ইণ্ডিয়ান অভাৰচিজ বেংকে (IOB) ইয়াৰ কৰ্পোৰেট সামাজিক দায়বদ্ধতা (CSR) পদক্ষেপৰ অধীনত অসমৰ বানপীড়িত ৰাইজক সহায় কৰিবলৈ মুখ্যমন্ত্ৰীৰ সাহায্য পুঁজিলৈ ৫০ লাখ টকাৰ বৰঙণি আগবঢ়াইছে। আইঅ’বি (IOB) ৰ গুৱাহাটী আঞ্চলিক কাৰ্যালয়ৰ এটা প্ৰতিনিধি দলে অসমৰ মাননীয় মুখ্যমন্ত্ৰী ড° হিমন্ত বিশ্ব শৰ্মাক এই বৰঙণিৰ ধন হস্তান্তৰ কৰে।
এই প্ৰতিনিধি দলটোত মুখ্য আঞ্চলিক প্ৰবন্ধক শ্ৰী ৰাজীৱ কুমাৰ, সহকাৰী মহাপ্ৰবন্ধক শ্ৰী অনুৰাগ সিং ক্ষত্ৰিয় আৰু মুখ্য প্ৰবন্ধক শ্ৰী পুষ্কৰ সিং আছিল। সাহায্য প্ৰচেষ্টাত বেংকৰ সহযোগিতা সম্পৰ্কে ইণ্ডিয়ান অভাৰচিজ বেংকৰ পৰিচালন সঞ্চালক আৰু মুখ্য কাৰ্যবাহী বিষয়া (CEO) শ্ৰী অজয় কুমাৰ শ্ৰীবাস্তৱে কয়, “এই সংকটৰ সময়ত বেংকে অসমৰ ৰাইজৰ সৈতে একাত্মতা প্ৰকাশ কৰিছে।
মুখ্যমন্ত্ৰীৰ সাহায্য পুঁজিলৈ আমাৰ এই বৰঙণিৰ উদ্দেশ্য হৈছে বানপীড়িত জিলাসমূহৰ বাবে ৰাজ্য চৰকাৰে চলাই থকা সাহায্য আৰু পুনৰ্সংস্থাপন কাৰ্যসূচীক অধিক শক্তিশালী কৰা। ইয়াৰ উপৰি আমি প্ৰভাৱিত জিলাসমূহৰ আমাৰ গ্ৰাহকসকলক সহায় কৰিবলৈ সদায় প্ৰস্তুত।” এই বৰঙণিয়ে সংকটৰ সময়ত সমাজৰ কাষত থিয় দিয়াৰ বাবে ইণ্ডিয়ান অভাৰচিজ বেংকৰ নিৰন্তৰ প্ৰতিশ্ৰুতিক প্ৰতিফলিত কৰে।
