editor

নৰেন্দ্ৰ মোদী চৰকাৰৰ দ্বিতীয়টো কাৰ্যকালৰ অন্তিমখন বাজেট অধিবেশন আজিৰে পৰা আৰম্ভ হয়। এইখন অন্তবৰ্তীকলীন বাজেট অধিবেশন, য'ত ১ ফেব্ৰুৱাৰীত বিত্তমন্ত্ৰী নিৰ্মলা সীতাৰমনে তেওঁলোকৰ অন্তিমখন বাজেট সদনত দাখিল কৰিব। এই বাজেট অধিবেশন ৰাষ্ট্ৰপতি দ্ৰৌপাদি মুৰ্মুৱে দুয়োখন সদনক সম্বোধন কৰি আগবঢ়োৱা অভিভাষণৰে আৰম্ভ হয়। য'ত ৰাষ্ট্ৰপতি দ্ৰৌপাদি মুৰ্মুৱে কয় যে সন্ত্ৰাসবাদ হওঁক বা সম্প্ৰসাৰণবাদ হওঁক, দেশৰ সেনাই উচিত প্ৰত্যুত্তৰ দি আছে। জম্মু আৰু কাশ্মীৰত শান্তিৰ পৰিবেশ উভতি আহিছে বুলি উল্লেখ কৰি তেওঁ আৰু কয় যে উত্তৰ-পূৰ্বাঞ্চলত উগ্ৰপন্থী ঘটনাও যথেষ্ট হ্ৰাস পাইছে। ভাষণৰ সময়ত ৰাষ্ট্ৰপতিয়ে চৰকাৰৰ কাম-কাজৰ বিৱৰণ দিয়ে। উত্তৰ প্ৰদেশৰ অযোধ্যাত ৰাম মন্দিৰ নিৰ্মাণ আৰু লোকসভাৰ লগতে ৰাজ্যিক বিধানসভাসমূহত মহিলাসকলৰ বাবে সংৰক্ষণৰ…

তেলেংগানা প্ৰদেশ কংগ্ৰেছ কমিটীয়ে (টিপিচিচি) শেহতীয়াকৈ ছোনিয়া গান্ধীক ৰাজ্যখনৰ পৰা লোকসভা নিৰ্বাচনত প্ৰতিদ্বন্দিতা কৰিবলৈ অনুৰোধ জনাইছিল। দলটোৰ তেলেংগানা কিমিটিয়ে ছোনিয়া গান্ধীয়ে খাম্মামৰ পৰা প্ৰতিদ্বন্দিতা কৰাটো বিচাৰে। তেলেংগানা কংগ্ৰেছেও এই সন্দৰ্ভত দলৰ হাইকমাণ্ডলৈ এটা আনুষ্ঠানিক প্ৰস্তাৱ প্ৰেৰণ কৰিছে। অৱশ্যে, এই প্ৰস্তাৱটোৰ ওপৰত গান্ধী পৰিয়ালৰ পৰা কোনো সঁহাৰি জনোৱা নাই। ইয়াৰ উপৰিও, তেলেংগানাৰ মেদক, নলকোণ্ডাৰ দৰে আসনৰ পৰা ছোনিয়া গান্ধীক প্ৰতিদ্বন্দিতা কৰাৰ কথা আছে, কিন্তু উচ্চ সূত্ৰ অনুসৰি, তেওঁক খাম্মাম আসনৰ পৰা প্ৰাৰ্থিত্ব দিয়াৰ বাবে গুৰুত্বসহকাৰে বিবেচনা কৰা হৈছে। তেলেংগানা প্ৰদেশ কংগ্ৰেছ কমিটিয়ে অনুভৱ কৰে যে ছোনিয়া গান্ধীৰ দ্বাৰা তেলেংগানাৰ পৰা প্ৰতিদ্বন্দিতা কৰি দলটোৱে সকলো আসনতে লাভান্বিত হ'ব। অৱশ্যে, দলটোৰ এটা অংশই…

