Mohini

লোক সংস্কৃতিৰ সাধক ৰত্নেশ্বৰ মৰাণলৈ আছুৰ প্ৰতিমা পাণ্ডে স্মাৰক বঁটা প্ৰদান। শণিবাৰে চানমাৰিস্হিত পদ্মশ্রী প্রতিমা বৰুৱা পাণ্ডে প্ৰতিমূৰ্তি স্হলিত গোৱালপাৰীয়া লোকগীতৰ সম্ৰাজ্ঞী পদ্মশ্রী প্রতিমা বৰুৱা পাণ্ডেৰ ২৩ সংখ্যক মৃত্যু বার্ষিকীত  শিল্পী গৰাকীলৈ শ্রদ্ধাঞ্জলি জনোৱাৰ লগতে সদৌ অসম ছাত্ৰ সন্থাই প্ৰতিবছৰে প্ৰদান কৰি  অহা প্ৰতিমা বৰুৱা পাণ্ডে স্মাৰক বঁটা অসমৰ লোককৃষ্টিলৈ নিষ্ঠাৰে সেৱা আগবঢ়াই থকা তিনিচুকীয়া জিলাৰ কাকপথাৰ অঞ্চলৰ বৰমেছাই শিমলুগুৰি নিবাসী লোককৃষ্টিৰ সাধক ৰত্নেশ্বৰ মৰাণক প্ৰদান কৰা হয়।‌ এই বঁটা আছে পাটৰ গামোচা, এৰি চাদৰ, এৰি জেকেট, শৰাই, মানপত্ৰ, স্মাৰক, ফুলৰ তোৰা আৰু নগদ ২৫ হাজাৰ টকা।

অসমত প্ৰথমবাৰৰ বাবে অনুষ্ঠিত হ'বলগা প্ৰধানমন্ত্ৰীৰ পৰীক্ষা পে চর্চা কাৰ্যসূচীৰ অধীনত ৰাজ্যৰ ১২ খন জিলাৰ ২৫ গৰাকী শিক্ষার্থীৰে মত বিনিময় কৰিব প্রধানমন্ত্রী নৰেন্দ্ৰ মোডীয়ে। চৰাইদেউ নামৰ জাহাজখনত ব্ৰহ্মপুত্ৰৰ বুকুত হ'বলগা এই অনুষ্ঠানৰ বাবে ২৫ গৰাকী শিক্ষার্থীক ইতিমধ্যে বাছনি কৰা হৈছে আৰু তেওঁলোকে প্রধানমন্ত্ৰীৰ সৈতে কেনেধৰণে বাৰ্তালাপ কৰিব সেই বিষয়ে প্রশিক্ষণ দি থকা হৈছে। ইপিনে প্ৰধানমন্ত্ৰী নৰেন্দ্ৰ মোডীৰ এই কাৰ্যসূচীয়ে পূৰ্বে শুকুৰবাৰে  মুখ্যমন্ত্ৰী ড° হিমন্ত বিশ্ব শৰ্মাই  গেটৱে' ঘাট টাৰ্মিনেল পৰিদৰ্শন কৰে। এই সময়ছোৱাত তেখেতে পুংখানুপুংখভাৱে প্ৰতিটো বিষয়ত পৰ্যালোচনা কৰে।

অসমৰ সংবাদ জগতৰ পিতামহস্বৰূপ প্রফুল্ল গোবিন্দ বৰুৱা আৰু নাই। পি জি বৰুৱা নামেৰে সৰ্বত্ৰ পৰিচিত প্রফুল্ল গোবিন্দ বৰুৱাৰ দেওবাৰে নিশা প্রায় ৯.৩০ বজাত গুৱাহাটীৰ এখন চিকিৎসালয়ত দেহাৱসান ঘটে। ১৯৩৩ চনত জন্মগ্রহণ কৰা অসমৰ সংবাদ জগতৰ যুগদ্রষ্টাগৰাকীৰ মৃত্যুৰ সময়ত বয়স আছিল প্রায় ৯২ বছৰ। অসমৰ আগশাৰীৰ ইংৰাজী দৈনিক সংবাদপত্র 'দি আছাম ট্ৰিবিউন সম্পাদকৰূপে দীর্ঘদিনে কাৰ্যনিৰ্বাহ কৰা প্ৰফুল্ল গোবিন্দ বৰুৱা ট্ৰিবিউন গোষ্ঠীৰ পৰিচালন সঞ্চালক আছিল। আজি নৱগ্ৰহ শ্মশানত শেষকৃত্য সম্পন্ন কৰা হ'ব।

