editor

ৰাহুল গান্ধীক এলিয়েন আখ্যা বিজেপি বিধায়িকা সুমন হৰিপ্ৰিয়াৰ। কংগ্ৰেছৰ ভাৰত জোড়ো ন্যায় যাত্ৰাক কটাক্ষ কৰি হাজোৰ বিধায়িকাগৰাকীয়ে সমালোচনা কৰে ৰাহুল গান্ধীক। বিধায়িকাগৰাকীয়ে কয়, ‘‘ৰাহুল গান্ধী এটা এলিয়েন। ৰাহুল গান্ধী কোন গ্ৰহৰ পৰা আহিছে গম নাপাওঁ। আজি আছে কাইলৈ আকৌ উৰি যাব নিজৰ গ্ৰহলৈ।’’ হাজোৰ গণেশ মন্দিৰত অনুষ্ঠিত স্বচ্ছ তীৰ্থ অভিযানৰ অনুষ্ঠানত অংশ লৈ এই মন্তব্য কৰে বিধায়িকা সুমন হৰিপ্ৰিয়াই। দলীয় কৰ্মীৰ লগতে জিলা বিজেপিৰ সভাপতি সুবল পাল সহিতে হাতত ঝাড়ু লৈ স্বচ্ছ তীৰ্থ অভিযান কাৰ্যসূচী ৰূপায়ণ কৰে বিধায়িকা সুমন হৰিপ্ৰিয়াই। উল্লেখযোগ্য যে জনতাৰ কাষ চপাৰ উদ্দেশ্যে কংগ্ৰেছে দেশজুৰি আৰম্ভ কৰিছে ভাৰত জোড়ো ন্যায় যাত্ৰা। পূবৰ পৰা পশ্চিমলৈ কংগ্ৰেছৰ যুৱৰাজ ৰাহুল…

পুনৰ আছুৰ মুখ্য উপদেষ্টাৰ পদত সমুজ্জ্বল কুমাৰ ভট্টাচাৰ্য। গুহাৱাটী বিশ্ববিদ্যালয়ত অনুষ্ঠিত হোৱা আছুৰ কাৰ্য নিৰ্বাহকত গ্ৰহণ এই গুৰুত্বপূৰ্ণ সিদ্ধান্ত। আছুৰ মৰিগাঁও অধিৱেশনৰ পূৰ্বে সৃষ্টি হৈছিল বয়স কেন্দ্ৰিক তীব্ৰ বিতৰ্কৰ। মৰিগাঁও অধিৱেশত সিদ্ধান্ত হৈছিল যে আছু উপদেষ্টা পদৰ বাবে নাথাকিব বয়সৰ কোনো উৰ্দ্ধ সীমা।

পাকিস্তানী ক্ৰিকেটাৰ স্বামী শ্বোয়েইব মালিকৰ পৰা পৃথক হ’ব নেকি ভাৰতীয় টেনিছ তাৰকা ছানিয়া মিৰ্জা? ২০২২ চনৰ পৰাই চৰ্চিত হৈ অহা তাৰকা দম্পতীহালৰ বিবাহ বিচ্ছেদৰ উৰা বাতৰিত এইবাৰ পুনৰ ইন্ধন যোগাইছে ছানিয়া মিৰ্জাৰ আন এক ছ’চিয়েল মিডিয়া পোষ্টে। পূৰ্বেও সামাজিক মাধ্যমত বিবাহ বিচ্ছেদ সম্পৰ্কীয় বিভিন্ন পোষ্ট শ্বেয়াৰ কৰি তেওঁলোকক বিবাহ বিচ্ছেদৰ খবৰক ৰহস্যঘন কৰি তোলা ছানিয়াৰ আন এক পোষ্টে এতিয়া সামাজিক মাধ্যমত লাভ কৰিছে যথেষ্ট চৰ্চা। বুধবাৰে পুৱা ছানিয়াই নিজৰ ইনষ্টাগ্ৰাম ষ্টৰীত এটা পোষ্ট শ্বেয়াৰ কৰে। এই পোষ্টটোত লিখা আছে- “বিবাহ কঠিন। বিবাহ বিচ্ছেদ কঠিন। আপোনাৰ কঠিনতম বাছি লওক। মেদবহুলতা কঠিন। ফিট হৈ থকাটো কঠিন। আপোনাৰ কঠিনতম বাছি লওক। ঋণগ্ৰস্ত হোৱাটো…

