মুখ্যমন্ত্ৰী হিমন্ত বিশ্ব শৰ্মাই সোমবাৰে কয় যে অসমৰ মাজেৰে অবৈধভাৱে ভাৰতত প্ৰৱেশ কৰিবলৈ চেষ্টা কৰা ১৩জন বিদেশী নাগৰিকক ধৰি নিজৰ দেশলৈ ঘূৰাই পঠিওৱা হৈছে। মুখ্যমন্ত্ৰীয়ে এক্সৰ এটা পোষ্টত তেওঁ কয় যে আমি অসমৰ অস্তিত্বক সুৰক্ষা প্রদান কৰি অনুপ্রৱেশকাৰীৰ অসমত সোমোৱাৰ অধিকাৰ সম্পূর্ণৰূপে খর্ব কৰিবলৈ দৃঢ় সংকল্পবদ্ধ। এই সংকল্পক আমি কার্যৰ ৰূপ দিয়াৰ ধাৰাবাহিকতাৰে ১৩জনকৈ অনুপ্রৱেশকাৰীক শ্রীভূমিৰ সমীপৰ আন্ত:ৰাষ্ট্রীয় সীমান্তইদি সিপাৰলৈ ওভতাই পঠিৱাওঁ।
আমাৰ প্রতিটো কামতে আমাৰ স্পষ্ট বার্তা— অনুপ্রৱেশকাৰী হুচিয়াৰ! শ্ৰীভূমি, কাছাৰ, ধুবুৰী, আৰু দক্ষিণ ছালমাৰা-মানকাচৰ জিলাৰ বাংলাদেশৰ সৈতে ২৬৭.৫ কিলোমিটাৰ দৈৰ্ঘ্যৰ আন্তঃৰাষ্ট্ৰীয় সীমান্ত আছে। শ্ৰীভূমিৰ সুতাৰকান্দিত ইন্টিগ্ৰেটেড চেক পোষ্ট (আই চি পি)। উত্তৰ-পূবৰ ভাৰত-বাংলাদেশ সীমান্তত মুঠ তিনিটা সংহত চেক পোষ্ট (আই চি পি) আছে, বাকী দুটা মেঘালয়ৰ ডাউকী আৰু ত্ৰিপুৰাৰ আখৌৰাত অৱস্থিত।
এই অঞ্চলৰ আন এটা আইচিপি অসমৰ দৰঙাত ভাৰত-ভূটান সীমান্তৰ সমীপত অৱস্থিত। উল্লেখ্য যে, যোৱা বছৰ চুবুৰীয়া ৰাষ্ট্ৰ বাংলাদেশত ৰাজনৈতিক অস্থিৰতাৰ পৰিপ্ৰেক্ষিতত আইন অনুসৰি বাংলাদেশৰ পৰা অনা-ভাৰতীয় লোকে দেশত প্ৰৱেশৰ কোনো প্ৰচেষ্টা ৰোধ কৰিবলৈ ৰাজ্যৰ আৰক্ষী আৰু সীমান্ত সুৰক্ষা বাহিনী (বি এছ এফ)ই যৎপৰোনাস্তি চেষ্টা চলাব বুলি উল্লেখ কৰিছিল।