অসম আৰু অসমীয়াৰ কৃষিজীৱী জনজীৱনৰ লগত  অতীজৰে পৰা পৰম্পৰাগতভাবে উদযাপন কৰি অহা আঘোঁণ মাহৰ ন- খোৱা উৎসৱ উপলক্ষে ১২ ডিচেম্বৰৰ সন্ধিয়াৰ পৰা নিশালৈ উদুলি-মুদূলি পৰিবেশৰ সৃষ্টি হয় গুৱাহাটীৰ দীপৰ বিলৰ কাষৰীয়া দেউছটালৰ সমাজকৰ্মী তথা অঞ্চলটোৰ অগ্ৰণী ক্ৰীড়া আৰু সামাজিক -সাংস্কৃতিক অনুষ্ঠান নৱজ্যোতি সংঘৰ সভাপতি বলেশ্বৰ ৰংপীৰ দীপৰ বিল ইকো কেম্প চৌহদ। বিশিষ্ট সমাজকর্মী বলেশ্বৰ ৰংপী আৰু তেওঁৰ সহধৰ্মিনী তথা আজাৰা গাওঁ পঞ্চায়তৰ সভানেত্ৰী কবিতা বড়ো ৰংপীৰ যৌথ উদ্যোগত অনুষ্ঠিত ন-খোৱা উৎসৱত অঞ্চলটোৰ কেবাজনো বিশিষ্ট ব্যক্তি , গুৱাহাটী উচ্চ ন্যায়ালয়ৰ জ্যেষ্ঠ অধিবক্তা ৰাজীৱ কলিতা,  দেউছতাল নৱজ্যোতি সংঘৰ উপ সভাপতি অশোক থাপাকে ধৰি কেবাজনো কৰ্মকর্তা উপস্থিত থাকে। আনহাতে এই উপলক্ষে বলেশ্বৰ ৰংপীয়ে…

গুৱাহাটীৰ SOHUM EMPORIAত ভয়ঙ্কৰ অগ্নিকাণ্ড। ৬টাকৈ মহলাত অগ্নিসংযোগ হৈ ভয়ঙ্কৰ পৰিস্থিতি।অগ্নিকাণ্ডত ভস্মীভূত কোটি-কোটি টকাৰ সামগ্ৰী। আট্টালিকাটোত আছে ভাৰতীয় ষ্টেট বেংকৰ কেইবাটাও শাখা।‌ নিশা সংঘটিত হয় এই ভয়ঙ্কৰ অগ্নিকাণ্ড। কোটি কোটি টকাৰ সম্পত্তি জুই জাহ যায় অগ্নিকাণ্ডৰ কাৰণ এতিয়াও স্পষ্ট হোৱা নাই।‌

সংগীতৰ মায়াজালেৰে দৰ্শকক মুগ্ধ কৰিলে প'প ষ্টাৰ পষ্ট মেলনে। দেশৰ ভিতৰতে প্ৰথম পপষ্টাৰ প’ষ্ট মেলনৰ একক লাইভ কনচাৰ্টৰ সুৰৰ মুৰ্চনা তুলিলে গুৱাহাটীৰ খানাপাৰা খেলপথাৰত। ৰেপ সংগীতৰ মায়াসনা সন্ধিয়াৰ আমেজ ল'লে ২৩  হাজাতকৈ অধিক সংগীতপ্ৰেমীয়ে। জুবিন গাৰ্গক স্মৰণ কৰি জুবিন গাৰ্গৰ ভূমিত অহাত বিশেষ গৌৰৱ অনুভৱ কৰিছোঁ বুলি মন্তব্য কৰে পষ্ট মেলনে।

গুৱাহাটীলৈ আহিব প্ৰখ্যাত সংগীত শিল্পী চাকিৰাক। এই মন্তব্য মুখ্যমন্ত্ৰী ড° হিমন্ত বিশ্ব শৰ্মাৰ। তেওঁ সংবাদ মাধ্যমৰ আগত কয়, গুৱাহাটীত চাকিৰাক অনা হ'ব। আহি বছৰ বা দুবছৰ পিছত চাকিৰাক অনাৰ মন আছে। এনে অনুষ্ঠান ডিব্ৰুগড় আৰু শিলচৰত হ'ব। " বিশ্ব স্বীকৃত শিল্পী। তেওঁ বিশ্বৰ ৫ জন টপ আৰ্টিষ্টৰ ভিতৰত পষ্ট মেলন এজন। অসমত কেতিয়াও গ্লোৱেল আৰ্টিষ্ট অহা নাছিল। আজিৰ অনুষ্ঠান চাবলৈ আমেৰিকা, ইংলেণ্ডৰ পৰা মানুহ আহিছে। ই অৰ্থনীতি সহায় কৰিব। এই অনুষ্ঠানত অসম চৰকাৰে আৰ্থিক অৰিহণা যোগোৱা নাই। এক টকাও আগবঢ়াব নালাগে।

