উত্তৰ-পূৱ Archives - Page 471 of 475

20 Feb

দুগৰাকী নিৰ্দলীয় প্ৰাৰ্থীৰ মনোনয়ন প্ৰত্যাহাৰ

editor0 Commentsউত্তৰ-পূৱ

ঢকুৱাখনা পৌৰ সভা নিৰ্বাচনৰ ১০ টা ৱাৰ্ডৰ বাবে মুঠ ২৪ গৰাকী প্ৰাৰ্থীয়ে দাখিল কৰা মনোনয়ন পত্ৰৰ দুগৰাকীয়ে দেওবাৰে নিজৰ মনোনয়ন প্ৰত্যাহাৰ কৰে । ঢকুৱাখনা মহকুমা প্ৰশাসনে নিৰ্দ্ধাৰণ প্ৰাৰ্থী সকলৰ মনোনয়ন প্ৰত্যাহাৰৰ অন্তিম দিন। সেই অনুসৰি ঢকুৱাখনা পৌৰ সভাৰ ৫ নং ৱাৰ্ডৰ নিৰ্দলীয় প্ৰাৰ্থী অকণ গগৈ আৰু ৯ নং ৱাৰ্ডৰ নিৰ্দলীয় প্ৰাৰ্থী জোনটি দত্তই দেওবাৰে নিজৰ প্ৰাৰ্থীত্ব প্ৰত্যাহাৰ কৰে ।

19 Feb

উত্তৰ গুৱাহাটীৱাসীৰ বাবে সুখবৰ

editor0 Commentsউত্তৰ-পূৱ

শনিবাৰৰ পৰা আৰম্ভ হ’ল গুৱাহাটী আৰু উত্তৰ গুৱাহাটীৰ মাজত নৈশ ফেৰী সেৱা। জল পৰিবহন বিভাগৰ অভিলাষী আঁচনিৰ ফলস্বৰূপে এতিয়াৰে নিশাও ফেৰীৰে যাত্ৰা কৰিব পৰা যাব গুৱাহাটীৰ পৰা উত্তৰ গুৱাহাটীলৈ। ইয়াৰ বাবে এটা মোবাইল এপও প্ৰস্তুত কৰি উলিওৱা হৈছে যিয়ে নিশা ব্ৰহ্মপুত্ৰৰ মাজত ফেৰী চলাচলৰ ক্ষেত্ৰত দিশ নিৰ্ণয় কৰিব। মাদ্ৰাছ আই আই টিৰ বিজ্ঞানী ড০ কে ৰাজুৰ সহযোগত প্ৰস্তুত কৰি উলিওৱা হৈছে এই বিশেষ এপটো। প্ৰায় ২ বছৰ ধৰি কাম কৰাৰ পিছত সফালতা লাভ কৰে জল পৰিবহন বিভাগে।

19 Feb

বিহুৰ ব্যৱহাৰিক পৰীক্ষাৰ বাবে নতুন নিৰ্দেশনা

editor0 Commentsউত্তৰ-পূৱ

উচ্চতৰ মাধ্যমিক শিক্ষা সাংসদে বিহুক লৈ জাৰি কৰিছে নতুন নিৰ্দেশনা। বিহু পাঠ্যক্ৰমৰ ব্যৱহাৰিক পৰীক্ষাৰ বাবে পৰীক্ষকৰ থাকিব লাগিব বিশেষ যোগ্যতা। তেওঁ স্নাতকোত্তৰ হ’ব লাগিব, যিকোনো বিষয়ত। বিহুৰ থিয়ৰী আৰু ব্যৱহাৰিক দিশত জ্ঞান থাকিব লাগিব। যিকোনো চৰকাৰী বা প্ৰাদেশিককৰণ উচ্চ/উচ্চতৰ মাধ্যমিক, বিদ্যালয় বা মহাবিদ্যালয়ৰ শিক্ষক হ’ব লাগিব।

19 Feb

মুখ্য ন্যায়িক দণ্ডাধীশৰ আদালতত হাজিৰ হ’ল

editor0 Commentsউত্তৰ-পূৱ

ইউপিপিএলৰ সভাপতি প্ৰমোদ বড়োৱে ২০২০ চনত তৰা এক মানহানি গোচৰক কেন্দ্ৰ কৰি শনিবাৰে বিপিএফৰ সভাপতি তথা প্ৰাক্তন বিটিচিৰ মুখ্য কাৰ্যবাহী সদস্য হাগ্ৰামা মহিলাৰী কোকৰাঝাৰ জিলা মুখ্য ন্যায়িক দণ্ডাধীশৰ আদালতত হাজিৰ হয় । হাজিৰ হ’ব লগা হোৱা ঘটনাই চাঞ্চ্যলৰ সৃষ্টি কৰি তুলিছে ৷ প্ৰমোদ বড়োৱে মহিলাৰীকে ধৰি আন ১১ জনৰ বিৰুদ্ধে তৰা ষড়যন্ত্ৰ আৰু মানহানি গোচৰ( নং চি আৰ গোচৰ নং ৩৪/২০২০) মৰ্মে ভাৰতীয় দণ্ডবিধি আইনৰ ১২০(বি)/৫০০ ধাৰাত এক গোচৰ ৰজু হৈছিল। উক্ত গোচৰৰ আধাৰতে আজি কোকৰাঝাৰ মুখ্য ন্যায়িক দণ্ডাধীশৰ আদালতত হাগ্ৰামা মহিলাৰীয়ে অধিবক্তা আব্দুল আলী মণ্ডল আৰু প্ৰসেনজিৎ দত্তক লগত লৈ আদালতত হাজিৰ হয় ।

