২০২৫ চনত বিশ্বৰ ৮১খন দেশৰ পৰা ২৪,৬০০ৰো অধিক ভাৰতীয়ক বিতাড়িত কৰা হৈছিল। ইয়াৰ ভিতৰত চৌদি আৰৱে সৰ্বাধিক ভাৰতীয়ক বিতাড়িত কৰিছিল, যাৰ সংখ্যা ১১,০০০ৰো অধিক। আমেৰিকাই মাত্ৰ ৩৮০০ ভাৰতীয়ক বিতাড়িত কৰিছিল, তথাপিও বিগত পাঁচ বছৰৰ ভিতৰত এই সংখ্যা আছিল সৰ্বাধিক। বৈদেশিক পৰিক্ৰমা মন্ত্ৰালয়ে সংসদত দাখিল কৰা তথ্যই স্পষ্টভাৱে দেখুৱাইছে যে বিতাড়নৰ ক্ষেত্ৰত চৌদি আৰবে আগবাঢ়ি আছে আৰু এই ক্ষেত্ৰত আমেৰিকা দ্বিতীয় স্থানত আছে।
চৌদি আৰৱ আৰু আমেৰিকাত চলিত বৰ্ষত বিতাড়নৰ সংখ্যা বৃদ্ধি পোৱাটোৱে ভাৰতীয়সকলৰ বাবে বহু প্ৰশ্নৰ উত্থাপন কৰিছে। ছৌদি আৰৱৰ পৰা বেছিভাগ বিতাড়নৰ কাৰণ উল্লেখ কৰা হৈছিল ভিছাৰ অতিৰিক্ত সময়, বৈধ অনুমতি পত্ৰ অবিহনে কাম কৰা, আৰু শ্ৰম উলংঘা। বহু ভাৰতীয় শ্ৰমিকে এজেণ্টৰ জৰিয়তে চৌদি আৰবলৈ যায় আৰু কম দক্ষ শ্ৰমিক হোৱাৰ বাবে স্থানীয় নিয়মৰ বিষয়ে অজ্ঞাত, যাৰ ফলত আইন ভংগ হয়। তেলেংগানা চৰকাৰৰ প্ৰবাসী ভাৰতীয় উপদেষ্টা সমিতিৰ উপাধ্যক্ষ ভীমা ৰেড্ডীয়ে কয় যে উপসাগৰীয় দেশসমূহৰ সৈতে এইটো এটা আৰ্হি, য’ত বৃহৎ সংখ্যক ভাৰতীয়ই কামলৈ যায়। প্ৰায়ে অধিক উপাৰ্জনৰ ইচ্ছাত মানুহ ক্ষুদ্ৰ ক্ষুদ্ৰ অপৰাধত লিপ্ত হয়।
ছৌদি আৰৱৰ পৰা ১১ হাজাৰৰো অধিক ভাৰতীয়ক বিতাড়িত কৰাৰ বিপৰীতে উপসাগৰীয় অন্যান্য দেশসমূহতো এই সংখ্যা উল্লেখযোগ্য। ম্যানমাৰে ১,৫৯১, ইউ এ ই ১,৪৬৯, মালয়েছিয়া ১,৪৮৫, বাহৰেইন ৭৬৪, আৰু থাইলেণ্ডে ৪৮১ জনক বিতাড়ন কৰে। বিতাড়ন কেৱল শ্ৰমিকৰ মাজতে সীমাবদ্ধ নাছিল। তথ্যত প্ৰকাশ পাইছে যে সৰ্বাধিক ভাৰতীয় ছাত্ৰ-ছাত্ৰীক ইউ কেৰ পৰা বিতাড়িত কৰা হৈছে, যাৰ সংখ্যা ১৭০ জন। তাৰ পিছতে আছে অষ্ট্ৰেলিয়া (১১৪ জন), ৰাছিয়া (৮২জন), আৰু আমেৰিকা (৪৫ জন)।
