“২০২৬ নিৰ্বাচনত অসমত বিজেপি চৰকাৰ গঠন নহয়, তেন্তে ৰাজ্যত ভয়াবহ ক্ষতি হ’ব”

২০২৬ ত তৃতীয়বাৰৰ বাবে অসমত NDAৰ চৰকাৰ হ’ব । জুবিন গাৰ্গক লৈ ৰাজনীতি নকৰিবলৈ আহ্বান দিলীপ শইকীয়াৰ ।”যদি আহি থকা ২০২৬ নিৰ্বাচনত অসমত বিজেপি চৰকাৰ গঠন নহয়, তেন্তে ৰাজ্যত ভয়াবহ ক্ষতি হ’ব । বিজেপিৰ পৰিকল্পিত দিশেই ৰাজ্যক আগবঢ়াই লৈ গৈছে ।”-দিলীপ শইকীয়া ।ইয়াৰ পিছতে সাংবাদমাধ্যমৰ আগত ভাৰতীয় জনতা পাৰ্টিৰ ৰাজ্যিক সভাপতি দিলীপ শইকীয়াই কয়, “বিধানসভাৰ নিৰ্বাচন যিহেতু সমাগত । ২০২৬ চনৰ বিহুৰ আগত, এপ্ৰিল মাহতে নিৰ্বাচন হোৱাৰ সম্ভাৱনা আছে । ধেমাজি জিলাৰ তিনিওটা সমষ্টিৰ ৬৪৯ টা বুথৰ, বুথ সভাপতিসকল আৰু বিভিন্ন স্তৰৰ কাৰ্যকৰ্তাসকলৰ লগত আমি আগন্তুক নিৰ্বাচনৰ প্ৰস্তুতি, কেনেদৰে আমি সাংগঠনিকভাৱে আগবাঢ়িম ইত্যাদি বিষয়ত আমাৰ বিস্তাৰিতভাৱে আলোচনা হৈছে ।”