18 Feb

পানী ‘বটলিং’ কাৰখানাৰ বিৰুদ্ধে কামৰূপত প্ৰশাসনৰ অভিযান

editor0 Commentsউত্তৰ-পূৱ

কামৰূপ জিলাত অবৈধ অৰু অস্বাস্থ্যসন্মত পানী বটলিং কাৰখানাসমূহ সমুলঞ্চে উৎখাত কৰাৰ লক্ষ্যেৰে উপায়ুক্ত পল্লৱ গোপাল ঝাই গঠন কৰি দিয়া টাস্ক ফ’ৰ্চে জিলাখনৰ বিভন্ন প্ৰান্তত জোৰদাৰ অভিযান আৰম্ভ কৰিছে। কেতবোৰ ৰাজহুৱা অভিযোগৰ পৰিপ্ৰেক্ষিতত জনসাধাৰণৰ জীৱন আৰু স্বাস্থ্য ৰক্ষাৰ বাবে জিলা প্ৰশাসনে চক্ৰ বিষয়া, দণ্ডাধীশ, আৰক্ষী খাদ্য সুৰক্ষা বিষয়া তথা গুৱাহাটী পৌৰ নিগমৰ বিষয়াৰ দ্বাৰা গঠন কৰা ‘টাস্ক ফৰ্চে’ ইতিমধ্যে জিলাখনৰ কেবাটাও অনুমতিবিহীন, অস্বাস্থ্যসন্মত পানী বটলিং কাৰখানা তাৎক্ষণিকভাৱে বন্ধ কৰি দিয়ে।

18 Feb

গোলকগঞ্জত ভয়কৰ দুৰ্ঘটনা

editor0 Commentsউত্তৰ-পূৱ

এখন ৰে’লে মহটিয়ালে চাৰিচকীয়া বাহন। উজনিমুৱা ডেম’ ৰে’লে মহটিয়ালে এল্ট’ বাহনখনক। এল্ট’ বাহনখনত দুজন আৰোহী থকাৰ সন্দেহ। আনহাতে এল্ট’খনৰ ভিতৰতে আবদ্ধ চালক দিলোৱাৰ হুছেইন। শিলিগুৰিৰ পৰা নিউ বঙাইগাঁও অভিমুখী আছিল ৰে’লখন। ক্রচিঙত ৰে’ল গেট নথকাৰ বাবেই সংঘটিত এই দুৰ্ঘটনা।

18 Feb

গুৱাহাটী ৰে’লৰ বিৰুদ্ধে যাত্ৰীৰ বিষোদগাৰ

editor0 Commentsউত্তৰ-পূৱ

কলিয়াবৰৰ শিলঘাটৰ পৰা দৈনিক পুৱা গুৱাহাটীলৈ চলাচল কৰা ৰে’ল গাড়ীখনৰ কৰ্তৃপক্ষৰ বিৰুদ্ধে বিষোদগাৰ প্ৰকাশ কৰিছে যাত্ৰীসকলে । ৰে’লখনৰ যাত্ৰী স্থানীয় অৱসৰপ্ৰাপ্ত শিক্ষক ইনতাজ আলিয়ে এই প্ৰতিবেদকক অভিযোগ কৰি কয় যে, গুৱাহাটীৰ পৰা শিলঘাটলৈ ওভতাৰ সময়ত সদায় বহু পলম হয়। শুক্ৰবাৰে ২ ঘন্টা ৩৮ মিনিট পলম হৈছে ৰেলখন। যাত্ৰীসকল ৪ বজাৰ পৰাই ৰৈ ৰৈ ভাগৰি পৰিল । লগতে ৰে’লখন পৰিস্কাৰৰ নামত একো নাই । এক্সপ্ৰেছৰ নাম দি দুগুণ ৭৫/-টকা ভাড়ালৈ যাত্ৰী সকলক যমৰ যাতনা ভোগাইছে। ৰে’ল কৰ্তৃপক্ষই এই দিশ বোৰত চকু নিদিয়াৰ ৰহস্য কি বুলিও আলিয়ে অভিযোগ কৰে। এই ক্ষেত্ৰত বিভাগীয় দাবী জনায়।

