tarali

কুমাওঁ ৰেজিমেণ্ট/৫০ নং বেটেলিয়ন, দ্য ৰাষ্ট্ৰীয় ৰাইফলছৰ মেজৰ ভাৰ্গৱ কলিতাক সন্ত্ৰাসবাদ বিৰোধী অভিযানত তেওঁৰ অসীম সাহস, অনুকৰণীয় নেতৃত্ব আৰু অসাধাৰণ কাৰ্যকৰী সফলতাৰ স্বীকৃতি স্বৰূপে ভাৰতৰ অন্যতম সৰ্বোচ্চ শান্তিকালীন বীৰত্ব বঁটা শৌৰ্য চক্ৰ প্ৰদান কৰা হৈছে। ২০২২ চনৰ অক্টোবৰৰ পৰা মেজৰ কলিতাই একাধিক সফল অভিযানত সক্ৰিয়ভাৱে অংশগ্ৰহণ কৰিছে, যাৰ ফলত তিনিজন কুখ্যাত সন্ত্ৰাসবাদী নিষ্ক্ৰিয় হৈছে আৰু চাৰিজন কট্টৰ অভাৰ গ্ৰাউণ্ড ৱৰ্কাৰক গ্ৰেপ্তাৰ কৰা হৈছে। কৰ্তব্যৰ প্ৰতি তেওঁৰ অটল দায়বদ্ধতা আৰু কাৰ্যকৰী উৎকৃষ্টতাই অঞ্চলটোত শান্তি আৰু নিৰাপত্তা বজাই ৰখাত যথেষ্ট অৰিহণা যোগাইছে।০২ ডিচেম্বৰ ২০২৪ তাৰিখে, হঠাতে পোৱা চোৰাংচোৱা তথ্যৰ ভিত্তিত মেজৰ কলিতাই এজন কট্টৰ সন্ত্ৰাসবাদীৰ বিৰুদ্ধে এক নিখুঁত এম্বুছ অভিযানৰ পৰিকল্পনা, নেতৃত্ব…

শনিবাৰে অসমৰ ৰাজ্যপাল লক্ষ্মণ প্ৰসাদ আচাৰ্যই গুৱাহাটীৰ লোক ভৱনত মুখ্যমন্ত্ৰী ড° হিমন্ত বিশ্ব শৰ্মাৰ লগতে ৰাজ্যিক মন্ত্ৰী পৰিষদৰ সদস্যসকলক ‘স্নেহ মিলন’ নামৰ এক বাৰ্তালাপৰ বাবে আতিথ্য প্ৰদান কৰে। মুখ্যমন্ত্ৰী আৰু মন্ত্ৰীসকলৰ সৈতে হোৱা এই বাৰ্তালাপৰ অংশ হিচাপে ৰাজ্যপাল আচাৰ্যই ৰাজহুৱা গুৰুত্বপূৰ্ণ বিষয়সমূহৰ ওপৰত মত বিনিময় কৰে আৰু অসমৰ শান্তি, প্ৰগতি, সমৃদ্ধি আৰু সৰ্বাংগীণ উন্নয়নৰ বাবে সকলোৰে সামূহিক অংগীকাৰ পুনৰ দোহাৰে। মুখ্যমন্ত্ৰী শৰ্মা আৰু মন্ত্ৰী পৰিষদৰ সদস্যসকলে এই বাৰ্তালাপ আয়োজনৰ বাবে ৰাজ্যপালক কৃতজ্ঞতা জ্ঞাপন কৰে আৰু অসমৰ উন্নয়ন তথা ৰাজ্যবাসীৰ কল্যাণৰ হকে অহৰহ কাম কৰি যোৱাৰ অংগীকাৰ পুনৰ ব্যক্ত কৰে। উল্লেখযোগ্য যে লোক ভৱনত (পূৰ্বৰ ৰাজভৱন) শপত গ্ৰহণৰ পিছত নতুন মন্ত্ৰী…

বাক্সা জিলাৰ আঠ বছৰীয়া ছাত্ৰী নিকিতা বসুমতাৰীয়ে দেউতাকৰ সৈতে চাইকেলত উঠি স্কুলৰ পৰা ঘৰলৈ উভতি আহোঁতে ‘মামা’ৰ ওচৰত আবদাৰ কৰিছিল, আমাৰ স্কুলত বৰ গৰম। ফেন লগাই দিয়া না। শিশুটিৰ সৰল আৰু আন্তৰিক আবেদনখিনি দ্ৰুতগতিত সামাজিক মাধ্যমত বিয়পি পৰে। সেই ভিডিঅ’টো চকুত পৰাৰ লগে লগে আবদাৰ পূৰণ কৰিবলৈ পলম নকৰিলে মামাই, অৰ্থাৎ অসমৰ মুখ্যমন্ত্ৰী হিমন্ত বিশ্ব শৰ্মাই। বড়োলেণ্ড একাডেমি ব্যক্তিগত বিদ্যালয় হ’লেও মুখ্যমন্ত্ৰীৰ নিৰ্দেশত ৰাতিটোৰ ভিতৰতে বাকচে বাকচে চিলিং ফেন স্কুলত উপস্থিত হয়গৈ। নিকিতাই মামাৰ এই উপহাৰত অভিভূত হৈ পুনৰ এটা ভিডিঅ’ কৰি মুখ্যমন্ত্ৰীক ধন্যবাদ জনাইছে।

