গুৱাহাটী মহানগৰীৰ সুৰক্ষা ব্যৱস্থা অধিক কটকটীয়া আৰু প্ৰযুক্তি নিৰ্ভৰ হৈ পৰিব। কেন্দ্ৰীয় গৃহমন্ত্ৰী অমিত শ্বাহে ২৯ ডিচেম্বৰত নতুন আৰক্ষী আয়ুক্তালয় আৰু অত্যাধুনিক ইণ্টিগ্ৰেটেড কমাণ্ড এণ্ড কণ্ট্ৰ’ল চেণ্টাৰ উদ্বোধন কৰিব। মুখ্যমন্ত্ৰী ড° হিমন্ত বিশ্ব শৰ্মাই এই লোৰ বৰ্ণনা কৰি কৈছে যে, নতুন কমাণ্ড চেণ্টাৰৰ জৰিয়তে গুৱাহাটীৰ ২,০০০ চিচিটিভি কেমেৰাৰ মাধ্যমে ২৪ ঘণ্টা নিৰীক্ষণ কৰা হ’ব, যাৰ ফলত অপৰাধ নিয়ন্ত্ৰণ, যান-জঁট ব্যৱস্থাপনা আৰু জরুৰী পৰিস্থিতিত আৰক্ষীৰ সঁহাৰিৰ গতি বৃদ্ধি পাব।
নতুন আয়ুক্তালয়টো মহানগৰীখনৰ বৰ্ধিত জনসংখ্যাৰ প্ৰতি লক্ষ্য কৰি তৎপৰভাবে অপরাধৰ মোকাবিলা কৰিবৰ বাবে নিৰ্মাণ কৰা হৈছে। এই দিনটিত, অমিত শ্বাহে উত্তৰ-পূবৰ সৰ্ববৃহৎ প্ৰেক্ষাগৃহ ‘জ্যোতি বিষ্ণু প্ৰেক্ষাগৃহ’ৰো উদ্বোধন কৰিব, যি ৫,০০০ দৰ্শক বহন কৰিব সক্ষম আৰু সাংস্কৃতিক মহীৰূহ জ্যোতিপ্ৰসাদ আগৰৱালা আৰু বিষ্ণুপ্ৰসাদ ৰাভাৰ স্মৃতিৰূপে নামাকৰণ কৰা হৈছে। মুখ্যমন্ত্ৰী কৈছে যে, প্ৰযুক্তি আৰু সাংস্কৃতিক দিশৰ এই সংমিশ্ৰণে ২৯ ডিচেম্বৰৰ দিনটো গুৱাহাটীৰ বাবে গুৰুত্বপূৰ্ণ হ’ব। কেন্দ্ৰ চৰকাৰে আধুনিক পুলিচিং আৰু আন্তঃগাঁথনি নিৰ্মাণৰ ওপৰত গুৰুত্ব আৰোপ কৰিছে, আৰু এই প্ৰকল্পসমূহৰ জৰিয়তে সাধাৰণ জনতাক অধিক সুৰক্ষিত অনুভৱ কৰাবলৈ আশা প্ৰকাশ কৰিছে।