অসমৰ মুখ্যমন্ত্ৰী হিমন্ত বিশ্ব শৰ্মাই দিল্লীত পথ পৰিবহণ আৰু ঘাইপথ মন্ত্ৰী নীতিন গাডকাৰীক সাক্ষাৎ কৰে আৰু গুৱাহাটীত ৰিং ৰোডকে ধৰি ৰাজ্যখনৰ বিভিন্ন আগন্তুক আন্তঃগাঁথনি প্ৰকল্পৰ বিষয়ে আলোচনা কৰে। এক বিবৃতি অনুসৰি, মুখ্যমন্ত্ৰীয়ে মঙলবাৰে নিশা গাডকাৰীৰ সৈতে হোৱা বৈঠকত উত্তৰ-পূৰ্বাঞ্চলৰ আন ৰাজ্য আৰু দেশৰ বাকী অংশৰ সৈতে অসমৰ সংযোগ বৃদ্ধিৰ বাবে আন্তঃগাঁথনি প্ৰকল্পৰ গুৰুত্বৰ ওপৰত গুৰুত্ব আৰোপ কৰে। বিবৃতিটোত কোৱা হৈছে যে বৈঠকখন গুৰুত্বপূৰ্ণ আছিল কিয়নো ই অঞ্চলটোত পথ সংযোগ উন্নত কৰাৰ সামগ্ৰিক প্ৰচেষ্টাৰ বিষয়ে চিন্তা কৰে আৰু দ্ৰুত অৰ্থনৈতিক বিকাশ আৰু উন্নত পথ সংযোগ খণ্ডৰ আঞ্চলিক একত্ৰীকৰণৰ বাবে অত্যাৱশ্যকীয়।  বিবৃতিটোত এজন বিষয়াৰ উদ্ধৃতিৰে কোৱা হৈছে যে এই বছৰৰ শেষৰ ফালে…

বুধবাৰৰ পৰা আৰম্ভ হৈছে সংসদৰ বাজেট অধিৱেশন। মোদী চৰকাৰৰ দ্বিতীয় কাৰ্য্যকালৰ অন্তিমখন বাজেট অধিৱেশনৰ আদৰণি ভাষণত ৰাষ্ট্ৰপতি দ্ৰৌপদী মুৰ্মুৱে নতুন দিল্লীত অনুষ্ঠিত জি-২০ সন্মিলনৰ পৰা চন্দ্ৰযানৰ সফলতালৈকে বিষয়সমূহ উত্থাপন কৰে। ইয়াৰ উপৰিও ৰাম মন্দিৰক লৈও আনন্দ ব্যক্ত কৰে ৰাষ্ট্ৰপতিয়ে। তেওঁ কয়, “যুগ যুগ ধৰি অযোধ্যাৰ ৰাম মন্দিৰৰ বাবে ৰাইজে অপেক্ষা কৰি আহিছে। সেই সপোন বাস্তৱায়িত হৈছে। জম্মু-কাশ্মীৰৰ পৰাও ৰাইজে বিচাৰিছিল ৩৭০ অনুচ্ছেদৰ অন্ত পৰক। আজি ৩৭০ ইতিহাস।” তিনি তালাক প্ৰথা বিলুপ্ত কৰাৰ ক্ষেত্ৰতো মুৰ্মুৱে উৎসাহ প্ৰকাশ কৰে। ইফালে, ‘এক ভাৰত শ্ৰেষ্ঠ ভাৰত’ৰ কথা কোৱাৰ উপৰিও দ্ৰৌপদী মুৰ্মুৱে কয় যে দেশৰ পৰ্য্যটনৰ ক্ষেত্ৰত ক্ৰমান্বয়ে উন্নতি হৈছে। পৰ্যটক আন্দামান আৰু লক্ষদ্বীপলৈ যাবলৈ…

এইবাৰেই শেষ! ইয়াৰ পিছত আৰু ভাৰতত অনুষ্ঠিত নহয় নিৰ্বাচন। এই দাবীৰে দেশৰ জনতাক এক বিশেষ আহ্বান জনাইছে কংগ্ৰেছৰ ৰাষ্ট্ৰীয় অধ্যক্ষ মল্লিকাৰ্জুন খাৰ্গেয়ে। ওড়িশাত দলীয় নেতা-কৰ্মীক সম্বোধন কৰি প্ৰদান কৰা ভাষণত দিল্লীৰ শাসকীয় নৰেন্দ্ৰ মোদী চৰকাৰক কঠোৰ সমালোচনা কৰি মল্লিকাৰ্জুন খাৰ্গেয়ে কয় যে এইবাৰেই দেশত শেষবাৰৰ বাবে নিৰ্বাচন অনুষ্ঠিত হ’ব। দেশবাসীয়ে এইবাৰেই শেষবাৰৰ বাবে ভোটাধিকাৰ সাব্যস্ত কৰিব পাৰিব বুলি মন্তব্য কৰি প্ৰধানমন্ত্ৰী নৰেন্দ্ৰ মোদীক ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতেও তুলনা কৰে। ইফালে বিহাৰৰ মুখ্যমন্ত্ৰী নীতিশ কুমাৰে ইণ্ডিয়াক বিশ্বাসঘাতকতা কৰি এন ডি এত চামিল হোৱাক লৈও ক্ষোভ জাহিৰ কৰি খাৰ্গেয়ে কয়, ''পৰহি আমাৰ এজন নেতাক লৈ গ’ল, এজন এজন নেতাক চমন দিয়া…

