এইচএমডি-এ সংগীত-কেন্দ্ৰিত ফিচাৰ ফোন উন্মোচন কৰে আৰু ৰাজস্থান ৰয়েলছৰ সৈতে অংশীদাৰীত্ব সম্প্ৰসাৰিত কৰে

হিউমেন মোবাইল ডিভাইচ(এইচএমডি)-এ বৰ্ধিত অডিঅ’ ক্ষমতা আৰু সমৰ্পিত মিউজিক কণ্ট্ৰ’ল(সংগীত নিয়ন্ত্ৰণ)ৰ সুবিধা সন্নিৱিষ্ট কৰি সংগীত অনুৰাগীসকলৰ বাবে দুটা নতুন ফিচাৰ ফোন-এইচএমডি ১৩০ মিউজিক আৰু এইচএমডি ১৫০ মিউজিক মুকলি কৰিছে। ভাৰতীয় বজাৰৰ প্ৰতি নিজৰ দায়বদ্ধতা শক্তিশালী কৰি এইচএমডি-এ আইপিএল ২০২৫ৰ বাবে অফিচিয়েল স্মাৰ্টফোন অংশীদাৰ হিচাপে ৰাজস্থান ৰয়েলছৰ সৈতেও অংশীদাৰিত্ব নবীকৰণ কৰিছে। ফিচাৰ ফোনবোৰত শক্তিশালী ২৫০০ এমএএইছ বেটাৰী, ব্লুটুথ ৫.০, টাইপ-চি ফাষ্ট চাৰ্জিং আৰু ইউপিআই পেমেণ্ট ক্ষমতা আছে। একাধিক ট্ৰেণ্ডি ৰঙত উপলব্ধ, এই নতুন ফোনত এটা ডাঙৰ ৰিয়াৰ স্পীকাৰ, তাঁৰবিহীন আৰু তাঁৰযুক্ত এফ এম ৰেডিঅ’ আৰু ৩২ জিবি পৰ্যন্ত এছডি কাৰ্ড সমৰ্থন আদি সুবিধাসমূহ আছে। এইচএমডিয়ে দুয়োটা মডেলত এবছৰৰ ৰিপ্লেছমেণ্ট গেৰাণ্টি(প্ৰতিস্থাপন প্ৰত্যাভূতি) প্ৰদান কৰিছে।

এইচএমডি ইণ্ডিয়া আৰু এপিএচিৰ ভিপি আৰু মুখ্য কাৰ্যবাহী বিষয়া ৰবি কুনৱৰে বহনক্ষমতা আৰু উদ্ভাৱনৰ ওপৰত প্ৰতিষ্ঠানটোৰ গুৰুত্বৰ ওপৰত আলোকপাত কৰে। “এইচএমডি ১৩০ আৰু এইচএমডি ১৫০ মিউজিক মুকলিৰে আমি দীৰ্ঘম্যাদী ডিভাইচৰ উদ্ভাৱন অব্যাহত ৰাখিছোঁ, যিয়ে মোবাইল ব্যৱহাৰৰ অভিজ্ঞতাক অনন্য মাত্ৰা প্ৰদান কৰে। আমি আমাৰ আগন্তুক প্ৰাৰম্ভিক পৰ্যায়ৰ ৫জি স্মাৰ্টফোনক লৈ অত্যন্ত উৎসাহিত,” ৰবি কুনৱৰে এইদৰে কয়। এই সুলভ মূল্যৰ, সংগীত অনুকূল ফিচাৰ ফোনসমূহৰ প্ৰবল চাহিদা গুৱাহাটীত দেখা যাব বুলি আশা কৰা হৈছে।

এইচএমডিৰ বৰ্ধিত বেটাৰী লাইফ আৰু ইউপিআই পেমেণ্ট সমৰ্থনে এই ফোনসমূহক ব্যৱহাৰিক অথচ উদ্ভাৱনীমূলক মোবাইল সমাধান বিচৰা ব্যৱহাৰকাৰীসকলৰ সকলো অভাৱ পূৰণ কৰিব। ১,৮৯৯ আৰু ২,৩৯৯ টকা মূল্যৰ এই নতুন মডেলসমূহ দেশৰ আগশাৰীৰ খুচুৰা বিপণী, ই-কমাৰ্চ প্লেটফৰ্ম, আৰু এইচএমডিৰ অফিচিয়েল ৱেবছাইটত উপলব্ধ হ’ব।

By Business Bureau

Leave a Reply

Your email address will not be published. Required fields are marked *