ৰাম মন্দিৰৰ প্ৰাণ প্ৰতিষ্ঠাৰ পূৰ্বেই ৰাম ৰাজ্যত সংঘটিত হ’ল এক ভয়ংকৰ অগ্নিকাণ্ড। মঙলবাৰে নিশা অযোধ্যাৰ ৰাম মন্দিৰৰ অভিষেক অনুষ্ঠানত ব্যৱহাৰৰ বাবে আমদানি কৰা ফটকাত হঠাৎ সংঘটিত হয় বিস্ফোৰণৰ ঘটনা। ৰাম মন্দিৰৰ প্ৰাণ প্ৰতিষ্ঠা অনু্ষ্ঠানত ব্যৱহাৰৰ বাবে তামিলনাডুৰ এটা ফটকা কাৰখানাৰ পৰা এখন ট্ৰাকেৰে লৈ যোৱা হৈছিল ফটকাখিনি। ট্ৰাকখন উত্তৰ প্ৰদেশৰ উন্নাও পোৱাৰ সময়তে এটা সৰু দুৰ্ঘটনা সংঘটিত আৰু ইয়াৰ পিছতে ট্ৰাকখনত থকা ফটকাত ইটোৰ পিছত সিটোকৈ সংঘটিত বিস্ফোৰণে সমগ্ৰ অঞ্চলটো কঁপাই তোলে। স্থানীয় সংবাদ মাধ্যমৰ সূত্ৰৰ মতে, তিনি ঘণ্টা ধৰি ট্ৰাকখনত একেৰাহে সংঘটিত হয় বিস্ফোৰণ। পিছত আৰক্ষী আৰু অগ্নিনিৰ্বাপক বাহিনী ঘটনাস্থলীত উপস্থিত হৈ ট্ৰাকখনৰ জুই নিৰ্বাপণ কৰে। অৱশ্যে ট্ৰাকখনত কেনেকৈ…

লোকসভা নিৰ্বাচনৰ পূৰ্বে পশ্চিমবংগ বিজেপিৰ কাণ্ডাৰীৰ ৰূপত দেখা যাব পাৰে অসমৰ মুখ্যমন্ত্ৰী হিমন্ত বিশ্ব শৰ্মাক। গেৰুৱা শিৱিৰৰ কেন্দ্ৰীয় সমিতিৰ এক সূত্ৰই প্ৰকাশ কৰা অনুসৰি আগন্তুক লোকসভা নিৰ্বাচনত অসমৰ মুখ্যমন্ত্ৰীগৰাকীৰ হাতত পশ্চিমবংগৰ প্ৰাৰ্থী বাছনিৰ ভাৰ অৰ্পণ কৰিব পাৰে শীৰ্ষ নেতৃত্বই। উল্লেখ্য যে, পশ্চিমবংগ বিধানসভা নিৰ্বাচনৰ পূৰ্বে তৃণমূল কংগ্ৰেছৰ কেইবাগৰাকীও নেতা, মন্ত্ৰী, বিধায়ক তথা সাংসদে বিজেপিত যোগদান কৰিছিল। এই যোগদানে গেৰুৱা শিৱিৰক শক্তিশালী কৰিব বুলিও আশা কৰা হৈছিল। আন দলৰ পৰা বেছিভাগ নেতাকেই টিকট প্ৰদান কৰি নিৰ্বাচণী ৰণাঙ্গনত নমাইছিল বিজেপিয়ে। ইয়াৰোপৰি অভিনয় জগতৰ সৈতে জড়িত কেইবাজনকো গেৰুৱা বসন পিন্ধাই প্ৰাৰ্থিত্ব প্ৰদান কৰা হৈছিল। ৰাজ্যখনত বিজেপিৰ এই 'যোগদান মেলা’ৰ নেতৃত্ব দিছিল মুকুল ৰায়ে।…

