনিটতকৈও কম সময়ৰ এই ভিডিঅ'টোত আক্ৰমণৰ বলি হোৱা লোকজনে বাৰে বাৰে আৰক্ষীক শিশুটোক নামাৰিবলৈ অনুৰোধ জনায়। কিন্তু আৰক্ষীয়ে অলপো ভ্ৰূক্ষেপ নকৰি বৰ্বৰতাৰ যেন চৰম ৰূপ দেখুৱায়। ছ'চিয়েল মিডিয়াত ভাইৰেল হোৱা এই ভিডিঅ'টোৱে উত্তৰ প্ৰদেশ আৰক্ষীৰ তীব্ৰ সমালোচনাৰ সন্মুখীন হৈছে।  খবৰ অনুসৰি লাঠিচালনা কৰা এছএইচঅ'ক নিলম্বিত কৰা হৈছে। অৱশ্যে, আৰক্ষীয়ে স্পষ্ট কৰি দিছে…

ডিজিটেল ডেস্কঃ কিছুদিন পূৰ্বে দিল্লীৰ ৰোহিণী আদালতত ন্যায়াধীশৰ সন্মুখত গেংষ্টাৰ যতিন্দৰ মান ওৰফে গোগীক গুলীয়াই হত্যা কৰা ঘটনাত সমগ্ৰ দেশ হতবাক হৈ পৰিছিল। সেই ঘটনাৰ পিছত পুনৰ এবাৰ শিৰোনাম দখল কৰিছে দিল্লীৰ ৰোহিণী আদালতে। বৃহস্পতিবাৰে আদালতৰ চৌহদত সংঘটিত হয় এটা বিস্ফোৰণৰ ঘটনা। ইতিমধ্যে ঘটনাস্থলীত ৭ খনকৈ অগ্নি নিৰ্বাপক বাহিনীৰ গাড়ী উপস্থিত হৈছে। খবৰ অনুসৰি বৃহস্পতিবাৰে পুৱা প্ৰায় ১০.৪০ বজাত বিস্ফোৰণটো সংঘটিত হয়। প্ৰথমতে লেপটপৰ বেটাৰী বিস্ফোৰণ ঘটা বুলি সন্দেহ কৰা হয় যদিও আন একাংশই এয়া টিফিন বোমা বিস্ফোৰণ বুলি দাবী কৰিছে। অৱশ্যে, বিস্ফোৰণৰ কাৰণ এতিয়ালৈকে চৰকাৰে জনোৱা নাই। এতিয়ালৈকে পোৱা বাতৰি অনুসৰি, বিস্ফোৰণটো আদালতৰ ১০২ নং কোঠাত সংঘটিত হয়। এটা…