17 Feb

৩৫০ কেজি গাঞ্জা জব্দ, ট্ৰাক ভস্মিভূত

editor0 Commentsউত্তৰ-পূৱ

কোকৰাঝাৰ জিলাৰ ভাওৰাগুৰীত পুণৰ এনকাউণ্টাৰ সংঘটিত হৈছে । বুধবাৰে নিশা ৮ বজাত কোকৰাঝাৰ আৰক্ষীয়ে গোপন সূত্ৰমৰ্মে ত্ৰিপুৰাৰ পৰা বিহাৰ অভিমুখে যোৱা এ এছ ০১ ডি ডি ৮৬৩৫ নম্বৰৰ এখন ট্ৰাক জব্দ কৰে । জব্দকৃত ট্ৰাকৰ গোপন চেম্বাৰৰ পৰা আৰক্ষীয়ে ৫৫ পেকেট গাঞ্জা উদ্ধাৰ কৰে যাৰ ওজন ৩৫০ কেজি বুলি আৰক্ষীয়ে সদৰি কৰিছে । ইয়াৰ লগতে গাঞ্জা সৰবৰাহ কৰা ত্ৰিপুৰা সুন্দৰটিলাৰ সুমন নমো(২৬) আৰু ৰাহুল সৰকাৰ(২০)ক আৰক্ষীয়ে আটক কৰে । কোকৰাঝাৰ জিলাৰ আৰক্ষী অধীক্ষক সুৰজিৎ সিং পানেছাৰে সদৰি কৰা মতে আৰক্ষীয়ে ঘটনা সন্দৰ্ভত অধিক সোধপোছ কৰাত সুমন নমোই ৰাষ্ট্ৰীয় ঘাইপথৰ পৰা ভাওৰাগুৰীলৈ যোৱা পথৰ কাষত দুটা গাঞ্জাৰ পেকেট লুকুৱাই থোৱা বুলি…

17 Feb

কাজিৰঙাত গঁড় হত্যা

editor0 Commentsউত্তৰ-পূৱ

কাজিৰঙাত শেহতীয়াকৈ গঁড় হত্যা কৰা চোৰাং চিকাৰী গ্ৰেপ্তাৰ কেৰালাত। বুধবাৰে নিশা গ্ৰেপ্তাৰ কৰা হয় চোৰাং চিকাৰীটোক। কাজিৰঙাত গঁড় হত্যা কৰি পলাই গৈছিল কেৰালালৈ। আচমতৰ ঘৰ বিশ্বনাথ চাৰিআলিত। কেৰালা আৰক্ষীৰ সহযোগত গ্ৰেপ্তাৰ কৰা হয় চোৰাং চিকাৰীটোক। চোৰাং চিকাৰীটোৰ সন্ধান দিওঁতালৈ ২ লাখ টকা আৰু গঁড়ৰ খৰ্গৰ সন্ধান দিওটালৈ ৫ লাখ টকাৰ পুৰস্কাৰ ঘোষণা কৰিছিল অসম চৰকাৰে। কেৰেলা আৰক্ষীৰ সহযোগিতাৰ বাবে ধন্যবাদ জনালে জি পি সিঙে। টুইটাৰৰ জৰিয়তে চোৰাং চিকাৰীটো ধৰাৰ কথা সদৰি কৰিছে জি পি সিঙে।

17 Feb

শিশু-মহিলাসহ ১৩ গৰাকীয়ে কৰুণ মৃত্যু

editor0 Commentsউত্তৰ-পূৱ

উত্তৰ প্ৰদেশত সংঘটিত হ’ল এক শোকাবহ ঘটনা। বুধবাৰৰ নিশা ৮-৩০ বজাত এখন পকী শ্লেব খহি পৰাৰ ফলত ১৩ গৰাকীকৈ মহিলা আৰু শিশুৱে কৰুণ মৃত্যুক সাৱটি লয়। উত্তৰ প্ৰদেশৰ কুশী নগৰৰ নেগুৱা নোৰাংগিয়া নামৰ স্থানত সংঘটিত হৈছে এই ঘটনা। সেই সময়ত চলি থকা এক বিবাহ অনুষ্ঠানত অংশলৈ আনন্দত মছগুল হৈ থকাৰ সময়তে এই কৰুণ ঘটনা সংঘটিত হয়। এটা নাদৰ ওপৰত থকা শ্লেবত বহি থকাৰ সময়তে শ্লেবখন ভাঙি পৰাত এই শোকাবহ ঘটনা সংঘটিত হয়। এই ঘটনাত কেইবাজনো লোক আহত হৈছে। প্ৰধানমন্ত্ৰী নৰেন্দ্ৰ মোডী, উত্তৰ প্ৰদেশৰ মুখ্যমন্ত্ৰী যোগী আদিত্য নাথে শোক ব্যক্ত কৰি মৃতকৰ পৰিয়াললৈ সমবেদনা জ্ঞাপন কৰিছে।