মজি মটৰ ইণ্ডিয়াই আজি সীমিত সংস্কৰণৰ ষ্টৰ্ম শৃংখলা মুকলি কৰাৰ কথা ঘোষণা কৰিছে, যাৰ ভিতৰত আছে হেক্টৰ ব্লেকষ্টৰ্ম আৰু হেক্টৰ স্ন’ষ্টৰ্ম। হেক্টৰৰ বলিষ্ঠ আৰ্হি, উন্নত প্ৰযুক্তি, বৰ্ধিত সুৰক্ষা আৰু উৎকৃষ্ট আৰামৰ প্ৰতিষ্ঠিত উত্তৰাধিকাৰক ভিত্তি কৰি এই বিশেষ সংস্কৰণসমূহে এক সুকীয়া আৰু ব্যক্তিগতকৃত শৈলী বিচৰা গ্ৰাহকসকলৰ বাবে অনন্য বাহ্যিক সজ্জা, ক’লা ৰঙৰ ভিতৰচ’ৰা আৰু সংস্কৰণ-নিৰ্দিষ্ট সা-সঁজুলি মুকলি কৰিছে। হেক্টৰ ব্লেকষ্টৰ্ম আৰু হেক্টৰ স্ন’ষ্টৰ্ম ৫খন আসনৰ ব্যৱস্থাৰে উপলব্ধ, যিখন স্বয়ংক্ৰিয় গিয়াৰ পৰিৱৰ্তন প্ৰণালীৰ সৈতে যুক্ত এটা ১.৫-লিটাৰ টাৰ্ব’চাৰ্জড পেট্ৰ’ল ইঞ্জিনৰ দ্বাৰা পৰিচালিত।
২০২৬ চনৰ হেক্টৰ ব্লেকষ্টৰ্ম আৰু হেক্টৰ স্ন’ষ্টৰ্ম সংস্কৰণসমূহক এটা নতুন সম্পূৰ্ণ ক’লা মৌচাক আৰ্হিৰ সন্মুখৰ জালিকা আৰু সন্মুখৰ তথা পিছৰ বাম্পাৰৰ অলংকাৰেৰে দৃষ্টি আকৰ্ষণ কৰিব পৰাকৈ সজোৱা হৈছে। ইয়াৰ ক্ৰীড়াসুলভ আকৰ্ষণ বৃদ্ধি কৰি এই ক্ৰীড়া উপযোগিতাৰ গাড়ী (এছইউভি) দুখনত আকৰ্ষণীয় ৰঙা ব্ৰেক কেলিপাৰৰ সৈতে গতিশীল বিশেষ চকা দিয়া হৈছে। ব্ৰেণ্ডৰ প্ৰতীক চিহ্ন, তলৰ সুৰক্ষা ব্যৱস্থা, পিছৰ দুৱাৰৰ সজ্জা আৰু বাহনৰ কাষৰ আৱৰণত থকা ক’লা ক্ৰ’মিয়ামৰ জাকজমক বাহ্যিক শৈলীক অধিক উন্নত কৰি তুলিছে। পিয়ানো ক’লা ৰঙৰ ৰুফ ৰেল, পিয়ানো ক’লা ফ্ৰেম থকা এলইডি হেডলেম্প আৰু ধূসৰ ৰঙৰ সংযোগ হৈ থকা পিছফালৰ উন্নত আৰ্হিৰ উপাদানসমূহে বাহনসমূহৰ স্বকীয় চৰিত্ৰত এক নতুন মাত্ৰা যোগ কৰিছে।
ভিতৰৰ ফালৰ কথা ক’বলৈ গ’লে, ষ্টৰ্ম ছিৰিজত এটা অতি উন্নত ক’লা ইণ্টেৰিঅ’ৰ আছে, যিয়ে ইয়াৰ আভিজাত্যপূৰ্ণ আকৰ্ষণ বৃদ্ধি কৰা ক’লা ভিতৰচ’ৰাৰ সজ্জাৰে পৰিপূৰ্ণ। সন্মুখৰ মূৰ থোৱা অংশত বিশেষ ব্লেকষ্টৰ্ম বা স্ন’ষ্টৰ্ম খোদিত চানেকীৰে সজোৱা সম্পূৰ্ণ ক’লা চামৰাৰ আসনৰ আৱৰণৰ লগতে বিশেষ ধাতুৰ ফিনিচিং থকা