ছিংগাপুৰত জনতাৰ শিল্পী জুবিন গাৰ্গৰ ৰহস্যজনক মৃত্যুৰ ঘটনা সন্দৰ্ভত বিশেষ তদন্তকাৰী গোটে অহা ১২ ডিচেম্বৰত আদালতত অভিযোগনামা দাখিল কৰিব। আজি উলুবাৰীত থকা অপৰাধ অনুসন্ধান বিভাগৰ কাৰ্য্যালয়ত আয়োজিত এখন সংবাদমেলত বিশেষ তদন্তকাৰী গোটৰ মুৰব্বী তথা বিশেষ সঞ্চালক প্ৰধান মুন্না প্ৰসাদ গুপ্তাই এই কথা সদৰি কৰে।‌ সংবাদ মাধ্যমক সম্বোধন কৰি বিশেষ তদন্তকাৰী গোটৰ মুৰব্বী  গুপ্তাই কয় যে জুবিন গাৰ্গৰ মৃত্যুৰ ঘটনা সন্দৰ্ভত ১৮/২০২৫ নম্বৰত এটা গোচৰ ৰুজু হৈছিল। এই গোচৰটোৰ তদন্ত প্ৰক্ৰিয়া প্ৰায় সম্পূৰ্ণ হোৱাৰ পথত। সেই অনুসৰি অহা ১২ ডিচেম্বৰত তদন্তকাৰী গোটে জুবিন গাৰ্গৰ মৃত্যুৰ ঘটনা সন্দৰ্ভত আদালতত অভিযোগনামা দাখিল কৰিব। অভিযোগনামাৰ জৰিয়তে গোচৰৰ সকলো তথ্য আদালতত দাখিল কৰা হ'ব বুলিও…

মেঘালয়ৰ তুৰাত গাৰো পাহাৰৰ নৈসৰ্গিক শোভাৰ মাজত শুকুৰবাৰে  পৰা দুদিনীয়া কাৰ্যসূচীৰে আৰম্ভ হৈছে মে গঙ উৎসৱ। মুখ্যমন্ত্ৰী কনৰাড কে চাংমাই উদ্বোধন কৰা এই সাংস্কৃতিক উৎসৱটোলৈ উত্তৰ পূৰ্বাঞ্চলৰ লগতে দেশ বিদেশৰ পৰ্যটকৰ আগমন হৈছে। দেশৰ সংগীত জগতখনৰ বাবে এক বৰ্ণিল আয়োজন হিচাপে বিবেচিত মে গঙ উৎসৱৰ  দেশৰ লগতে আন্তঃৰাষ্ট্ৰীয় পৰ্যায়ৰ শিল্পী সংগীতানুষ্ঠান পৰিৱেশন কৰে। উৎসৱৰ প্ৰথম দিনটোত মঞ্চত সংগীত পৰিৱেশন কৰে পপ সংগীতৰ জনপ্ৰিয় ৰিচাৰ্ড মাৰ্ক্সে, বলিউদৰ জনপ্ৰিয় কন্ঠশিল্পী নীতি মোহন, প্ৰখ্যাত ইলেক্ট্ৰনিক সংগীতনিৰ্মাতা আৰু ডি জে  নিউক্লিয়াৰ আৰু কিংবদন্তি সংগীত শিল্পী বব মাৰ্লিৰ পুত্ৰ জুলিয়ান মাৰ্লিৰ সংগীতানুষ্ঠান পৰিৱেশন কৰে। নীতি মোহনেহে তেওঁ নিজৰ কেইবাটাও জনপ্ৰিয় গীত পৰিৱেশন কৰাৰ উপৰিও মায়াবিনী…

গুৱাহাটী মহানগৰীৰ উলুবাৰী উৰণ সেতুত পথ দুৰ্ঘটনা। পথ নিৰ্মাণত জড়িত বাহনে মহতিয়াই নিলে উৰণ সেতুৰ ৰেলিঙ। শুকুৰবাৰে পুৱাই উলুবাৰী উৰণ সেতুত  সংঘটিত হয় এই পথ দুৰ্ঘটনা। বাহনখনে নিয়ন্ত্ৰণ হেৰুৱাই উৰণ সেতুৰ ৰেলিং মহটিয়াই নিয়ে ফলত সেতু খনৰ এটা অংশ বিস্তৰ ক্ষতিসাধন হয়।