২২ জানুৱাৰীত অনুষ্ঠিত হ’বলগীয়া অযোধ্যাৰ ৰাম মন্দিৰৰ প্ৰাণ প্ৰতিষ্ঠাক লৈ উৎফুল্লিত হৈ পৰিছে দেশবাসী। এই ভব্য অনুষ্ঠানত ৭ হাজাৰ অতিথিয়ে অংশগ্ৰহণ কৰিব। কেৱল হিন্দু ধৰ্মাৱলম্বীয়েই নহয়, দেশৰ মুছলমান সম্প্ৰদায়ৰ লোকো উৎফুল্লিত হৈ পৰিছে ৰাম মন্দিৰৰ অভিষেকক লৈ। তেনে এক মুছলমান পৰিয়ালেই হ’ল মুম্বাইৰ নিৱাসী শ্বাহবাজ ৰাথোড়ৰ পৰিয়াল। ৰাম মন্দিৰৰ অভিষেকৰ আনন্দত শ্বাহবাজ ৰাথোড়ৰ পৰিয়ালে প্ৰস্তুত কৰি উলিয়াইছে এটা বিশেষ মুদ্ৰা। স্বৰ্ণ বৰণৰ মুদ্ৰাৰ এটা পিঠিত ৰাম মন্দিৰৰ প্ৰতিৰূপ থকাৰ বিপৰীতে আনটো পিঠিত আছে প্ৰধানমন্ত্ৰী নৰেন্দ্ৰ মোদীৰ নাম। এই পৰ্যন্ত ৩ হাজাৰ মুদ্ৰা প্ৰস্তুত কৰা মুছলমান পৰিয়ালটোৱে ৰাম মন্দিৰৰ অভিষেক অনুষ্ঠানলৈ অহা বিশেষ ৰামভক্ত সকলৰ মাজত মুদ্ৰাখিনি বিতৰণ কৰাৰ ইচ্ছা ব্যক্ত…

যুৱতীৰ দৰে সাজি-কাছি প্ৰেয়সীৰ হৈ নিযুক্তি পৰীক্ষাত অৱতীৰ্ণ হৈ গ্ৰেপ্তাৰ হ’বলগীয়া হ’ল এজন যুৱক। এনে এক আজৱ ঘটনা সংঘটিত হৈছে পঞ্জাৱৰ ফৰিদকোটত। আৰক্ষীয়ে জানিবলৈ দিয়া মতে, ধৃত অংগৰেজ সিং নামৰ যুৱকজনে যুৱতীৰ দৰেই ছেলোৱাৰ-কামিজ পৰিধান কৰি আৰু মেক-আপ লগাই প্ৰেয়সী পৰমজিৎ কৌৰৰ হৈ বাবা ফৰিদ স্বাস্থ্য বিজ্ঞান বিশ্ববিদ্যালয়ৰ দ্বাৰা অনুষ্ঠিত বহুমুখী স্বাস্থ্য কৰ্মী নিযুক্তি পৰীক্ষাত অৱতীৰ্ণ হৈছিল। ৭ জানুৱাৰীত কোটকাপুৰাৰ ডি এ ভি পাব্লিক স্কুলত অনুষ্ঠিত হোৱা এই নিযুক্তি পৰীক্ষাত অৱতীৰ্ণ হ’বলৈ আনকি যুৱতীৰ সাজত ফটো সম্বলিত ভুৱা আধাৰ কাৰ্ড আৰু ভোটাৰ কাৰ্ডো ব্যৱহাৰ কৰিছিল অংগৰেজ সিঙে। কিন্তু পৰীক্ষা হলৰ বায়’মেট্ৰিক মেছিনত প্ৰকৃত প্ৰাৰ্থী অৰ্থাৎ প্ৰেয়সী পৰমজিৎ কৌৰৰ আঙুলিৰ ছাপৰ…

যোৱা দেওবাৰে ১২ বজাত ৰাহুল গান্ধীয়ে মণিপুৰত শান্তিৰ বাৰ্তা লৈ ‘ভাৰত জোড়ো ন্যায় যাত্ৰা’ আৰম্ভ কৰে। কিন্তু এই যাত্ৰাই মণিপুৰ পাৰ কৰাৰ পিছতে পুনৰ উত্তপ্ত হৈ পৰে ৰাজ্যখন। মণিপুৰৰ ম’ৰ এলেকাত বুধবাৰে উগ্ৰপন্থীৰ আক্ৰমণত নিহত হ’ল ইণ্ডিয়ান ৰিজাৰ্ভ বেটেলিয়ন বা আই আৰ বিৰ এজন কমাণ্ডো। আহত হয় আন এজন জোৱান। দেওবাৰে পুৱা প্ৰায় ৪ বজাত আই আৰ বিৰ জোৱানক আক্ৰমণ কৰা হয়। সেই সময়ত তেওঁলোক এমা কণ্ডং লাইৰেম্বি দেৱী মন্দিৰৰ ওচৰৰ এটা অস্থায়ী শিবিৰত শুই আছিল। উগ্ৰপন্থীয়ে স্থানীয় চিকিম গাঁৱৰ পাহাৰত ঘাটি স্থাপন কৰি আক্ৰমণ চলাইছিল। অস্থায়ী শিবিৰত উগ্ৰপন্থীয়ে সংঘটিত কৰা এই গ্ৰেণেড আক্ৰমণত এজন আৰ আৰ বি কমাণ্ডোৰ মৃত্যু…