চামৰাৰে মেৰিওৱা ষ্টিয়েৰিং হুইলে কেবিনৰ উন্নত চৰিত্ৰক অধিক উচ্চতালৈ লৈ গৈছে। গ্ৰাহকসকলে ব্লেকষ্টৰ্ম আৰু স্ন’ষ্টৰ্মৰ নামফলক(বেজ), এটা ৰঙা পিছৰ দুৱাৰৰ সজ্জা, ৰঙা সজ্জা থকা কুৱঁলী প্ৰতিৰোধী সীমা আৰু ৰঙা সজ্জা থকা পিছলৈ চোৱা আইনাৰ সুৰক্ষা কৱচ, আৰু ভৰি থোৱা ফলি সম্বলিত এটা বিশেষ ষ্টৰ্ম শৃংখলাৰ পেকেজ লাভ কৰিব পাৰিব। গ্ৰাহকসকলে কোনো অতিৰিক্ত খৰচ নোহোৱাকৈ বিক্ৰী কেন্দ্ৰতে এই ষ্টৰ্ম শৃংখলাৰ পেকেজটো লগাই ল’ব পাৰিব।
জেএচডব্লিউ এমজি মটৰ ইণ্ডিয়াৰ মুখ্য বাণিজ্যিক বিষয়া বিনয় ৰাইনাই এই মুকলি অনুষ্ঠানত ভাষণ প্ৰদান কৰি কয় যে, “ভাৰতত এমজিৰ যাত্ৰাৰ এক অবিচ্ছেদ্য অংগ হৈ আহিছে হেক্টৰ আৰু বছৰ বছৰ ধৰি ই এমজি ব্ৰেণ্ডৰ সমৰ্থক হৈ পৰিছে। ভাৰতীয় ক্ৰীড়া উপযোগিতাৰ গাড়ী (এছইউভি) খণ্ডত সংযোগ হ’ব পৰা গতিশীলতাৰ অন্যতম অগ্ৰগামী হিচাপে হেক্টৰে গ্ৰাহকৰ পৰিৱৰ্তিত আকাংক্ষাৰ সৈতে সংগতি ৰাখি ক্ৰমবিকাশ অব্যাহত ৰাখিছে। ষ্টৰ্ম শৃংখলা মুকলিৰে আমি ষ্টাইল আৰু স্বকীয়তাৰ এক বলিষ্ঠ প্ৰকাশ আগবঢ়াই এই উত্তৰাধিকাৰক অধিক শক্তিশালী কৰি তুলিছো। হেক্টৰ ব্লেকষ্টৰ্ম আৰু হেক্টৰ স্ন’ষ্টৰ্মে গ্ৰাহকসকলক তেওঁলোকৰ গাড়ীখন ব্যক্তিগতকৃত কৰাৰ এক সুকীয়া মাধ্যম প্ৰদান কৰে, য’ত হেক্টৰৰ অভিজ্ঞতাৰ পৰিচায়ক হৈ অহা প্ৰযুক্তি, সুৰক্ষা, আৰাম আৰু পৰিশোধন ক্ষমতা অক্ষুণ্ণ থাকে।”
হেক্টৰ ষ্টৰ্ম শৃংখলাত এই খণ্ডৰ ভিতৰত সৰ্ববৃহৎ ৩৫.৫৬ চেণ্টিমিটাৰ (১৪ ইঞ্চি) উচ্চ মানদণ্ডৰ উলম্ব তথ্য আৰু মনোৰঞ্জনৰ পৰ্দা আগবঢ়াই যোৱা হৈছে। স্মাৰ্ট বুষ্ট প্ৰযুক্তিৰ দ্বাৰা পৰিচালিত এই ব্যৱস্থাটোৱে ক্ষিপ্ৰ কাৰ্যক্ষমতা আৰু উন্নত সঁহাৰি প্ৰদান কৰে, যাৰ ফলত এক নিৰৱচ্ছিন্ন ডিজিটেল অভিজ্ঞতা নিশ্চিত হয়। এই খণ্ডত প্ৰথমবাৰৰ বাবে অনা স্পৰ্শ সংকেত নিয়ন্ত্ৰণে সুবিধা আৰু অধিক বৃদ্ধি কৰে, যাৰ দ্বাৰা বাতানুকূল ব্যৱস্থা, সংগীত আৰু পথ নিৰ্দেশকৰ দৰে কাৰ্য্যসমূহ পৰিচালনা কৰিবলৈ স্বতঃস্ফূৰ্ত দুটা আৰু তিনিটা আঙুলিৰ সংকেত ব্যৱাহৰ কৰিব পাৰি।
