আইটিচি লিমিটেডৰ ছানৰাইজ স্পাইচেছে অসমৰ পৰম্পৰা, খাদ্য আৰু উৎসৱমুখৰ মনোভাৱক উদযাপন কৰা বিশেষ মিউজিক ভিডিঅ’ৰ জৰিয়তে অসমীয়াৰ গভীৰ সাংস্কৃতিক সংযোগক শক্তিশালী কৰি ৰঙালী বিহু বিশেষ গীত মুকলি কৰিছে। নিভাঁজ অসমীয়া ব্যঞ্জন যেনে হাঁহ-কোমোৰা মচলা আৰু তিল চিকেন মচলা প্ৰস্তুতৰ বাবে পৰিচিত ব্ৰেণ্ডটোৱে কয় যে অৰ্থপূৰ্ণ কাহিনীৰ জৰিয়তে অসমৰ ৰন্ধন পৰম্পৰা আৰু সাংস্কৃতিক পৰিচয়ক সন্মান জনাই আহিছে। বাঁহীৰ সহযোগত প্ৰস্তুত কৰা এই ফিউজন বিহু ট্ৰেকে পৰম্পৰাগত ছন্দৰ সৈতে সমসাময়িক উপাদানৰ সংমিশ্ৰণ ঘটাইছে, গৰু বিহুৰ ভিজুৱেল, কণী যুঁজৰ পৰম্পৰা আৰু শিপিনীয়ে গামোচা বোৱা প্ৰদৰ্শনৰ জৰিয়তে ব’হাগ বিহুৰ আচল সাৰমৰ্মক ধৰি ৰাখিছে। জনপ্ৰিয় শিল্পী কুসুম কৈলাশে সংগীতেৰে সজাই তোলা গীতটোত কণ্ঠ নিগৰাইছে নীল আকাশ আৰু কৈলাশে। অভিনয় কৰিছে জনপ্ৰিয় অভিনেতা কমল লোচন, বেদব্ৰত বৰা আৰু গায়ত্ৰী বৈশ্যকে ধৰি কেইবাগৰাকী অভিনেতা-অভিনেত্ৰীয়ে।
গীতটো মুকলি অনুষ্ঠানত বক্তব্য ৰাখি ছানৰাইজ স্পাইচেছৰ ব্যৱসায়িক মুৰব্বী পীয়ুষ মিশ্ৰই কয় যে, এই গীতটো মুকলি কৰাৰ উদ্দেশ্য হৈছে সমিলমিলেৰে খাদ্য গ্ৰহণ, সংগীত পৰিৱেশন আৰু উদযাপনৰ মাজেদি দৈনন্দিন বিহু কিদৰে অনুভৱ কৰা হয় সেয়া প্ৰতিফলিত কৰা। মিউজিক ভিডিঅ’টো ইউটিউবত মুকলি কৰা হৈছে, আনহাতে ট্ৰেকটো স্পটিফাই, এপল মিউজিক, আমাজন মিউজিক আৰু জিঅ’ছাৱনকে ধৰি বিভিন্ন প্লেটফৰ্মতো উপলব্ধ। ব্ৰেণ্ডটোৱে এক নিমজ্জিত বিহু মাইক্ৰ’চাইটো মুকলি কৰিছে, যাৰ জৰিয়তে ব্যৱহাৰকাৰীসকলে ব্যক্তিগত উৎসৱৰ অৱতাৰ সৃষ্টি কৰিব পাৰে।
আঞ্চলিক মিশ্ৰণ আৰু সাংস্কৃতিকভাৱে নিহিত সামগ্ৰীৰ বৰ্ধিত চাহিদাৰ মাজত চানৰাইজ স্পাইচেছে নিজৰ উপস্থিতি শক্তিশালী কৰিছে, প্ৰতিষ্ঠানটোৱে খুচুৰা আৰু ডিজিটেল দুয়োটা মাধ্যমৰ জৰিয়তে অভিগম্যতা আৰু গ্ৰাহকৰ সম্পৰ্কক চালিত কৰিছে।
