অসমত আগন্তুক বিধানসভা নিৰ্বাচনৰ প্ৰস্তুতিৰ পৰ্যালোচনা কৰিবলৈ ভাৰতৰ নিৰ্বাচন আয়োগৰ এটা দল অহা ১৬ ফেব্ৰুৱাৰীত তিনিদিনীয়া ভ্ৰমণসূচীৰে অসমলৈ আহিব। ১৬ ফেব্ৰুৱাৰীৰ পৰা ১৮ ফেব্ৰুৱাৰীলৈকে নিৰ্বাচন আয়োগৰ দলটোৱে বিভিন্ন পক্ষৰ সৈতে এলানি বৈঠকত মিলিত হ’ব। প্ৰাপ্ত তথ্যমতে, আয়োগৰ দলটোৱে প্ৰতিটো ৰাজনৈতিক দলৰ প্ৰতিনিধিৰ সৈতে মিলিত হোৱাৰ লগতে সকলো জিলাৰ ডি চি, এছ এছ পিৰ সৈতেও আলোচনাত বহিব। ১৮ ফেব্ৰুৱাৰীৰ বিয়লি ৩ বজাত গুৱাহাটীৰ হোটেল ৰেডিছন ব্লুত নিৰ্বাচন আয়োগে এখন সংবাদমেল সম্বোধন কৰিব বুলি চৰকাৰী সূত্ৰই সদৰী কৰিছে।