হেক্টৰ ষ্টৰ্ম সংস্কৰণসমূহে এই খণ্ডৰ ভিতৰত সৰ্ববৃহৎ ৩৫.৫৬ চেণ্টিমিটাৰ (১৪ ইঞ্চি) উচ্চ মানদণ্ডৰ উলম্ব তথ্য আৰু মনোৰঞ্জনৰ পৰ্দা আগবঢ়াই গৈছে। স্মাৰ্ট বুষ্ট প্ৰযুক্তিৰ সৈতে, এই ব্যৱস্থাটোৱে এক মসৃণ ডিজিটেল অভিজ্ঞতাৰ বাবে ক্ষিপ্ৰ কাৰ্যক্ষমতা আৰু উন্নত সঁহাৰি প্ৰদান কৰে। এই খণ্ডত প্ৰথমবাৰৰ বাবে অনা স্পৰ্শ সংকেত নিয়ন্ত্ৰণে বাতানুকূল ব্যৱস্থা, সংগীত আৰু পথ নিৰ্দেশকৰ দৰে কাৰ্যৰ বাবে স্বতঃস্ফূৰ্ত দুটা আৰু তিনিটা আঙুলিৰ সংকেত সক্ষম কৰে।
হেক্টৰ ষ্টৰ্ম শৃংখলাত চাবি ভগাই ল’ব পৰা ক্ষমতা থকা ডিজিটেল ব্লুটুথ চাবি, আগতীয়া মেৰামতিৰ সতৰ্কবাণী, দূৰৱৰ্তী বাতানুকূল নিয়ন্ত্ৰণ আৰু এটা ১৭.৭৮ চেণ্টিমিটাৰৰ এম্বেডেড এলচিডি সম্পূৰ্ণ ডিজিটেল গতিসূচক যন্ত্ৰৰ গোটো আছে। এই সুবিধাসমূহৰ পৰিপূৰক হিচাপে আছে এমজিৰ ‘আই-স্মাৰ্ট’ সংযোগ প্ৰযুক্তি, যিয়ে ৭০তকৈও অধিক বাহন সংযোগকাৰী বৈশিষ্ট্য আগবঢ়ায়, যাৰ ফলত বৰ্ধিত সুবিধা, সংযোগ আৰু মানসিক শান্তি লাভ কৰা যায়।
হেক্টৰ ষ্টৰ্ম ছিৰিজে হেক্টৰৰ সুৰক্ষা আৰু সুবিধাৰ সামগ্ৰিক বৈশিষ্ট্যসমূহ অক্ষুণ্ণ ৰাখিছে, যাৰ ভিতৰত আছে চকা দেখা পাব পৰা সুবিধা থকা ৩৬০ ডিগ্ৰী উচ্চ মানদণ্ডৰ কেমেৰা, এণ্টি-লক ব্ৰেকিং চিষ্টেম (এবিএছ), ইলেকট্ৰনিক ব্ৰেকফৰ্চ ডিষ্ট্ৰিবিউচন (ইবিডি), ইলেকট্ৰনিক সুস্থিৰতা কাৰ্যসূচী (ইএচ পি), ট্ৰেকচন নিয়ন্ত্ৰণ ব্যৱস্থা (টিচিএচ), পাহাৰত গাড়ী ধৰি ৰখা নিয়ন্ত্ৰণ আৰু ব্ৰেক সাহায্য। বনেটৰ তলত থকা ১.৫-লিটাৰ টাৰ্ব’চাৰ্জড পেট্ৰ’ল ইঞ্জিনে ১৪৩ পিএচ শক্তি আৰু ২৫০ এনএম ঘূৰ্ণন শক্তি প্ৰদান কৰে, যিয়ে এক পৰিশোধিত আৰু সঁহাৰিমূলক ড্ৰাইভিং অভিজ্ঞতা আগবঢ়ায়।