কেন্দ্ৰীয় স্বাস্থ্য মন্ত্ৰী জে.পি. নাড্ডাই শুকুৰবাৰে বিশ্ব পৰিৱেশ দিৱস উপলক্ষে দেশজুৰি পালন কৰা কাৰ্যসূচীৰ অংশ হিচাপে শ্বিলঙত মেঘালয় বিজেপিৰ বৃক্ষৰোপণ কাৰ্যসূচীত অংশগ্ৰহণ কৰে। এই উপলক্ষে সংবাদ মাধ্যমৰ সৈতে কথা পাতি নাড্ডাই কয় যে প্ৰধানমন্ত্ৰী নৰেন্দ্ৰ মোদীৰ ‘এক পেড় মা কে নাম’ অৰ্থাৎ ‘মাৰ নামত এজোপা গছ’ শীৰ্ষক মূল উদ্যোগৰ অধীনত দেশজুৰি এই বৃক্ষৰোপণ অভিযান চলোৱা হৈছে। তেওঁ জনায় যে বিশ্ব পৰিৱেশ দিৱস উপলক্ষে আৰু পৰিৱেশ সংৰক্ষণৰ সজাগতা বিয়পাবলৈ ভাৰতৰ কোটি কোটি বিজেপি কৰ্মী, সদস্য আৰু সমৰ্থকে এই অভিযানত অংশ লৈ গছপুলি ৰোপণ কৰিছে। নাড্ডাই কয় যে এই উদ্যোগে এক গভীৰ বাৰ্তা কঢ়িয়াইছে, কিয়নো ই এগৰাকী মাতৃৰ নিঃচৰ্ত মৰম-যত্ন আৰু পৃথিৱীত…

মুখ্যমন্ত্ৰীৰ সৌৰ অভিযানৰ অধীনত মেঘালয়ৰ মুখ্যমন্ত্ৰী কনৰাড কে চাংমাই মঙলবাৰে শ্বিলঙৰ ছেইণ্ট মেৰীজ উচ্চতৰ মাধ্যমিক বিদ্যালয়ত ৫০ কিলোৱাট ক্ষমতাসম্পন্ন সৌৰ ফটোভল্টিক (পিভি) প্ৰকল্প উদ্বোধন কৰে। ইয়াৰ জৰিয়তে ৰাজ্যখনত নৱীকৰণযোগ্য শক্তি গ্ৰহণ আৰু বহনক্ষম উন্নয়নৰ প্ৰসাৰৰ দিশত আন এক গুৰুত্বপূৰ্ণ পদক্ষেপ গ্ৰহণ কৰা হ’ল। মেঘালয় নৱ আৰু নৱীকৰণযোগ্য শক্তি উন্নয়ন সংস্থা (এমএনআৰইডিএ)ৰ দ্বাৰা ৰূপায়িত এই প্ৰকল্পটো মেঘালয়ৰ এখন শিক্ষানুষ্ঠানত স্থাপিত আটাইতকৈ ডাঙৰ সৌৰ শক্তি প্ৰকল্পসমূহৰ ভিতৰত অন্যতম। প্ৰায় ৫০ লাখ টকা মূল্যৰ ৫০ কিলোৱাট প্ৰণালীটোত বেটাৰী বেকআপৰ সুবিধা আছে আৰু ই প্ৰতিষ্ঠানখনৰ শক্তিৰ প্ৰয়োজনীয়তা পূৰণত পৰিষ্কাৰ আৰু নৱীকৰণযোগ্য শক্তিৰ জৰিয়তে যথেষ্ট অৰিহণা যোগাব বুলি আশা কৰা হৈছে। সমবেত লোকসকলক সম্বোধন কৰি…

হঠাৎ বাজি উঠিছে নেকি আপোনাৰ ফোনটো। এনেধৰণৰ এলাৰ্ট লাভ কৰি বহুতেই প্ৰথমে খাইছিল থতমত। এটা মেছেজৰ সৈতে মোবাইলে মোবাইলে কিছু সময় পূৰ্বে বাজি উঠিছিল বিশেষ সংকেত?প্ৰাপ্ত তথ্য অনুসৰি,অসম ৰাজ্যিক দুৰ্যোগ প্ৰশমন প্ৰাধিকৰণ আৰু কেন্দ্ৰীয় চৰকাৰৰ তৰফৰ পৰা এই বিশেষ জৰুৰীকালীন বাৰ্তা প্ৰেৰণ কৰিছে। এই বিশেষ বাৰ্তাটোৰ জৰিয়তে অহা ১ ৰ পৰা ৩ ঘণ্টাৰ ভিতৰত গুৱাহাটী মহানগৰীৰ লগতে ইয়াৰ কাষৰীয়া অঞ্চলসমূহত প্ৰচণ্ড বতাহ-ধুমুহা আৰু ধাৰাসাৰ বৰষুণ অহাৰ সম্ভাৱনা ব্যক্ত কৰিছে।