৩ ফেব্ৰুৱাৰীত দুদিনীয়া ভ্ৰমণসূচীৰে অসমলৈ আহিব প্ৰধানমন্ত্ৰী নৰেন্দ্ৰ মোদী। খবৰ অনুসৰি ৰাজ্যখনৰ আন্তঃগাঁথনি শক্তিশালী কৰা আৰু বৃদ্ধিৰ পোষকতাৰ লক্ষ্যৰে কেইবা কোটি মূল্যৰ কেইবাটাও প্ৰকল্প উদ্বোধন কৰিব মোদীয়ে। ৩ ফেব্ৰুৱাৰীত যোৰহাট ভ্ৰমণ কৰিব প্ৰধানমন্ত্ৰী মোদীয়ে। য’ত তেওঁ ১২৫ ফুট উচ্চতাৰ লাচিত বৰফুকনৰ প্ৰতিমূৰ্তি উন্মোচন কৰিব। পিছদিনা ৪ ফেব্ৰুৱাৰীত খানাপাৰাত এখন বিশেষ ৰাজহুৱা সভা অনুষ্ঠিত হ’ব, য’ত ৰাজ্য চৰকাৰৰ কেইবাটাও প্ৰকল্প উদ্বোধন কৰা হ’ব। ইয়াৰ লগতে প্ৰধানমন্ত্ৰী নৰেন্দ্ৰ মোদীয়ে কামাখ্যা মন্দিৰৰ কৰিড’ৰ আৰু আলাবৈৰ বেটেলৰ স্মৃতিত নিৰ্মাণ কৰা এখন উদ্যানো উদ্বোধন কৰিব।

মঙলবাৰে ৰাজস্থানৰ আলৱাৰত সংঘটিত পথ দুৰ্ঘটনাত মৃত্যু হয় প্ৰাক্তন কংগ্ৰেছ সাংসদ মানৱেন্দ্ৰ সিং জাছলৰ পত্নীৰ। আৰক্ষী বিষয়াসকলে জনোৱা মতে, দুৰ্ঘটনাটোৰ সৈতে জড়িত বাহনখনত সিং আৰু তেওঁৰ পুত্ৰও আহত হৈছে। বিজেপিৰ নেতা প্ৰয়াত যশৱন্ত সিঙৰ পুত্ৰ মানৱেন্দ্ৰ সিঙে ২০০৪ চনৰ পৰা ২০০৯ চনৰ ভিতৰত বাৰমেৰৰ সাংসদ হিচাপে কাৰ্যনিৰ্বাহ কৰিছিল। তেওঁ বিজেপি এৰি ২০১৮ চনত কংগ্ৰেছত যোগদান কৰিছিল। আৰক্ষী বিষয়াসকলে জনোৱা মতে, খুছপুৰী গাঁৱৰ সমীপত দিল্লী-মুম্বাই এক্সপ্ৰেছৱে’ত সংঘটিত হোৱা এই দুৰ্ঘটনাত প্ৰাক্তন সাংসদগৰাকীৰ পত্নী চিত্ৰা সিং নিহত হয়। দুৰ্ঘটনাত আহত মানৱেন্দ্ৰ সিং, তেওঁৰ পুত্ৰ সোলংকি সিং আৰু গাড়ীখনৰ চালক বৰ্তমান আলৱাৰৰ এখন চিকিৎসালয়ত চিকিৎসাধীন হৈ আছে। তেওঁলোকে দিল্লীৰ পৰা জয়পুৰ অভিমুখে গৈ…