ভাৰতৰ প্ৰথমখন ইণ্টাৰনেট কাৰ, এমজি হেক্টৰে সংযোগকাৰী প্ৰযুক্তি, উন্নত আৰাম আৰু এছইউভি সক্ষমতাৰ মিশ্ৰণ অব্যাহত ৰাখিছে। হেক্টৰ ষ্টৰ্ম সংস্কৰণসমূহত বহুতো উন্নত সুবিধা আছে, যাৰ ভিতৰত আছে দুমুখীয়া কাঁচৰ ৰুফ, খণ্ডৰ ভিতৰত সৰ্বোচ্চ থকা ৩৫.৫৬ চেণ্টিমিটাৰ (১৪ ইঞ্চি) উচ্চ মানদণ্ডৰ উলম্ব তথ্য আৰু মনোৰঞ্জনৰ পৰ্দা, ৮টা ৰঙৰ অন্তৰ্নিহিত পোহৰ ব্যৱস্থা, উন্নত চালক সাহায্য প্ৰণালী (এডিএচ), এটা স্বয়ংক্ৰিয় পাৱাৰ্ড পিছৰ দুৱাৰ, পিএম ২.৫ ফিল্টাৰ থকা বায়ু শোধক যন্ত্ৰ, বৰষুণ ধৰা পেলাব পৰা ৱাইপাৰ, সন্মুখৰ পাৰ্কিং সংৱেদক, আৰু আই-স্মাৰ্ট ম’বাইল এপৰ জৰিয়তে শব্দ, বাতানুকূল ব্যৱস্থা আৰু অন্তৰ্নিহিত পোহৰকেন্দ্ৰিক কাৰ্যৰ দূৰৱৰ্তী নিয়ন্ত্ৰণ।
হেক্টৰ ব্লেকষ্টৰ্ম আৰু হেক্টৰ স্ন’ষ্টৰ্ম আকৰ্ষণীয় ঋণৰ বিকল্পৰ সৈতে উপলব্ধ, য’ত ৮৪ মাহ পৰ্যন্ত সময়সীমাৰ বাবে বাহনখনৰ অন-ৰোড মূল্যৰ ১০০% পৰ্যন্ত বিত্তীয় সাহায্য অন্তৰ্ভুক্ত আছে। গ্ৰাহকসকলে সংস্কৰণ-নিৰ্দিষ্ট সা-সঁজুলিৰ ওপৰতেও ১০০% ঋণৰ সমৰ্থন লাভ কৰিব পাৰিব, যাৰ ফলত ইয়াৰ স্বত্বাধিকাৰী হোৱাটো আৰু অধিক সহজলভ্য আৰু সুবিধাজনক হৈ পৰিব।
হেক্টৰ ষ্টৰ্ম শৃংখলা ‘এমজি শ্বিল্ড’ৰ অধীনত সুৰক্ষিত, যাৰ জৰিয়তে সামগ্ৰিক গ্ৰাহক মালিকীস্বত্বৰ অভিজ্ঞতাক বৃদ্ধি কৰা হয়। সাধাৰণ নিয়ম অনুসৰি গ্ৰাহকসকলে ৩+৩+৩ পেকেজৰ সুবিধা লাভ কৰে, যাৰ ভিতৰত আছে তিনি বছৰৰ অসীমিত কিলোমিটাৰৰ গেৰাণ্টী, তিনি বছৰৰ পথৰ কাষৰ জৰুৰীকালীন সাহায্য আৰু তিনিটা শ্ৰম-মুক্ত সাময়িক সেৱা। এই কাৰ্যসূচীক বৰ্ধিত গেৰাণ্টী, বৰ্ধিত পথৰ কাষৰ জৰুৰীকালীন সাহায্য, আৰু প্ৰটেক্ট প্লেন অৰ্থাৎ এমজিৰ আগতীয়া মাচুল পৰিশোধ কৰা মেৰামতি পেকেজৰ জৰিয়তে গ্ৰাহকৰ প্ৰয়োজন সাপেক্ষে আৰু অধিক অনুকূল কৰি ল’ব পৰা যায়, যাৰ ফলত সমগ্ৰ মালিকীস্বত্বৰ যাত্ৰাটোত অধিক নমনীয়তা, সুবিধা আৰু মানসিক প্ৰশান্তি লাভ কৰিব পাৰিব।