ৰাজ্যৰ পৰৱৰ্তী নতুন মুখ্য সচিব হিচাপে নিযুক্তি প্ৰদান কৰা হৈছে ১৯৯৩ বৰ্ষৰ ভাৰতীয় প্ৰশাসনিক সেৱাৰ বিষয়া ড° ৰবি কোটাক। অসম-মেঘালয় বেচৰ আইএএছ বিষয়াগৰাকীক মঙলবাৰে ৰাজ্য চৰকাৰে এক অধিসূচনাৰ জৰিয়তে পৰৱৰ্তী মুখ্য সচিব পদত নিযুক্তি প্ৰদান কৰে। অহা ৩১ মাৰ্চত মুখ্য সচিব পদৰ পৰা পৱন কুমাৰ বৰঠাকুৰে অৱসৰ গ্ৰহণ কৰাৰ দিনাই বৰঠাকুৰৰ পৰা দায়িত্বভাৰ গ্ৰহণ কৰিব ড° কোটাই৷ এগ্ৰোন’মী বিষয়ত গৱেষণা কৰি ডক্টৰেট ডিগ্ৰীত স্বৰ্ণ পদক লাভ কৰা ৰবি কোটাই ১৯৯৩ চনত ভাৰতীয় প্ৰশাসনিক সেৱাত যোগদান কৰিছিল৷ ড° কোটাই যোৰহাটৰ উপায়ুক্ত হিচাপে ২০০২ চনৰ ২০ জুনত যোগ দিছিল আৰু ২০০৪ চনৰ ৯ ফ্ৰেব্ৰুৱাৰী পৰ্যন্ত কাৰ্যনিৰ্বাহ কৰিছিল৷ ইয়াৰ পিছত অসম চৰকাৰৰ বিভিন্ন…

আজি অসমলৈ আহিব ভাৰতীয় মহাকাশ গৱেষণা সংস্থাৰ অধ্যক্ষ ডঃ শ্ৰীধৰ পানিকাৰ সোমনাথ৷ তেওঁ নতুনকৈ স্থাপন হোৱা প্ৰাগজ্যোতিষপুৰ বিশ্ববিদ্যালয়ৰ এক বিশেষ অনুষ্ঠানত অংশগ্ৰহণ কৰিব। মহানগৰৰ শ্ৰীমন্ত শংকৰদেৱ কলাক্ষেত্ৰৰ আন্তৰ্জাতিক প্ৰেক্ষাগৃহত আজি আবেলি ৩ বজাত ইছৰ’ৰ অধ্যক্ষ ডঃ সোমনাথে বিশ্ববিদ্যালয়খনৰ ছাত্ৰ-ছাত্ৰীসকলৰ সৈতে মত-বিনিময় কৰিব। প্ৰাগজ্যোতিষপুৰ বিশ্ববিদ্যালয় কৰ্তৃপক্ষই চন্দ্ৰযান-৩ৰ সফলতাৰ বিজয় উৎসৱ তথা ইছৰ’ৰ দ্বাৰা আদিত্য এল১ৰ সূৰ্যমুখী অভিযান উপলক্ষে এক বিশেষ অনুষ্ঠানৰ আয়োজন কৰিছে। এই অনুষ্ঠানত ইছৰ’ৰ অধ্যক্ষ ডঃ সোমনাথক সম্বৰ্ধনা জনোৱা হ’ব বুলি বিশ্ববিদ্যালয়ৰ পঞ্জীয়ক অধ্যাপক ড° যোগেশ কাকতিয়ে জানিবলৈ দিয়ে৷ উল্লেখ্য যে, প্ৰাগজ্যোতিষপুৰ বিশ্ববিদ্যালয়ে ২০২৪ -২৫ বৰ্ষৰ পৰা নিৰ্ধাৰিত সকলো বিষয়তে স্নাতক, স্নাতকোত্তৰ আৰু পিএইচডি পাঠ্যক্ৰমৰ ব্যৱস্থা কৰিছে৷ বিশ্ববিদ্যালয়খনে বৰ্তমান…