ঝাৰখণ্ডত চলি থকা ৰাজনৈতিক অস্থিৰতাৰ মাজতে আজি ৰাজ্যৰ মুখ্যমন্ত্ৰী হেমন্ত চোৰেনে ইডিৰ সন্মুখত জেৰাৰ বাবে হাজিৰ হ’ব। মুখ্যমন্ত্ৰী চোৰেনক গ্ৰেপ্তাৰ কৰা হ’ব পাৰে বুলি আশংকাৰ মাজতে তেওঁৰ পত্নী কল্পনা চোৰেন মুখ্যমন্ত্ৰী হ’ব বুলি জল্পনা-কল্পনাৰ সৃষ্টি হৈছে। উল্লেখ্য যে, ঝাৰখণ্ড মুক্তি মৰ্চাৰ নেতা হেমন্ত চোৰেনক এতিয়ালৈকে ইডিয়ে ১০ বাৰ চমন জাৰি কৰিছে। ইটোৰ পিছত সিটোকৈ চমন জাৰি হৈ থাকিল যদিও এতিয়ালৈকে চোৰেন আৰু ইডিয়ে এবাৰহে মুখামুখি সম্ভৱ হৈছিল। আজি দ্বিতীয়বাৰৰ বাবে চোৰেনে ইডিৰ আগত হাজিৰ হ’ব। শেহতীয়াকৈ হেমন্ত চোৰেন নিৰুদ্দেশ হোৱাৰো খবৰ প্ৰকাশ পাইছিল। পিছত পোহৰলৈ আহিল যে তেওঁ কিছু ব্যক্তিগত কামৰ বাবে পথেৰে ১৩০০ কিলোমিটাৰ যাত্ৰা কৰি দিল্লীলৈ গৈছিল। কালি…

কেৰালাৰ আদালতে নিষিদ্ধ সংগঠন পিএফআইৰ ১৫জন সদস্যক মৃত্যুদণ্ডৰ শাস্তি প্ৰদান কৰে। স্থানীয় আৰ এছ এছ নেতা ৰঞ্জিত শ্ৰীনিবাসনৰ হত্যাকাণ্ডৰ অপৰাধত ১৫ জন লোকক শাস্তি প্ৰদান কৰা হৈছে। মন কৰিবলগীয়া যে ২০২১ চনৰ ডিচেম্বৰ মাহত ৰঞ্জিতৰ ঘৰতে হত্যা কৰা হৈছিল। ঘৰলৈ উভতি অহাৰ পথত ভাৰতীয় ছ’চিয়েল ডেম’ক্ৰেটিক পাৰ্টিৰ নেতা কে এছ শ্বানক অচিনাকি দুষ্কৃতিকাৰীয়ে হত্যা কৰে। ইয়াৰ পিছত কেৰালাৰ স্থানীয় ৰাজনীতি উত্তপ্ত হৈ পৰে। শ্বানৰ মৃত্যুৰ কিছু ঘণ্টাৰ ভিতৰতে পিএফআই আৰু এছডিপিআইৰ সদস্যই ৰঞ্জিতৰ ঘৰত আক্ৰমণ চলায়। কেৰালা বিজেপি অ’বিচি মৰ্চাৰ ৰাজ্যিক সভাপতি তথা আৰএছএছ নেতাৰ ঘৰত আক্ৰমণকাৰীয়ে প্ৰৱেশ কৰি সমগ্ৰ পৰিয়ালটোক হাৰাশাস্তি কৰে। মাতৃ, পত্নী আৰু সন্তানৰ সন্মুখত ৰঞ্জিতক নিৰ্মমভাৱে…

এজন ব্যক্তিৰ হত্যাৰ গোচৰত দোষী সাব্যস্ত কৰি ধুবুৰী জিলাৰ বিলাসীপাৰাৰ ৯ জন লোকক আদালতে আজি যাৱজ্জীৱন কাৰাদণ্ডৰ শাস্তিৰ লগতে ১০ হাজাৰ টকাকৈ জৰিমণা বিহে। ২০০৯ চনৰ ১১ নৱেম্বৰত ধুবুৰী জিলাৰ নোটাপাৰাত সংঘটিত মোজেৰ আলী নামৰ ব্যক্তিজনৰ নৃশংস হত্যাকাণ্ডৰ ৰায় প্ৰদান কৰি দোষীক এই শাস্তি বিহে আদালতে। উল্লেখ্য যে, শিলৰ কুঁৱেৰীক লৈ সূত্ৰপাত ঘটা সংঘাতৰ পিছতে মোজেৰ আলীক নৃশংসভাৱে হত্যা কৰিছিল আজাদ আলী, চাহিদুল হোক, জাহানুদ্দিন, জামালুদ্দিন, মজিবৰ ৰহমান, ওছমান আলী, নুৰতাজ আলী, আজিবৰ ৰহমান আৰু কাছেৰ আলীয়ে। মোজেৰ আলীৰ ভাতৃ মেহেৰ জামালে এই হত্যাকাণ্ড সন্দৰ্ভত এজাহাৰ দাখিল কৰাৰ পিছতে আৰক্ষীয়ে তদন্ত আৰম্ভ কৰি গ্ৰেপ্তাৰ কৰিছিল ৯ অভিযুক্তক। ইফালে আজি আদালতে…